منتديات قصايد ليل - عرض مشاركة واحدة - أكثر من 200 قصيده كلمات أغاني لمخاااوي الليل!

09-24-2010

الذاهبـه
الله اللي راد والعقـده قضاهـا اللـي عقدهـا
لاعلى الدنيا سـلام ولالباقـي العمـر زينـه
الفضـا ماكنـه الا خيمـة طاحـت عمدهـا
والفـرح ماكنـه الا شيـخ انقصـت يدينـه
والعمر قطعة زجاج انكسرت ولاطـال امدهـا
والعرب في العيد بدمـوع اليتامـى مستهينـه
والشوارع لفها ثـوب الظـلام اللـي هجدهـا
والبيوت اطلال من عقـب المحبـه والسكينـه
والشتا والليل والبرد وسمـا يصـرخ رعدهـا
والعيون اللي ورا الشبـاك مذعـوره حزينـه
طولوا بالكهف الاصحاب وبقت روحي وحدها
كنها في كوكـب ثانـي خـلا مـن ساكنينـه
الوداع اللي بعلم العيـن يعبـر مـن رمدهـا
والوداع اللي بلا علم القفص صـدري غبينـه
والوداع اللي بلا رجعـه علـي امـر وادهـا
والله انـه غرغـرت سـم وسكاكيـن سنينـه
والعنود اللي جفيـت النـاس والدنيـا بعدهـا
مدت الفرقـا لغاليهـا وهـي تعطـي الثمينـه
وينها كيف تركتني ليه ماجـت فـي وعدهـا
والقمر لا طل وخابرها تجـي بينـي وبينـه
رحت أنادي واتلمس في مهـب الريـح iiيدهـا
كني حصان بلا صاحب طوى البيـدا حنينـه
رحت أصيح الصبح وينه والعرب مارد احدها
ماسمعت الا صدى صوتي يقول الصبح وينـه
كلهم من يوم ذيك الشمس غابـت عـن بلدهـا
طلعوني بالنفـود وصكـوا أبـواب المدينـه
كلهم من يـوم ذيـك الذاهبـه محـد وجدهـا
كل رجال من الشرهه قلع في الـدرب عينـه
أثرها ماتت وماتت كـل فرحـه فـي مهدهـا
والربيع أقفت به اللـي كانـت التـاج لجبينـه
جاورت عقب الحدايق حفـرة ماقسـى لحدهـا
حفرة ماني مصدق كيـف ضمـت ياسمينـه
للحزن فيني مثـل ماللطهـاره فـي جسدهـا
ويش أسوي لافتشت اللي لها وسـط الخزينـه
زخرفت حلم وبنت له مسكن وسمـت ولدهـا
آه لـو غـرت ولدهـا فـي خميلـة والدينـه
عاهدتني وقفرت بيميـن أقـوى مـن عهدهـا
والصميلا خير فيـه ان كـان مانفـذ يمينـه
ماتثقا عـن رثاهـا عـرق اقتـض بشهدهـا
ولا تبقى خلف قضبان الجفن عـذرى سجينـه
كيف عند العالم أيام العزى ماحصـى عددهـا
ولا انا طالت شبوره والله أعلـم كـم سنينـه
لا الثرى فيها نبات ولا المشيخ أخفف نكدهـا
لا السما فيها طيور ولا البحـر يمـه سفينـه
لا القمر هذا مساه ولا الأسـي هـذا أرغدهـا
لا الزهر هذا شذاه ولا الذهـب هـذا رنينـه
قالوا الشيخ الفلانـي مرجـع القـوم وسندهـا
قال لي ابشر بالعوض والعلـم جينـاه ناقلينـه
ساق لك بدر البدور اللي نشدهـا مـن نشدهـا
جادر هزت عـروش وخيبـت روس ذهينـه
قسمها في رسمها في جسمها الا فـي رشدهـا
واسمها ان جا للغضب قومه على الألسن رطينه
اترك الناي وعطيـة شيخنـا غنـى لسعدهـا
وانبسط ياعم وانسى اللـي ورا التربـه دفينـه
قلت ولصدري تناهيـد تـروع مـن شهدهـا
آه واويلاه مـن يجلـب علـى قلبـي ظنينـه
خلوا أغلى ذاهبه ترعـى ربيـع اللـي فقدهـا
والعطـا راعيـه محـد صوبـه الله لايهينـه
لو ضمنـت الجنـه تفاحـة القلـب وشهدهـا
قلت من بكره عسى مجنونهـا تاقـف سنينـه