منتديات قصايد ليل - عرض مشاركة واحدة

10-11-2010

قوم الريم ..خوات قوم ذياب وحميد..ميرة كبر (نورة)..والريم كبر (موزه وسلامي ومى)...اليازية أصغر عن قوم سلامي بسنة (ثانوية عامة)..حميد بجر أمة وأبوه وهو كبر حمدان..وذياب كبر (حمد)..أما الولد إلى ملعوز بذياب فهو مبارك آخر العنقود وهذا الولد الشر بعينة..راعي مواقف وحركات لو أنة صغير وهوأكبر عن(قوم شمة وسارة) بسنتين يعني عمرة 6 وساير لسبع سنين.. وهم يقربون حق قوم موزه ..أم سالم يدتهم ويدت قوم ذياب خوات..وهم بعد يران قوم عمهم منصور إلى في بوظبي ويرانهم في بيتهم إلى في الريف (إلى في بريطانيا..(
وسارت موزه ونورة وسلامي ومى عندهم..لأن كان المحل مش بعيد وايد عنهم..أول ما شافتهم كل وحدة سارت تسلم على الثانية ومستانسات على هاي الصدفة ..والريم يوم شافت سلامي ومى وموزه صاحت ..وحضنتهن ..
الريم ...فرحانة :ياااااااااااااي ..والله أحلى صدفة شفتها في حياتي ..أشتقتلكن ..
مى:ونحن بعد ..إشتقنالكم ...
أم حميد:وشحالكم وشحال أهلكم وأم سالم ؟؟؟
نورة:بخير يعلج الخير..
أم حميد:والله تولهت عليهن ..من سارن عني ضجت ماحد عندي يسولف ..
ميرة :ونحن أمايا؟؟
أم حميد:تسولف وياي يعلني فداكن بس عاد تولهت على سوالف الحريم وأم سالم ....إلا منو يايبنكن؟؟
نورة:حمدان ولد عمي ..
ام حميد:وينة بسلم علية ؟؟؟
موزه:خالتية هناك ..وتأشر عليهم..وسارت أمهم عند قوم حمدان عشان تسلم علية..والبنات مستانسات على هاي الصدفة ويلسن يسولفن ..
الساعة 11:05........
حمدان :ورفجة أنكم ما سيرون إلا تتغدون عندنا ..
أبو حميد:وين ولدي نتغدا عندكم باجر إن شاء الله رادين البلاد ..
حمدان :والله عيل اليوم ماتردون إلا والغدا عندنا .
أبو حميد:مانريد نغثكم ..
حمدان :يالله بستر لا مغثة ولا شىء ..حرام أن قوم عمي وأمايا شيخة بفرحون يوم بشوفونكم ..
حميد:حمدان أنت كل ما تشوفنا إلا الغدا عندكم ولا تفججنا ؟
حمدان:شو أسوي نحبكم ..
أبو حميد:حبتك العافية يا ولدي.....وشحال بو سالم؟؟؟
حمدان:والله أبوية مبتلي ويا بوشة ...وعزبتة ..
أبو حميد :حلالة ...وظاري على العزبة والرجاب..اللله يعطيه العافية ..
حمدان:آمين ....
حميد..يظحك على ذياب ومبارك:ذياب شو فيك وياه؟؟؟
ذياب..ماسك مبارك عشان يالس يظاربه يبا ينزل وما مخلنة ذياب ينزل :أونة متحلف يبا يظرب الأنقليزية ..
حمدان:ههههههههههههههههههه..ليش؟؟؟
ذياب: أونة ليش تقولية بيبي أونة هو ريال وما يداني حد يزقرة بيبي أونة بس للبنات بيبي هو ريال والحين ملعوزني ما يبا يقر إلا يظربها..
حمدان :هاتة عندي ..صدقة ليش تزقرة بيبي..مسودة ويه ما تستحي ..
أبو حميد:هذا الصبي ما حد مبطرنة غير ذياب ومكبرلة راسة ..
