منتديات قصايد ليل - عرض مشاركة واحدة

10-11-2010

الجزء 20
وسارت تتلبس وبعدين شلتة عشان تردة ويوم حطت إيدها في مخبا الجاكيت يلست تصيح..ومن كثر ما كانت تصيح ما رامت توقف يلست ..لالالاالالالا...حمد ليش؟؟.. ليش؟؟..شو تفسير هذا الكنينكس وفيه شوي دم..وفرتها من إيدها...ويلست تطالعها وصيح....لالالالالالا..ما أظن أن حمد فيه...... وسكتت تبى تبعد هاي الفكرة..وبعدين تذكرت يوم كانو في الحديقة يلس يكح شوي وبعدين قال لأمايا شيخة بروح بشتري آي سكريم وهزبتة عشان الجو بارد وين ياكل آسكريم..ويوم سألنى لو أبا آيس كريم بس أنا ما عطيتة ويه..وبعدين سمعته يكح وسار ولا ياب آيس كريم ويوم يه كان شكلة غير.. محمر وعيونه يدامعن بس أنا ما عطيتة ويه...كان بس يبى يروح عنا وتعذر بالآيس كريم.. وبعدين كان ماسك على ثمة بالكنينكس ..وبعدين شلها وخلاها في مخباه.. وصيح.. لالالالالالالالا..أنا غلط لا مافيه شىء..إطالع الإكنينكس..ودور تفسير ثانى لوجودها في مخباه...لا يمكن طاح ويرح عمرة ما فيه شىء..وبعدين صاحت..كيف ما فيه شىء وبعد كم من يوم بتكون عمليته...خلت إيديتها على ويها وصاحت..ليش يا ربي ؟؟..ليش؟؟..يوم حبيت شخص يستويلة جيه؟؟..وحظنت الجاكيت..لالالالا لازم ما أحبة كيف أحب شخص بعد كم من يوم ما يندرى شو بصيرله؟؟..لا ما بحبة..ما بحبة..ما بحبة..بس حمد إنسان غييير..إنسان أسلوبة راقى وكلامة وحتى ظحكتة غير هذا الريال غذاب في كل شىء.. ليش جيه؟؟..تكابر وتكابر..لا حمد إن شاء الله ما بكون شىء فيه...أنا أتهيأ وبس..حمد بخير..وإن شاء الله بسير وبسوي العملية وبيظهر بخير وبرد لنااا..وتحاول تقوم..وسارت وغسلت ويها وظهرت من الغرفة..وخلت عمرها ما فيها شىء..وكل شىء أوكية..عشان ماحد يحس فيها..
الساعة 12:45 الظهر..
نزلت من الدري....وهى ماسكة الجاكيت...وتبتسم..
موزه تقربت منهم :سلام عليكم..
الجميع:وعليكم السلام..
منصور يأشر بإيدة :تعالى حبيبى يلسى عدالى ..وسارت ويلست عدال عمها ..وخلا إيده ورى راسها وحبها على يبهتها..وهى تظحك...
مى تطالعها ومغيضة..:أبويا شمعنا موزه وأنا لا..
سلامى تفرها بالمخدة..:أنتى جب..ما تعرفين تلمين ثمج؟؟؟
محمد مستغرب من أختة: سلامى أن ما لميتى أنتى ثمج والله لأقصة لسانج..فاهمة..
موزه بدلع: لا حرام سلامى حبيبى ما تهون علية لا تقولها شىء..وبعدين مى أبوج 24 ساعة وياج أنا أبويا ماحد ..يعنى بس ألحين بيلس وياه بس شوي لا زعلين...
سلامى قامت: أنا بروح عند أمايا شيخة أبرك عن اليلسة ويا كم..مليتكم من الصبح وياكم..بسير أشوف علوم أمايا شيخة..
سعيد ..ماسك تلفونة ويقرا المسجات.....:فكة بتفكينا من حشرتج..
