...في قصر أبو محمد في غرفة شوق الظهر...
أحلام اللي كانت قاعدة معها من ساعة:أي بس ما فيها شي عادية...
شوق و هي تسكر اللاب توب:أوف مليت...
أحلام ضربتها:يا حمارة تسكرينه و أنا قاعدة أشوف طيب قولي لي..
شوق ضحكت:سوري والله ما انتبهت...
انفتح باب الغرفة بسرعة و ظهرت من خلفة أم محمد و الشرر يتطاير من عيونها كالعادة:ترا أذن الظهر قوموا صلوا و أنزلوا المطبخ أنا جهزت لكم كل شي بس عليكم تطبخون...
أحلام تكلمت بدون نفس:أن شاء الله...
أم محمد قطبت حواجبها:طيب كلميني عدل ليه تتكلمين من طرف خشمك؟
أحلام تنهدت:قلت أن شاء الله يعني راح ننزل...
أم محمد عطتها نظرة حادة و طلعت تاركة وراها الباب مفتوح....
شوق قطبت حواجبها:أحلام الله يهديك ليه تكلمينها كذا والله ما راح تعديها لك..
أحلام لفت لها:وش تبيني أسوي يعني حتى طريقة كلامي تبي تتحكم فيها..مو كافيها حابستني معها و ما أطلع إلا و عندها كل المعلومات...
شوق ابتسمت بهدوء:ما عليه عشان محمد...
أحلام ابتسمت:مو أنا عشان محمد متحملتها للحين...
شوق:تو ما صار لك سنه معها و طفشتي وش أقول أنا؟
أحلام غمزت لها:أنتي يا حظك عبود يبي ياخذك و بقعد أنا هنا لحالي معها...
شوق ابتسمت لما جا طاري عبد الله:............................................. ..........
أحلام توسعت ابتسامتها:أوف مقدر أنا أقول قومي نصلي و ننزل أحسن لنا...
شوق ضحكت و دخل أحمد للغرفة و هو يرمي مفتاحه في الهوى و يرجع يمسكه و مبتسم:السلام...
أحلام+شوق:وعليكم السلام...
أحمد ناظرهم مبتسم و بمرح:بس بقول لكم لو تبون شي أنا موجود بغرفتي...
أحلام ضحكت:طيب محد قال لك نبي شي..
شوق قاطعت أحلام:بلا نبي أشياء مو شي بكتب لك ورقة و بجيبها لك..
أحمد كشر:لو أدري أنك راح تتكلمين كان ما جيت أعرض خدماتي..
شوق كشرت بوجهه و سكتت:............................................. .........
أحمد ضحك و رمى عليها المفتاح:لا عاد كل شي ولا أختي لا تزعل خلاص كتبي الورقة اللي تبينها و جيبيها كم أخت عندي أنا...
شوق:خلاص ما أبي شي...
أحلام:كذا زعلتها وش يراضيها الحين...
أحمد مشى لجهة شوق و أخذ مفتاحة اللي طاح على الأرض و طل بوجهها بابتسامة حلوة:آسفين ما قصدنا...
شوق ضحكت غصب عنها وهي تناظر و هو رجع أدراجه وهو يلعب بالمفتاح و يطيره بالهوى و هو يدندن...
أحلام للحين مبتسمة:أحمد تغير كثير...
شوق ابتسمت بفرح:مـــرة تغير و صار دايما يضحك؟؟
أحلام ضربت شوق:طيب قومي نصلي و ننزل بسرعة لا تعصب علينا خالتك...
ضحكت شوق و قامت دخلت الحمام اللي بغرفتها عشان تتوضا و أحلام راحت جناحها...
بعدما خلصت صلاة رن جوالها و ردت عليه بابتسامة:هلا حبيبي...
محمد تنهد:هلا فيك يا عيون حبيبك أنتي وش تسوين؟
أحلام:تو صليت و الحين بنزل تحت ليه تامر شي؟
محمد:سلامتك بس بقول لك أني بجي اليوم الساعة2جهزي قدا من جد جوعان...
أحلام توسعت ابتسامتها:من عيوني كم محمد عندي؟؟
محمد ضحك:والله خبري واحد بس مدري كان عندك واحد ثاني و أنا مدري...
