منتديات قصايد ليل - عرض مشاركة واحدة

10-11-2010

الساعة ..8:01....فليل..
موزه طالع حمد..ويوم يسولف كيف يحرك إيدينة وكيف يظحك وسوالفة تجنن وكيف يمثل شو إستواله وكيف يحظك على عمرة وعلى سعيد..لأن أكثر واحد كان وياه سعيد وسعيد راعي مواقف وكانو دوم في مشاكل وموزه تظحك عليهم وعلى خبالهم..وكانت يوم تسمع حمد يوم يسولف تتأمل شكلة وحركاتة..محلاتة يوم يسولف ويظحك..ظحكته عذااب.. كانت فرحانة..طايرة في السما..بعدين سكت...
موزه.:ليش سكت؟؟
حمد..إبتسم: هههههههه..لا ماشىء..
موزه:إنزين ..
حمد:ههههههه..شكلج عيبتج السالفة من الصبح أسولف وياج..
موزه:ههههههههه.حلوة سوالفك.....لا تسكت كمل..
حمد يظحك: هههههه.. أوكية في الردة بكمل سوالفي..بس الحين وصلنا....
موزه:هذا المينا .
حمد:أهااااااااااا..براويج شىء..
موزه:شووووووووووو؟؟؟؟
حمد:صبري ....
موزه:يالله ..شو بتراويني........
حمد:ههههههههه..صبري حشة يا الفضول........يالله تعالى ..يأشر على اليخت..تشوفين هذا؟؟
موزه:أي واحد؟؟؟
حمد:اليخت.......
موزه:أي واحد منهن وايد ..
حمد:واحد منهن مالي..عاد إنتى دوري أي واحد؟؟...جانج شاطرة بتعرفينة..
موزه:هههههههههه..أكيد شاطرة بنت سالم....صبر ....وسارت تقربت منهن.. اللللللللللللللللللللله هذا يختك؟؟؟
حمد:هههههههههه..شاطرة..
موزه:بعد قصوري ماعرفة علم الإمارات علية..حتى أسمة حلو ..منو مختارنة؟؟
حمد:مي..
موزه:دبي فور إيفر.....كشخة..
حمد:هههههه.تبين تدخلينة؟؟؟؟
موزه:أكييييييييييييييييد....الصراحة ما تخيلت أن عندك يخت..
حمد:من زماااااااااااان عندي..
ودخلو يشوفونة..والصراحة وايد عيبها موزه كان روعة ووايد حلو ...
حمد:كل شىء مينيمم..هاي الصاله وهذا المطبخ..وهذا الممر وهاي غرفتين...
موزه: ياااااااااااااااااي الصراحة كشخة........تظرهون فيه؟؟
حمد: هييييييييه..دوم.....
موزه: ويا منو؟؟؟؟؟؟؟؟
حمد: كلنا ويا الشباب يوم إني المزرعة نظهر باليخت نتحوط....
موزه: يحظكم....
حمد..يشوف الساعة: يالله نرد البيت ...الساعة 8....
موزه: ماريييييييييد..أريد أتحوط باليخت.....
حمد: ههههههه...مره ثانية.......
موزه: صدق والله بتشلنا فيه؟؟؟؟؟؟؟؟؟
حمد: هيه ليش لا..وبعد منشل ويانا امايا شيخة جان بطيع.....يالله نسير.....
موزه....:أوكيه..
وظهرو من اليخت...وكان كافتيريا جريب من المينا..
حمد:تعالي نسير نشتري شىء...عطشت..
موزه:أوكية..
وسارو الكفتيريا وكان الطاولات والكراسي برى مش داخل ..فيلسو برى ..وكان عدال الكفتيريا محل ورد..
حمد:يلسي الحين بيي..
موزه:وين بتروح؟؟؟؟
حمد:الحين ياي دقيقة...
