منتديات قصايد ليل - عرض مشاركة واحدة

10-02-2010

مرت الايام فهد تخرج جاب نسبه كوويسه
يوم الملكه كان تعيــــس على الطرفيين
فهد وشروق بالمجلس برووحهم::
فهد بقلبه((حرام بحسسها انها عروووس بسم الله)):مسك ايدها:مبروووكــ
سحبت ايدها بسررعه : لا تصدق اني زوجتك
فهد ببرود المعتاد:اجـــل خدامتي
شروق:تخســــــى
فهد مسك رقبتهاا حيييل: يا حلوووه اسمعي انتي زوجتي غصب عنك وبتطيعين اوامري نفـــس الحشره تفهميييين؟؟؟؟
شروق:اااااااااااااااااااااااااااي بعد بعد
فهد :تفهمييين؟؟؟؟؟؟
شرووووق:ااااااااي افهم افهم
هدها فهد منقرف :عطيني رقم جوالك خلصيني
شروق:طــيب اخذ
سجله فهد وطلع وهووو تعبان من هالمصيبه بس مصيره بينساهااا طبعااا عطلته وربعه بالديوانيه ينتظرونه
طلع لهم بالدوانيه
راكان:هااا بــشر
تركي:اذا مزيووونه قولي اخذ اختهاا
فهد عطاهم نظره وقعد ونفسه بخشمه اخلااااقه صفففر
طلال:لاااا ابو الشباب
فهد بعصبيه: انت وياه تعرفووون كل شي لييش تسوون هالحركااات بعرف ليييش
الكل سكت كانوا يبون يلطفوون الجو بس ماقدروا
فهد سكت فتره بعدين:السمووحه والله انكم اقرب لي من اخواني بس انا اه
راح راكان وضمه بعدين جاهم طلال وجاهم تركي ضموا بعض كــلهــم بقوه وضحكوووا بس كل واحد شايل هم بقلـــبه
عند راكان..
الساعه 12 بالليل راكان داش البيت
راكان: وش فيه راكان؟ منو اللي حاش فيني أكيد الخبله أنا اذني صفرت عند الربع
بشاير: أنت جب
راكان: منو جب؟
بشاير: أنت جب
راكان: الطاف حطي غترتي على الكرسي (رفع كمومه وفتح زراراته)
راكان: ولآخر مره منو جب؟
بشاير (تبرد أظافرها) : أنت ليش في أحد غيرك؟
الطاف: واااااااو بشور هذا أخوك الكبير يا الخبله
راكان: هذي ما تحشم أحد؟
أم راكان: ركون
راكان: سمي يا الغلا
بشاير تقلد صوت راكان: سمي يا الغلا
راكان: يمه قولي وش عندك ولو سمحتي بسرعه لان باجر في بيتنا عزا
ام راكان بخرعه : وشو فال الله ولا فالك
راكان انذعر: طيب طيب بس سمي يا الغاليه
راكان غنى لأمه وحب يقهر بشاير: (مرحبا والنفس طربانه للقصيد وشاعر جاها
والكتاب الطيب عنوانه والحروف الطيب مجناها) : لبيه يا أم راكان
أم راكان: بقولك موضوع بس أتمناك تقول تم
راكان : تم يا الغاليه
أم راكان: طيب أعرف الموضوع بالأول
راكان: كل شي عشان خاطر أم راكان راضين فيه ما أبي أعرف الموضوع
بشاير: يمه وناسه يعني بنخيم معاهم
راكان: مع منو؟
الطاف: مع ربع خوالي
راكان: كلهم بيروحون؟
الطاف: اي أمل وهند وساره ومها وكل البنات
راكان: خلاص أجل أنا بوديكم جهزوا نفسكم
بشاير: غصبن عليك ترى مو طيب منك
الطاف (تطق إيد أختها) : راكان ترى عقب ثلاث أيام بنروح تصبح ع خير
(أستانسوا العايله)
راكان يتصل بطلال: قوه طلال
طلال: هلا ركون شلونك
راكان: بخير أنت وشلونك وشلون الوالده والوالد والعجوز
طلال: ههههه العجوز منو ؟؟؟
راكان: ساره بعد في غيرها؟
طلال: ههههه والله بخير أنت شلون هنودتك
راكان: بنطلع معاهم المخيم
طلال: العن خيرك كيف ومتى؟
راكان: الوالده تقول عقب ثلاث أيام
طلال: طيب ضبط أختك عشان تضبطك مع هند
راكان: كنك قاعد معي وتسمعني
طلال: طيب يا الشاعر سلم ع عمي وخالتي
راكان: يوصل وأنت بعد سلم عليهم
عند تركي..
