منتديات قصايد ليل - عرض مشاركة واحدة - أكثر من 200 قصيده كلمات أغاني لمخاااوي الليل!

09-24-2010

وجه المرايا
غاب القمر وانكسر وجه المرايا فيك.. والحزن نثر على وجهي شظاياها
والليل اصبح عذاب وحسرة وتشكيك... يرسم همومه واحاول اتحاشاها
حتى المدينة حزينه عينها تبكيك... ويبكيك قلبي وعيني نثرت ماها
ياغايب عن عيوني خاطري يطريك... في كل لحظة عيونك كيف بانساها
لو غبت ماغاب طيفك عني وطاريك.. كنك معي في خفايا الروح واقصاها
الله يصونك ويهنى بشوفتك غاليك.. وتقر عينه بشوفك ياهنياها
يامن سلب مهجتي هذا العنى يرضيك.. وغيبتك عنا صعيبة ماقويناها
ودي اجبر كسر وجه المرايا فيك.. واحضن همومي وابروزها بمراياها

السؤال
ماسألت بيوم نفسك هالسؤال.. ياحبيبي ماخطر مرة عليك
ليه انا اشتاق لك يابن الحلال.. ليه احبك ليه ميت بس فيك
اه لو تعرف معاناة الليال.. والعنى والشوق في قلب يبيك
ماتركته يحلم بلحظة وصال..كنت جيته قبل مايفكر يجيك
من هو مثلي دللك هذا الدلال.. واعتبر بالقلب اهو روحه شريك
ماترك للحزن في عمرك مجال.. والفرح حطه على راحة يديك
بس يكفي من تعاليك وتعال..ملت الساعات من شوقي اليك
ولا اسال خافقك نفس السؤال..ليه احبك واعشقك واموت فيك

الصورة المكسورة
بجانب كحلك ومشطك وبعض اشياء منثوره.. وعطر غامض مثلك يخبي في الزجاج اسرار
انا عشت الهوى قربك مجرد صورة مكسورة.. على تسريحتك عاشت حبيسة كذبة وغبار
اشوفك تنظرين لها بضحكة عين مسرورة.. وافكر نظرتك شوق معاها جملتين اعذار
واثاري نظرتك مرت عليها بس مجبورة..قصدتي خلفها وجهك تشتت في مرايا الدار
نسيتي واصبحت صورة مع الايام مهجوره..نسيتي وابتدت ترحل من البرواز والاسوار
نسيتي بس خليها يابنت الناس مستورة.. نسيتيني وانا مثلك نسيتك والزمن دوار
انا نفسي بديت انسى ملامح هذي الصورة..دخيلك لاتخليها بالبوم الصور تذكار
بديت انسى شقى نفسي ووجه الحزن وشعوره.. وقولي لمن سال عنها تشابه صورة الخوار

الغلا
الله يه*** بي والله يهنيني..والله يديم الغلا مابيني وبينك
ساعة اشوفك يزين الكون في عيني.. واشوف كل المحبة تنطق بعينك
مااظن شي حبيبي عنك يغنيني..كل يوم يكبر بعيني حسنك وزينك
مزيون وصفك وسيد في المزاييني..واحب طبعك وطيبة قلبك ولينك
ان غبت عنك دقايق تشتكي بيني... وان غبت عني يصيح الشوق بي وينك
مااقوى فراقك دخيلك لاتخليني..مادام قلبي امانه بس في يدينك
انت بحبك تراك محلي سنيني..يابعد عمري عسى الله يحلي سنينك
بالدينا عندي رضاك ولايكفيني..والله يديم الهنى مابيني وبينك

دنيا جديدة
يابخت كل المرايا لو تناظر فيك..تسعد بشوفك وتتبسم زواياها
واذا في بعدك تكسر وجهها يبكيك.. ساعة تشوفك تجمع لك شظاياها
ليل المدينة توسل ليلتك يرجيك..تشرق بشمسك على دنيا تمناها
دنيا جديدة ببسمة ثغرها تطريك..بالخير وانت ضيا وجهك محياها
ن غبت عنها تمنت بالغرام تجيك..من كثر ماهي تعبها الشوق اضناها
وان جيت فزت تردد من الفرح طاريك..وتقول يالله عساك بحماها
يابعد عمر الغرام ويابعد غاليك..حرام عينك يذوب حزنها ماها
تعال اجمع فرح كل المرايا فيك..واترك بقربي مرايا حزني وانساها

