منتديات قصايد ليل - عرض مشاركة واحدة

10-11-2010

الجزء ال 11
فتحت عيونها شوي شوي...إلتفت يمين ويسار..إنتبهت أنها مش في غرفتها إلى كل يوم تكون فيها هاي الغرفة غيرها..ردت لذاكرتها أنها في لندن..حست ببرد تغطت..ولوت على لحافها..وبعد شوي إعتدلت في يلستها ..شافت البلكونة.. الضوء بعدة توه بادي يظهر ..إلتفتت للساعة الساعة الحين 8صبح..ردت بنظرها للبلكونة شافت مطر برى..نقزت من شبريتها عشان تشوف المطر..تقربت من البلكونة...الله على الجو فتحت الستارة..برى الدنيا متخرسة من المطر بس المطر مش قوي كان رذاذ ..بس وايد حلو الجو والدنيا مغيمة والشمس بعدها مش وايد ظاهرة..والمهب شكلها مش قوية .. بالعكس كانت هادية ...هههههه وحليلهن العصافير يالسين على الشير ..وشكلهن ينتفظون من البرد..الله ياليت هذا الجو يكون في الإمارات..ويلست فرحانة أنها من زمان ما شافت مطر ..فسارت بسرعة عند كبتها عشان تفكر شو تلبس لأنها ما تريد تيلس في البيت والجو يخبل بس لازم ألبس شى شتوي لأنة الجو شكلة وايد بارد..فختارت قميص شتوي بدي عنابي طويل لين طرف أصبوعها وفيه أبه لين رقبتها من فوق وياه تنورة جنز سودة ومرسوم عليها ورود بالعنابي وبوت شامواه عنابي..وسارت وخذت شاور بسرعة وصلت الصبح.. ويلست تشوف شكلها في المنظرة كيف إسوي شعرها..ففكرة أنها إسويه قرنين وتعقصة شوى وتحطيه مفجوج من تحت..لأن شعرها لونه كستنائى وناعم بشكل فضيح..وقصير لين جتوفها من تحت..وجحلت عيونها من داخل وخلت روج وردي شفاف وخدودها أوردي من البرد موردات..وظاهرة تخبل لأنها لابسة عنابي وهى وايد بيضة..ظهرت من الغرفة ..ولقت البيت هادي بشكل فظيع بعدهم العرب رقود...كيف هذيلة إيهم رقاد ؟؟..فنزلت من الدري..وشافت ميري وجودي ينظفن البيت ..
موزه والإبتسامة رقيقة على ويها: قود مورنق..
ميري وجودي:قود مورنق...
موزه ومخلية إيدينها ورى ظهرها:شو إسوووووووون؟؟
ميري: سوي ترتيب..
جودي ومخلية عمرها معصبة:موزه ليش ما سوي نوم؟؟؟
موزه وتوها بتقعد على الكرسي ومسكت الجريدة: بس أنا ما يانى إرقاد..حد يرقد الجو يخبل؟؟
جودي: موزوه أنتى ما في سوي نوم زيادة..مافي تعبان؟؟
موزه ومشت لين عندها وتعطيها وردة من المزهرية: لا أنا مش تعبانة أحس أنى رقدت يوم كامل..وتمط إيدها وتوديها المطبخ..
موزه ويلست على الكراسى المطبخ:هاه جودي شو الريوق اليوم؟؟
ميري: أنتى شو يريد؟؟
موزه: أمممممممم أريد فرنش بريكفاست..
ميري :أوكية.
ودخلت عليهم أم وديع..ويلست تطالع موزه ..ما عرفتها...وبعد شوي
أم وديع: أنتى موزه؟مو هيك؟
موزه وطالعها والإبتسامة كبيرة على ويها: شو رايج يا أم وديع؟؟
أم وديع وعيونها يلمعن من الدموع: لك تأبرينى..يخزي العين ..شو حلوه...وتحظنها...
موزه والدموع نزلن من عيونها: بس عاد أم وديع تراج صيحتينا...
أم وديع: هيك ؟؟..هيك؟؟ يا موزه لا بتشئى علينا..خلاص أنا كتير زعلانة عليكى..