وسار وأشترى لها باقة ورد فيها ورد لونة (أبيض -ووردي –وردي وأطرافها بيضة) هاي الألوان موجودة في شتاء أكثر شىء وأحلى شىء....وعطاها موزوه.
موزه:ياااااااااااي ..حلوة .مشكووووووووووور..
حمد:ههههههه ..العفو....شو تشربين؟؟؟؟؟
موزه:الصراحة أريد شىء حار الجو بارد..
حمد:هههههههه هذا إلا برد العيايز.....
موزه:بتخبرك أنت ما بردت ..لابس تي شيرت؟؟؟
حمد:أنا ؟؟؟؟؟؟....متعود ..أوكية شىء ثاني؟؟؟
موزه:لا مشكور..
وقال حق القارسو إلى يبونة..
الساعة 8:12 فليل..
برى عدال المطبخ..
سلامي:كح كح كح كح.....خيسنا الدخان..
مي:هههههههه..سلامي يلسي وين تبين سايرة عند الدخان تعالي بعدة كم من دقيقة وبخلص..
موضي:سلامي تعالي....
سلامي:....حشة مب دياي بعد لو لحم قعود بينضى من الصبح..
مى:هههههههه..بس من الصبح يالسة تتطنزين ...تراه ما بخلص..
سلامي:الناس تعشو وخلصو ونحن بعدنا..
موضي:هههههههههه ..عادي..
مى:ههههه..عاد أونا ما نريد ناكل إلا من إلى مسوينة..صدق بطرانات ..
سلامي:بسير أييب ماي حد يبا ماي؟؟
موضي:والله ماسيرين أنا بسير أييب ماي..
مى:يالله بستر أنتى وين تبين؟؟
موضي:حراام والله من الصبح يالسة ما سوي شى ء..أنا بييب ماي..ولا كلمة..
سلامي:بس هاي آخر مرة إتيبين شىء..
موضي:هههههه..مب كيفكن...
وسارت المطبخ...
ذياب:ماء شاء الله الصراحة المزرعة ما عليها كلام ...كلمة حلوة شوية عليها...مرتبة بشكل وااااااااايد حلو..
حميد:منو مرتبنها ..مهندس؟؟؟؟؟
حمدان:لا والله حمد كلة هو مسونة..
ذياب:الصراحة يعرف يرتب ...إلا وينه ..؟...حشة مب سيرة ..
حمدان :بيي ..
حميد...سار عند واحد من الخيول:حمدان ..كم عمره هذا؟؟
حمدان:هذا الله يسلمك عمرة 5 سنين ..
حميد: وإلى عداله؟؟
حمدان:بعد هذا عمرة 4 سنين .
ذياب:فزتو هاي السنة؟؟؟
محمد:لا هاي السنة ما شىء ..
حميد:أفااااااا ..شياكم؟؟
سلطان:هههههههههه...سر...
خالد:علينا هاي الأسرار؟؟؟
حمدان:ههههه..لا بس السالفة وما فيها خطة..
ذياب:عرفت..
خالد:كيف يعني؟؟؟
حمدان: وايدين راهنو على الخيل ..فخليناه يخسر ..يعني تقول لعبنا لعبة ...
خالد: وليش يعني؟؟؟؟؟؟؟
حمدان: بس جيه سباقات الخيول ...
محمد: أووووهووووو عاد الحين بتمون يسولفون عن الخيول ..سمعو تراني ميت من اليوع.. نسير ناكل بعدين كملو سالفت خيولكم....
حمدان: حشة ..شعندك..؟؟..يالله نسير لا ياكلنا ..
سلطان: حتى أنا بعد يوعان ....
حمدان: أنا بسير المطبخ بخى حد يخلى العشا ...ومنيبه....
خالد: حد يتعشى الساعة8؟؟؟
محمد: خلود...برايك ما دام ما تبى نحن ميتين يوع....
خالد: هههههههههه..محمد...أنا من عرفتك وأنت إلا يوعان....
سارو البيت ..كلهم ..وحمدان سار المطبخ عشان يقولهم يخلون العشا ...