بدور : تركي انا ابي شي
تركي : امري يالشيخه
بدور : ودني المدرسه ابي اكشخ باخوي الغالي
(.. من وسامته ورجولته وطيب قلبه ويتأثر لاشاف بنت تبكي ولا حزينه .. مركزه راقي .. وصفاته صارت رسم لفارس أحلام كل بنت ،،)
دايم بدور تطلب منه يوصلها وياخذها عشان تكشخ في اخوها وبعض البنات يطلعون مع بدور عشان يشوفون تركي .
تركي : وانتي هذي عوايدك
بدور: تكفي بلييييز
تركي : تامرين يالشيخه يالله انا برا انطرك
بالليل من عوايد تركي يروح الممشا يتمشي لانه تركي مريض ( بالسكري ) مرات مع ربعه ومرات مع اخوه بدر واكثر مراته يروح بروحه ومره من المرات وكالعاده راح يتمشي بروحه هاليوم وصار له موقف ومن بعد الموقف حب واول مره حس انه بعالم غير هالعالم
أشواق : اشفيك يا فرح اشفيك
فرح : الحقي علي يا أشواق تكفين ابموت
أشواق : كله مني انا ساس البلا انا غصبتك وانتي بهالحاله
فرح : لا يا أشواق انتي مالك شغل بالموضوع انا كنت ابي اطلع معك
أشواق كانت تصيح وماتعرف تسوي شي لانه من عوايد اشواق واختها فرح يروحون مع السايق بروحم ويخليهم بروحم واذا خلصوا يدقون عليه ويمشون .
تركي سمع احد يصيح عنده وراح يشوف وش السالفه
اشواق شافت تركي
تركي : عسي ماشر شفيكم
اشواق : اختي اختي بتموت
تركي : لا تقولين كذا كل واحد له يومه وحنا ماشين بهالطريق ماعليه انشاء الله.. اقول معاكم احد اناديه
اشواق : لا بس احنا بروحنا
تركي من كثر ما تصيح ما فهم شي منها تركي شال فرح وراحوا المستشفى
اشواق رضت لانه اختها بتموت بين ادينها وراحوا
دقت اشواق ع ابوها واخوها وحضروا بسرعه والحمد الله استقرت حالة فرح وصارت احسن من قبل
اشواق : يبه هذا الولد اللي ساعدنا
ابو اشواق : شنو اسمه
اشواق لحد هالوقت ما تعرف اسمه : مادري يبه
ابو اشواق راح عند تركي : مشكور يا ولدي والله يكثر من امثالك وربي يحفظك انت من ولده ؟
تركي : انا تركي بن عبدالله
(اشواق بس اسمعت الاسم طارت لعالم ثاني من الاسم وحست بشي بقلبها ما تعرف شنو )
ابو اشواق : تسلم يا ولدي
تركي : انا ماشي تامرني ياعم وانشاء الله البنت تقوم بالسلامه لك
ابو اشواق : تسلم يا ولدي
تركي : مع السلامه
* *على فكره تركي من كثر ماخذت اشواق عقله من اول ما شافها استغل الوقت قبل يجي ابوها وعطاها الرقم و قال اذا تبون شي اتصلي علي * *
_______________________
أسألك بالله وش سويت فيني
وش سر هالشوق اللي يجيني
قلبي طول وقته معك
ما يبيني
أسألك باللي عطاك
هالعيون
أسألك بالله يالقلب الحنون
كانك تعرف سر هالشوق
إنك تقول وش يكون؟
هوغرام
أوإحترام
أو مرحلة حب
أوجنون
_______________________
عند طلال..
