منتديات قصايد ليل - عرض مشاركة واحدة

10-11-2010

الجزء 22
منصور:حمد ..تعال..
حمد:هلا عمى........
منصور:شل شموه راقده..وأنا بشل سارة.....
حمد:أوكية ..وشل شموه ووداها البيت....
وسارو كلهم البيت..
الساعة 11:35 فليل
سلطان: صبرن بفج اللتات..
موزه وسلامى وقفن عند الباب.. يوم كان يفج ليتات البيت..سلامى دخلت داخل الصاله الرئيسية..
موزه:وااااااااااااااااااااااااااااااو..يجنن..
سلامى:الللللللللللله محلاتة........سلطان ......وايد حلو البيت..
سلطان: ههههههه..شعندكن تقولن ما شايفات خير؟؟
موزه: سلطان صدق البيت روعة..وايد كبير..يعيبنى البيت الكبير وكلة درايش وديكور جيه هادي..وكلة نباتات...ويمزج بين الجديم واليديد..
سلطان:تعالن براويكن البيت......
سلامى :يالله........
سلطان: هاي الصاله..وعلى اليمين أربع غرف مع حماماتهن وصاله..وعلى اليسار بعد أربع غرف مع حماماتهن وصاله..ومطبخ كبير..الحين فوق...فوق الصاله كبيرة ..وعلى اليمين غرفتين مع حمام لكل غرفة وصاله حق الغرفتين بروحهن ومطبخ تحضيري بس هاي الغرفتين أحلى شىء في البيت..
موزه:يااااااااااااي..أبا أشوفهن .
سلطان:بعدين.....من شاور صاحبهن..
سلامى: ومنو صاحبهن؟
سلطان: حمد...
موزه: يييييييييه..وشمعنه حمد ..هو مالاتة؟؟
سلطان: أنتى ما يخصج..إنزين..وعلى اليسار 4 غرف مع حماماتهن وصاله..وتحت في قبو..وظهر برى في البلكونا..ويأشر...الحين فليل ما بتشوفن بس عدال البيت على اليمين مسبحين واحد للكبار وواحد للصغار.....وورى البيت مساحة كبيرة ...وفي الطرف على اليسار الإسطبلات الخيول..وكل شىء يخص الخيول..وهناك..يأشر جدام البيت يمكن ما إنتبهتن...سكتن سمعنه....عرفتن شو هذاك؟؟؟
سلامى:الببببببببببببببحر..
موزه:أسمع...صح والله البحر..
سلطان:يظحك..هيه البحر مب وايد بعيد..ويأشر تشوفن هناك...هيه......هناك سكوتلند ..مب بعيدا يمكن 5ولا4 ساعات وبتوصلنها..بعد هيه حلوة ..بس بريطانيا تعيبنى أكثر..
سلامى:ياااااااااي الصراحة البيت روعة..ما توقعتة جيه..أبدا...
سلطان:عاد الحين برخصتكن بسير أرقد تعبان...
موزه:تعال وين تبى؟؟؟؟؟
سلطان:شو تبن بعد..باجر يوم بقوم براويكن البقعة كلها فالكن طيب بس الحين فليل تعبان ..برقد..
موزه:الصبح بوعيك....أنا من الحين أريد أسير أتحوط..
سلطان:هههههههه..يا البنات بموتن..
موزه:إنزين وين منرقد؟؟؟
سلطان: شفتن الغرف الأربع إلى تحت على اليسار هناك بترقدن..ونحن إلى على اليمين..
موزه:حليلكم بعيد..
سلطان:عادي ..نحن هناك نرقد دوم..
سلامى:عيل منو يرقد فوق؟؟؟؟
سلطان:الغرفتين قلتلكن حق حمد..
سلامى:وأربع غرف حق منو؟؟؟؟؟؟
سلطان:وحدة لعمى على..وحدة لعمى منصور..وحدة لأمايا شيخة..ووحدة لأمايا وأمج..بس شىء أسأله ثانية؟؟؟
موزه:لا مشكور يالله باااااااااااي.....تصبح على خير....
سلطان:وأنتن من أهله..لو تبن شىء دقن تلفون ...فاهمات..
