منتديات قصايد ليل - عرض مشاركة واحدة

10-11-2010

الجزء 28
الساعة 6:02 المغرب
الجو روعة بس برد..البحر هادي..أما الجو إللى عند حمد وموزه متكهرب..هدوء ولا كلمة وكل واحد يتريا الثانى هو إللى يبدى..حمد واقف جدام البحر ورابط جاكيته على رقبتة ويفر الحصا في البحر..موزة يالسة فوق حصاه جيه كبيرة ومخلية إيدها على خدها أونى عادي وكل شىء اوكية بس هناك مرتبكة.. وااااااااايد..
حمد....يفر الحصاه:ليش ساكتة؟؟؟؟
موزه..الحين شو بقوله: ماشىء.. بس الحين بيون يرانا وأمايا بتيلس إدور علية..
حمد..ينقع البان: تراج قلتى لسلامى.. لا تخافين ..
موزه:........
حمد..لف عندها: عادي ...ليش زعلانة ..إلا كم من دقيقة وبتردين..
موزه:أوكية ..منتريا...
حمد..يبا يسولف وياها: أقول موزه...
موزه: هلا
حمد بخبث: ما كتبتى قصيدة جريب؟؟
موزه..شو يبى من ورى هالسؤال؟؟: أمممممممم..ليش؟
حمد: من زمان ما سمعت شىء من شعرج.....
موزه: هههههههه...وأنت من متى تسمع شعري؟؟؟؟؟؟
حمد: أناااااااا..من يت بريطانيا .......
موزه: ههههههه ..يعنى يمكن بس 4ولا5 بس
حمد: أوكية ....ما كتبتى شىء يديد؟؟
موزه..ما علية ما ظهرت الكلام منك: أمممممم..كتبت.......
حمد: صدق؟
موزه: هيه.
حمد: أريد أسمعها.....
موزه: سوري ...ما اقدر.....
حمد: ليش؟
موزه: بس ...
حمد: كيفج......
موزه: وأنت؟
حمد: هيه وايد........
موزه: والله......
حمد: هيه ..
موزه: أممممممم....حق منو تكتب؟؟
حمد: أممممم حق إلى يستاهل قصيدي...
موزه..كيف يلف ويدور ولا بقولى إللى أباه: أهاااااااااا....ومنو إلى يستاهل قصيدك؟؟
حمد: ناس أغلى من الماس..
موزه بتموت: ومنو هالناس؟
حمد....بتشوفين إن ما طفرتبج: قتلج ناس......
موزه: زين .... سمعتنى وحدة من القصايد.......
حمد: تبين تسمعين؟؟؟؟؟؟
موزه: هيه....أريد........
حمد: أوكية............بس بشرط يوم بخلص تقولين ما لتج..
موزه: بفكر بالموضوع.......
حمد:
آه من قلب تولع في هدب عينك مصابه...واصل فيه الهيام إن قلت مجنونك قليل
صورتك بين الرموش ومقلتي معها قرابه...لو أشوف الكون كله لصورتك يبقى ظليل
كنه العالم لطيفك اصبح لكوني سرابه...حتى لو غمضت عيني طيفك لجفني عديل
تسأليني عن غلاتك وانتي أدرى بالاجابه...كل نبضه من خفوقي تقدم لحبك دليل
الزمن مني تعجب شاف بافعالي غرابه...ماسك بزمام وقتي وراكب بالشوق خيل
حبي المضمار وانتي خط سيري وانسيابه...لو جمح خيلي ويجمح للنهايه مستحيل
ومستحيل القلب عنك يوم يعلن انسحابه...لو غدر فيه الزمن والشيب في أرضه نزيل
تبقي انتي له أميره ونشوة العمر وشبابه...ما يهم اللي تبدل وادري بعد الجيل جيل
وكل شخص له زمان ودولة فيها انتسابه....وأنا روحي في غرامك مالها موطن بديل
موكل اللحظات عني لو تبين أكثر إجابه....الزمن لو جاب عاشق ما أظنه لي مثيل
وسلامتج..