سلامى وإيدينها على خصرها...:لا تخلينى أغير راي..
محمد:لا دخيلج الرحمن جدامج..
منصور..يظحك..:حليلها حرام عليكم ..
سلامى:عادي عمى كلهم تراهم يغارون منى عشان أن كل الناس يحبونى..
سعيد: وووع على شو نغار؟؟..دخيلج سيري الرحمن جدامج...
سلامى طنشتة عشان ملت منة تبى تروح عنة..لفت ويها عنة وسارت عنة.. ...ولحقتها نورة..ويلسو يسولفون...وبعد شوي
مى: موزه ما بسيرين عند أمايا شيخة؟؟
موزه: لا بيلس عند عمى..أنتى سيري وبعدين بلحقكن..إلا وين أمايا؟؟
مى:سارو يصلون..
موزه:أهااااا...وسارت مى..
أما حمد من وصلت موزه ما يتكلم بس ساكت ولا يتكلم كلمات بسيطة ولو ظحكو يبتسم..وبعدين يلس يقرا الجريدة..وسار عدال المدفأه بعيد شوي عنهم..
موزه عيونها عند حمد وشو يسوي..
حمدان ظاهر من المطبخ: موزه الغالية أمايا تباج..
منصور:صح أمج كانت تسأل عنج..
حمدان: سيري شوفيها شو تبى ؟؟؟؟
موزه:أوكية ..
موزه قامت من عندهم..وعيونها على حمد..مارت تسير ولا تكلمة..بتمووووووت لو شافتو بروحة ولا سارت عندة وكلمة ولا أنها تغايضة..وهو راعى سوالف وواحد لو ييلس وياه ما يمل منة..سلوبة يمكن يجذب الواحد؟؟؟؟..جان تسير عند حمد إلى كان ماسك الجريدة ولا منتبه أنها موجودة عداله...ولا يمكن مخلى عمرة جيه؟؟
موزه:أحم ..أحم..
حمد رفع راسة وإبتسم:هلا والله...شحالج؟؟
موزه ومادة إيدها تعطيه الجاكيت:بخيييييييير..
حمد شل الجاكيت:ها بعدج زعلانة..
موزه تطالع سعيد إلى يسولف ويظحك:أمممممممم..
حمد ومط إيدها عشان تيلس:يلسى بفهمج..يا أم لسانين..
موزه:هههههههههه..أنا أم لسانين؟؟
حمد:أفففففففففف..لا تتخبرين..
موزه وأونها زعلانة: أككككككرهك..بخبر أبوية..وبقولة يسمينى أم لسانين
حمد: ههههههه..هاي الكلمة من الصبح أسمعها....وبعدين ما خبرتى أبوج؟
موزه واثقة من عمرها:هيه..
حمد وظهر من مخباه البان:حشة يا الرويتر ..ليش تقوليلة؟؟؟
موزه وطالعة وهو ينفخ البان ويفتح الجريدة:أنا رويتر؟؟؟
حمد:هيه عيل ليش تخبرين عمى؟؟الحين شو بقول؟؟؟؟
موزه :حمد عطنى البان ..
حمد طالعها ورد عيونة على الجريدة: ههههههه...خلص...ما عندي...
موزه:جذاب..في مخباك..
حمد:دوري لو لقيتى خذيه كلة حقج...
موزه:عن السخافة وعطنى البان..
حمد:والله ما عندي خلص كلة..تبين هاي...ويأشر على ثمة..
موزه:ووووووع..أنا أكل من وراك..
حمد:شو أسويلج أقولج ما عندي..
موزه قامت:ولو عندك أنا ما بخذة..
حمد:هههههه..عيل ليش تسألين؟؟
موزه:كيفى ..
حمد:أنا شفت بنات بس مثلج ما شفت..
موزه:أف كورس .... سبشل..
حمد:صح سبشل في الغياض...والدلع
موزه فاجة عيونها:أناااااااا.
