اصارع الوجدان في بحر الاشواق
في غبــة تايه تمزق شراعـي
تلعب بي الامواج والدمع دفاق
مابين موجـة نزلة وارتفاعــي
باسباب من حبه نبت وسط الاعماق
غرس الشجر مابين روض ومراعي
يا ماكتبت اسمه على بيض الاوراق
وفي خافقي مكتوب اسمه رباعي
اللي يسلي خاطري كلما ضاق
خل على حـالي شفوق يراعي
لا حل ذكره دمعة الشوق تنساق
تكتب قصيدة في حسين الطباعي
ويا كثر ماحولي من الناس عشاق
لكن لغيره مــات كل اندفاعي
يا زين قلبي من عنى البعد مشتاق
الحق علــي ولا تسبب ضياعي
|