ذياب.:هههههههههههه....أباه ريال ..
حمدان ..يكلم مبارك:أنت شو أسمة ؟؟؟؟
مبارك..وصوتة أونة مثل الرياييل :أنا أسمي مبارك بن خليفة بن ........بن.......ال.......ي.
حمدان:والنعم ...إنت في أي صف؟؟
مبارك:أنا السنة الياية إن شاء الله في الصف الثاني ..
حمدان:إنشاءالله ...إنزين يا مبارك ..ليش تبا تظارب الإنقليزية ؟؟
مبارك ...يلف ويه يبا يدورها ومعقد حياتة :ليش تقولي أنا بيبي؟؟؟؟أنا ريال ذيب مب بيبي..
حمدان:ههههههههههههههههههه..والله علية سوالف ....إنزين شدراها خلها تولي.
مبارك:لا أريد أدبها ..عشان ما تقولي أنا بيبي ..
أبو حميد:بروك بسك من هالسوالف وحشم العرب ..
مبارك:ابوية أنا مبارك مب بروك..
أبو حميد:والله ماحد مخرب هالصبي غير الذيب..
ذياب:هههههههههههههههه..خلة يكون ريال من هو صغير ...صح مبارك..
مبارك:هيه نعم ...
حميد:الله يعينه مادام بيتربيه....أنت .........
حمدان :عيل يالله توكلنا نسير..
ويت عندهم أم حميد.......وسلم عليها حمدان وقالولها عن الغدا وأنهم بقيلون عند قوم حمدان ..
أم حميد:يا ولدي ما نريد نغثكم ..
حمدان :أي مغثة يا خالتية..نحن أهل ...وبعدين عندنا بيت حق الضيوف وبتقيلون عندنا ..والله بيستانسون الأهل..ويلس مصر على الغدا..لين ما طاعو وأخيرا وافقو على الغدا وبسيرون وياهم وعاد هم ما خبرو قوم أم سالم عشان بسون مفاجأه..وسارت أم حميد تخبر البنات عشان الحين بسيرون .....وحمدان وذياب ...يمشون مع بعض لين السيايير..
ذياب يقود مبارك ..مبارك يمط إيدة ويقولة ..
مبارك:ذياب .......ذياب..
ذياب ..بصوت خشن :نعم..
مبارك:أريد ألعب ويا هالبنتين ..هناك .....ويأشر صوب النافورة ...
حمدان:ههههههههههه..عنبوه ما سلم منك ؟؟؟؟؟....حتى المغازل علمتة ؟؟؟
ذياب:حليلة ياهل يبا يلعب.. (ويلف صوب النافورة ..وظحك) ...حمدان ألحق عيون مبارك على أختك وبنت عمك .......
حمدان :لا أبوي أستريح .....خل بناتنا بعيد عن الوحش ..
مبارك:أنا مب وحش أنا ذيب..
حمدان:لا أبوي بناتنا رقيقات ما يرومن على دفاشت ولدكم ...دور غيرهن ..
مبارك ...معقد حياتة ويطالع حمدان :أنا بلعب وياهن ما بظربهن ....والله ما بقول شىء
حمدان :لا......سار مبارك وعض حمدان في ريلة ...
حمدان :خييييييييييييبه ..شو هالولد ؟؟؟؟؟؟؟؟
ذياب:ههههههههههههههههه....ب موت من الظحك عليك .....أقولك ذيب ولدنا وإلى يباه بياخذة ..تبا ولا ما تبا ..فهمت؟؟؟؟؟
حمدان:لا وبعد يبا يلعب ويا بناتنا ..حشة بوي بعد ذيبك عن حلالنا ما ريد مشاكل ...
مبارك ....: ذياب ..أنا بس بلعب وياهن ...
حمدان:ألعب ..حد يروم يقول لا......سير ألعب وياهن .......
وعاد مبارك يوم سمع كلام حمدان الإبتسامة شاقة الوية ....ويا بسير....
