منتديات قصايد ليل - عرض مشاركة واحدة

10-11-2010

موزه:ها سلامى وين وصلتى؟؟؟
سلامى:هاااااااااه..
موزه:خخخخخخخ..لا شكلج وصلتى بعييييييييييييييييييييد..
سلامى:أففففففف..لا تتخبرين...
موزه:شبلاج؟؟؟
سلامى:آآآآآآآآه أفكر...
موزه وخلت إيدها على خدها:فمنوووووووووووووووو؟؟؟فارس الأحلام؟؟؟؟
سلامى:هيه والله..
موزه نقزت:سلامى تبين غدا؟؟
سلامى:لا والله ما مشتهيه..
موزه:حتى أنا..يالله نروح الحديقة..ولا أقولج اول منقولهم أنا ما نريد غدا ومنروح الحديقة.
سلامى مستغربة:ليش؟؟؟؟؟
موزه تمط إيد سلامى:بس بخبرج شىء..
سلامى:يالله..
سارت موزه وسلامى غرفة الطعام ولقت يدتها والحرمات فارشات تحت عشان بيتغدن لأن يدتهن ما تحب الأكل على الطاولة..والحرمات بياكلن وياها..أما البنات فبياكلن فوق..سلامى وموزه عند الباب..
موزه:أماااااااياااااااااا ..أماااااااااياااااااااا.
أم حمدان: خير شعنج؟؟
موزه:حليييييييلى .....
ام حمدان:شو تبين؟؟؟أنتى كل شوي إلا تتطلبين شو تبين؟؟
موزه:أماااياااا ..أنااااا وسلااااااامى...وقطعتها يدته في رمستها..
أم سالم:موزه ...وشله هالبزى كلة..تعالى هظلى ..ما تبين تتغدين؟؟
موزه زعلانة:حليلى ... كل هذا علية؟؟...شو سويت ؟؟
أم نوره(حرمت منصور عمهم):تعالى حبيبى عندي ما عليج منهن..
مى:وأناااااااااا ..إلا مرة أبويا ومرة أمايا ...
سلامى:أيييييييه ..شوي شوي لا ينطرلج عرج..
كلهم ظحكو على سلامى...ولسانها إلى ما يسبح بخير..
مى شوي وبصيح:اماااااااااياااااااااا..تشوفينها سلامى؟؟؟؟
أم سالم:حرام إن ما يزتن عن هالمغايض..لأغسلكن بهلعصا..وأبا أشوف منو بحايز عنكن.
أم سعيد:عندج إياهن...مسودات ويه..حشة أنا يوم كنا كبركن ما كنا ننطق..إلا أنت هب لسان عليكن..
أم سالم:لا ما عليج أدبهن على إيدية..
موزه بصوت واطى لسلامى:سلامى الشردة ...الحين بتبدى المحاظرة..
سلامى:خخخخخخخخ..صدقج ..منخلي المحاظرة حق مسودة الويه مى..
موزه:خخخخخخخ..يالله بسرعة ..منقولهم ما نبا غدا..ومنروح عن الحشرة..
موزه:أمايا أنا وسلامى ما نبى غدا..
أم سالم:شعنة؟؟
موزه:أمايا تونا ما كلات..ما نشتهى..
أم حمدان:برايكن ..بس هب إسون حشرة وتيلسن تضاربن..
سلامى:ههههه لا ما عليج عمتيه ما منسوي حشرة..
وسارن سلامى وموزه وظهرن من المطبخ سايرات و خطفن جدام الصاله إلى عدال المطبخ وكان الشباب يتغدون...
سعيد:حوووووووووووو..سلامى..
سلامى لفت لصوب سعيد:خييييييييييييييييير..
سعيد:سيري المطبخ وهاتى روب..
سلامى ومخلية إيدينها على خصرها:أحلف انت شو بشكارتك؟؟
سعيد:والله لو ما سرتى لصفعج..
سلامى:ما ريد كيفى..بشكارتين مب وحدة سير أزقر وحدة منهن لازم أنااااااااا...
موزه تظرب سلامي :أنا بييب لا سوين حشرة..
سعيد:أنا أريد سلامى..تزول وتيبة..
سلامى:لا والله بعد أزول...ولا بسير..
منصور:سعيد..لا إله إلا الله ..حتى على الغدا بتضاربون؟؟
موزه سارت ويابت الروب:هاه ما يرزى كل هالحشرة..
