وئام راحت غرفه روز
دخلت بهدوء وشافتها واقفه عند الدولاب ومعطتها ظهرها
وئام ابتسمت:مساعده
روز من قلب:كأنك تدرين اني ماني قادره اختار
قربت وئام واختارت لها ملابس وحطتهم في الشنطه
وئام وهي تحط الملابس:شفتي هيثم في المجلس صح
روز ارتبكت :لا ........ماشفته هو جا
وئام تطالعها بنظرات غريبه:انتِ ماشفتي وجهك بالمرايه
روز مشت للمرايه بهدوء وهي تتلمس بشرتها الناعمه
وئام:وش صار؟؟
روز تنهدت
وئام:ماتبين تقولين؟؟
روز بحزن:مو ماابي اقولك؟؟.......بس ماابي انطق اسمه او إي شي عنه
@@@@@@@@@@@@@@
الساعه 1:40
بوانفال:اليوم دق علي اخوي خالد"بو يزن"
ام انفال:ليكون عرف على خطوبه انفال
بوانفال:لالا....... كيف يعرف .....دق علي وعزمني في بيته
ام انفال استغربت:غريبه
بوانفال:هههههههههههه ماعرفتي ليه؟؟.... اخوانك بيروحون بكره
ام انفال طلعت عيونها:انت متأكد!!؟؟
بوانفال:اهو بنفسه قال لي
ام انفال:وليش ماقالوا لي اروح معاهم ؟؟؟
بو انفال:الظاهر بسبب اللي صار
ام انفال:لالا ماتوقع اكيد نسوا
دخلت انفال وباين عليها الحزن
بو انفال ابتسم:اهلين بالعروس........ تعالي جنبي
جات وجلست جنبه
بو انفال:راح خطيبك
انفال بحزن:إي توه طالع
بو انفال:وكيفك معاه؟؟؟ ارتحتي
انفال تضايقت:الحمدلله
بو انفال:وليش تقولينا كذا ؟اكيد منتي مرتاحه له؟؟
انفال للحين متنرفزه منه:بصراحه اسلوبه غريب
ام انفال استغربت:كيف يعني اسلوبه غريب
انفال بعصبيه:مدري مدري........... انا بروح انام تصبحون على خير
وطلعت غرفتها والدموع متجمعه في عيونها
بو انفال استغرب:شفيها؟؟
ام انفال:ماعليك منها دلع بنات .........انا لمن خطبتني ماكنت اعرفك وسويت مثلها
بو انفال تحمس وجلس جنبها وحط يده ورى رقبتها:صدق
ام انفال انحرجت:متعب ترى كبرنا على هالسوالف
بو انفال:ههههههههههههههه لاتكبرينا احنا للحين شباب
$$$$$$$$$$$$$$$$$$$$$$$
|