منتديات قصايد ليل - عرض مشاركة واحدة

10-11-2010

سلطان:بعد مرة..كان علينا كيميا ولا فيزياء ما اذكر..وسرنا المختبر...وقوم سعيد..ماحد إستاذهم غايب..فخلوهم عندنا..معاد هم أكبر عنا.. ويلسو ويانا..وأنا وسعيد يوم نتيمع حشرة..وسوالف..لين الإستاذ يطردنا..في هاليوم..عدنا تجربة..والتجربة فيها شىء يستخدمون البيض..وأنا وسعيد نبا نسويها..والإستاذ ما مخلى سعيد لأنة مش من طلابة .. ونسى شىء الإستاذ وسار إييبة..جان يعصب سعيد وأنا يلست أغايضة عشان الإستاذ ماخلاه..من الضيجة يبى يفر البيضة علية يت على الإستاذ..هههههههه..وين يت في عينة..وعصب الإستاذ وطردنا أنا وسعيد وقالنا سيرو عند المشرف الإجتماعى..عاد نحن ما صدقنا نظهر..خطفنا على ربعنا وظهرناهم من الصفوف وشردنا من المدرسة.. ويوم شافتنا امايا ليش يايين بسرعة..قلنالها ردونا ماشىء مدرسة..حليلها تصدق..
سلامى:خييييييييييييييبة..لا حشا نحن ما نسوي جيه..
سلطان:هههههههه..قصوركن..تسون جيه..
الساعة 8:50الصبح..
أم سالم:أصبحنا وأصبح الملك لله..لا إله إلا الله..محمد رسول الله..يارب تعطينا خير هذا اليوم وتكافينا شرة..حليلها من صلت الفير..وهي تسبح وتستغفر..وبعدين قامت وظهرت برى...وهي ظاهرة من حجرتها..لقت حمد بينزل ..
أم سالم:حمد..حمد.....
حمد لفت صوب صوت يدته: هلا والله..وسار عندها وحبها على راسها..شحالج أمايا شخبارج؟..شو أصبحتى؟
أم سالم:بخير يعلك الخير...شحالك أنت؟؟
حمد:بخير..
أم سالم:ولدي شو هالابسة؟
حمد:هههههه..أمايا هذا لبس الخيول..
أم سالم:الحين هذا لبسهن؟
حمد:ههههههه...ليش أمايا مب حلو؟
أم سالم:والله مب غاوي..جان لبست كندورة.
حمد:كندورة!..ما عرف بالكندورة..أحسن هذا..
أم سالم:تريقت؟
حمد:لا والله تونى ظاهر من الحجرة..بس شربت جاي.
أم سالم:تعال منتريق رباعة...الحين خديجة يمكن خلصتة الريوق..
حمد:يالله..
نزل هو ويدته..تحت..يدته سارت عند خديجة تشوفها شو خدمت وهو سار عند قوم سلطان.
حمد: هاااااي ..شحالكم؟
سلطان:بخير....هاه بسير....... أشوفك تبى صوب الخيول..
حمد:هية والله..اليوم في خاطري أركب الخيل..بتخاوينى؟
سلطان:لا ما فينى.
سلامى:وين بسير؟
حمد:بسير أتحوط عدال المزرعة ولا يمكن بسير أدرب على الحواجز..بس ماظنى اليوم يمكن باجر..بس يمكن أسير أسلم على فرانك.
سلطان:لا صبر مب الحين بعدين .حتى أنا أريد أسلم علية..
سلامى:ومنو هذا فرانك؟
حمد:حليلة واحد شيبة...عايش بروحة في المزرعة وايد طيب..
سلامى:عيل بروح وياكم..
سلطان:أنتى وين تبين؟؟
سلامى:بسلم علية..حليلة طيب..
حمد:هههههههه..لا إنتى يلسي هنيه...ماشىء سيرة..
سلامى: لا والله..يعنى أنتو تتحوطون وأنا لا..سلطان أمس قلت حقى وحق موزه بتحوطنا..
حمد ظحك: وين تبن تسيرن؟
سلامى:نتحوط..
سلطان:إنزين..وأنا عند كلمتى...بوديكن...
حمد:أنا بسير بقولهم يجهزون الخيل..وبييكم....باي
سار حمد عنهم..
سلامى:أقول سلطان..حمد من وين إييب ملابسة؟
سلطان:ههههههه..ليش؟
سلامى:ملابسة حلوة..
سلطان:ونحن؟
سلامى:إنتو بعد بس حمد غير ...
سلطان:ويا ويهج..
سلامى: لا بس وايد أنيق..وبعدين كل ألوانة..أسود أبيض رمادي حليبى بس هالألوان..
سلطان:هههههههه..يالبنات في كل شىء بدققن.
سلامى:إنزين ما قلتلى..