سعيد ويطالع سلامى:بتشوفين أم كشة..اليايات أكثر عن الرايحات..
سلامى:ههههه..لا تخاف ما با شىء منك..
موزه تمط سلامى لأن يدتهن إن سمعتهن يضاربن ويا حد بتهد عليهن وبسوي لهن حشرة...:سلامى دخيلج خلينا نروح..بتسمعنا أمايا شيخة..
سلامى وتمسك على ثمها:صدقج والله ..بسرعة نروح..ولفت على سعيد..بعدين بييك..
سعيد: عطينى مقفاج..تراج لوعتى بجبدي...الناس يشوفون حد حلو يوم ياكلون وأنا مجابلنج..فارجى..
سلامى:أناااااااااا..وتمطها موزه بالقو..
موزه:حشه يا سلامى...بسج ..عيب هذا أخوج..
سلامى:عن خاطرج ..بسوي طاف..
موزه:يالله نروح ووصلن باب الصاله..
سلامة: موزوه أريد عصير ...
موزه: إنتى يلسى هنيه وأنا بييب ما فينى على مشاكلج....وسارت المطبخ ويابت كوبين عصير..
موزه:يالله نروح..
سلامى وشلت عصيرها..:صبري بلبس الجاكيت الجو برى برد...أنا ما أقهر البرد..
موزه:يالله بسرعة..يا من لوعتى بجبده..
سلامى:خخخخخخ..ترانى سلامى..لازم..
وسارت موزه عند المكتبة وفجت الكبت ..
سلامى:حووو شو سوين؟؟ ما تبين تروحين برى؟؟
موزه :دقيقة بشل مصاص والبان ..
سلامى:خخخخخخخ..بخبر عليج شموه..
موزه وهي تلبس الجاكيت:هههههه..لاتخبرين حد هذا مالى مش مال شموه..
سلامى:خخخ..ما أدري أن عندي بنت عم ياهل..
موزه:يالله نروح..
الساعة1:40 الظهر...
وسارن وظهرن للحديقة..إلا كان الجو باااااااارد..بس حلو....الجو مغيم ..يعنى كلعادة ..والمطر بس مش وايد يعنى عادي تظهر برى ...
موزه تفج قرطاسة المصاصة :سلامى تبين؟؟
سلامى:أكييييد....وعطتها..
موزه :هههههههه..سلامى كيف يالسة تاكلين البان وتمصين مصاصة ما يوز..
سلامى:وحياتج كل شىء عادي..
موزه سوت مثلها....وكل وحدة تشوف منو بتنفخ أكبر بالبان..
سلامى:ههههههه..غلبتج أنا أكبر عنج..
موزه:لا شوفي.....أنا أكبر..
وسارن عند يدار البيت.. بس يدارهم صغير...وقفن جدامة ...وكان شيبة وعيوز وما سكين جلب ويمشون برى..وهن يطالعونهم..وسلامى لازم تدز بالويه...
سلامى بصوت عالى: هاااااااااااااااااااي..
موزه:ههههه..بموت من الظحك..بسج كل ما تزقرينهم ما يردون عليج..شكلج تقولين عنز طرب..
سلامى معصبة:لا إلا بردون ...وبتشوفين..
سلامى:هاااااااااااااااااي...أيام سلامة ..أيام فروم يونايتد أرب إيميرت..
موزه:ههههههههه..بس سلامى بطنى عونى..دخيلج الحين حد من عيال عمى بيظهر وبهد علينا..سلامى بس...
سلامى معصبة إلا تباهم يردون عليها:يعلك النفاد أنت وعيوزك..
موزه:ككككك..ههههههه...بس سلامى خلينا ندخل بس بردت.
الشيبة:يو آر كريزي؟؟
موزه خلاص ما رامت تمسك عمرها من الظحك..
سلامى:بسم الله عليه ...يعل الله يكرزونك في جهنم قول إن شاء الله..
موزه:سلامى ..ههههههههه..دخليج بس والله بموت..
سلامى:عيل يقولى أنا كريزي؟؟؟...فقته يعلنى بلاه..
موزه:هههههه..أنتى البادية هم ما عطوج ويه وأنتى إلا يردون عليج شو تبينهم؟؟
سلامى:فقتهم قلت بسلم عليهم ..بس مش منهم منى إلى عاطتنهم ويه فقتهم ما عندهم مذهب..
موزه وتأشر عليهم:شوفي شوفي...حليلهم سارو..حشرتيهم..