ذياب:مبارك وين تبا ؟؟؟؟؟؟؟؟يالله تعال منسير البيت ...
مبارك:لااااااااااااا..مالعبت ..
حمدان:خله أنا بييبة ....
ذياب:عيل برايك ...يالله مع السلامة..وسار مبارك ويا قوم حمدان وكان قوم حمدان جدام قوم حميد ....ويلس يسولف ويا مبارك.. وهذا الصبي مشاءالله علية راعي سوالف وحتى لو أنه صغير بس كلامة أكبر عن عمرة بواااااايد..وطول الوقت وحمدان يسولف وياه ويظحكون على سوالفة وحركاتة..وصدق حليلة وايد متأثر بكلام ذياب ومخلي عمرة أونة ريال وأي شىء يقولة لازم كلمة ريال تكون في الجملة ...ووصلو البيت ..وقرب برياييل في الصالة الرئيسية ..ودخلن الحرمات في الصالة الداخلية ..وعاد كل الأأهل مستانسين بهاي المفاجأه ..وأم سالم أولهم ..
أم سالم:يالله يا ولدي جان من زمان يتو عندنا وقصرتو الدوب ويانا ..
بو حميد:والله يا خالتية ودنا إلا عاد ما لقينا وقت ...
أم سالم:خل عنك هاللواتة لو تبا بتي ...إلا أنت مثل مواز (مواز أختها..وأم بو حميد(
بو حميد:هههههههههه...الحين أمايا محتشرة تتريا متى منرد ما تعرف تيلس بلانا ..وكل يوم دق تيلفون ..وتهد وسكر ..على قولتها تفتج الضيجة ..
أم سالم:أجدت فيك ..حتى أنا ماريد أيلس إلا عاد إبتليت ولا الود ودي ما يلست ساعة وحدة عند هالكفرة ...
حمدان ..يكلم محمد:الله يعين ...إنشاءالله ما يقولون أنهم بردون باجر ولا والله بتلصق وياهم ..
محمد:هههههههههههه..العيوز مش من إلى ياخذها العيوز من إلى يتفتج منها..
أم سالم تشوف محمد بعين:وأنت شفيك فاج ثمك وتظحك ؟؟؟؟
سلطان:هههههههههههههههههههههه..
ذياب..يشوف مبارك متبادي صوبهم:خالتية ..شفتي الريال ؟؟؟
أم سالم:أي ريال ؟؟؟؟؟؟؟؟؟؟......................ويدخل مبارك ...وماسك البنطلون بإيده عن يطيح ..
ذياب:هذا خالتية .........مبارك سلم على خالتك.........مبارك سار وسلم عليها....
مبارك..مخشن صوتة:شحالج خالتية ؟؟؟؟؟؟؟؟..ربج بخير؟؟؟؟؟؟؟
أم سالم:بخير يعلك الخير ..شحالك أبوي؟؟؟؟
مبارك:الحمد لله ما شكي باس..
ام سالم:كرلله (ذكر الله)..ريال مشاء الله علية..تعال أبوي يلس..
وسار ويلس حذالها وكل شوي يعدل البنطلون ...وذياب يظحك علية..لأن مبارك ما يحب البدلات يحب بس الكنادير..وحتى يلبس وزار وسفرة ....بس حليلة بلوه بالبدلات ولا هو ما يدانيهن.....وسار وصاصر أم سالم ....وبعدين ..
أم سالم ..معصبة :خليفة (بو حميد) شعنة ملبسين الصبي هالبس؟؟؟؟
خليفة:خالتية مب أنا هذا ذياب..
أم سالم..:أنت ليش تلبسة ؟؟؟؟؟..يوم يقولك يبا الكندورة ....علمو عيالكم على لبسهم مب لبس هالكفرة ..
ذياب:خالتية ....كل الناس يلبسون جيه يوم إيون لندن ولا يسافرون ...وترانا حتى نحن نلبس جيه ..
أم سالم:خلة عنك هالرمسة الفارطة ..لو شفتك ملبس الصبي جيه يا ويلك ..