الساعة 8:15..فليل..
في غرفة الطعام الرئيسية....خلصو من العشا ....وبعدين سارن الصاله ..
أم خالد:كثر الله خيركم..يعلها نعمة دايمة..
أم سالم:آآآمين....أم خالد ما دامج يارتنا ..تعاليلنا منتقهوي وياج..
أم خالد:فالج طيب ..بييكم ..بس عاد بعد أنتو تعالو مب إلا آني..
أم حمدان:إن شاء الله ..منزورج..
أم محمد:عيل باجر الريوق عندنا يا أم خالد..
أم خالد:لا والله باجر عندي ..
أم سالم: منيب بعد نحن ريوقنا ومنتريق رباعة عندج..والله يا أم خالد أنج دخلتي قلبي..
أم خالد:ههههههه..فديتج يا خالتي حتى أنتو...
أم نورة:أم خالد تعرفين نورة بنت محمد؟
أم خالد:هيه أعرفها ..نورة أخت ريلي..
أم نورة:الحين نورة تستوي أخت ريلج؟؟؟؟
أم سالم:مب بنتها عرست في الصيف ...؟؟
أم خالد :هيه بنتها...وولدها في الصيف هذا بعرس..
أم محمد:ماء شاء الله ..شكلها صغيرة ما تقول عندها عيال كبار.....
أم سالم:يحيها مب عيالنا ما طايعين يعرسون.....
نورة..الحين أمايا شيخة بدت بسالفة العرس..أبركلي أسير ما فينى على سالفة العرس.. إستسمحت من أم خالد وسارت عنهن..أونها تعبانة وبسير داخل..والحريم كملن سالفتهن..ومن تخلص سالفة يابن سالفة بس إستانسن يوم كانت أم خالد عندهن لأن الحريم يحبن اليمعة والسوالف ما يحبن يلسن رواحن..
الساعة 8:17فليل..
حمدان:جودي...ميري..يالله خلن العشا ..
ميري:أوكية سير.
سار يصب ماي من الثلاجة ووقف عدال الثلاجة..دخلت موضي..لف صوب الباب..من شافها طاح الكوب ونكسر من إيده..لالالالالالالا مستحيل..وهي من شافتة والكوب إنكسر ظهرت بسرعة من المطبخ..غمض عيونة وفتحهن مرة ثانية..لالالالالا مستحيل إلى شفتها مب هي..هي ميتة من زمان من أكثر من 7سنين ..لالالالالا أنا أتخيل مب هي..معقولة هي؟؟؟..لا مستحيل أنا شايفنها يوم تموت كيف تكون هي..أعوذ بالله م الشيطان الرجيم ..بسم الله ..لا مستحيل ..بس منو هاي إلى دخلت؟؟؟..يمكن أتهيأ ما حد دخل بس من كثر ما فكر فيها أتخيلها في كل مكان..قطعت أفكارة ميري......
ميري:إكسيوزمي سير..تبا تنظف الكوب إلى إنكسر..
حمدان سار ويلس في الكرسي..بعدة ما مصدق إلى شافة..يبا يسأل البشاكير ان إلى شافة حقيقى ولا خيال..بس لو كان خيال بقولن هذا تخبل ..خايف ما يقدر يسأل..وما مصدق إلى شافة..هي نفسها أنا متأكد
ميري:فنش سير...
حمدان:هااااااااااااا...أوكية..
دق لمحمد عشان إيي ويشلون العشا ..وبعدين سارو يتعشون وحمدان ما مصدق إلى شافه..آخر شىء قال انا أتخيل وإللى شفتها هي ميتة ومستحيل تكون حية لأنى شايفنها يوم تموت ..
سلامي:شفيج موضي؟؟؟؟
موضي:ماشىء ...بس كان ريال في المطبخ...
مى:ريال؟؟؟؟..منو؟؟ عيال عمي ماحد كلهم برى..
