منتديات قصايد ليل - عرض مشاركة واحدة

10-11-2010

الجزء 24
يلست في الكرسي وطالع السمج..والعصافير وأصواتهن......
نورة:الله ..حلوة هاي السمجة...
....:الصيادين يسمون هاي السمجة سمجت الحظ..لأن إلى يصيدها يكون حظة حلو......
زاغت جان تلفت ....بعدين إستحت منه..قامت تبى تسير..
محمد:سوري..زيغتج..
نورة:لا عادي.
محمد:نورة..
نورة لفت صوبه ومرتبكة منه: نعم...
محمد:وين قوم عمى..وأمايا شيخة؟؟
نورة: سارو يشوفون المزرعة....
محمد:أهاااااااااا...
نورة: أنا بروح عند قوم سلامى.....وبسرعة سارت عنة.....
محمد ظحك..لف وسار عند الدريشة وساند على طرف الدريشة..ليش أنا رافضنها؟ هيه تنشاف طيبة..ليش ما فكر في الموضوع..وهي بنت عمى..وين بلقى أحسن عن بنت عمى..ولا شفت شىء ينقد عليها..وأمايا وسلامى دومهن يمدحن فيها..وأهم شىء راكزة مب مثل هالبنات المخبل..بس المشكلة ما عرف هي شو رايها..أستحى أسير اتكلم هي ما تبانى..ويمكن بعدين يغصبونا..بس عمى ما بيغصبها بس الخوف من أمايا شيخة..حرام بظلم البنت..قطع حبل أفكارة تيلفون..
الساعة 11:05.الصبح..
أم سالم:وجف ...وجف..السيارة بنزل..
منصور:صبري مب هنيه..
أم سالم:أنت وجف...بسير اشوف البقر..
أم نورة:وقف منصور..حتى أنا أريد أنزل..نريد ننزل..نشوف البقعة..
وقف منصور وبعد قوم على..وكلهم نزلو عند البقر..لأن يدتهم تبى تشوف البقر..
أم سالم:كرلله...كرلله..هب بقرناااا..
أم حمدان:عمتية جان تبين منيب مثلهن..ومنخليهن ويا بقرج..
أم سالم:لا حشا ..ما بغش بقري..
على:أمايا إلا بقر..
أم سالم:لا حشا..بقري مالات الدار وبقرهن ما ينعرف من وين مهظليهن أنت شوف كيف لونهن..نحن من إستوينا ماشفنا بقر مثلهن..إلا ماشاء الله صحتهن زينة..أووووووه بعدين أحيد يقولون فيهن مرض..
منصور:أمايا هذاك أول الحين خلاص سار..
أم سالم:خيبتهم..ربك هذا يابلهم المرض جان بيوزون من شغلتهم وبسلمون..ولا نحن من ستوينا ما سمعنا عن مرضهم ولا يا بقرنا.
شموه مسكرة خشمها:عمممممممممممى..يالله نروح ريحتهم خايسة..
سارة:باباتى أريد بقرة..بشلها المدرسة براويها مس سارة..
منصور:هههههههه..حليلها بعدين بصيح تبى ماماتها..
سارة:لا ما بصيح...أنا بلعب وياها..
منصور:إنزين حبيبى تبين حد يشلج عن ماماتج؟
سارة:لا..
منصور:شفتى حتى هيه ما تبى ..
سارة:خلاص بشلها هي وماماتها..
منصور:أممممممم ...حبيبى بعدين تبى باباتها .
سارة:خلاص ماريدها..
أم نورة:ههههههه..حليلها طفرتبها..
أ م حمدان:ماشاء الله غاويه بقعتهم.. خضرة...وباردة...
أم محمد:بوج المطر ما يوقف عندهم ..ماءشاء الله..
أم حمد:لو إيي هالمطر أسبوع الإمارات بتشوفين شو بصير البقعة..
على:إللى رازقنهم ..إن شاء الله ما بينسانا...
أم سالم: إللى المطر قل من الحسد والفسق إلى مستوى..ولا أول لو تشوفونة المطر حرام أنة ييلس بلأسبوع..الحمد لله..
على:إن شاء الله بيي الخيير.....
منصور:يالله ركبو..
ويلسو يسولفون في السيارة..ويتحوطون ويشوفون البقعة..والمزارع إلى عدال مزرعتهم..
الساعة 10:10.....الصبح..
سلامى في الصاله تبدل في التلفزيون..
موزه:سلامى تراج طفرتينا خلى قناه وحدة....عيونى عورنى..
مى:سلامى....بس ...بس..لا تبدلين.....
موزه:صدق والله..هذا أحلى شىء.
وقامن وعقن الشيل ورفعن شوية التنانيرهن عشان يعرفن يتحركن..ويسون شراتها..
سلامى:شعندكن؟؟
موزه:بعد شو نسوي رياضة.
مى:أاي حشة ماروم تعبت..
سلامى:خاطري امايا شيخة تشوفكن..
مى:ههههههه..كيف بتشوفنا..نحن في صالتنا مب الكبيرة..وبعدين أمايا شيخة ماحد سايرة تتحوط..
سلامى:هذا إلى بيجتلنى..يالسة وياكن..ومحد في البيت غيركن..كلهم سارو..
موزه:تعالى سوي ويانا رياضة...والله مفيدة..
سلامى:يالله..لاحول ماعندي شغلة...
ويالسات مندمجات..دخلت عليهن نورة...وسيدة ربعن يلبسن الشيل..
سلامى:الله ينطبج زيغتيناا...تحسبناج حد..
مى:أففففففف..زيغتينا...يالله نكمل...وردن يكمل..
نورة:ههههههههههه..شو سون؟؟
موزه:رياضة الصباح..