أحلام اختفت ابتسامتها:وش تقصد؟
محمد:هههههههههه لا مو قصدي شي خلاص يللا أنا بخليك الحين...
أحلام بحزم:باي...
سكرت وهي معصبة من كلامه بس غصب عنها ضحكت و هي تتوجه للسرير و رتبته لأنها صحت من النوم الساعة10 ولا رتبته...
بعدها جهزت لها ملابس و تركتهم على السرير و نزلت تحت و لقت شوق قاعدة بالمطبخ...
أحلام:وش سويتي؟؟
شوق ابتسمت لها:ولا شي أنتظرك وش تفكرين ببدا قبل لا تجين...
أحلام عقدت حواجبها:من جد حقيرة يعني وش بيصير لو سويتي شي و أنا مو موجودة لازم تبدين الطبخ معي..
شوق وقفت من الكرسي:طيب ليه تعصبين خلاص الحين نبدا مع بعض...
بدا يشتغلون و هم يسولفون و يضحكون...
شوق:ما قلت لك أمس بالليل كمتني نوف...
أحلام لفت لها:وش قالت لك؟
شوق:عادي بس تسلم تقول أني صرت قاطعه و ما أسأل عنها...
أحلام:ما قالت لك متى موعد زواج أخوها فهد...
شوق هزت راسها بالنفي:تقول هو مو راضي يحدد موعد يقول لما يجهز نفسه بيحدد الموعد...
أحلام كشرت بوجهها:والله شكله للحين يحبك و أنتي قاعدة تعذبينه كذا من جد حرام عليك...
شوق تضايقت:خلاص أحلام لا تتكلمين عنه...
وش أسوي له أنا ما بيدي شي بعدين اللي صار صــار و الحين فهد لغيري و أنا بعد لغيرة...
أحلام ابتسمت لها:طيب وش فيك عصبتي كذا ما تسوى علي كلمة و قلتها...
شوق:أتضايق لما تتكلمون عنه بس أنتوا ما تحسون...
أحلام غمزت لها:طيب وش رايك نتكلم عن عبد الله عشان تروح الضيقه...
شوق ابتسمت وهي تناظر أحلام و بعدها ضحكت بخفه وهي تتذكر شكل عبد الله آخر مرة شافته في زواج وليد..
أحلام تنهد بمزح:والله مدري وش نسوي معك أن تكلمنا عن فهد تضايقتي و ما تكلمينا بعدها و أن تكلمنا عن عبد الله تسرحين و أنتي مبتسمة...
شوق ضحكت:خلاص كملي شغلك و أنتي ساكتة؟
خلصوا شغلهم اللي أم محمد خصصته لهم و صعدت أحلام فوق لجناحها و شوق راحت تكلم حبيب قلبها من الصباح ما سمعت صوته لأنه في الشركة بس الحين أكيد رجع...
من جهة ثانية أحلام أخذت لها دش و جففت شعرها و حطت لها مكياج خفيف جدا...
توجهت لغرفة الجلوس و قبل لا تقعد انفتح باب غرفتها و دخل محمد:السلام...
لفت له أحلام و هي تمشي له بابتسامة:وعليكم السلام...
محمد ناظرها بجمود و دخل الغرفة بدون ما يكلمها..استغربت أحلام من حركته و راحت وراه للغرفة...
أحلام وقفت قبالها و هو يفسخ ثوبه:محمد وش فيك معصب كذا؟
محمد مشى لغرفة التبديل و هو يتكلم:سلامتك...
أحلام:طيب تبي أجهز لك القدا...
محمد طلع من غرفة التبديل و ناظرها:ما أبي أكل شي ما لي نفس...
أحلام و هي مقطبه حواجبها:بس أنت قلت لي أنك جوعان...أكلت شي؟
محمد بعصبية:لا ما أكلت شي و لا أبي أكل شي خلاص عاد...
أحلام بحزم:طيب وش فيك معصب كذا...
محمد كشر بوجهها:ممكن تفكيني من أسألتك ترا من جد واصلة عندي؟؟
أحلام تجمعت الدموع بعينها وهي تناظره:طيب أنا وش دخلني ليه تكلمني كذا؟
محمد بعصبية وهو مقطب حواجبه:أسألي نفسك وش دخلك...أنا ودي يوم واحد بس أدخل البيت و أشوف أمي تمدحك...كل يوم أدخل و أمي تستقبلني يمشاكلكم من جد تعبت ما عاد فيني أتحمل العيشة كذا...