سلامى:يعلها سيرتهم..
موزه:حرام شو تبينهم..
سلامى وتمص المصاصة:أقول موزوه حلو طعمها ..
موزه :سلامى أبا أغنى..الجو روعة ....ومزاجى حلو...شورايج؟؟
سلامى:يالله بس إن صدعتينى بفرج بهالجوتى.
موزه تعدل شيلتها...:لا أفااااااا..والله صوتى حلو..
سلامىتكسر المصاصة بظروسها....: أأأأأأأي قويه حشه ما تنكسر..إنزين..يالله...عاد إلى يسمع جنج..أريام..
موزه مدت البوز:خلاص ما بغنى..
سلامى:لا غنى يعلنى ما اخلا عاد موزوه ومزاجها حلو ...غنى يختى غنى...والله لو صوتك وحش ..والله بالشبشب..
موزه:ههههههههه...إنتى إسمعى بلأول...
سلامى:رح أسمع يختى..أنا أولتلك بالشبشب...
موزه تفكر شو تغنى:هيه شو رايج أغنى غنية نانسي عجرم اليديده ..
سلامى:أفففففف شفتى محلاتها في الفيديو كليب...أحلى ما فيها يبايضها...غربلاتها..
موزه:ههههههههه..أوكية..
أول شىء غنت موزه غنية نانسي وتقلد حركاتها يوم تلعب شعرها.. وهى مستانسة .. وبعدين...وسلامى تقلد موزه يوم تغنى وكل شوي تخرب عليها وتعيد..
موزه:أففففففففف..تراج تطفرتينى خلينى أغنى أقولج اليوم فرحانة..حرام عليج..
سلامى:ويا ويهج ما لقيتى تغنين غير حق زنمات غنى حق حد خليجى الله يخليج..
موزه:أففففففف..منو تبين؟؟
سلامى :أنا اليوم أدندن على غنية راشد..
موزه:أي وحدة؟؟؟
سلامى:لمنى ..مالت حمداااااااااااااااااااااااااان..
موزه:أهااااااااااااااا...فالج طيب..
سلامى :يالله ...بقولج شىء بس عاد هب تتخققين علينا..
موزه:شووو؟؟
سلامى:والله صوتج حلوووووووو..
موزه :أخجلتى تواضعى..
سلامى :يالله عاد مدحناج...غنيها ..
موزه:تصدقين هطلب ياي على مزاجى...
سلامى:..صبري...
موزه:شو؟؟؟
سلامى ترفع شوية كندورتها عن تخيس من المطر وسارت شوي شوي وقربت راسها عند الباب الصاله عشان تسمع: يالله الدار آمنة...
موزه :إيه شفيج الهبلة؟؟
سلامى:إنتى الهبلة...بس أخاف عن حد يسمعنا..يالسات عند اليدار ونغنى.....
موزه:إنزين خلينا..نسير مكان غير..
سلامى:تعالى منسير المسبح..
وسارن عند المسبح..هو عدال الغرفة الزجاجية....وسلامى تلعب بالماي..وموزه غنت غنية راشد..وغنت بعد حق ميحد.. .وشو صوتها عذاب..وايد حلو..صدق ما كانت سلامى تمزح بكلامها...وسلامى ..الإبتسامة شاقة ويها..
الساعة2:15 الظهر
وفي نفس اللحظة سمعن حد يصفق ..لفن لورى..شافن حمد...كان واقف ويصفق لموزه.. موزه من شافتة ..تقول حد صب عليها ماي بارد...وإستحت..ولا رفعت عينها..أكيد سمعنى...حمد تقرب منهن...كان شكلة غريب ..ولا يجنن....مبتسم وغمازتة ظاهر.. وخدودة محمرات من البرد.....وهو بياضة حلو..وعيونه فيهن لمعة.. ورذاذ خيس شعرة...
حمد يطالع موزه:موزوه ..شو هصوت؟؟؟؟؟؟؟...مادريت أن عندج مواهب..جيه..
سلامى:حمد..... ياي حلوة غمازتك...
حمد ظحك وبانت وايد..ونفض شعرة بإيده من الماي: هههههه..سلامى أول مرة تشوفينها؟
سلامى:لا بس حلوة...عطنى إياها..
حمد:ههههههه...واصله بنت عمى ما تغلا عليج..
موزه معصبة ليش حمد كان يسمعها ..وهي من الصبح يالسة تغنى وما خلت شىء ما غنتة: سلامى عيب..يالله نروح داخل..