مبارك...يطالع أم سالم: خالتية أنا مب صبي أنا مبارك ...عاد الكل ظحك على كلامة وهو يكلمها........وبعدين....
ذياب:خالتية تبين حد يعدلج شعر؟؟؟؟؟
أم سالم:الغالي حمد وسعيد كانو يعدون علية القصيد إلا الحين ما حد يعد علية القصيد....
ذياب:خالتية في واحد يعرف يعد القصيد لو تسمعيله ما ودج يسكت ..
أم سالم:منو؟؟؟؟؟؟
ذياب:أفاااااااااااا يا خالتية حذالج يالس ما عرفتيه؟؟؟؟؟
أم سالم:منو حمدان ؟؟؟؟؟
مبارك:أنا أعرف أعد قصيد....
أم سالم:أنت؟!!!!!!...
ذياب:مبارك .....عد عليها قصيدة لزايد ..... .....
مبارك عدل يلستة
أبشـري يـا دار زايـد أبشـري.. طاب زايد شيخنا م العوق طـاب
و نوّري بالفرح أرضه و انثـري.. من ورود الحب و أزهار ٍ عِـذاب
و افرحي يا دار خلّي و انظـري.. خير زايد ع العرب ما يوم غـاب
و اشرقي يا شمس ربي و أسفري.. نوّري لي دار زايـد و الصحـاب
و اتحركي يا غيم صوبه و أمطري.. و انبتي له زهر من فوق التـراب
زايـد فيـه الزعامـة تفـخـري.. لاجل عينه غصت في لج العبـاب
كم شدى له الغض بو عود ٍ طري.. و كم كتبت من الشعر لاجله كتاب
يا عسى شـر ٍ لفاكـم مخطـري.. ينجلي و يزول لي كان المصـاب
كم غزاني الفـرح فيكـم معتـري.. يوم شفت الخبر خطيت الجـواب
زايد ٍ يفـداك حالـي و ابصـري.. لا و لا دونك ترى العيشة سـراب
ويوم كان يعد كان يحرك إيدة ويغير من صوتة كل شوي ..ومشاء الله كان عذاااااب وحركاتة تقول ريال كبير ما تقول ياهل عمرة 6سنين وساير في ال7 سنين .. وعاد ذياب يسوي لأم سالم يابس وهي مستانسة على مبارك ..وتظحك على ذياب..وبعدين يلس محمد يشل وكان صوتة عذااااااااااب ..وعاد رتبش ذياب وحمدان يرزفون ومبارك يابس يابس لأم سالم وسلطان وياهم..الحشر مع الناس عيد....وبو حميد ومنصور وياهم ....والجو ولا أروع عندهم..وبعدين وصل بوحمد وبو خالد وخالد (بو خالد وخالد ..يرانهم) ويلسو شوي وياهم وسوالف ..عن البلاد وعن الشغل والمزارع والعزب والعقارات ....وعن كل شىء ......هذا الجو عند الرياييل ..أما عند الحريم ...من شافن أم حميد ما صدقن إنها موجودة وياهن ..تولهن عليها وعلى سوالفها وعاد صدق كانت مفاجأه وعرف حمدان يسوي مفاجأه..وعاد الحريم دلة الجاي والقهوة وشرب وسوالف ولا تعبر سوالف الحريم ..وحش على خلق الله ....الله يعين ..صدق إلى قال حطب جهنم حريم ..المهم ...نسن عمارهن بسوالف وكل شوي إتي سالفة وتروح سالفة..وكل معتاد سوالف الحريم ويلستهن كل وحدة تعرف كيف ..المهم الحين منسير عند جو ثاااااني جو البنات ..أحلى عن جو الرياييل والحريم ..البنات في الصالة بروحهن ومسكرات الباب وعقن الشيل والعبي عشان ياخذن راحتهن ..أوووووه نسيت زقرن موضي وأمها وهند (يرانهم في المزرعة وهم من أهل دبي.....وأمهم كويتية) المهم وستانسن على موضي لأنها وااايد طيبة وحلوة ..(غرشوب..ما عليها كلام).. البنات ما خلن شىء ما يابنة من جبس وكافي وعصاير وبيبسي ومكسرات وآيس كريم ..هاي فوالتهن ...وعاد كل وحدة تخبر الثانية شو من المناطق والمحلات إلى سارتله .....وشو ستوالها من مواقف إما في بريطانيا أو في البلاد....
