04-11-2022
|
|
|
رسمت وصله ..
اللحن يانوح الحمامه وجدته
دام القسى موجود تبت يدينه
لحنٍ كساني لين لحنه شعرته
يعزف على لحن المفارق انينه
مادامني هايم وحبي فقدته
بجر لحنك لين انسى حنينه
والشعر لو انه عذرني عذرته
لكن مالي غير قبضة يقينه
صويب من بعده وحبٍ ذكرته
ماعاد لي ياكود ذكرى سنينه
رسمت وصله وفالبعد مارسمته
وجليت لهدابه ودمعات عينه
يادمع ماباقي من اللي ذرفته
ياكود دمعات الفرح والسكينه
هذاك بحري من يديني غرفته
وهذاك حزني لج صوت المدينه
ياصبر وش باقي من اللي صبرته
خل الصبر لايام عمري خزينه
مادامني عايش وحزني شربته
انا تراني يا الحمامه سجينه
منقول
|