بعدين سكتت ..تذكرت سعيد..يمكن هذا سعيد.خيبة يمكن شىء ياه..ولا شىء يعورة كان عندة دوا..بسير أشوفة...بسير أشوف منو في المطبخ..
سلامي:غريبة ..أحيدهم ماحد..متى يو؟؟
سارت مى المطبخ..ما شافت حد.....سألت جودي ...
مى:ميري منو كان هنيه؟؟
جودي: بابا حمدان ....
مى: حمدااااااان!!!!!!!!
جودي:بابا حمدان وبابا محمد إيجي وشل عشا روح بيت صغير..
مى: بيت صغير..شسالفة..أوكية ..سارت عند سعيد..تشوفة لأن شكلة كان مريض... دقت الباب ..ماحد رد..دخلت ..لقتة بعدة راقد..جان تظهر..بس يوم كانت بتظهر..
سعيد:مى..
مى..لفت ..:...........
سعيد قام: كم الساعة؟؟؟؟؟
مى: هااااااااا....
سعيد: كم الساعة؟؟؟
مى : الساعة يمكن 8 ولا 9
سعيد:كح كح ..
مى:سعيد شفيك؟؟
سعيد: مريض..
مى....مريض؟؟؟؟: شو فيك؟؟
سعيد:ماعرف يمكن زجام..
مى :تبى أييبلك شىء؟؟
سعيد:لا مشكورة إن شاء الله باجر أكون أحسن ...وقام بسير غرفتة ..
مى:سعيد..
سعيد:هلا..
مى:متأكد ما تبى أييبلك شىء ؟؟
سعيد إبتسم: صدقينى مابا شى ء مشكورة بسير اسبح وبصلى وبرقد..مشكورة مى ..
مى :العفو ..
وسارت عنة وهو دخل غرفتة ..
الساعة 8:15 فليل ..
مى:كان حمدان ..
سلامي:ماء اشاء الله متى يو؟؟ما درينابهم..
مى:ما عرف بس يمكن هم سارو بيت الضيوف ..أكيد حد عندهم..
موضي:منو حمدان؟؟
سلامي:ولد عمنا وأخو موزه..
موضي:منو موزه؟؟
سلامي:موزه وايدشكلها تأخرت ..بس بتي..
مى يلست وياهن ويالسك تفكر في سعيد..
سلامي:حووووووو مى وين سرتي؟؟
مى:أنا ؟؟؟؟؟
موضي:هههههههه...شكلها تحب..
مى:ههههههههههههه...لا بس شوي سرحت..
سلامي:موضي تحبين حد؟؟؟
موضي:ههههههه.شو هالسؤال؟؟
مى:هههههههه..سلامي مقواج شو هالسؤال ؟
سلامي:جب إنتى ..هاه موضي ما قلتي.
موضي ...إحمرت لأن السؤال جريء وايد:الصراحة لا..
سلامي: ليش؟؟ ماعندج ولد عم ولا ولد عمة ولا ولد خال ولا ولد خله؟؟؟؟؟؟؟
موضي: للأسف عيال عمي كلهم صغار وعيا عمتى كلهم كبار ..أما بالنسبة لخوالى وخالاتى كلهم كويتيين ومستحيل أخذ واحد منهم ماريد أسير الكويت ..
سلامي: مالت عليج.الكويتيين حلوين...
موضي: اييييييه حلوين بس وبعدين؟؟ أنا الصراحة ما أقدر اصبر عن اهلي وأهل ابوية.. يعنى يمكن بس في السنة مرتين بشوفهم ..ما اقدر والله صعبة..
سلامي:لو منج بخذة بعدين بقردنة وبخليه إيي الإمارات ..
موضي: حرام مثل ما انا أبا أهلى حتى هو يبى أهلة..يعنى بييلس وياي بس تفكيرة عند أهلة .
مى:صح صدقها..
سلامي:إنزين ليش ما إيون أهل امج الإمارات.
