وصلت سياره مروان وسياره يزن بعد فتره
لأنه فيصل كان سارررررررع مره
نزل وراح جاب السرير وحطوها فيها
ودخلوها غرفه العمليات 2
ام هيثم تمشي في الممر وحاطه يدها على قلبها وهي تصيح:ولدي بنتي .....وش صار ؟وش صارلهم؟؟
بوهيثم كان حزين ونزلت دمعه حسره على عياله بس مسح دمعته مايبي يضعف زوجته وحبيبته ومنه عينه بهالدنيا اكثر من كذا
قرب منها وهو خايفه عليها مرررررررره انها تطيح وتدوخ عليهم
بوهيثم مسك يدها عشان يجلسها
ام هيثم تركت يدها:وخر ياسعود عيالي بيموتون .....وانت تبيني اجلس
بوهيثم بصوت هادي عشان يهدي زوجته معاه:حبيبتي هيفاء صلي على النبي وعيالنه مافيهم الا الخير..... انتِ بس هدي بالك
ام هيثم عصبت:كيف اهدي بالي هذا بدال ماتروح وتشوف ولدك اللي طايح في غرفه العمليات الثانيه
بوهيثم انكسر خاطره
ام فيصل قربت منها:يااختي زوجك معه حق بعدين لاتخافين على هيثم هناك فيصل ولؤي وإياد ماراح يقصرون معاه واكيد اذا صار شي بيدقون ويطممنونه
لمى واقفه عند غرفه العمليات وتطالع رفال اللي للحين فاقده وعيها والممرضات يحاولون يوعونها
صاحت اكثر مو قادره موقادره ياربي اتحمل اكثر ياليتني بدالك يارفال ياليتني بدالك حرررررررررررام انتِ ماتهنيتي مع فيصل قومي قومي وقولي له واعترفي له عن حبك له
الجده قربت مع لمى وماسكه راسها بحنان:ماراح يصير لها شي........ هدي.... هي بس شافت اخوها وماقدرت تتحمل وطاحت والحين بتقوم يعني مايستاهل كل هالدموع الغاليه
لمى:الدموع الغاليه للغالين يمه
سكتت الجده
ام مروان كانت واقفه بعيد عنهم وهي تصيح محترق قلبها على عيال اختها ماتدري ليه جا على بالها زوجها سعد"بو مروان"اذا مات بتصيح عليه والا لا
مروان وبوفيصل كانوا جالسين في الكراسي جنب بعض
ورجولهم تهز من التوتر والأرتباك اللي يحسون فيه
مروان:مو قادر اصبر ياعمي بروح اشوف هيثم الحين لافيصل ولا لؤي دقوا وطمنوني
بوفيصل وقف:قوم نروح ..........ورفال معاها ابوها وامها وهيثم هناك وحيد
مروان بعصبيه:فيصل يعزه ويحبه اكثر من ابوه وامه
بوفيصل بعصبيه حاده:بس مااحد يقدر يعوض عن حنان الوالدين والا انا اكذب
مروان سكت وهو يفكر صدق كلامك محد يقدر يعوض عن حنان الوالدين وهذا انا عندي حنان الأم بس ماقدت حسيت بحنان الأبو
8888888888888888888888888
{في المزرعه}
وئام نفس حالة روز تروح وتجي على التلفون عشان يدقون ويريحون قلبها هي مررررررررره خايفه على روز وخايفه انه هيثم يمووووووووووووووووت
اشهقت من هالكلمه ماتدري كيف طلعت منها
بس هي صدق خايفه انكسر خاطرها على حال اختها
وقامت تتذكر ذاك اليوم الا عيد زواج عمها سعود وخالتها هيفاء لمن روز شافت هيثم وهو يعطي انفال بوسه على الهوا كيف ارتجف وقلبها انعصر وماقدرت تسوي شي الا انها طلعت وهي منهاره
قطعت حبل افكارها صوت ريتاج
وئام:نعم ......وش تبين؟؟
ريتاج تصيح:تاخروا........ ليش للحين مادقوا؟؟؟
وئام طالعت اختها بحنان على شكلها البريئ:لاتخافين حبيبتي الحين بيدقون
شجون تهز رجولها بقوه ماتدري ليش طرى على بالها لو انه ثامر هو اللي صار له هذا الشي مو هيثم ساعتها وش بيصير فيها كيف تستحمل تعيش من دونه
جلس تفكر في كلامها
ياربي انا وش قاعد اقول.........!! انا مااحب ثامر احب يزن
طيب ليش تخليته وخفت عليه كذا ليش ماتخيلت يزن بداله يمكن لأنه يحب روز
نزلت منار في هذا الوقت وهي راااااااااااااااايقه على الأخير
جلست على الكنب وابتسمت:هااااااااااااااااي
الكل طالعها باحتقار ومارد عليها
منار مااهتمت :بقريح اللي يشيلكم همتوني رديتوا والا لا
آلاء بصراخ:انتِ ماتحسين على دمك شوي......... هيثم غرق ويمكن يموت ورفال بعد اغمى عليها واهم الحين في المستشفى........... وانتِ يامدام توك قايمه من سرير الأحلام وجاييه تتبسمين
منار ابتسمت بسخريه وكأنها تسمع نكته سخييييفه تافههههه
اخذت الريموت بكل برود وهي تقلب المحطات
هالمررررررره
آلاء قامت وعطتها كف قوووووووي
لدرجه طلعه صوت صدى في الجدران من قوته
حست براحه بهذا الكف كانت من زمان ودها تضربها وتبرد اللي في قلبها هي نحيسه انانيه ماتفكر الا بنفسها سعادتها فووق كل شي
منار طالعتها وهي مستغربه وحاطه يدها على كتفها
الكل فاتح فمه مستغربين كيف آلاء تضرب منار مع انها كانت منار تامر وهي تنفذ
هي صدق في الفتره الأخيره عرفوا انها تغيرت بس ماتوقعوا ابد انها ممكن تضربها وتشفي غليلها
منار بصراخ:تضربيني ياآلاء تضربيني بعد.........
قاطعتها آلاء:بعد وشو.......؟؟ بعد ماكنتي تخليني خاتم بصبعك....... مشيتيني على هواك صرتي علي الأمر والناهي تقولين لي إي اقولك حاظر تقولين لا بعد اقولك حاظر لدرجه كنت مااسمع ولا احترم امي واخواني والأهم ابوي بسبتك
منار سكتت كانت منصدمه ان هذي آلاء اللي واقفه قدامها واللي ضربتها وتصارخ عليها
&&&&&&&&&&&&&&&
|