موزه:بون......فر يير..
سلطان:مرسي ..سيير..
موزه:بوانسوار..
سلطان:أوروفوار..
سلامى:يعرف فرنسي؟؟
موزه: هيه يعرف هو إلى معلمنى... ما تذكرين دارس في فرنسا..
سلامى:عيل بخليه يعلمنى...
موزه: مزاجى ..مرات بعلمج مرات ما بعلمج...
سلامى: خلينا ننزل نشوف قوم أمايا....
الساعة 11:45 فليل..
أم سالم عقت العباه: سعيد ..وين حجرتية..تعبانة أريد وطى راسي...
مى..توها داخلة....: واااااااااااااو البيت وايد حلو........
سعيد:إن شاء الله ..
مى: وأنا بتخلونى بروحى......
سعيد ظحك: تعالى ...لو تبين.....
مى..الله ينطبك ..غياض: ما ريد بيلس في الصاله وبتريا قوم أمايا الحين بوصلون..
سعيد:كيفج......
وسار وودى يدته غرفتها..وشاف قوم موزه فوق..
سعيد: عنبوه وحالكن سايرات تستكشفن المكان ....
سلامى: أبا أعرف أنت شو يخصك....؟؟؟؟..كيفناااااااااا...
سعيد: إنزين سيرن إرتاحن ..لاحقات ....متخبلات..أعوذ بالله ...
سلامى: موزه خلينا ننزل أبرك عن هذا الغلس.......
سعيد: ما علية مسودة ويه...
ونزلن تحت وشافن مى يالسة بروحهاااااااا..
موزه: مى شياج يالسة بروحج؟؟؟؟؟
مى:ماشىء أتريا قوم أمايا...
سلامى:شو رايج بالبيت؟؟
مى:الصراحة ما علية كلام...يخبل........
سلامى:صدق والله....تعالى شو رايج نسويلج جولة؟؟؟
مى:ههههههههه..ماشاء الله مسرعكن...سويتن جوله..
موزه:لا بس جيه بسرعة ما دخلنا الغرف..
مى:أهاااااااااااااا...شافت سعيد نازل من الدري..جان تسير وتصاصرهن عشان ما يسمع: سمعن شو رايكن فليل يوم برقدون الوحوش ناخذ جولة في البيت؟؟؟....
سلامى: أول مرة في حياتى أتفق وياج على شىء.....
موزه: هههههههه..يالله بس بشرط.......
مى:شو؟؟؟
موزه: نشوف آخر شىء فلم....شو قلتن؟؟؟
سلامى: صدق ذكرتينى هذا سعيد مسود ويه قالى بخلينى أشوف الفلم بس ما ظنى بخلينى..
موزه:ههههه..لا أقصد فلم غيرة.....أفلام هنديه....وأجنبيه..
مى:يااااااااااااي فخاطري أشوف فلم هندي.......
سلامى:بطولة منو؟؟؟
موزه: واحد فوردين خان..والثانى واحد يديد ما اعرف شو أسمه بس شكلة كشخة
سلامى:ما عندج غير؟؟
موزه:عندي..وايد يمكن 10ولا 9 أفلام ..بس اليداد هلأثنين..وشوفي إلى تبينة..هندية وأجنبية..
سلامى:زين.....
مى:خلاص......
سعيد يطالعهن شبلاهن..يلس في الكرسي: إيييييييييييه شبلاكن تتصاصرن؟؟؟؟؟؟؟
سلامى: أنت بروحك قلت تتصاصرن..يعنى ما نريدك تعرف لو نريد منقول بصوت عالى عشان تسمع..أفففففففففف.يالرياييل كيف يحبون يعرفون كل شىء.....
مى تبى تغايضة: ما عليج منة سلامى ..يالله نروح غرفنا أنا تعبانة.....
سعيد ..فول منهن: يعلنى بلاكن...مسودات ويه......
الساعة11:60 فليل..
دخلو قوم عمة منصور وقوم عمة على..
على:هلا سعيد أشوفك...ماسرت ترقد..
سعيد:الحين بسير........
على :يالله عيل تصبح على خير..
سعيد :وأنت من أهله......
