بعد ماراح لؤي
ركضت داخل ودخلت غرفه وقفلت على نفسها
رفال تطق الباب بقوه:لمى افتحي الباب....... لمى
مافي رد
رفال:لمى تكفين عشان خاطري افتحي
بعد مافي رد
رفال:لمى تكفيييييييييييييييييييييييييييين
بعد فتره صوت صوت المفتاح
وانفتح الباب
دخلت بهدوء لقتها تطالع البلكونه ومعطتها ظهرها
قربت منها:انتِ تحبينه؟؟
لمى:هههههههههههههههههههههههههههههه اخر رجال افكر فيه
رفال استغبت والتفتت تطالعها بنظرات غريبه عشان تفسر لها
لمى:ههههههههههههههههههه طلعت عيونها مو مستوعبه اللي تشوفه قدامه
رفال بخوف:لمى لاتخوفيني وتخليني اشك انك انجنيتي
جلست على الكرسي وصارت تضحك ضحك مو طبيعي
رفال جلست على الأرض ومقابلها ومسكت يدها
وبصوت كله حنان:شفيك قولي لي....... طلعي اللي في قلبك
لمى رجعت تصيح:انا
وبدت ترتجف
رفال احظنتها وبدت تسمح على شعرها
لمى:انا ماهمني لؤي
رفال رفعت حواجبها وعلامات التعجب في وجها
:اجل ليش تضحكين قبل اشوي.......!! والحين تصيحين؟؟
لمى:رفال انا بنجن
ماتحملت تشوف اختها اللي ماجابتها امها بحاله هذي كانت اول مره تشوفها كذا......... استغربت ان فيها هموم عكس اللي يشوفها اول مره يقول انها خاليه من الهموم والأحزان مرحه وكله تضحك كأنها ورده متفتحه بس العكس من داخل ورده ذبلانه مافيها الا اشواك
صارت نفس حالتها تصيح
لمى:ماادري كيف ابد معاك السالفه
رفال مهي قادره تتكلم من الصياح:على راحتك ياقلبي اللي يريحك
لمى:في ليله ماراح يخطب هيثم انفال........... تذكرين
رفال تذكرت:إي اذكر
لمى:شفت اخوك إياد بالصدفه مع صديقه معاذ في مجمع الظهران انعجبت فيه الا دخت كان كلمه وسيم ماتوفي بحقه بس"ونزلت راسها بألم"انصدمت طلع زباله يارفال زباله كانوا الكل يتوقعون اني مريضه لأني ضد الحب ........وش ابي فيه ؟؟قولي لي .........؟؟؟مادام انه مايجيب من وراه الا الغم
رفال تأثرت كثيييييييييييييييير من كلامها
لمى:ابسألك سؤال وتجاوبيني بصراحه
رفال:اسألي؟؟؟
لمى:وش استفدتي من حبك لفيصل؟؟؟
رفال تنهدت:آآآه يالمى والله مااستفدت الا الصياح والعذاب كل يوم اصبر واتحمل على امل انه يحبني في يوم من الأيام بس مافي فايده
لمى تكمل:قلتيها عزمنا إياد ومعاذ معانا على الطاوله وجلسنا طول الوقت سوالف وضحك بعدها دقينه على بسام وفيصل ماكانوا يردون وطلب منه انه اهو اللي بيوصلنا ووافقنه لأن ماعندنا حل ثاني........ كنت طايره من الفرح لأبعد حد حتى اخواتي لاحظوا هذا الشي
طول الوقت في السياره عينه مانزلت من المرايه كان يطالعني بنظرات غريبه حتى روز انتبهت له وان خفت منه وهو قالي لي في المجمع ان عيوني تعجبه
وصلنا البيت ودخلنا
وسكتت عشان تبل ريقها الناشف
رفال وقفت وصبت لها ماي وعطتها
لمى:فجأه جات المصيبه اللي ماتوقعتها في حياتي ريتاج قالت لي انها نست البوم الصور في المجلس
رفال عصبت:غبيه هذي في احد يحط البوم صور في المجلس
لمى بهدوء:اللي صار صار وراحنا انا واهي نجيبه....... وشفنه المجلس هو وإياد وثامر واخواني التفتت لجهه البوم كان بعيد عنهم وارتحت قلت اذا طلعوا بروح واخذ وماحسينه الا ابوي ورانه وخفنه......... وعطينه عذر انه جينه ننظف المتاحف
وانقلبت نبرتها من هادي الا صوت عالي:ماادري كيف دخل بروحه وشافني
رفال:طلعت عيونها:شافك
لمى:إي كان ناسي جواله......... بس ليش ماجا معاه إياد او احد من اخواني......... كيف يسمحون لرجال غريب يدخل بيت كله بنات هذي غلطتهم مو غلطتي او غلطت ريتاج
رفال طاح قلبها ميته من الخوف :ليكون اخذ
قاطعتها:البوم كنت ماسكته بيديني الثنتين بس طاح مني من الرعب والخوف وطلعت من المجلس وماكان عقلي معاي ذاك الوقت
رفال انقهرت:حقير نذل سافل
لمى:آآه دقيت عليه وقالي انه يحبني ووعدني انه بيعطيني إياه اليوم الثاني وبيرجعه محله بس مارجعه واضطريت اني ادق علي وقالي لي لازم احبه والا ماراح يعطيني الألبوم
رفال رفعت حواجبه:الحب بالغصب
لمى ضحكت بسخريه:انا قدرت اوصل لنص مصيبتي
رفال:اللي هي
لمى:مروه صديقتي تصير اخته
سكووووووووووووووووووووووووووت
في الصاله
روز عصبت:اخوك مو من حقه يضرب اختي
فوز انحرجت:كلنا استغربنه..!!! لؤي عمره ماضربنه
وئام:ماله حق........ انشالله تنكسر يده اللي مدها على اختي
منار بعصبيه:لاتدعين على اخوي؟؟؟
آلاء:وليش مادعيتي عليه لمن مد يده على لمى.......؟؟؟
الكل طالع بعض مستغرب هذي آلاء اللي طلبات منار عندها اوامر والحين توقف بوجها ضد لمى
منار بصراخ:انتِ شفيك علي
آلاء:انتِ اللي شفيك...؟ متى تصحين على نفسك؟؟ وتحسين؟؟؟
وجد تهمس لميار:احس ان احنا غلط معاهم....... ياليتنه ماجينه
ميار:والله من يوم ماجينه كله هم.......... لو رايحه الجامعه اليوم احسن لي
وجد:حرام عليك اللي صار مو بيدهم
ميار:الا وبيني وينك احس انه لمى مريضه
وجد طلعت عيونها:مريضه
ميار:إي مريضه.......... الظاهر صايره لها مشكله مع حبيبها او خانها عشان كذا كارها الحب
وجد:حرام عليك تفسرين حياة البنت على كيفك
ميار ببرود:كيفك
دخلوا الحريم على اصوات البنات
الجده:شفيكم......!!
سكتوا
ام هيثم بصراخ:والله ماعندكم سالفه
ام فيصل:بدال ماتصارخون على بعض......... قوموا ساعدنونه بالعشا
الجده بصراخ:قوموا......... ماتسمعون؟؟؟
قاموا البنات واهم يتأففون
ودخلوا المطبخ
|