موزه..إستانست على القصيدة..لان كلماتها روعة وجنان ...:.......
مساء الخير يا غالي.....فراقك غير احوالي
جرح قلبي وسهرني..وخلا الدمع سيالي
خيالك ما جفاني يوم...عايش دوم في بالي
ومهما طالت الفرقه...مكانك في القلب عالي
اشوفك في القمر لا طل...يبدد ظلمتة ليالي
واشوفك في ضيا شمسي..منور في السما عالي
احسك في دفا روحي..وانت كل آآآآآآآآمالي
لانه بيدك انفاسي..وانك على القلب والي
حبيبي لا تعاتبني..اذا ما جاك مرسالي
فما باليد تقصيري ..ولا للغلا سالي
ظروفي قسوة ايامي...والله يعلم بحالي
قتلني الشوق في غيابك...ودمعي يثبت اقوالي
موزه..لاحظت حمد تغير..شكلة أعتفس: شو رايك؟؟؟؟؟؟
حمد..لف وجابل البحر وخلا إيدينة في مخبابيه:...............
موزه..نزلت من الحصاه إلى كانت يالسة عليها: شفيك؟؟؟؟....عديت لك القصيده..
حمد ..والهوا يلعب بشعرة..وسكوتة يذبح:.........
موزه....شو فيه ..؟؟...تقربت منه: حمد .......شفيك؟؟؟
حمد لف صوبها وشافها فيس تو فيس: موزه حق منو كاتبة هالقصيدة؟؟؟؟؟؟
موزه..أعتفس ويها..لالالالا مستحيل يعنى ما عرفت ..أنا ما أقدر أقول: القصيدة؟؟؟؟؟؟
حمد:هيه....
موزه..سارت شوي بعيد عنه:مب حق حد..بس جيه.......
حمد شوي معصب: موزه أنا مب غبي ولا تنسين بعد أكتب ..مستحيل بس جيه..الشاعر عمرة ما كتب قصيدة لو ما كان عايش جوها وكلماتها..ويعني كل كلمة كاتبنها..قولي ..
موزه...قلبها يدق بقو: صدقنى مب حق حد...
حمد..عصب:ليش ما تبين تقولين؟؟؟......
موزه..تبى تلف ودور: إنزين وأنت حق منو كاتبنها؟؟؟؟؟؟
حمد: إنتى ما يخصج فينى...أنا أكتب حق إلى أباه...قصيدتج حق منو؟؟؟
موزه: لا والله..ما بقول..سمعت ما بقووووووووووول..أكتب حق إلى أباه ما يخصك..
موزه مستحيلللل تقولة أنها حقة ..وأنها تحبة ...وهو بعد ما يقدر يقولها القصيدة حقها.. وخايف موزه تحب حد غيرة..ويمكن هو بس يتوهم وهى لا تحبة ولا شىء.. وهي بعد نفس الشىء..ماحد طايع يخبر الثانى..كل واحد ماسك على رايه وميود شعورة وكبريائه.
بس لين متى؟؟..
الساعة 7:11 المغرب..
في الصاله الفوقية..كلهن يالسات يسولفن ومستانسات ..سلامي عند الدريشة تتريا موزه وشو إلى مأخرها..بعدين ردت عندهن..
سلامي:موضي ليش ما تين ودرسين في جامعة الإمارات؟؟
موضي: ودي والله بس أمايا ما بتخلينى في السكن وأنا ماريد أيلس بعيد عن أمايا وبويا ..
مي:شو تخصصج؟؟
موضي:إدارة وإقتصاد..
نورة:كوووووووول..
مي:حلو الإدراة..
سلامي:هيه حلوة بس ماحبها ...كل البنات يدخلنها ..
موضي:وإنتى شو تخصصج؟؟
سلامي:أنا وموزه ومي ونورة هندسة..