حمد:لا يدي..
موزه:تعرف أنا بعد أول مرة أشوف واحد مثلك..
حمد:هههههههه..لازم ترانى قتلج ليش...
موزه سارت عنة:الله شو بلانى بولد عم مثلك..أففففففف.
يلس حمد يظحك عليها..هاي البنت مستحيل تغير من أسلوبها...تموت إلا تغايض ...ورد وقرا جريدته..
الساعة1:00 الظهر..
دخلت موزه المطبخ ولقت أمها وسلامى ...في المطبخ..
موزه:هاااااااااااي مامى...هااااااااي سويتي..
أم حمدان مسكت موزه من خدها: والله إن ماصطلبتى لأدق لبوج..شو هذا فضحتينا عند أهلج إلا تتبزين ولا تسمعين الكلام..وليش حضرتج سايرة عند الماي ؟؟ هااااااااه..
موزه :ااااااااااااااااي..أمايا عورتينى..عنبوه كل هذا تبين أجاوبج عليه؟؟
أم حمدان: كم مرة قتلج بسج من البزى أنتى مب ياهل...
موزه ويلست: أماااااااااايااااااااااا..حليلى أنا بنتج الوحيدة..
سلامى: هههههه..وين سارت شموه؟؟
موزه: جب أنتى..
أم حمدان: أنا شو أقول؟؟
موزه وتشل برقع أمها وتحبها على خدها: فديييييييييييييت أمايا ...أمايا والله أنا حليلى .. كلكم تظلمونى والله ما سويت شىء..
أم حمدان: ما علية منج ...كلامى ما بعيدة مرة ثانية ..عنبوه فضحتينا عند عيال عمج وعمج وحريم عمومتج..عيب عليج ركزي..شبلاج؟؟
موزه بدلع: أمااااااايااااااااا ..والله هم إلى يغايضونى مب أنااااااا..وبعدين سعيد ومحمد وسلطان..يغايضونى...حراااااام أنا شو سويت ؟؟
أم حمدان:أنا قتلج..وكلامى ما بعيدة..
سلامى:خخخخخخخخخ..عمتية شو كلام الملوك لا يعاد..
أم حمدان ظربت سلامى على جتفها: هيه أنتى بدال ما تعقلينها تزيدينها..الله يعينى منكن ..
سلامى:أنااااااااااااا..حليلى..
أم حمدان:هاه شو عدتج موزوه....حليلى وحليلى...بسكن من البزى مش يهال..الحين غديتن حريم وباجر إن شاء الله بكون عندكن عيال..
موزه:بسم الله ..فال الله ولا فالج..أماااااايااااااا لو تبين الفكة منى برايج بس أبويا يبانى..
أم حمدان معصبة: موزوه ... لمى ثمج وبسج من البزى..وطولت اللسان..لا أقصه لج.. وأخليج بلمة..
موزه :لالالالالالالا..حرام أهون عليج؟؟
أم حمدان وظهرت من المطبخ:أنا قتلج..
موزه لحقت أمها:أمايا ما خبرتج؟؟
أم حمدان:خير ..شعندج؟؟
موزه تغايض امها:دقيت لبوياااااااااا.
أم حمدان:هيه وشو قالج؟؟وبعدين أمس داق
موزه:قالى أشتقت لمج وااااااااااااااايد متى بترودون؟؟
أم حمدان عصبت على بنتها وظربتها على راسها: عيييييب..شو هرمسات..
موزه أونها زعلانة:إنزين حليلى يزاي أخبرج..
أم حمدان: زولى عن ويهى يالله زقري سلامى جان تبن غدا..
موزه وتشل البرقع وتبسها على خدها: حببببببببببببببببببببببيبى ..أمايا أحبج وااااااااااايد.
أم حمدان تظحك على خبال بنتها: لعوزتى البرقع....اللله يعينى عليج..
وسارت ام حمدان عند عمتها والحريم..
الساعة1:15 الظهر