ودخلت سويره الثانويه العامه هي والطاف وكانت اول سنه لهم بالمدرسه وتعرفوا على بنات جدد وحبوا الثانويه ومرت أيامهم بالثانويه مواقف ونكت وسوالف
في عيد الوطني كان بمدرستها حفله بمناسبة العيد الوطني فلبست ساره أشماغ أخوها طلال وجت عندها وحده من رفايقها اسمها "مها" وكانت العلاقه بينهم علاقه سطحيه ومها كانت آخر سنه لها فجت عند ساره وقالت
مها: الله اشحلاته عفيه سويره ابي ألبسه
ساره: أخذيه أفا عليك ما يغلى عليك
مها: مال منو؟؟
ساره: مال أخوي طلال.. بس عادي أخذيه اذا تبينه
مها: ساره قولي حق طلال اني أبيه
ساره: أصلا ما يغلى عليك وراح أقوله
وردت ساره البيت وشافت أخوها طلال وقالت
ساره: طلااال
طلال يدري ان عند أخته ساره حفله لعيد الوطني وقال
طلال: هلا سويره تعالي شلون حفلتكم؟؟ وناسه؟؟
ساره: ونااااسه فصلنا ورقصنا وغنينا ولعبنا
طلال: صدق بنات رقصنا!! عقلكم صغير
ساره: اي صدق طلول أشماغك أخذته مها رفيقتي
طلال: ما يغلى عليها دام انها رفيقتك يا سوسو
ساره: يا حلو طيبتك بس هي قالتلي اني أقولك
طلال: قوليها ما يغلى عليها مثل ما قتلك
ساره: خلاص بقولها
وراحت ساره وقالتلها ودارت سوالف مع بعضهم،، وبعد فتره طلال قال حق أخته ساره
طلال: سويره
ساره: هلا
طلال: شخبار الي أخذت أشماغي؟ (طلال ما كان يعرفها بس هو يسأل طبعه كذا)
ساره: زينه يا حلوها تدري آخر سنه لها
طلال: صدق يلله ما بقى شي وتخرج وأنتي بعد كم سنه و تتخرجين
وكان طلال يسولف مع أخته ساره سالفه ورا سالفه وكل يوم عندهم أخبار جديده وضحك وغشمره
عند فهد..
فهد واهله بشاليه مع عمانهم الاثنين قاعد قدام البحر لابس برمودا سوده وبدي ابيض صاير جسمه يجنن فيه مع الكاب والنظاره الشمسيه
شهد جته: مشاء لله انا قلت اخووي مزيوون بس مو لهاذي الدرجه
فهد بابتسامه:من عمري اصلا ما قلتي شي جديد
شهد تقعد بجنبه:اموووت بالمغرورين انا
فهد:وانا بعد امووت فيك يا شهد
مدري شلوون بصبر بمصر
شهد:اييي قولي من هالكلام العب علي
جت "رهف"بنت عمهم الثاني هذي وحيدته وعمهم ما عنده غيرها
رهف بنت حبووبه قمر ناعمه انيقه اصغر من فهد بشهرين يعني تدرس معاه تحبه بس ما تبين له ولما درت ان ملك حاولت على قد ما تقدر تنساه بس ما قدرت
رهف بابتسامتها المعتاده:مرحبا
فهد:هلا وغلا برهوفه
رهف:هلا فيك
شهد:اخبارك رهف؟؟؟
رهف:بخيير
فهد:دووم يا ربي (يحسبها نفس اخته شهد يحبها كأخوها )
رهف:فهود
فهد:عيونه
رهف:شكرا
شهد:وين شروق تسمع هههههه
فهد انقلب وجهه "ما ترتاح شهد الا لما تجيب طاريها وتنكد علي"
رهف:هههههههه يووووه لا تنادينها تعصب علينا هههههه
فهد:خلااااص رهف وش كنتي تبين
رهف:امممم ابي نتسابق عالبحر
فهد بابتسامه مد يده لها عشان تساعده يقووم:طيب حاضر رهف
رهف سحبت فهد بقووه من غير قصد قام وطق صدرها بصدره
من قوة السحبه
حست بالاحراج فهد بعد منصدم بس فرح لما شاف شروق تطالعهم هي منصدمه ومحتره
رهف"كله مني انا سحبته بقوه صارت انفاسه قريبه من انفاسي و فهد مستانس رهف بين احضانه مع انها مثل اخته بس اللي مونسه ان شروق محترره ومنقهره