موضي:ماء شاء الله كلكن هندسة؟؟؟
مي:هيه ..
موضي:إنزين منو هاي موزه؟؟
مي:صدق والله وينها موزه؟؟
سلامى....تبى تغير الموضوع:إنزين موضي...وين بيتكم في دبي؟؟؟
موضي:بيتنا في زعبيل..
سلامي:أهاااااااااا هناك بيت خالي ..
مي: بنات شو رايكن نسير الحين تحت ومن هناك نسير عند الباربكيو.....
نورة: إي باربكيو؟؟؟؟؟؟؟
سلامي: نحن قلنا منسوي باربكيو ....
نورة: بذمتكن؟؟؟؟؟؟؟
موضي: والله حلوة الفكرة .....
سلامى: هههههههه أنا حسيت أنج بتكونين مثلنا.....
مى: هههههههه الحمد لله لقينا وحدة مثلنا تشاركنا مغامراتنا......
نورة: أوكية أنا مايخصني فيكن ..بروح عند قوم أمايا ........
سلامى: هههههه ..إنتى عاد من متى تشاركينا في شىء كلة إلا عند أمايا ..ما تعافين اليلسة وياهن؟؟
نورة: ماحد يعاف أهلة وبعدين ماريد مشاكل
وغمزت لسلامي ..وسلامي فهمت السالفة.. وسارت عنهن نورة..وعاد هن كملن سوالفهن.. وسلامي الفضولية ماخلت سؤال ماسألتة موضي...
سلامي:موضي بس عندج أخت وحدة؟؟
موضي:هيه نحن كلنا ثلاثة ..أنا وخالد وهند..
مي:أهااااااااا بس شوية..
موضي:ههههههههه..ماسمعتج أمايا .أمايا تقول أنتو ثلاثة ومظهرين الشيب من راسي..
سلامي:أخوج معرس؟؟
موضي:لا بعدة..
مى:سلامي بس عاد...يالله نروح........
موضي:يالله....
مى:سلامي وينها موزه؟؟؟؟؟؟؟
سلامي:ماعرف الحين بتي يمكن سايرة المطبخ ولا عند الحريم....
ونزلن تحت وسارن المطبخ عشان يشوفن خلص الباربكيو ولالا.....
الساعة 6:30.المغرب..
يالسة عند الرمل تلعب به وتسوي بيت وتيمع المحار..وحمد واقف عند البحر ويعابل تلفونة.. بعدين .
موزه..أنا شو سويت؟؟ ليش جيه عصب؟؟.. وبعدين أنا لازم أعصب مب هو..يعنى لهاي الدرجة ما يعرف؟؟..أف بخبلبي..جان تقول: حمد..أنا بردت..أريد أروح البيت ..
حمد لف عندها: لازم بتبردين حد يلعب بالماي والجو بارد؟؟؟؟؟
موزه.....أأأأأأهههههههىء...:.......
حمد....فج جاكيتة إلى على رقبة وعطاها إياه: إندوج....
موزه..بتموووووووت..الللللله :مرسي..كان الجاكيت يجنن ودافي وريحتة كلة دهن عود.. وأحلى شىء كبير ..
حمد: موزه...تحبين البحر؟؟......
موزه..طالعته: هههههه ..أكيد منو ما يحب البحر........
حمد: براويج شىء بتين؟؟
موزه: هيه ..وين؟؟؟؟؟؟
حمد..يأشر صوب مكان شوي بعيد:هناك ........
موزه تطالع : بعيد......
حمد: ههههههه..لا تخافين ..مب بعيد...المكان حلو...
موزه..بتموت..بطير من الفرحة..يعنى بتكون ويا حمد مدة أطول..يعلهم ما يروحون بسرعة عشان أيلس وياه:بس بشرط....
حمد......ظحك:تم..
موزه:ههههه..بس ما عرفة...ليش قلت تم؟؟
حمد......آآآآآآه لو تبين عمري فداج: لأني ماروم أرفض لج طلب......