على ...:أنا بروح أرقد...سارت وياه حرمتة..
ومنصور سار وودى بنتة سارة عند أختها نورة لأنها بترقد وياها وسار هو وحرمتة يرقدون..
يه حمد وهو شال شمة ..
أم حمدان: هاتها ولدي بودبها حجرتها..
حمد: لا أنا بوديها......سيري رقدي عمتية....سارت هيه وأم محمد يرقدن.....
شاف قوم سلامى يالسات في الصاله إلى عند غرفهن.....
سلامى :هاتها حمد أنا بشلها....
حمد: لا أنا بوديها بس وين غرفتها إلى بتيلس فيهاااااا..
موزه: لا بترقد وياي ما بخليها بروحهاااا..
حمد: وين غرفتج؟؟
موزه:هاي.......
حمد وداها غرفتهااااااا: تصبحن على خير..
سلامى:وأنت من أهله.. كانت مى تلاحظ حمد وموزه.....
محمد:أففففففف..حشة أخيرا بسير أوطى راسي..تعبان...
سلطان:أنا وياك......
حمدان:وأنا بعد........
سعيد وحمد يطالعون بعض... ما يعرفون شو بسون..
حمد يطالع سعيد ويظحك: إييييييييييه شبلاك سير أرقد؟؟؟؟؟؟
سعيد:هاااااااااااااه..
حمد:ههههههههههه..شبلاك؟؟؟؟
سعيد:ماشىء.......
حمد:ههههههه..كل هذا مى مسوتة فيك..
سعيد:ههههههه..لا ..
حمد: قتلك ....شو تبى الحب والخرابيط..خلنا جيه أبرك..هههههههه..بس انت ما تسمع الكلام..
سعيد مستغرب شبلاه حمد؟؟؟: حمد شفيك؟؟
حمد:أناااااااااا بخير وما فينى شىء..
سعيد ..يمكن عشان العملية..حزن عليه: حمد ليش أنت جيه..تفائل...إن شاء الله خير..
حمد تذكر حليلك يا سعيد ..لو تعرف أنى ما فينى شىء..شو بسوي: ههههههه..لا انا جيه من زمان.....الحب له درب غير عن دربي..
سعيد:ليش حمد ؟؟
حمد:شوف سعيد ....أنا هالسالفة ما لها مكان في مخى...أحسها تافهه...وإلى يفكر فيها أتفهه عنهااااا..
سعيد:حمد أنت تتكلم صدق؟؟؟؟
حمد:هههههههه..لو يلست أفهمك اليوم لين باجر ما بتفهم...يالله بسير أييب شنطتى أريد أسبح..تبى شىء؟؟؟
سعيد:لا سلامتك........
سار حمد.. هذا شياه ؟؟.. كان غير.. معقولة سالفة مرضة غيرتة جيه؟؟؟.. كنت أتوقعة كان غير..بس الظاهر شىء فيه..عندة سالفة بس ما علية باجر بفهمها كلها..سار سعيد داخل.....والبنات أونهن راقدات..لين كلهم يرقدون ولا يسمعن حس..بظهرن.
الساعة12:40 الصبح
سارت سلامى دق الباب على موزه...
موزه سارت عند الباب:شو؟
سلامى:يالله ما تبين تشوفين الفلم ؟؟؟؟؟؟؟؟ومنتحوط ؟؟
موزه:كم الساعة؟؟
سلامى:الحين....وحدة إلا ربع......
موزه:إنزين دقيقة الحين بظهر......
ظهرت سلامى وموزه في الصاله إلى عند غرفتهم..يلسن في الكراسي..
موزه:سلامى..وينها مى؟؟
سلامى:في غرفتها.....
موزه:بسير أزقرها.....
سلامى:بسير وياج......
دق الباب على مى......
مى نقزت سيردة عند الباب:هااااااااااااااي ..
سلامى:بسم الله زيغتينا....
مى:هههههههه..ما يانى رقاد....هاه رقدو الوحوش؟؟؟
سلامى:هيه أشوف ماحد في الصاله العودة..
موزه:فكة......
سلامى:يالله موزه سيري وهاتى الدي في دي..والأفلام....
