الجــــــــــــزء[19[
...................................
عقب ساعة سلطان و مايد حدرو غرفه عبيد لأنه سارو يفولون موتر أحمد بالبترول.. و قعدو يرمسون و يطالعون عبيد إلي كل شوي يعقد حوايبه .. و بدون سابق إنذار فتح فجأه عينه بس الضوء قوي ياه في عينه و غمضها.. مايد و سلطان ما انتبهو حقه.. هو مغمض عينه يسمع سوالفهم و حس بأوادم بس هو ما يفهم حقهم و يا شي في باله على طول تذكر هذا الشي و سمع صرختها و هي تناديـه و قام من مكانه يتنفس بقوه.. مايد و سلطان اطالعوه خافو من شكله.. كان يتنفس بسرعة و يطالع يمين ويسار و عقبها فطنهم و اطالعهم..
سلطان يقوم له: حمد الله على السلامه..
عبيد بعصبيه يطالعه: ويـــنها وين مهره؟؟؟؟؟؟؟؟؟؟؟؟؟؟؟؟.. " بصوت غليـــض "
سلطان: حمد الله على السلامه يا بو حمد..
عبيد يطالعه ويشيل أيده ما انتبه حقها: ويــن مهره قلت لــك..
مايد يسرح صوبهم: موجوده بس انت لا اتعب عمرك..
عبيد يطالع مايد: ويــنها بسرعة قول ليه " بإنفعال "
مايد يطالع سلطان و يرد يطالعه: في الغرفه إلي مرقدينها فيها..
عبيد وهو يشيل اللحاف من عليه: أنا بسير لها..
سلطان يوده من جتفه: وين تسير لها أقعـد.. نحن في المستشفى.. بس عبيد أقوى من سلطان و شال بأيده المجبسه اليمين و عورته و رد شال اللحاف بأيده اليسار و قام عنهم وهو معصب هب حاس بعمره و ظهر و سلطان و مايد يربعون وراه وهو لابس لبس المستشفى إي يوصله إلي فوق اركبه.. و سار صوب النيرس وسألها و خافت هي منه فتحت عينه ما عرفت جيف ترده وهو يفتن عليــها..
عبيد: قلــــت لـــج وييييييييييين مهرااااا ما تسمعييييييييييييين.. " ما أعتقد محد ما سمعه ذيج الساعة "
مايد يطالع سلطان: ألحــق خوك بيفضحنا عنلات العدو.. سلطان ربع صوبه..
سلطان: عبيد عبيد أنا بدلك على مهره خلاص تعال ويايه.. و قاده إلين غرفه مهره إلي كانت منسدح على الشبريه و شيخه في الغرفه قاعده تصيح و ذياب فوق راسها يهديها.. انفتح الباب عليـهم بقو و تغشت شيخه و دخل عبيد بخطواته هاديه و صل للغرفه.. ذياب شافه شاف ربيعه صديقه إلي كان في يوم من الأيام ربيع عمره.. شافه وهو واقف يتنفس بسرعة و يطالع المكان بنظرات سريعه و جنه يدور شي فيه و عقبها فطن.. و مشى بخطوات ثابته في المكان و الكل يطالع و يحدق.. عبيد يجرب من شبريه.. يوم دخــل دخل مثل الطير الجامح مثل الحيوان المفترس بس يوم شاف مهره استوا أليــف لا هب أليــف استوا طفــل و شاف أمه و جرب منها بحنان يطالعها و عينه كانت تعبر عن حنانه و شعره نازل على يبهته بحيث إنه غطى على الشاش من جدام..
عبيد وهو يهز مهره: مهره... مهره.. مهره " رمش بعينه و جنه ما يبا الدموع تنزل " مهره ردي عليه " المكان هادي " مهره أنا عبيد " و مهره هب راضيه ترد عليه و الشعر على عينها " هب حراااام عليــج ما تكلميني مهره إنا أحبـــج و الله سوي إلي إنتي تبينه.. " بس مهره مثل ما هي ما ردت " مهره حراااام عليــج من بعد ما حبيتج و أغليـتـج من بعد ما صرتي كل دنيتي إلي أعيشها تخليني .. هب ذنبي و الله هب ذنبي " وهو يعاتب شيخه شافته و زاد صياحها شافت الحب بعيون عبيد تعبر عن كل إلي قاعد يقوله " أنا ما أحبــج أكررررهج ما أحبــج مهره قومي مهره نشي حراااام " و اطالع ذياب انتبه حقه و سار له و هو يأشر شرات اليهال و يأشر على مهره " ذياب شوف مهره ما ترد عليه أنا ما ليه شغــل والله ذياب انت أخوها قولها تكلمني..