أنا تزوجت عشان أرتاح مو عشان أزيد نفسي نكد على النكد اللي فيني...بس أنا شكلي غلطت لما فكرت أتزوج...
كنت أفكر أنك تعرفين تتعاملين مع أمي و تعدلين العلاقة معها مو تزيد العلاقة تعقيد كذا؟؟
أحلام نزلت دموعها و هي تناظره:محمد أنت تتكلم عن أيش أحلف لك أني ما سويت لها شي...
محمد:يعني أمي تكذب علي؟؟
أحلام بقهر:أنا ما قلت تكذب عليك بس أنا بعد ما أكذب عليك...
محمد بعصبية زايدة:من جد راح أجن...من أصدق أنتي و لا أمي...
إذا أنتي ما تكذبين أكيد أمي اللي تكذب صح؟
أحلام ضلت تناظره وهي منصدمة من شكله و من كلامه اللي أول مرة تسمعه منه...
صحيح كان يعصب بس مو كذا؟؟
محمد لف للسرير:أبي أنام و ما أبي أزعاج...لو تطلعين برا أحسن...
أحلام ضلت واقفة تناظره و دموعها تسيل على خدها...
نام على السرير و أعطاها ظهره و أحلام ضربت الأرض برجلها و هي تمشي لغرفة الجلوس و هموم الدنيا على راسها...
لمتى يضلون كذا على هذي الحالة اللي تجيب المرض؟؟
دخلت الحمام و مسحت المكياج اللي بوجهها و ضلت تناظر نفسها بالمراية وهي تحس بداخلها بتحطيم...
هذا جزاها جهزت له كل شي و مجهزة نفسها عشان تستقبله يقابلها كذا؟؟
طلعت من الجناح لأنها تحس أنها لو قعدت فيه دقيقة ثانية راح تموت...
توجهت لغرفة شوق وين ما كانت شوق قاعدة ترتب ملابسها في الدولاب ومشغله لها موسيقى هادية و جو الغرفة بارد و مريح بعكس الجو في جناح أحلام...
شوق:تفضل...
انفتح باب الغرفة و دخلت أحلام و كان مبين على وجهها أنها باكية:مشغولة؟
شوق ابتسمت لها:حياك...
دخلت أحلام و سكرت الباب و توجهت لسرير شوق و قعدت عليه بصمت:.....................................
شوق ناظرتها باستغراب:وش فيك أحلام؟
أحلام هزت راسها بالنفي:ما فيني شي...
شوق:محمد ما جا؟؟
أحلام:بلا جا بس تعبان و نام...
شوق ما حبت تسألها وش صار لها مع محمد مع أنها متأكدة أن أم محمد هي السبب...
كملت شوق ترتيب ملابسها و أحلام ما قدرت تقاوم الجو اللي هنا و حطت راسها على مخدة شوق و نامت و ملامح و القهر مرسوم على وجهها...
شوق بعدما خلصت تكلمت بمرح:أوف و أخيرا ما بغيت أخلص..
لفت و استغربت لما شافت أحلام نايمة على سريرها...
كانت نايمة على جنبها الأيمن و حاطة يدها تحت المخدة...
مشت لها شوق و حطت الفراش عليها لأن الجو كان بارد و مبين أن أحلام تو سبحت...
طلعت برا و طفت الأنوار و سكرت الباب بهدوء وهي مستغربة من اللي قاعد يصير...
نزلت تحت و ساعدت الخدم و هم يجهزون القدا على الطاولة و هي تسولف معهم كالعادة...
...في شقة خالد و دانه قريب المغرب...
خالد طلع من الغرفة و لقا دانه قاعدة تسولف مع ديما بهدوء و مبين عليها تعبانة...
خالد تنهد:أنا لله ليه ما تسمعين كلامي دانه قلت لك قومي ارتاحي داخل والله حرام عليك اللي تسوينه بولدي..
دانه ابتسمت له:ما فيني نوم غصب هو يعني أنام؟
خالد:طيب لا تنامين بس أرتاحي أحسن لك من القعدة هنا...