موزه:شووووووووو؟؟؟؟؟ومن وين بييبهن؟؟
سلامى:السيارة حبيبتى بعد من وين؟؟
موزه:أنااااااااا..لا ما بسير...
سلامى:شوفي أنتى لابسة جلابية ..نحن لابسات بجامة وين منسير برى عند السيارة؟؟
موزه:لا حرام ..خلى مى..
مى:لا والله ..لو حد شافنى بالبجامة بجتلونى...أنتى الوحيدة إلى ما لابسة سيري..
موزه:أففففففف ..ياليت لو لبست بجامتى..
سلامى:يالله بسرعة...سيري سيارة سعيد شفتة مخلنة ورى..
موزه:إنزين مفتوحة؟؟
سلامى:هههههههه..هيه....أنا أونى ناسية شىء وقتلة هات المفتاح وفتحتها ولا قفلتها..
مى:ههههههههه..وكيدهن عظيم..
موزه:هههههههه...بعدج ما عرفتى سلامى...
سلامى:يالله أنا ومى منسير المطبخ ومنيب شىء ينكل..
موزه:إنزين بسير أييب شيلتى ..والله أخاف حد يشوفنى ظاهرة نص الليل برى..شو بسون؟؟
سلامى:عادي منو الحين قايم..كلهم رقود من التعب ..وأهم شىء الوحوش رقدو...
موزه:سمعن لا تبطن والله ترانى أخاف البيت وايد كبير يخوف فليل..
سلامى:هههههههه..عيل حليلة حمد كان يبات بروحة ..ما قال أخاف......
موزه:حمد ريال والرياييل ما يخافون..
مى مسكت إيد سلامى :يالله بسرعة ..عشان ما نتأخر.....
الساعة1:00 الصبح...
سارت موزه تلبس شيلتها البيضة مالت البيت..وظهرت من البيت وسارت عند سيارة سعيد وبسرعة بسرعة وشلت الدي في دي والأفلام..وسكرت الباب ويوم كانت تمشى لين البيت شافت حد يمشى جدام البيت..خيييييييييبة أكيد حد قايم ..الله يغرب سلامى قتلها بس ما صدقنى الحين بشوفونا..بس بسير أشوف يمكن مب حد من عيال عمى.. نزلت الدي في دي..وسارت لين النافورة إلى جدام الباب المزرعة بس شوي بعيدة.. شافت حمد يمشى في الشاطىء..حمد!!!..شو يسوي الحين الساعة.. وحدة.. أسير عندة؟؟ أخافة ينازعنى عشان كيف ظهرت برى والساعة..وحدة..وشو أسوي وياي الدي في دي..يا ويلى بورط قوم سلامى..بس أريد أشوفة..شو فيه ..يمكن مريض...ولا شىء فيه..
حمد كان رابط الجاكيت على رقبتة..وعاق جوتيه ورافع البنطلون شوي عن يخيس بالماي ومخلى إيدينة في مخبى البنطلون ويمشى عدال البحر..أنا ليش حبيتها؟؟ وهي معقولة الحين تحبنى؟؟..والله لو ما بس تلعب بتندم على هاي الحركة..بس ما ظنى أنها تلعب..هي صدق تحبنى بس بخليها لين ما أتأكد صدق..بعدين لكل حادث حديث..بس خيبة لو تعرف أن مافينى شىء..شو بكون موقفها وموقف قوم سعيد؟؟ شو بسوي؟؟.. الله يعين..
الساعة 1:15 الصبح
سلامى:مى شكلنا تقول حرامية ..
مى:هههههه..عادي حبيبتى أول شىء البطن..اليوع يذبح..
سلامى:ههههه..متعشيات وجيه..
مى:عادي......نتعشى وبعد يوعانات.
سلامى تفج باب الثلاجة: مى ..الحمد لله ..شىء بيبسي..وعصاير..وكيك...وشو بعد..بسكوت...هههههه..باجر لازم حد يسير السوبرماركت..الثلاجة مافيها غير حلويات...
مى عند الكبت تدور جان شىء مكسرات: سلامى شربي البيبسي وايد حلو طعمة.....
سلامى: ليش أول مرة أشربه ..عفتة من كثر ما أشربة....