ذياب خلاص تقطع قلبه: عبيد مهره بعدها تحت تأثيـر البنج لا تخاف..
عبيد: و ليش ما ترد عليه.. " شيخه تطالع.. معقوله يحب مهره لهذه الدرجه الله يهنيج عليه يا مهره.. و هي تشوفه ريــال بس ضعيف جنه قوته انهارت تشوفه ريال بس رمسته يوم يعاتب جنه ياهل "
ذياب يمسكه من جتفه: عبيد قوي إيمانك بربك و بعدين مهره هذيه وين بخير و عافيه..
عبيد بتعب يحس إنه قوته انخارت و جدم راسه لذياب: ما ترد عليه زعلانه أعرفها زع................ و طاح في حضن ذياب و ذياب على طول يوده و يا سلطان و يوده و في هذه الوقت دخل عليهم الدكتور و وراه النيرس..
الدكتور: ليش كل هذه الحشره؟؟..
النيرس: هذو المريض دكتور..
الدكتور: وين المريض؟؟..
ذياب: دكتور المريض مغمى عليه.. يا الدكتور و قال حق النيرس " كانو شباب " و شالوه إلين غرفته و كشف عليه الدكتوره و قال لهم إنه تعب وايـد و ما زين يتحرك وايد لأنه عده تحت تأثير البــنج و روح عنهم.. قعد سلطان و مايد و ذياب عند عبيد وهو كان مغمض عينه.. حاس إنه مرهق و يسمع رمستهم بس ماله خلق يفتح عينه يبا يسال عن مهره بس ما يروم النوم أقوى منه.. و آخــر شي فتحهن بقوه بس عسب يسال عن مهره..
عبيد يلف بعينه صوب ذياب: شحال مهره .. أحـــم ..
ألتفت سلطان له: هاه عبيد بغيــت شي..
عبيد بصوت خفيف: مهره..
ذياب أي صوبه: هلا حبيبي .. مهره مهره بخيــر و عافيه ما تشكي باس بس راقده تعبانه.. و انت بعد لا اتعب عمرك لأنه الدكتور قال.. و بعدين ما تبا تشوف مهره؟.. " عبيد هز راسه " خلاص يوم بتنش مهره خلها تشوفك على قوتك هب تكسر خاطرها و انت ضعيــف يا الله..
عبيد غمض عينه شوي و عقبها فتحها: ذياب دخيلك لا تجذب عليه..
ذياب: أفــا و من متى تحيدينيه أجذب عليــك..
عبيد ابتسم و لا جنه صاير شي من بينهم: من يومك..
ذياب: ما تيوز انت بعــدك و انت مرقد تقول جيـــه " و شوي يرن تلفونه و يشيله " ألووووه هلا... هيه هذوه خيل ما عليــج منه هاه .. هههههههههههههاي .. هيه هي بعد بخير بس بعدها رقود.. و الله بخير والله العظيم " يطالع عبيد " ختك هب مصدقتني صبري شوي صبري.. " يكلم عبيد " هاك يود ختك تباك هب مصدقتني..
عبيد يشيل التلفون و بتعب يكلم ذياب: يوم أقووولك جذاب " و يرد ع موزه " ألوووه..
موزه وهي مستهمه: هلا عبيد شحالك تستاهل السـلامه..
عبيد بصوت مبحوح: الله يسلمــج..
موزه: ما تشوف شر الغالي و أمره من تظهر الشمس و أنا عندك..
عبيد: وين تبين خلج جابلي شغلج و عيالج و أنا بخير ما فيني شي..
موزه: أفا عليك الغالي غالي..
عبيد: حرمه ما بين روحي إنتي احينه..
سلطان يكلم موزه: هذه أدريبها درينا إنج تحبينه درينا.. " بصوت عالي "
موزه: منو هذا سلطان؟؟..
عبيد يطالع سلطان بعيون تعبانه: هيه.. سلطان..
موزه: و هذا شعليــه ؟؟ عندك هو احينه.. قوله لا تفتن لو فيك الخيـر جان شاليت تلفونك يوم العرب تتصلبك..
عبيد يطالعه و أيده المجبسه على بطنه: لا تسبها عن أجتلك..
مايد يبتسم: و الله محد بيجتلنا غيــرك..