جت شروق:لا فهد شرايك بعد نشغل موسيقى رومانسيه وتستانس اكثثثر
فهد ما بعد عن رهف:هههههه لا ما يحتاج صوت الموج احلى
شهد ماتت من الضحك متعمده تقهر شروق:لا فهد وانا ارقص وراكم ههههههههه
فهد بعد عن رهف لان حس انها ماتت من الاحراج بس مسك يدها
رهف طايره من الفرحه فهد كان لازق فيها قبل شوي والحين ماسك يدها
فهد :يلله شهد ورهف امشوا نتسابق
رهف بنعومه:لحظه شروقه تعالي معانا
شروق:مااااااااااااابي
فهد:بطقاق بطيتي اذونا يلله رهوفه وشهوده مشينااا
شروق:احلللف عاد
فهد بعصبيه:خير نعم
رهف:خلاص فهود شروقه تعالي العبي معانا
شروق بتفكير "والله لخسرك يا فهد وتشووف منو شروق":طيب ابلعب
فهد بقرف :الحقوني
وراحوا البنات وراه
فهد يصارخ:واحد اثنين "كلهم تجهزوا"ثلاثه
فهد مسك يد رهف وشهد وقفهم خلى شروق تركض بقووه وهي مو منتبهه انهم ماركضوا
فهد ميت من الضحك على شكلها :ههههههههههههههههههاي
طبعا هي ما سمعت لانها طايره
رهف وشهد انصدموا من الحركه الي سواها فهد
شهد بعد فتره :ههههههههههههههههههههههههههاي
رهف :فهد ليه سويت كذا
فهد:لاني اكرها يا رهف تعرفين ايش يعني اكرها في وحده يوم الملكه تقول لزوجها لا تصدق اني زوجتك
رهف فتحت عيونها بقوه
فهد:اي يا رهف اي هي تكرهني وانا ما اطيقها اكرررهاااا
رهف:ليش يا فهد خذيتها
فهد:هه حكم القوي
شروق انصدمت لما شافتهم راحت ركضت لهم :حقاااااااره
فهد:هههههههههههههه يا حليلك عجيب ركضك والله
شروق والدمعه بعينها من الفشيله:حقييييييييييييير ودخلت تركض
فهد:انننقلعي
رهف :مع السلامه
جت بتروح فهد :على وين
رهف:مو حرام الي سويته؟؟
فهد انصدم:رهف انتي من جدك
رهف:طبعا من كذا حرام عليك فشلتها قدامنا
فهد:يعني اللحين انا الغلطان صح يا رهف ؟.؟
رهف ساكته
فهد:طيب وراح بعييد عنهم
رهف قاعده مقاابله البحر
قعدت بجنبها شهد:رهف لا تزعلين عشان شروق
رهف ودمعه بعينها: انا مو زعلانه ارتحتوووا
فهد دخل لقا شروق ضامه عمه مشاري وتبكي بحضنه كنها جاهل
مشاري:فهد
فهد:هلا والله بعمي مشاري
مشاري:فهد ليه تسوي هالسوالف السخيفه هااا
فهد:مشاري انت تدري بكل شي فماله داعي الحكي الكثير
شروق:فهد اكرررررهك
فهد:وانا اكثر يا زوجتي العزيزه هههههه
شروق :شفت يا عمي بنفسك
فهد:هههههههه ايوا يا عمي شفت لما قالتلي اكررهك
شروق :اناااا اعلمك يافهيدان
فهد يغني :علم البي الغرام سمعني احلى الكلام ......هههه
دخلوا رهف وشهد سلموا على عمهم طلع فهد يتكلم بالجوال مع ربعه
راكان:هلا وغلا اخبارك
فهد:ماشي حالي انتظر بشبك طلول وتروك معانا
طلال:سلاااااااام
تركي نعسان:صباح الخير
فهد:مساء النور ههههه
تركي:تطنز انت وهالخشه
طلال:ههههه اه تركي مرره نعسان
راكان:اه من قده يجيه النوم
تركي:اعوذ بالله من عييونكم تفوو النومه طارت
الكل:ههههههههههههه
جت رهف وقفت قدام فهد
راكان:شباب فهد هادي شكله خامر مع شروق على بلا
طلال:ههههه يسويها فهد
فهد:انقلعوووا يلا فمان الله
تركي:امم سكر المكالمه فجأه صدقتوا يا ربع خامرله على بلا....
عند راكان..