ديما وقفت في وجه أبوها و بعصبية:أنت ليه ما تبيها تقعد معي؟
خالد نزل راسه لها:لأنك مزعجة و محد يتحمل إزعاجك يعني أنا الحين أبي أنام ساعة على الأقل ما خليتيني أنام...
ديما:بس أنا مو قاعدة معك عشان ما أخليك تنام أنا قاعدة مع ماما...
خالد لف لدانه وهو يتحلطم:الله يفكني من لسانك بس...
دانه ضحكت و قامت بصعوبة متوجه للمطبخ:بجهز لك شاي...
خالد تنهد و مشى وراها:أنتي بأي شهر الحين؟
دانه لفت له:يعني ما تدري؟؟
خالد يتصنع البلاهه:لا نسيت ممكن تذكريني؟
دانه ابتسمت وهي تناظره:دخلت الثامن..ليه السؤال؟
خالد ابتسم وهو يطلع من المطبخ:لا بس حبيت أذكرك...
طلع خالد و ابتسمت دانه وهي تناظر طيفه...
و بدت تشتغل في تجهيز الشاي له...
...في قصر أبو هاني بنفس الوقت تحت في الصالة...
سارة وهي تلاعب رزان بنت أختها بمرح بس من داخلها للحين في جرح ما اندمل...
و أمل كانت قاعدة تقلب قنوات التلفزيون بصمت...
سارة:طيب و هذي أيش؟؟
رزان بضحك هزت كتوفها بهدوء:.......................................
نزل هاني من الدرج و ابتسم لما شافهم قاعدين و تكلم:متجمعين هنا و أنا قاعد فوق لحالي...
أمل أخته لفت له:فكرتك نايم...
على طول نزلت وراه أمه و هي تتكلم:هاني لا تنسى بعد الصلاة أبيك؟
سارة لفت لأمها:وش تبين فيه يما تبين تزوجينه؟
هاني كشر:ويني و وين؟
أمل:ليه وينك و وين وش ناقصك أنت؟
هاني تنهد و لف لأمه:طيب ما قلتي لي وين تبيني أوصلك يما..
أم هاني وهي تقعد:أبيك توصلني بيت أبو فيصل عشان نبارك لهم نجلاء زوجة فيصل حامل...
هاني انصدم من الخبر و قلبه صار يدق بقوة و نزل راسه للأرض و قلبه بدا ينزف...
نجلاء حامل...
حبيبته اللي هو السبب في عذابها من صغرها حامل...
أمل ابتسمت بفرح:من جد يما؟
أم هاني ابتسمت:أي اليوم الظهر كلمتني أم وليد و قالت لي...عاد قلت لازم نروح لهم و نبارك لهم زواج وليد بالمرة كفاية ما رحنا لهم في الزواج...
أمل:والله لو أقدر كان رحت معك يما بس بعد شوي بمشي...
أم هاني:ما عليه مرة ثانية أن شاء...
أمل قامت و قعدت يم أمها:يما خالد في أي شهر زوجته الحين؟
أم هاني قطبت حواجبها:والله أتوقع السابع أو الثامن ليه تسألين؟
أمل ابتسمت:لا بس أجهز نفسي من الحين أبي أروح معك إذا بتروحين لها...
أم هاني كشرت:أي أنتي خلي علاقتهم تتعدل أول بعدين تكلمي هم للحين علاقتهم مو قوية معهم...
أمل:ليه مو تقولين أنتي شفتي زوجته في زواج محمد و فيصل؟
أم هاني:بلا شفتها بس هي جاية زواج وش دخله بالعلاقات الخاصة...
أمل تنهدت:أن شاء الله ترجع علاقتهم مثل قبل والله أحس أن مو عدله كذا منقطعين عن العالم...
أم هاني:هو خالد للحين يزور أهله بس ما ياخذ زوجته معه...أخوانه اللي مو متقبلينها للحين...
سارة كانت تناظرهم بتركيز وهي تحاول تاخذ أي أخبار عن خالد حبيب قلبها...
كانت تسمع كلامهم عنه و كن خناجر تقطع قلبها من الداخل...