و من بعد ما اطمنت موزه على عبيد رمست ذياب و عقبها سكرت و هي مرتاحه تقريبا بس تبا تعرف حال مهره زين ما زين وهم قالولها إنها بخير و احينه بتحط راسها و بترقد و هي مرتاحه.. في المستشفى عبيد و ذياب قعدو يرمسون ويا بعض من شهور و هم ما يرمسون ويا بعض مشتاقيــن حق بعض كانو روحين فـ جسد و الكــل يمدح ربعتهم ربعهم هلهم الكــل يعرف بها بس ياتهم ظروف و فرقتهم و هي كانت صعبه بس بعد ظروف صعبه يمعتهم ويا بعض وهم أحينه يرمسون ويا بعض و يعاتبون بعـض بالي سوه في دنيتهم..

و عقبها من التعب عبيد غطت عينه و رقد و ذياب قعد يطالعه ابتسم و دمعت عينه في نفس الوقت فرح حزن كـل شي هب عارف.. سالت دموعه كم هو مشتاق حقه كم هو متوله عليه و على رباعته ما يبا تخلص هذه اللحظه يخاف إنه أي باجر لعبيد و عبيد تتغير معاملته له و يتذكر كـل شي صار في الشهور إلي طافت و تبدا العداوه من أول ويديد..

أما مايد و سلطان إلي كانو قاعدين برع..
مايد: و الله عبيد خوك ثجيـــل عنبوه..
سلطان: هذا و انت شليته عيل ما لحقت عليه يوم يودته عسب بسرحه عند حرمته ثجيييييل هب عليه جسم..
مايد: تفل تفل ع خوك لا تحسده..
سلطان: ما شاء الله عليه بس والله فيه قوه..
مايد: كمال أجسام يا ريال كمال أجسام..
سلطان: أندوك انته و انت عاده شو..
مايد: واي انته ما لك شغل فينيه سامع..
سلطان: عنلات العدو.. وشوي يظهر ذياب و كانت عينه حمره من الصياح و الدموع إلي ذرفهم على حياته هو وعبيد هب يوم و لا يومين عشره عمره.. و قعد صوبهم و قعدو يرمسون و يهدون باله..

في اليوم إلي بعده طبعا الحرمات عرفن بالسالفه و سون عزيمه أم ذياب و أم خالد جيه ما خبروهن .. و الشيوبتهم طابينهم و لا جنهم يسمعون ضارين على هذه المناحه إلي اتصير.. و سرحن الحريم كلن بفوالتها صوب عيالها و قعدن عندهم و في ذيج الفتره مهره فتحت عينها و كانت تحس بدوار في راسها و أول ما فتحت عينها صابها ما صاب عبيد ياها نور الليت على عينها و غمضتهن و شوي شوي تفتح عينها جنه ياهل يفتح عينه حليلها إلين ركزت عدل و تعودت على الإضائه.. قعدت تتلفت يمين ويسار تسمع أصوات بس همس كان صوت ريال و بنت يرمسون ألتفتت لهم و شافت راشد خوها و حذاله ميثه ختها و يرمسون و يضحكون و أم ذياب قاعده حذال أم خالد إلي قاعده ترمس بتلفونها..
ابتسمت مهره: أحم.. أحم " بس محد سمعها " أحم .. أحم.. ألتفتت صوبها أم خالد بس جيه عسب إنها ترمس بالتلفون و لا إراديا يات عينها على مهره..
أم خالد و ترمس بالتلفون و تطالع أم ذياب: نشي بويه بنتج نشت..
أم ذياب تلتفت لمهره و تسير لها: هلا حبيبتي حمد الله على سلامتج..
راشد و ميثه: الحمد الله ع السلامه مهره..
مهره تبتسم حقهم و أيدها على راسها: الله يسلمكم..
أم ذياب دمعت عينها و قعدت لاويه على بنتها و تصيــح ضناها إلي كانت بتزول عنها..
راشد: هيهييييييييييه الحرييييم بس عاده أمايه لا تفتحين لنا مناحه..
أم خالد من عقب ما سكرت: فديتج مهره الحمد الله ع السلامه بنتي..
مهره بصوت مبحوح: الله يسلمج عموه شحالج..
أم خالد: كلنا بخير بشو تحسين " تطالع راشد " بويه سير ازقر السستر سير حبيبي..
راشد متشقق قالت له حبيبي: إن شاء الله خالوه.. و سار و زقر النيرس و يات النيرس ويا الدكتور و اطمنو عليها و كانت بصحه و عافيه بس فيها دوار بالراس بسبب الرضه إلي ياتها و ظهرها ما عليه شر..

في غرفه عبيد محد عنده و الشرطي ظهر عنه و حقق معا شون صار الحادث و يابو حقه تلفونات و أغراض جيه و شلهم عنه و قعد متسلي بها..
الدكتوره و هي تدخـل: السلام عليكم " كانت بنت حليوه محجبه و طويـله و رقيقه حتى في الصوت "
عبيد يعابل إلي فأديه يوم سمع حس بنت اطالعها: هلا و عليـكم السلام..