موزه: أفاااا يا أم وديع ..أهون عليج..ويلسن على الكراسي...
أم وديع: والله يا موزه ما عرفتك من أول مرة شفتك فيها..لك تأبرينى والله متل الملكة.. يخزي العين...يخزي العين..
موزه:بس عاد أم وديع ..إلى يسمع يقول حورية ..
أم وديع: والله العظيم ..أنك بجننى.ومتل الحورية كمان.
موزه: إنزين يا أم وديع شخبارج؟؟؟وين بنتج؟؟ما شوفها..
أم وديع :والله بنتى عرسة ..وجابت بنت وصبي..
موزه وهي مستغربة:صدق والله؟؟
أم وديع: إيه ..من خمس سنين هيه معرسا ..
موزه: وحليلج يا سامية...والله أنى كنت أحبها..
أم وديع: هيه كمان بتحبك..وتبعتلك سلام..وكل مرة بتسأل عنك..
موزه: الله يسلمها من الشر ..سلمى عليها وايد وايد وقوليلها موزه زعلانة أنها ما حظرت العرس ولا حد قالها...
أم وديع: يه يه ...لك تأبرينى ..زعلانة..لا والله مين آل ..أنا لما أزورها رح أؤلها أنك هون.. وهي أكيد رح بتيجي تسلم عليكى..
موزه: فديتج يا أم وديع ..الله يخليج...لا تعبين عمرج أنا بزورها..
أم وديع:لا ليه.ما بصير
موزه:والله عيل ما تخلينها إتى.. أنا إللى لازم أزورها مش هيه...أنا أريد أشوفها وأشوف عيالها .
أم وديع :الله يخليكى...لما بدك تزورينها إحكيلى عشان أروح معاكى..
موزه وإبتسامة عريضة: فالج طيب..
أم وديع: أنتى أوليلى إنخطبتى شى؟؟
موزه وحطت إيدها على خدها:الله ينطبة بعدة ما ظوى..
أم وديع:يه ..يه. يه..ليه؟؟
موزه: تبين الصراحة أحسن ..أنا بعدني تونى مخلصة ثانوية.وإلا كوس واحد مخلصة من الجامعة ..وبعد كم من أسبوع بتى الجامعة وبكمل الكورس الثانى.
أم وديع: والله هل رجال ما عندهن عيون ..لك حد ما بيخطب هلؤلؤه؟؟والله ما فيهن عيون.
موزه: ههههههههه ..وحليلج يا أم وديع ..بعدنى ما مستعيلة على شىء ..لو شىء نصيب ما حد بردة..
أم وديع: الله يعطيكى الرجال إلى بأدرك ..وبخليكى على راسو..
موزه:شو رايج يا أم وديع تدوريلى..ههههههه
أم وديع: ليش لا..بدورلك..ويلسن يسولفن لين شوى وبعدين سارت أم وديع السوبر ماركت عشان كم من غرض ناقصنها..وشلت موزه كوب الجاي وظهرت من المطبح.أف لين الحين ما قامو؟؟..ومشت لين الصالة الزجاجية ووقفت وطالع المطر...والحديقة ..الله محلاة الجو ..خاطري أظهر برى بس الدنيا رطبة من المطر أخاف أتوصخ...وبعد شوي تسمح حد يجلب بالجريدة بس الصوت من بعيد ..يعنى الصاله الرئيسية ..فرحت ..أخيرا سلطان قام من رقادة..مشت بخطوات سريعة..بس ما كان سلطان..تقربت بس ما كان رافع راسة منزل راسة وهو يقرى..وبعد شوي رفع راسة..كان حمدان أخوها..من شافت حمدان أخوها ربعت عندة..وهو من بعيد يالس يطالعها والإبتسامة كبيرة على ويهه..وقام يوم شافها تقربة منه...من الفرحة يوم شافت أخوها وقفت جدامة..
موزه وخلاص دموعها خاننها ويلست تصيح: والله أنك بايخ.. عنبوه من شهر ما شفتك ولا تسأل عنى..
حمدان وإبتسامة صغيرة على ويه:أنا بايخ؟؟..السموحة يا أغلى أخت ويا أبزى أخت في الكون...ويحظنها..