موضي:ماحد يبا يودر بلادة ودار مرباه.
سلامي:وأمج ما سير الكويت؟؟
موضي: إمبلا إسير بس عاد مش دوم لأنها يوم أسير ما طول يومين ولا ثلاثة وترد..
سلامي:ليش؟؟؟؟؟
موضي:تقول ما تعرف تيلس بعيد عنا ..
سلامي:وأنتو ما سيرون؟؟
موضي:أيه نسير ..في الصيف ..بس ما نطول اسبوع ولا أسبوعين ونرد..
مى:موضي...خبرينى عن الكويت..
سلامي:صدق والله خبرينى ..خاطري اسير الكويت.
موضي:هههههه..الكويت حلوة ..وكل شىء فيها حلو ..وكلمة حلوة شوية عليها...
سلامي:إنزين ..وصفي كيف شكلها ..
موضي:هي تقريبا تشبه العين..وإلى محلنها اهلها..وبحرها حلو وبرها ..كل شىء فيها حلو ..شو رايكن باجر إتن عندي براويكن الصور وبتشوفنها وبعدين بتعرفن أحسن عن الوصف.
سلامي:بشوف أمايا جان بطيح..
موضي:حاولن أنا يتكن..ماحد في البيت غير خالد.. وخالد ما ييلس في البيت .....
مى:منحاول....جان طاعت الوزارة الخارجية والداخلية منسير..
موضي:هههههه منو بعد وزارة خارجية والداخلية؟؟
مى:أمايا شيخة وأمايا ..
موضي:لا إن شاء الله بوافقون..
سلامي:تصدقين موضي..إنتى وايد طيبة وفنانة وتنحبين..
موضي..:ههههههههههههههه..
مى:صدق والله..حتى أنا..ياليت بس لو موزه شافتج..كانت تبا تشوفج..وتيلس وياج..
موضي:ههههههه..حتى أنا في خاطري اشوفها بس ما حد..
سلامي:بتي..
مى:ااااااااااااااااااااااااااااااااااا..سلامي ..إحترق الدياي..
سلامي:أأأأأأأأأأأأأأأأأأأأأأأأأأأأأأهههههههههىء ..لالالالالالالالالالالالالا حرام..
موضي:ههههههههههههههههههههه..
مى:حرااااااااااااااااااام ..
سلامي:يا النحاسة ..من متى نترياه وآخر شىء إحترق.....بصيح..
موضي:ههههههههههههه عادي
مى:والله قهر..
سلامي:يعلنى بلاك..
مى:خلنا نسير داخل وناكل ...أبرك .
سلامي:يعنى لازم ناكل عشاهم؟؟؟
مي:ههههههه ..عيل شو إنسوي لازم ..
موضي:عادي...مرة ثانية منسوي ولا بيحترق..
مى:من السوالف نسيناه ..
سلامي:ههههههههه..فدوه عن روسنا..
دخلن المطبخ ..ولقن نورة يالسة تشرب عصير..
سلامي:هلا نوروه ..شحالج؟؟؟؟؟
نورة:ههههه..بخير .وينكن؟؟؟؟
مى:كنا برى...
نورة:أروح ريحت شعاويط..
موضي:هههههههههههههههه..
نورة:يا الفضحة...
سلامي:بس عاد.......صدق انج سباله..
نورة:هههههههه..وأنت شدراكن بهالسوالف..خلن هالسوالف لأهلها..
مى:يعنى حرام نتعلم؟؟؟
نورة: لا ...منو يقول حرام؟.؟؟...تعلمن أفاا عليكن..باجر بتفتحن بيوت..فضحة ما تعرفن شىء..
سلامي:أقول مى...مب جنة أختج تتطنز علينا....
نورة:ههههههههه...أنااااااااا ؟؟
موضي:نورة ليش يالسة بروحج؟؟
نورة:قوم أمايا ماعندهن غير العرس.....فقلت أحسن أسير عنهن....