موزه أحمرت: مرسي...شرطي يقول ...طول الدرب أباك تسولف أنا بس بسمعك ..ماروم أتكلم..
حمد:هههههههههههههه...بس ما طلبتي....فالج طيب.......
موزه:أوكية........يالله.....
الساعة 7:30...المغرب...
ظهر سعيد من عندهم ويلس على الدري برى......ويلس يفكر لأن الجو عذااااااب الظلام بدا يظهر والمنظر يخبل ...بعدين حمدان سار عندة..
حمدان ..يلس حذاله:سعيييييييد..وين وصلت؟؟؟
سعيد...إبتسم:ما مكان..
حمدان:شفيك تعبان؟؟؟
سعيد:ماعرف أحس أني بمرض..
حمدان:ليش شو تحس؟؟؟؟
سعيد:أحس راسي يعورني وفيني حمى..
حمدان يخلى إيدة على يبهته:هههههه..ما فيك شىء ..هذا إلا بزى.....
سعيد: ههههههه..صدقنى يوم أحس جيه أمرض......
حمدان: إنزين سير إرتاح.......
سعيد: لو سرت برقد........
حمدان: إنزين سير إرقد.......
سعيد: لو رقدت شو برقدني فليل؟؟؟..بيلس بروحي؟؟؟؟
حمدان: بعطيك دوا زين يوم بتاخذة ما بتحس بعمرك لين باجر الصبح يرقد...زين حق الزجام..
سعيد:وينه؟؟...شكلى باخذ شاور و وباخذ الدوا وبرقد..
وخبرة بمكان الدوا..
الساعة 7:20....المغرب..
كلهن في المطبخ..
سلامي:جودي خلصتى .
جودي:لا ... مافي خلص دجاج..
سلامي:أفففففف..مى..سيري هاتي شيلة من داخل عشان منسير برى..حقي وحقج.. أنا بسوي العصير..
موضي:وأنا شوي اسوي؟؟
سلامي:إنتى ضيفة لا سوين شىء....بس طالعينا..
موضي:لا ماريد ..ماحب أيلس وما سوي شىء..
مى:الحين منسير برى..وبتين ويانا..
موضي:ما حب يالسة جيه سمن ديقا .
سلامي:هههههههه..
مى:أنا بسير أييب الشيل..
سارت مي ..تيب شيله حقها وحق سلامي ويلست سلامي تعابل العصير..وبعدين بتعابل الباربكيو إلى ماخلص..
الساعة 7:60......المغرب
عافسين المكان ...ومنزلين المخدات تحت وأونهم يشوفون فلم وهناك يالسين يسولفون
ذياب:حمدان والله حلو هالبيت ..صغير وكشخة..
حمدان:هههههه ..يوم أقولك بيعيبك المكان..
حميد:والله في خاطري أسير اتحوط في المزرعة شكلها رهيبة..
سلطان:يالله جان تبى ..
حمدان:شو رايكم أوديكم عند الأسطبل ..بيعيبكم..
ذياب:حمدان ..كم من خيل عندكم؟؟
حمدان:أمممممم يمكن جيه 15 ولا19..
حميد:تشاركون في السباقات؟؟
حمدان:هيه نشارك...ومرات نفوز ..باجر براويكم الجوائز والكؤوس ..
ذياب:ماء شاء الله ...زين والله..
محمد:حمدان وين سعيد؟؟؟؟
حمدان:سار يرقد..
محمد:ليش شو فيه؟؟؟
حمدان:ماعرف بس يقول يمكن بيمرض..
سلطان:عيل بسير اشوفة ..
حمدان:لا أنا قتلة ياخذ دوا عندي زين...إن شاء الله بكون أحسن..
خالد:حميد...باجر الغدا عندنا ..
حميد: هههههه..متى تبوني أرد البيت .....مشكوورين ويزاكم الله خير..