موزه: الحين عرفت أن عندك أخت؟؟
حمدان ويمسكها من خدها: شو أسوي الشغل..
موزه ويلست عداله: أف من هذا الشغل..على ما أظن الشغل ما يقولك لا تسأل عن أختك ولا دقلها تيلفون..
حمدان وهو متلوم: خلاص عاد..السموووووحة ..
وسارت موزه وشلت مخدة وخلتها تحت ويلست جدام أخوها..
حمدان:شو إسوين؟؟
موزه والإبتسامة على ويه: ليش حرام أريد أشوفك..وأريد أشوف شكلك تغير ولا لا..أخوي يااااااااااي محلاتك والله تخبل معقول أنك أنت أخوي؟؟؟
حمدان: هههههههه .لا ولد اليران..بس عاد ..شو تتطنزين؟؟
موزه: بذمة ما أطنز..ماء شاء الله ...وطالعة بنظرات إعجاب..وتظحك
حمدان ويفرها بالمخدة: زولى لا..والله أنج متفيجة....إلا قوليلى شو هالحلاوة كلها..متكشخة وين تبين؟؟
موزه وأونها مستحية: والله ما من بقعة؟ صدق والله ؟؟الحين أنا حلوة؟
حمدان وهو واثق من نفسة: إلا أنتى شالة الحلاة كلها..
موزه: مشكور..أخجلت تواضعى... .إلا أقولك من متى أنت هنيه؟؟
حمدان ويشوف ساعتة:من تقريبا 10دقايق..
موزه: ليش عيل ما دخلت ترتاح؟؟
حمدان: شفت الجريدة وقلت بصفحها..
موزه:الله يهديك الحين الجريدة ما بتشرد سير أرقد أبرك لك.
حمدان:مب جنها طردة ...هههههههه..
موزه:لو الود ودي جان ماخليتك تظهر ..أبا أسولف وياك..بس حرام الحين تعبان..بس بعدين بتشوف بلصق فيك لصقة..إلا قولى تبى ريوق؟؟
حمدان: لا والله أريد أسبح وأسير أرقد..
موزه: يالله بوي سير بسرعة..
حمدان: إلا أقولج الله ينطب بليسج نسيتينى ..وينها أمايا؟؟
موزه: أمايا بعدها بسابع نومها..
حمدان: ههههههه ليش أنتو من متى واصلين؟؟
موزه: من تقريبا خمس ساعات..
حمدان ويرفع حياته: ول وأنتى شو مقومنج من غبشة؟؟
موزه:والله ما يانى رقاد شفت الجو حلو قلت بسير أشوفة..
حمدان ويطالع برع: هيه عادي ما دام وصلتى لندن تعودي على هذا الجو لأنة الشتى داش ولا بعد بطيح ثلج..
موزه: الله ثلج بطيح؟؟
حمدان: هيه..
موزه: الله .......يا الله متى بينزل الثلج عشان ألعب فيه؟؟
حمدان: يمكن كم من أسبوع.جيه شو أول مرة تشوفين ثلج؟؟.
موزه: والله عاد كنت صغيرة يعنى نسيتة..أنزين الحين الجو بتم جيه ..
حمدان: لا بعد شوي بوقف المطر..
موزه: الله ..عيل بقدر أظهر برى؟؟
حمدان: شو رايج أسيرين ويا البنات الحديقة..في حديقة عدال بيوتنا وايد حلوة..
موزه: والله فكرة حلوة...أسمينى اليوم ما بخلى بقعة..
حمدان: هههههه ..عاد لا تحومين وايد..
موزه: فالك طيب.بس شوي.
حمدان ويشل جاكيتة ويخليه ورى ظهرة:عاد الحين أوروفوار..
موزه: أوروفوار..
ويلست في مكان أخوها يوم سار عنها وخلت ريولها على طرف الطاولة وتصفح الجريدة..لأن بعدهم العرب ما قامو من رقادهم...وكل شوي إطالع برى والجو ...متى بوقف المطر عشان أظهر برى وأسير عند سلامى؟؟
في بيت حمد إلى في لندن..