أم هاني لفت لساره و ابتسمت لها:الليلة سارة بتروح معي؟
سارة انتبهت و هزت راسها بالرفض و هو توقف:لا يما أنا مو فاضية الليلة ما أقدر أروح معك هناك...
توجهت للدرج و صعدته لغرفتها لتواجه دموعها و قهرها هناك...
أم هاني تنهدت:الله يخفف عليها والله كلما أقول لها تجي معي لهم تتعذر و كنها ما تبي تشوفهم...
أمل:ما عليه يما ترا اللي صار لها مو شوي..وخصوصا اللي شافته من أبوي لما تطلقت...
في نفس الوقت أذن المغرب و هاني كنه شافها فرصة قام بسرعة و صعد لغرفته عشان يصلي...
...في قصر أبو محمد الساعة7المغرب تحت في المطبخ....
كانت شوق قاعدة على الكرسي و تتصفح المجلة و هي تشرب عصير برتقال باارد...
دخل محمد أخوها و ابتسم لما شافها و تكلم بهدوء:مسا الخير...
شوق رفعت له راسها و ابتسمت له:مسا النور...
محمد مشى للطاولة و قعد على الكرسي اللي قبال شوق:وش تسوين؟
شوق:ما عندي شي فاضية بس قاعدة أتصفح المجلة...تبي أحط لك قدا؟
محمد هز راسه بالرفض:لا ما أبي...
ضل محمد ساكت شوي و هو يناظر أخته تتصفح المجلة ببراءة و تكلم بعد فترة صمت:أقول أحلام وينها؟
شوق رفعت له راسها باستغراب:ليه أنت ما تدري عنها؟
محمد بهدوء:كنت نايم بس مدري وينها الحين...
شوق ضلت تناظره شوي:أنت قلت لها شي...
محمد:ليه هي وش قالت لك؟
شوق هزت راسها بالرفض:ما قالت لي شي بس كان مبين على وجهها أنها تبكي...
محمد دق قلبه بقوة أسرع:تبكي!!...
شوق:أي كانت تبكي بس ما قالت لي وش صار بينكم بالضبط...
محمد تنهد وهو يسند ظهره لورا:طيب هي وينها؟
شوق وهي تناظره:بغرفتي؟
محمد باستغراب:وليه قاعدة بغرفتك؟
شوق هزت كتوفها:تقدر تروح و تشوف ليه هي قاعدة بغرفتي..
محمد ضل شوي قاعد و بعدها وقف و مشى للدرج و على طول توجه لغرفة شوق...
تردد يفتح الباب بس بدون شعور منه فتحه و استغرب لما واجه الظلام في الغرفة و الهوا البارد اللي طلع برا بمجرد ما فتح محمد الباب...
شغل النور و استغرب أكثر لما شاف أحلام نايمة على سرير شوق...
محمد رد الباب و مشى للسرير و قعد على طرفة وهو يناظرها بهدوء(معقولة زعلت مني..
أكيد راح تزعل هو أنا كلمتها بطريقة تبشر بخير عشان ما تزعل مني..)
محمد بهدوء:أحلام...
حط يده على كتفها و بنفس الهدوء:أحلام قومي صارت الساعة7...
أحلام فتحت عيونها ببطء و لما شافته قاعد يمه و قريب منها عدلت جلستها و لفت حولها و تذكرت أنها بغرفة شوق...
نزلت من السرير و مشت للباب كانت تبي تطلع بس استوقفها صوت محمد:ليه نايمة هنا ما عندك غرفة؟
أحلام لفت و أعطته نظرة و كملت طريقها للجناح...
وقف محمد و طلع من غرفة شوق و لحقها للجناح و ضل قاعد في غرفة النوم ينتظرها تطلع من الحمام...
بعد دقايق طلعت من الحمام و دخلت الغرفة و نشفت وجهها و مشت للسجادة و فرشتها و محمد ما كنه موجود معها...
محمد تكلم قبل لا تلبس حجاب الصلاة:أحلام كلميني..
أحلام لفت له و ناظرته بقهر:وش تبيني أقول لك؟
محمد آلمته نظراتها بس تكلم بهدوء:ليه نايمة بغرفة شوق؟؟
أحلام تحاول ما تبكي و تكلمت بثقة وهي تناظره:أنت قلت لي أطلعي برا ما عندي مكان هنا غير غرفة شوق...