بالمخيم .. <<
راكان (ينزل أغراض أهله من الجيب والخدامه تساعده وكان في كامل كشخته ومروا قروب بنات سلموا على أم راكان والطاف وبشاير أما راكان قاعد يطالعهم ويدور هنودته)
راكان: يمه هذول كل الأغراض أنا بروح عند الشباب وإذا بغيتوا شي اتصلوا علي
أم راكان: لا ركون فديت قلبك ما نبي الا سلامتك
راكان: يلله أجل سلام
(البنات قعدوا يتهاوشون على راكان وراح راكان بالسياره وفجأه وقف شاف ذاك الزول اللي كنه غزال وقعد يراقبها)
راكان: أوف أوف أوف شهالزول؟ يالعنبو جدك
راكان: هذا زول هند بلى هند بمر من جنبها وبشوف
(راح لمكانها بس ما وقف بالسياره كان مار مرور الكرام وحب يدزلها مسج عشان يتأكد إذا كانت هي ولا مو هي)
راكان: هنوي حياتي أنتي اللي قاعده تمشين بالمخيم بروحك؟
هند: إيه وش يدريك؟
راكان: شفت زولك اللي خطف قلبي
(وبعد مرور كم يوم وهم بالمخيم راكان حب يشوف هند)
راكان: طلبتك هند طلبتك صدقيني محد راح يشوفنا
هند: آسفه ما راح أقدر
راكان احتر ويبي يكسر خاطرها: وش بسوي لك؟ بس بشوفك ما راح أنطق ولا حرف
هند بعد تردد وعقب حنه من راكان لانه ما تقدر عليه: الساعه كم تبي؟
راكان: لأ أنتي اللي حددي؟
هند: ثلاث الفجر زين؟
راكان: طيب ثلاث ثلاث حاضرين
(جا راكان المكان وشافها تنتظره)
راكان (عيونه كلها شوق ويشوفها بنظرات عجيبه)
هند: شفيك تناظرني بهالطريقه؟
راكان: ليه حرموا النظر بالشي اللي يبهر ويجذب؟
هند: لا عاد لا تكذب علي
راكان: عسى الساني القص كان كذبت
هند: راكان شكثر تحبني؟!
راكان: شفتي هالنجوم شلون منثورين بالسما؟
هند: إي
راكان: هذا حبك منتثر بقلبي بهالطريقه وما في ثغره في قلبي ما تحبك
(هند أستانست وراكان أكثر وودعوا بعض وماودهم يروحون بس طلعت الشمس وخذتهم السوالف وصار هذا مكان لقاءاتهم )
عند تركي...
وطبعا هذي مواصفات اشواق
مواصفات اشواق طولها حلو عليها رزه تهبل بيضه وشفايفها تهبل صغار وجسمها يجنن يحطم عيونها حلوه مغروره بس غرورها يهبل رافعه خشمهااا بمشيتهاا مزيوونه بمعنى الكلمه واكثر شي فيها حلو روحها المرحه والطيبه..
اول مارد تركي البيت لقى اهله يتعشون
ام تركي : تعال يا وليدي تعشي
تركي : عقله طاير وما رد علي امه لانه مو معاها كلش
ام تركي : يمه وليدي شنو فيه تركي ( وتعلي صوتها اكثر ) يمه تركي
تركي : لبيه سمي يمه
ام تركي : سم الله عدوك وش فيك يمه
تركي : ابد يمه تامرين شي
ام تركي : تعال تعشي
تركي : تسلمين يالغاليه مو مشتهي ابي انام
ام تركي : فيك شي يمه
تركي : لا يمه بس تعبان ابي ارتاح
ام تركي : روح ارتاح يمه
تركي : اقول لا تزعجوني ابي انام فهمتوا وانت يا بدر مع بدور لا تتناجرون فهمتوا
غرفة تركي
تركي ضايع وما يدري شنو يسوي غير يقلب يمين يسار وكل تفكيره كان باشواق وجمال اشواق وبعد ساعه تعب تركي حيل وما قدر ينام ونزل تحت واكيد كالعاده بدر وبدور يتناجرون وفاطمة وشوق وام تركي يضحكون عليهم وعاد تركي يحب يزيد النار حطب وبعدها كلن راح لغرفته ينام ماعدا تركي ماعرف ينام وقعد لحد الصبح واهو يفكر وما حس بنفسه ولا اهو نايم وغاط بنومه وفجأه اصراخ وفز من النوم ونزل ولا هذا ( بو طبيع ما يجوز من طبعه ) بدر وبدور يتكافخون ولما شاف الساعه انصدم .