طمني عليك
ليش انت مبعد عن عيوني ومجفني.. يانور عين بشوفك كنت احليها
حتى اتصالك وصوتك منقطع عني..واعد الايام لي بتعود لي فيها
ان كنت زعلان ياكل الغلى مني..مجبور اراضيك وعيونك اراضيها
وان كان قصدك بهالفرقا تعذبني.. ياكيف تتعب حياتي وانت غاليها
ارجوك طمن شقى نفسي وطمني..اشغلت روح غيابك عنها يشقيها
تعبت احاتيك واسال عنك لكني...ماالقى جواب لاجل نفسي اهديها
اطلب من الله عسى انك دوم متهني..في دارك اللي الـهي بك مهنيها
وعساك دايم بقلبي تحسن الظني..ياشمس داري وبدر في لياليها

لون باهت
الشمس غابت والمدينة اظلمت..والوردلونه صار ماهو لونه
باهت يحير كل عين همت..فيه وعبيره بنته مسجونه
وانا حزين والهموم التمت..والحزن جند لي كبار شجونه
ان جيت ابفرح فرحتي ماتمت..وان جيت ابنسى ذكرتني طعونه
هذا زماني صار بي يتشمت..يلعب بي وانا راضي بكل جنونه
صفحات حبي في الغرام اقدمت.. فوق الرفوف وبالعنا مشحونه
فيه المحبة والوفا قد ضمت..للغالي الي اعشقه واصونه
يمكن عيون شافته ولاسمت..الله يخذل حاسدي وعيونه

مثل العسل
مثل العسل وسط الضماير غلاكم..وانتوا عسل كل الليالي والايام
جر القلم بالشوق خطه جداكم..حبره محبه وصورتك فكر والهام
نوفي ولكن مانوصل وفاكم..الكم وفا ومنك الوفا ياخذ احكام
مزن بروقه لاضيات بهواكم..نجم فريد بلمعته وسط الاجرام
نقشت انا ودي بصفحة سماكم.. والدم بقلبي صارت تخط الاقلام
فكري سرى بلهفه وغيومه تباكم..تمطر عليكم اطيب حروف وانغام
لاعاش شعر في حروفه جفاكم..لاعاش عمر ماقضى بحبك اعوام

انتي شروق
انتي شروق اول ضحى طلعة الشمس..والشمس بنت مرحلين الاماسي
عفي وانا رحبت من خاطر انحمس..موجة فرح طافت حدود القياسي
بين امس متعب كلما مر بالامس..واليوم ناسي حالة الامس ناسي
قلبي بغيابك بالنزى دوله الحمس..جيتي وقند ريحة الهيل راسي
وبين الثرى والغيم عن خطوتك رمس.. اعرف وجودك يوم تندي الرواسي
القى الندى بالنخل لو تهمسي همس..بالروض دارك يرسله قلبي ماسي
شريان قلبي في بحرك انغمس غمس..سباح لكن ضيعته المراسي
يانور ماحد في الهوى يلمسك لمس..روحي لمسته واشتعل بي حماسي

للوعد جيتك وفي 000000 كيف معايا تخلفي
ما احتسبتي لما بعد 000000 كيف يصبح موقفي
العذر مره يجوز 000000 وادري ظروفك ما تحوز
ما اقتنع بيت مرد 000000 وهذا ما لا تعرفي
لي حق ازعل عليك 00000 حلو العتب مني اليك
واقول ما غيرك احد 000000 وشوف بعينك مذرفي

لا تحسبني في البعد بنسى غــلاك 0000 لا والذي له النفس مـــــردوده
دايم بوسط الليل بالحلم القــــاك 0000 وياما تمنيت الحلم تصدق شهــوده
اخفي دموع العين لا حل طريـــاك 0000 فكري على ذكراك قلبي يقــــوده
قلباً يداريك ما ظن يخفــــــاك 0000 قلباً بحبك يوم يثبت وجــــــوده
غلطان من بالهوى يصبر على جفاك 0000 مسكين من بالهوى ينوي صـــدوده
اخشى عليك من القدر لا صرت وياك 0000 واخشى عليك من البشر ناس حسوده
اخذ بشورك وبمشي على ماطــاك 0000 واصبر على قلباً يمل جهـــــوده
يالله ان برجيك تمنح عطايـــاك 0000 ابشوف خلاً له النفس مشــــدوده

ليتك لعيني قريبـه 000 كان بالسهر ونومي لجفني حرام
قلبي عطا تصخيبه 000 ما يضيع العمر دامك له غـــرام
انتظر متى على الفرحة تجين 000 ودنيتي في ناظري قربك تزين
طرفي اشتقاني شوق 00 بالله شسويبه
ما بقى من هالعمر كثر اللي راح 000 شوفتك يا شوق تبلي الجراح
لك خافقي شراي 00 بموانسك تطريبه
عشتلك وغير احساسي ما قول 000 بنتظر لو غيابك لي يطول
رد على الولهان 00 لا يهونبك تعذيبه
ليتك لعيني قريبـه 000 كان بالسهر ونومي لجفني حرام
قلبي عطا تصخيبه 000 ما يضيع العمر دامك له غـــرام