09-26-2010
|
#2
|
لفتة الأعناق
:
الا ياللي تحسبني ورى الشهره ابي انساق
............... انا ما انسقت للشهره ولا شهرتك تغويني!!
:
انا حواء وساقتني على تفاحتك الأشواق
................ ونا ديتك تطعمها 00غريتك وانت تغريني
:
خرجنا للسعير وحتت غصون القصيد اوراق
................ ثمرها جمرة بثت رماد الذاكره فيني
:
لبست من الورق ثوبا يعزز رغبة المشتاق
................ يداري ما يداري من ثمره ان صح تخميني
:
سترنا ما فضحنا وكل ستر يغوي الخفاق
................... تثنينا على عود ثنيته وانثنى ليني
:
انا ما غرني حب الظهور ولفتة الأعناق
.................... ولكن00غرني وقت طموحه ما يساويني
:
غرور الشعر ماهمن ولاهميت له بعتاق
................... ولا همتني الشهره 00وقلب مايداريني
:
حلفت اني ما ازيد اليوم واحد واخلف العشاق
................. حلفت ان فاتني ركبه لامول ليل ياعيني
:
حلفت ان الهوى كذب فعين الراسيه ما لاق
................. حلفت وما حلفت اني اخالف صدق تكويني
:
حلفت ان الشعر فيني مثل قطعة جليد وراق
................ حلفت اني حويت الصدق في شعري ويحويني
:
حلفت اني مع عمري اعيش فلحظتين اسباق
............. حلفت ان ما سبقت العمر لأدفن وانت تبكيني
:
امانه خلني والروح اطوق ظهرها بعناق
................... امانه خلني احيا وعبد الحب يرثيني
:
انا ماودي الشهره واكره ضيها البراق
................ واذا منك بغيت الجد ترى شهرتك تكفيني
|
|
|
|
|