سلامى علامات إستفهام على ويها:ليش شو بلاج؟؟تعالى الجو حلو.
موزه:بس..ماريد..مزاجى تعكر..
حمد فهم أنها معصبة لأنة سمعها تغنى بس هو ما كان قاصد كان يالس في الغرفة الزجاجية وما تغدا عشان ما كان يريد يتغدا فيلس في الغرفة وكان عندة كم من مكالمة بخصوص الشغل ..والغرفة الزجاجية عدالهن فسمعها يوم تغنى :السموحة بنت عمى بس والله ما كنت قاصد كنت في الغرفة ..وسمعتج وبعدين عشان يلستة بزيد الموقف فسار عنهن.
سلامى مسكت موزه من إيدها:أيه شو بلاج على الريال؟؟
موزه:ماشىء..بس وقح ليش يسمعنى؟؟
سلامى:موزه ما كان قاصد بالصدفة سمعج ليش تفهمين غلط؟؟
موزه لفت عن سلامى:أففففففف..أكرهه...يعله النفاد...ليش ما يموت.
سلامى معصبة :موزه ..لالالالالالالا...ليش تقولين عنة جيه..؟؟؟..والله أنج خامة.. حراااااام عليج..والله أنى ولا مرة تميت حق حد بلموت ليش تعاملينة جيه أنتى تكرهينة برايج بس لا تبرهنين حق حد..والله أنة إنسان فنان ويجنن...وكل إلى يشوفة يحبة.. ويسدج أن أسلوبة روعة..بس أنتى ما تفهمين...بس ثانى مرة لا تقولين عنة جيه وخصيصا جدامى لأنج ما تعترفين أنة ولد عمج أنا أعترف وأفتخر بعد......حرام عليج..الريال بعد أسبوع بتكون عمليتة وأنتى بدال ما تدعيلة بالصحة تدعين علية بالنفاد؟
من سمعت موزه كلام سلامى ما رامت تستحمل وصاحت..تبا تقول لها سلامى ..أنا ما أتمنى له شىء..أنا أحبه ولا أموت عليه..بس ما أعرف كيف أبرهن ولا كيف أقول.. سلامى أحس أنه هذا الحب من طرف واحد ..يقهرنى يوم يتجاهلنى ليش جيه؟؟.. ليش؟؟.. بس هذي الكلامات إلى كانت في صدر موزه ما تروم حتى تقول حق سلامى عن شعورها..لأنها تخاف أن هذا الحب ما ببيبقى غير كم من أسبوع..سلامى والله بتخبل ..أنا أحب شخص ويمكن ما يتم غير كم من يوم..أنا شو بصير لحياتى بدونة..وهو أكثر واحد أحبة في العالم...سلامى..أنا بموووووووووووووت...ليش ؟؟؟ليش؟؟؟ ...سلامى أحسة أنة ما يحب ..أحسة غير...أخاف أبرهن أنى أحبة ويصدنى...........بس كل هذا الكلام ما ظهر منها....حتى سلامى إلى جدامها ما قالتلها شىء..بس إلى شافتة سلامى وعرفتة..دموعها..وسكوتها....هذا إلى شافتة سلامى..ما شافتها أنها متعذبة من هالشىء..وأنا ما كانت تقصد بكلامها..بس كانت من الضيجة عليه...وسارت عنها...
سلامى:موزه.................موزه........
بس موزه سارت خلاص ويا دموعها وحزنها...وخلت سلامى برى وهى دخلت.. الصاله ما لقت حد بس لقت حمد توهة كان يفج الجريدة.....سارت عنده..
موزه وتمسح دموعها:أنااااااااااا..آآآآآآسفة....وسارت عنة.
مسكها من إيدها.
حمد مستغرب شوفيها ما كانت تصيح شوياها:شوفيج؟؟
موزه لفت ويها:أنا آسفة على الكلام إلى قلتة..
حمد: أي كلام؟؟؟
موزه عصبت :بعد أي كلام إلى قتلك إياه في الحديقة..آسفة وسارت عنة...
حمد مستغرب هاي شوفيها؟؟؟....مرة تهاد ...ومرة معصبة...ومرة تصيح..ومرة تغلس بالواحد..دخلت سلامى بعد شوي.....سارحمد عندها....
حمد :سلامى شبلاها موزه؟؟؟
سلامى :ما أعرف...