محمد كسرت خاطره كلمتها و تكلم و هو يوقف لها:بس ما كان قصدي تطلعين برا الجناح..أنا قلت أطلعي برا الغرفة يعني بأمكانك تروحين غرفة الجلوس...
أحلام ضيقت عيونها وهي تناظره بتكشيرة خفيفة:وش ذا العذر...؟
محمد:تستهبلين؟
أحلام:ما استهبلت بس كرامتي ما سمحت لي أقعد معك بمكان واحد و لو أني مو خايفة عمي يشك بالموضوع كان ما جيت معك الحين لهنا...
محمد:ليه كل هذا؟
أحلام انقهرت منه:يعني أنت ما تعرف وش سويت اليوم؟
محمد:بلا أعرف وش سويت...بس أنتي بعد تعرفين وش سويتي؟؟
أحلام انقهرت أكثر:أنت ليه مو مصدقني قلت لك أنا ما سويت شي لأمك...
محمد:بس أمي تقول غير كذا...
أحلام:مو أول مرة أمك تقول غير كلامي و أنت في كل مرة تصدقها و تظلمني أنا...
محمد:لأنها أمي...
أحلام تأشر على نفسها:و أنا زوجتك...
محمد ضل يناظرها بصمت:............................................. .........................
أحلام كشرت وهي تناظره:أنت ما لك كلمة قدام أمك عشان كذا مو قادر تصدق كلامي لأنك خايف تواجهها...
محمد عصب و تكلم بصوت عالي:أحلام ما أسمح لك تقولين عني كذا لا تخليني أسوي شي ما يعجبك...
أحلام ناظرته بنظرات كسيرة:ليه هو في مرة سويت شي يعجبني قبل ما تاخذ أذن من أمك؟؟
محمد قطب حواجبه بقوة و هو يناظرها:تراها زادت عن حدها؟؟
أحلام:وش تبيني أسوي لك أنا من جد تعبت من الحياة معكم...تعاملوني و كني جاية أشتغل عندكم ما كني زوجتك...
محمد ضل يناظرها بصمت:............................................
أحلام ما قدرت تتحمل و نزلت دموعها وهي تناظره:........................................... ...
محمد أثرت فيه دموعها اللي ما يقدر عليها و مشى لها بهدوء:أحلام أنا مو قصدي أرفع صوتي عليك بس من جد ما قدرت أمسك نفسي...
جاي من الشغل تعبان و أبي أرتاح و أول ما أدخل البيت....
أحلام قاطعته و دموعها على خدها:بس أنا ما لي دخل..ما لي ذنب...
أنت المفروض تتأكد من الموضوع أول مو تجي و تهب فيني كذا أنا لي مشاعري...
أنا هذا جزاي أني ما أقول لك شي من اللي يصير بالبيت عشان راحتك و تجي أنت و تسمح فيني البلاط على شي أنا ما سويته ولا أدري عنه...
محمد ضل واقف شوي و بعدها قرب من أحلام كان يبي يحضنها بس أحلام نفضت يده عنها و بحزم:أبعد عني...
مو كل مرة تجي تعتذر بسهولة يا محمد...
أنا جيت هنا عشان حياة زوجي هنا ما جيت عشان تهينوني أنت و أمك...
محمد ضل واقف يناظرها:طيب قولي لي وش تبيني أسوي عشان أريحك و أريح نفسي عطيني حل...
أحلام ما كلمته و مسحت دموعها و لبست حجاب الصلاة و بدت تصلي و تركته واقف يناظرها بصمت...
مشى محمد للسرير و قعد على طرفه و سند يدينه لركبه و حط راسه بين يدينه و هو يفكر...
من جد حيرة..
و مو أي حيرة...
زوجته و أمه و هو بين نارين...
هو عارف أن أحلام مظلومة بس هذي أمه ما يقدر يروح و يسمعها كلام مثل السم عشان يرضي زوجته...
وبعد زوجته بنت ناس وعالم و مو عدله كل يوم يطلع و يدخل و هو معصب عليها و منزل كرمتها للأرض...
قام محمد لبس ثوبه و طلع من الجناح بسرعة وهو يحس أنه لو قعد في البيت دقيقة ثانية ممكن يموت من الهم و الغم...