تركي : ليش ما قعدتوني اروح اصلي مع الربع
بدور : انت ان قعدنا فيك تزفنا وتطردنا من الغرفة
تركي : جب انزين انا بروح لربع
بدور : والله مادري وش فيك اليوم بس تزف فيني لي الله انا
بدر : هههههههههههههههههههههههههههه
بدور : جب انت
بدر : ههههههههههههههههههه
بدور : تصيح وتروح غرفتها
تركي : تعالي انا ما كان قصدي بس وربي مادري وش فيني حقك علي
بدور : تبيني ارضى اكفخ ابو البنات الخربان اللي ما بقي بنت بالمدرسه ما يعرفها
تركي : وش دراك انتي
بدور : البنات بالمدرسه ما يمشون معاي اللي مصلحه عشانه او عشانك انت وانت ما تعطيهم وجه بس هالخبل يعطيهم وجه
تركي : بدر الكلام اللي تقوله بدور صدق ؟
_بدر انحاش_
تركي : تعال يابو البنات قلنا خربط بس مو عند خواتك تعال
طلع بدر وراه تركي
تركي : انزين يا بدر ما في مصرف اليوم انزين
بدر : اقول تركي منو اشواق
تركي انصدم لانه محد عرف شنو صار مع تركي لحد الحين لانه كل اللي صار ما صار له يومين لحد اللحين
تركي : انت يابو البنات شنو تقول تعال اهني احسن لك لا اتوحد فيك
بدر : وانا شدراني عنك وانا جاي لك اقعدك تقول اشواق ومن تكون اشواق
تركي : احلف اني قلت اشواق
بدر : ليه اكذب اجل وشدراني انا بالاسم وانه اسمها اشواق قولي وشلون عرفت
تركي انصدم : اقول روح عن وجهي احسن لك
بدر :ههههههههههههههههههههههههههههههه
تركي : اقول روووووووووووح
بدر : الحب بدا وانا مدري عنك اقول روح تهنى
تركي حذف قوطي العصير الي بيده بوجه بدر : طس عني ابرك لك
عند طلال...
طلال في يوم من الايام رحت الثانويه أجيب أختي ساره من المدرسه نزلت أنطرها عند باب المدرسه وفجأه لفتت نظري وحده ("وجها مدور وبيضه وبشرتها ناعمه وعيونها خطيره سود ولامعه وبارزه شوي وخطتها بالكحله رهيييييييييبه وخشمها صغير وشفايفها ورديه فاتح وجسمها يجنن وطولها متوسط وحلو") تقولون ملااااااااااك يآهي جمال يآهي زول يآهي جسم ما شاء الله عليها شقولكم عنها مع اني كنت اشوف بنات كلهم في حلوين وفي جياكر الا ان قلبي فز ونبضاته سريعه وانا واقف وأناظرها نسيت نفسي والبنت تنطر أهلها داخل غرفة الانتظار اللي عند باب المدرسه مالت الطالبات اللي ينطرون أهاليهم وهي جالسه وانا عيوني كلها عليها وتناظرها أخذت كل تفكيري وشلعت قلبي ورحت دنيا ثانيه وفجأه أختي ساره تناديني
ساره: طلال... (ساره تلوح بدينها قدام وجه طلال)
طلال ولا على باله أحد وكان يناظرها
ساره: طلااال شفيك واقف يلله
طلال ما انتبه لها وهو سرحان فيها وفي جمالها
ساره شافته حده سرحان و عيونه ما ترمش فلفت بتشوف منو يطالع وفجأه شافت مها اللي هي رفيقتها (بس مو حيل معاها وان مها اكبر وكانت مها اخر سنه لها وتتخرج من دراسة الثانويه العامه واما ساره أول سنه لها بالثانويه) وسكتت وردت تنادي أخوها ثالث مره وهي ماده ايدينها لطلال وتناديه
ساره: طلال طلال شفيك يلله أمش قاعده أناديك ما تسمع ولا كلش مو معاي
طلال: ها!! منو!! ساره!! شفيك؟!
ساره: أنت اللي شفيك مو معاي كلش ولا تدري عني اصلا
طلال: ها!! لا ولاشي
ساره: شفيك تطالع البنت؟!
طلال: اي بنت؟! شتقولين أنتي؟!
ساره: هذي البنت اللي داخل غرفة الانتظار (أشرت على مها رفيقتها اللي يطالعها طلال و طبعا طلال متنح حده لان البنت بسرعه دخلت قلبه بدون لا تستأذن من قلبه)
طلال: أقول أمشي لا تخربطين بالكلام
وراحوا اركبوا السياره وطلال باله مو مع أحد ويسوق بدون يشوف اللي قدامه وفجأه
طوووووووووووووط