سلطان:على ما ظن متعامل ويا مصمم لبنانى..
سلامى:أهااااااااااا....عشان جيه..
سلطان:إنزين قومى..زقري بنت عمج جان تبونى أحوطكم..
سلامى:الحين؟
سلطان:هيه الحين عيل متى؟
سلامى..شو أقوله بنت عمى أمس ساهرة لين الفير وما بتقوم لين الظهر..بياكلنا: أممممممم..بعد شوي...
سلطان:كيفج..بعدين ما بسير بسير ويا قوم حمد..
سلامى:سلطاااااااااان....حرام..
سلطان:ههههههه..شو حرام؟
سلامى:نحن أول وبعدين سير ويا قوم حمد..
سلطان:أقول ..مب جنى وايد عاطنج ويهج..
سلامى مادة البوز: لا زم تعطينى ويه..
سلطان: يالله..يالله..سيري زقريها ...ولا ماشىء..بعد تتشرط..
سلامى: لا والله..وليش معصب؟..خلاص مانريد نسير وياك..
سلطان: تعرفين هذا كنت أريدة ..فكيتينى..
سلامى: تعرف أنك حمار..
سلطان..شل وردة من المزهرية إلى جدامة ..وفرها على سلامى: أنا حمار؟
سلامى..قامت وإبتعدة عنة: لأنى يالسة وياك...مش منك منى أنا..
سلطان: ههههه..ما علية...
سلامى..ودلع بلسانها: أكرهك....
سلطان: ما ظنى..
سلامى: مشكلة إلى وايد مصدقين عمارهم..
سلطان: ومشكلة إلى يدزن بالوية....
سلامى: ااااااا..عاد إن كلمتك مرة ثانية..بتشوف ولا بكلمك..ويا ويهك..
وسارت عنة داخل....ولقت يدتها......وسلمت عليها..وسارت عند قوم موزه..
ليش أنا وياها آخر شىء نظارب..ههههه..عاد هيه بسرعة تصدق..كنت أسولف وياها.. حشة يالبنات كيف يصدقن..هههههه..ولا ما بتكلمنى مرة ثانية..والله خوفي تسويها.. جان إتيه يدته..وقام وحبها على راسها.
سلطان:هلا والله ..بأمايا شيخة..شحالج؟
أم سالم:بخير يعلك الخير..شحالك أنت؟
سلطان:بخير...الحمد لله..قربي..
ويلست وياه وسولفت وبعد شوي يت خديجة ويايبة ريوق مال أم سالم..وبعدين ياهم حمد...ويلس يتريق....ويا سلطان ويدتهة..
الساعة 10:05 الصبح..
كلهم قامو ونزلو تحت..وإنظمو ويا يدتهم..وقوم حمد..وعاد إستوى في البيت حياة.. ونسمع فيه حس..مب قبل ..ماحد فيه كلهم رقود....
سلامى:أفففففففففف..يعلنى بلاك يا سلطان..بجتله..أأأأأاي..ولا بكلمك مرة ثانية لين أنت بروحك إتى تتأسف.سبااااااال..وسكرت المجلة..أففففففف بعد هالسبالات راقدات..حشة هب رقاد..الله ينطبكن..والله يحظهن لو كنت راقدة جان ما شفتة سلطان..سبال...جان سير عندهن..وقبل لا سير عندهن ظهرت نورة من حجرتها..
سلامى:صباح الخير..
نورة:صباح النور..شحالج سلامى؟
سلامى:بخير..شحالج أنتى..
نورة:بخير..إلا صح أقولج أمس سهرتن أنتن؟
سلامى..خيييييييييبة..شو بقولها: لا ليش؟
نورة:بس سمعت حسوسكن ..وحشرة في الصاله..
سلامى:لا تتوهمين..
نورة:يمكن..لأن مرة أحيد أبويا يقول هذا البيت مسكون...
سلامى ..فاجة عيونها: صدق.؟؟؟
نورة:هذا إلى سمعتة..
سلامى:خييييبة...عيل ما منسهر....
نورة:ههههههه..كشفتكن..يعنى سهرتن.
سلامى:أممممممم ..هيه بس لا تخبرين.....
نورة:عنبوه ما خليتنى أرقد..
سلامى:هههههههه..شو رايج اليوم بعد منسهر..
نورة:هههههه..بفكر....شو بظهرين برى ؟
سلامى:لا من الصبح برى ...إلا من ساعة ياية من برى..
نورة:ماشاء الله أمس ساهرة وقايمة من الصبح....
سلامى:شو أسوي ما يانى رقاد...
نورة:والغلامتين؟
سلامى:راقدات......
نورة:سيري غلسي عليهن.....
سلامى:خخخخخخخ..الحين بسير....
نورة:عيل برايج..بسير برى عند قوم أمايا شيخة......باي
حمد:سعيييييييييييييييييد..سعيييييييييييييييييد..