(بتكلم عن كل شخصية من البنات إلى من عايلة قوم حميد جيه نبذة صغيرة عن كل وحدة..
ميرة إلى كبر نورة وااااايد هادية وفي حالها..
الريم هاي مثل سلامي سبحان الله كوبي بست وهي بعد كبر قوم سلامي وموزه ومى ..
أما اليازية هاي عادة نكتة ووايد ظحك وراعية سوالف ومواقف وهي بعد أصغر عن قوم موزه..
وطبعا تعرفن موضي كبر قوم موزه...(
ميرة ..تلف شعرها لورى..:أنا مليت صدق أريد أرد البلاد..
الريم.. تخلي الثلج في البيبسي: ويا راسج..شو بسوين في البيت إلا جان هالتيلفون إلى ما سكرينة ويا ربيعاتج عنبوه ما تملينهن أنا والله أكلمهن في الشهر مرة وأتمنا يسكرن بسرعة مملات ما عندهن سوالف وإنتي 24 ساعة وياهن خبريني شو تقولن؟؟؟
سلامي إنسدحت ..وخلت راسها على ريول موزه: أووووووووووه ..الحمد لله يعني إلى عندج عندي حتى أنا هاي نواري ما عندها مونة إلا ربيعاتها والله حتى أنا أحسهن مملات ..
موزه...تخوز راس سلامي:لا والله ريلي ولا دريت؟؟؟
سلامي:والله بختج جان خليت راسي على ريولج حمدي ربج ...وبعدين ريلج مب أحسن عني.
موزه:ويييييي ..فديته ..
ميرة :إلا موزوه ما خبرتيني إنخطبتي ولا بعدج؟؟
عاد سلامي منو يروم يلم ثمها:جيه مادريتي؟؟؟
ميرة ..الملقوفة :لا شو؟؟؟؟؟؟
موزه:حوووووووووووووو...سلامي عن الجذب..الحين بتألف قصة ما ستوت ..
سلامي:عنج عاد..إن شاااااااااااااااء الله بأذن الله الواحد الأحد ...أنها بتاخذ ولد عمي حمد..
من قالت هالرمسة ..تغير ويه الريم..بشكل غريب..ماحد لاحظها بس مى هي إلى لا حظته..إستغربت من هالتغير ..ليش تغير ويها؟؟...شو سالفتها؟؟؟..
ميرة فرحانة :والله!!!!!!!!!
اليازية :يعلة بالمبارك....وسارت وباستها ..موزه غدت طماطة ..الله ينطب سلامي إلى تألف من عندها..
موزه: صدقني والله ما شىء إستوى ولا حد تكلم ولا شىء هاي بروها تهذب..
سلامي:جان أني أهذرب..إلى في الجدر بظهرة الملاس....منشوف يا حلوة..
نورة :ههههههههههههه ...رحتى يا موزه ..
مى ..كانت تشوف الريم إلى من طرن سالفة حمد وموزه تغيرت بشكل غريب وكانت ساكتة ولا تتكلم بس تسمع ...بعدين ..
الريم:مى ..وين غرفتج بسير الحمام ..
مى..حست أن السالفة فيها إن :غرفتية الثالثة على إيدج اليمين.. سارت الريم غرفتها ..ولحقتها مى..أما الباقيات يلسن يسولف ويغايضن موزه ..

الساعة 10:30...........
في الصالة ....يالس ويا سعيد ......وعاد سعيد من طبعة أنة ما يحب الجو الكئيب ..