سلامى:صح نحن رشيقات بس عاد نبى نحافظ على رشاقتنا..
نورة:هههههههه..حرام عليكن والله ظلمتن الرشاقة..
سلامى...ودرت الرياضة بسير عندها: بنات ..يالله عليها..
نورة....ردت لورى:هههههههه..ياويلكن...بخبر أبويا..
سلامى..أونها بتعطيها بكس: عيل سحبي كلامج....
نورة:خلاص سحبتة......
موزه: سلامى.......تراها غيرانة.....
مى: ههههههههههه....بموت من الظحك......
موزه: ههههههه..شفيج.......
مى...تأشر على سلامى:شوفي سلامى كيف تناقز؟؟
موزه: هههههههه..بطيحلج جبد...مب جيه شوي شوي.....
سلامى..سارت عند مى..ومى ربعت عنها..ويلست يتراوغن..وبعدين مسكتها...
مى:هههههههه..خلاص التوبة ..آسفة.........ااااااااااااااااا....والله سوري......
موزه:سلامى........قومى عنها بجتلينها...
سلامى:بصفعها..
مى:ااااااااااااااااااااااااااي..خلاص......سوري..
سلامى.....قامت عنها:عيل أشوفج تقولين شىء..مسودة ويه..
نورة:أييييييييه..بس عاد..
موزه:تقولين يهال..
مى:حشة كسرتينى......معوفج..
سلامى:إيه والله أنكن مملات يالله نروح..برى مليت..
موزه:صدق والله ...نروح برى..
مى:ماحد .....عند منو منروح؟؟؟
سلامى:أحلى شىء الوحوش ماحد.....
مى:صدق والله..يوم حد إيلس وياهم يطفرون بالواحد...يالله..خلونا ناخذ حريتنا..
سلامى:هههههههههه..فريدهم...
نورة:أقول شاربات شىء اليوم الصبح؟؟؟؟
موزه.......:يمكن...ما نذكر.....
نورة:شعندكن تقول في حرب؟؟؟؟
مى...تلبس شيلتها:يالله ..يا هوانم قاردن ستى........
سلامى: تعرف شو في خاطري..أشوف فلم مصري..ولا مسرحية..بس تكون مسرحية جديمة وفلم أبيض وأسود..قوم شادية وكمال الشناوي..
مى:يبتى العوق..
نورة:تعرفن والله أشوفهن أكثر عن مرة ولا أعافهن..
موزة:عاد أنا أستلطفهم كلهم ..إلا هذا إلى يسمون عبد الحليم حافظ...أكرهه..وع...
مى:أنا مرة وحدة بس شفت له فلم..إلى فيها غنية ..أهواك..
سلامى:أهواااااااك..وتمنى لو أنساك...إنسا روحى وياك..
نورة:بس حبيبتى بس...لو قرآن ما بتحفظنة..
سلامى:الحمد لله حافظين قرآن..
مى:بسكن من الجذب.....يالله نروح..
سلامى:هاي سكتوها عندي لا أرتكب جريمة فيها..هاي المرة أتكلم جد..
مى:زين عشان تدفعين فديتيه مليونين..
سلامى:على شو يا حسرة؟؟....زولى عن ويهي..حتى ربع أستخسره عليج......
مى:عند أبوياا.....
سلامى:زووووووووووووووولى..
موزة:شياكن؟؟؟؟؟؟؟؟..
نورة:يالله...لا أخبر عليكن أمايا وأقولها ردن يتناقرن..
وظهرن من الصاله......وراحن برى.....يتمشن........
الساعة..11:20..الصبح....
ظهرو من المزرعة ..يتحوطون عدال مزرعتهم..سعيد..زاد من سرعة الخيل عشان يلحق بحمد وحمدان وسلطان..
حمد:هههههه..هاه شو رضيت..
سعيد:جب..لا تكلمنى......خلاص ما بصدقك مرة ثانية جذاب..
حمد:هههههه..هالكثر مخشعتنك الإنقليزية؟؟
سعيد:شراااااااااااااااااب....آي هيت يو..
حمد:هههههههههه..آي لاف يو..
سبقهم..سعيد معصب علية يوم جذب يوم قال عن الإنقليزية..
حمدان:عنبوه شياه؟؟
حمد:عادي.....الحين معصب ..بعد شوي بيرضااااااااا..
سلطان:هاي مزرعة منو؟؟؟؟؟؟؟(كانت عدال مزرعتهم(
حمد:هاي المزرعة ....مالت واحد من دبي..شارنها يمكن من سنتين..
حمدان:من دبي؟؟؟؟
حمد:هيه.......ما تعرفة ..سلطان بن خليفة.بن.......................................... ....
سلطان:هيه..
حمدان:أهااااااااااااا..ذكرتة.....بس من ويله كل هذا؟؟؟
حمد:هههههههه..الحين إستوى تاجر معروف..
حمدان:سبحان الله......كيف الدنيا ..
حمد:واحد من العمال قالى من أسبوعين موجودين في المزرعة..
سلطان:زين....كلهم........
حمد:على ما ظن.......
حمدان:ليش عندة عيال كبار؟؟؟؟
حمد:هيه..ليش ما تذكر...خالد..ربيع محمد..
حمدان:خالد!
حمد:ما تذكرة..هذاك الطويل والأبيضانى..
حمدان:لا والله..
حمد:ما تذكر خالد...إلى مرة سألتى وقلتلى هذا كويتى قتلك لا..بس امة كويتية؟؟
حمدان:هييييييييييييه..ذكرتة....الحين خالد أبوه سلطان؟
حمد:هيه......نسيت
حمدان:هيه...لأنى بس كم مرة شفتة في ميلسنا..