سعيد:خيييييييييييييير..شعندك؟
حمد:يالله نسير...
سعيد:وين..ما تشوفنى راقد؟
حمد:يالله ..نسير ما تبى تركب الخيل؟
سعيد:ما فينى أريد أرقد..
حمد:قوم الإنقليزية سأل عنك...
سعيد:صدق والله..وينها........مسودة ويه أريد أسابقها.....
حمد:هههههههههه..يالله .قوم.......
سعيد:يالله..بعد تسأل عنى...خمس دقايق......
حمد:بتلقانى برى عند قوم أمايا......لا تبطى....
سلامى...دخلت وفجت الستاير...
سلامى:والله تراكن مصختنها...قووووووووووووووومن..
موزه:سلامى..زولى ...عنى....
مى:................
سلامى..سارت عند إذن موزه:موزه..قومى بتفوتين شوفة...
موزه:منو؟
سلامى:حمد....لو تشوفينة كاشخ..بلبس الخيول..إلا يخبل....
موزه:من بونة يكشخ..........
سلامى:بس ولا مرة شفتيه بهذا اللبس...بسرعة تراهم بروحون..
موزه:صدق؟؟
سلامى:والله..قومى......
قامت موزه تشوف من الدريشة..
سلامى..سارت عند مى ..:مى........مى...
مى:هااااااااااه..
سلامى:قومى..عنلاتج.....
مى:ليش؟
سلامى:قومى جان تبين تشوفين سعيد......
مى:لا تطرينة يعلنى بلاه..والله أمس حلمت أكفخة من الغيض إلى فينى..
سلامى..لا حول.........:حبيبتى قومى شوفيه..محلاتة..
مى:ههههههه..من بونة حلو..
سلامى:لا حبيبتى ..ما شفتيه بهذا اللبس.
مى:خييييييييبة لا تقولين لبس لبس السكوتلندي..بتنورة؟
سلامى تظربها على راسها: إنتة هبلة..؟؟...شو بلبسة هذا اللبس؟.غبية..
مى:عيل شو؟
سلامى:لابس لبس الخيول..
مى:خخخخخخ..صدق والله.
سلامى:هيه .قومى لا أصفعج..
مى:إنزين.......
سارن عند الدريشة...
موزه:سلامى الدبة وينه ما وشفه؟؟؟؟
مى:أشوووف..سلااااااااااااااااامى..ماحد....
سلامى:والله كانو هنيه عند قوم أمايا بس أنتن ما قمتن بسرعة......
موزه:أففففففففففف..طيرتى الرقاد......
سلامى:يعله ما يرد.......بسكن......
مى:إنزين..
سلامى:شوفن بسير عند ميري..وبقولها إتيب الريوق هنيه وأباكن جاهزات بسرعة لا تتأخرن..
موزه:أوكية.....
وسارت عنهم سلامى.......
الساعة 10:30........الصبح...
منصور:هاه أمايا عيبتج البقعة؟؟
أم سالم:هيه والله..غاوية.....
على:قلنالج.......
أم حمدان:عمتية تبين جاي؟
أم سالم:لا بنيتية مشكورة شربت قهوة..
شموه........سارت عند عمها على:أهههههههههههههىء..
على:شبلاج حبيبى؟
شموه:شفت خيل..
على:هههههههههه..حبيبى ليش تخافين من الخيل....
شموه:لا بس قالتلى سارة بياكلنى...
على:هههههههه..لا الخيل ما ياكل الإنسان.......ياكل العشب..
شموه:ما ريد الخيل.....
على:هههههه..حبيبى الحين براويج إياه وبركبج ما يخوف.....
شموه:ما بياكلنى؟؟
على:لا.....وخلاها في ثبانة.....
أم سالم:قومو أريد أشوف المزرعة.....
منصور:يالله قومن.......
نورة:أنا ما بسير وياكم.......
منصور:ليش نورة.......؟؟؟
نورة:بسير عند بنات عمى.......
منصور:برايج........
وسارو كلهم يشوفون المزرعة.......
ونورة سارت..داخل..كانت بسير قسمهن بس تذكرت أنهن راقدات فقالت بسير أشوف البيت ما شفتة بسير أشوفة لين ما يقومن..سارت فوق..وكان فوق في الصاله كورنر.. فيه حوض سمج كبير بس مكانة في اليدار..وأسماكة وايد حلوة مب نوع واحد عدة أنواع وألوان..وعدالهن عصافير..ثنينة في القفص..واحد بنفسجى ..والثانى سماوي..شكلهن يخبلن..يلست في الكرسي وطالع السمج..والعصافير وأصواتهن..
نورة:الله ..حلوة هاي السمجة...
....:الصيادين يسمون هاي السمجة سمجت الحظ..لأن إلى يصيدها يكون حظة حلو..