سعيد..وعيونة على صحن البيض ..:حمد ..الله يهديك حد يسوي بيض ني؟؟؟؟؟!!!!!!ما تعرف ترم رم زين ؟؟؟
حمد ..يشرب النسكافيه :هههههههه ..حمد ربك بعد سويت بيض .
سعيد ..يالس يفج البيض :عنبوه ريال كم كبرك ما تعرف سوي بيض ؟؟؟؟
حمد..ياكل زيتون :ههههه ..شو رايك تعطيني مقفاك وزول وسوي بيض؟؟؟ ذليتنا..
سعيد:يا الفضحة ما تعرف سوي بيض؟؟؟
حمد:هههههههههههه ...سوري الشيخ سعيد ..السموحة ما حد علمني ..
سعيد....:عيزت من كثر ما علمك إلا أنت تنك...
حمد: فقت ويهك أنا تنك؟؟؟؟
سعيد..عند باب المطبخ:ما تذكر يوم أسوي البلاليط ..والمحلا ....ومجبوس؟؟؟
حمد ..كان يشرب وشرق :كح كح كح ..دخيلك لا تذكرني .....ويلس يظحك ..
سعيد:ضحك شعليك ....إلا ما يطول العنب حامض عنة يقول ...إنت بس لو سوي إلى أسويه حمد ربك ..
حمد:هههههههههه ...كلة كوم ومجبوسك كوم...حليلنا يوم روحنا الريحة قلنا هنه الدنيا ...اللله ينطبك ..زين يوم تلاحقنا عمارنا وكلنا من المطعم ..ولا بتلقانا في المستشفى ..
سعيد كان يشرب ماي ..وسار الثلاجة وظهر بيض وفره بالبيض :هههههههه ...(شرد برى البيت )...مسود ويه ...حمد ربك حد فكر فيكم وقال بسوي غدا لكم..إلا أنتو مب ويه حد يسوي غدا ..
حمد...قام ومسك كوبة ...ويروغة .....وظهرو برى ..وكل واحد يتحلف للثاني ..
حمد....:ما علية عنلاتك يا الهرم ولا تهبط البيت ..
سعيد :ههههههههههه..والله ما حيدة بيتك..
حمد:لا والله ..عيل بيتك ..
سعيد:بيت أبويا العود........
حمد:ولا طيحة ..يدي عطاني إياه ..أنا أكثر واحد ييلس فيه...إنتو ما سيرون لندن كثري..
سعيد:باباه يوم سوي بيوت ذيج الساعة ما منحدرة ..
حمد:أوكية بشوفك بس لو دخلته لحش كراعينك ...
ويلسو يتهادون وسعيد يغايضة وهو وياه ...
سعيد:هههههههههههههه..سير غسل شعرك ..وهفتنا بريحتك ..
حمد:سبااااااااااااااال ..والله لردها مسود ويه ..
سعيد:ههههههههههه ..عندك شامبو ولا أعطيك؟؟؟
حمد:ما علية ما خبرت عليك أمايا شيخة بسواياك إلى سويتها في لندن ويا البني وبخبرها أنك فريتني بالبيض ..
سعيد ..يروح عند الورد إلى في الحديقة ...:عادي خبرها..
حمد: يوم بشوف مى يالسة ويا أمايا شيخة بخبرها كل شىء.. (ويمسح على لحيتة) هاي هب على ريال جان ما خبرتها ..
سعيد:ورفجة الغالي ..
حمد: زووووووول لااااا....بتشوف وسكر الباب .....وبعدين دخل سعيد.. كل واحد سار يسبح ..ويجهز شنطته ..لأانهم بردون المزرعة عند أهلهم لين موعد العملية (ما حد يدري عن العملية وهم ما يريدون يخبرون حد)..حمد وسعيد عادي دوم يظاربون ويردون بعدين ...على قولت سعيد الحياه بدون غياض وظرابة مب حلوة ..أكشـــــــــــــن حلو في الحياه ......