الدكتورة: الحمد الله ع السلامه تستاهل السلامه..
عبيد يرد الأغراض على الكوميدينو: الله يسلمج..
الدكتورة: شحالك اليوم احسن..
عبيد ويرجع ظهره: الحمد الله بخير و عافيه..
الدكتورة: الحمد الله .. همممم عبيد حمد " و تطالع أيده و ترفعها له .. وهو مستحي منزل راسه و قلبه يدق"
عبيد بألم: آآآآآآآه ه ه ..
الدكتورة انتبهت عليه: يعورك جيــه.. " هي حاولت تفتح أيده "
عبيد بألم يطالع أيده: هيه يعور..
الدكتورة تخفف عليه: زين انت حاول تفتحها..
عبيد يحاول يفتح أيده شوي شوي و كل ما يفتحها تعوره: تعورني..
الدكتورة تبتسم: لازم لأنها فيها كسـر.. بس ما عليه مع الأيام بيلتحم..
عبيد: متى بظهر؟..
الدكتورة: يومين و بتظهر..
عبيد ابتسم: و الله ؟!!.. الحمد الله أبا أروح مليت..
الدكتورة: إن شاء الله بتظهر و ما نبا نشوف ويهك مره ثانيه هنيه..
عبيد: هههه إن شاء الله.. دكتورة أبا أسالج؟..
الدكتورة وهي تكتب في الدفتر إلي يايبتنه و ياها: هلا تفضل اسال..
عبيد: عن مهره حمدان شالحال عليها ما عرف عنها..
الدكتورة وهي تجلب الدفتر و تبتسم له: لا هي الحمد الله بخير.. شو تصير لك؟..
عبيد نزل راسه و ابتسم: حرمتي..
الدكتورة ابتسمت بحنان: لا هي الحمد الله و حتى إلي فـ بطنها بخير..
عبيد اطالع الدكتورة فجـأه حتى هي تفاجأت: إلي في بطنها شو يعني؟..
الدكتورة: ليش انت ما تعرف شو..
عبيد منفعل: أعرف شو خبريني..
الدكتورة: حرمتك حـــامل في الشهر الثاني تقريبا..
عبيد رد على ورا و ابتسم: حـــــــــــــــامل !!!!!! " و اطالعها "..
الدكتورة: ليش ما تعرفوووون؟؟؟!!..
عبيد: لا والله ما نعرف..
الدكتورة: إحمد ربك إنه الله ما صابه بشي..
عبيد غمض عينه: الحمد الله لك يارب الحمد الله.. " و اطالعها " زين ما بأثر عليها..
الدكتورة: لا هو بخير و لا شي صايبنه.. شفت قدرة ربــك.. يا الله احينه أنا بسير و دير بالك على عمرك..
عبيد: تسلمين ثجليت عليج ما قصرتي.. و ظهرت عنه الدكتورة وهو هب مصدق ورص ع أيده وهو مب حاس و عبيد وهو يرفع أيده: يسسسسسسسس رصها بقو و عورته و قعد يتألم.. و دخــلت عليه أمه في هذه الوقف..
أم خالد: هاه روح الشرطي.. " تطالع " بسم الله عليك بلاك..
عبيد يبتسم بألم: ما شي ماشي الوالده .. هاه شحال مهره..
أم خالد إلي كانت مرتاحه لأنه خوله ردت عليها و قالت لها موافقه: ما عليك مهره فرس أصيــله قوية باس..
عبيد: زين أمايه حد عندها؟؟..
أم خالد: هيه أمها عندها.. و توهم حد من أهلهم يايين و روحو بعد..
عبيد: موجودين هم احينه؟؟..
أم خالد: أنا وش اقول ؟ محد عندها غير أمها..
و دخلت أم ذياب: السلام عليك الحمد الله ع السلامه عبيد.. " و تحب راسه "
عبيد: الله يسلمج عمه شحالها الحرمه..
أم ذياب تقعد صوبه وهو يحبها على راسها: مشكور حبيبي .. بخير حرمتك بخير..
عبيد: و جيه خليتوها بروحها ..
أم ذياب: بسنا يبوك ملينا من مجابلتها..
عبيد: هييييييييييييييه إنتو مليتو لكن أنا ضاربني حفوز أبا اشووووفها..
أم خالد: سير لحرمتك محد ميودنك..
عبيد: عادي أخليكم في الغرفه..
أذياب: ودييييييه سيري يا بويه سير..
عبيد: أمره ساير أنا و بييكم لا تروحون.. و ظهر عنهم وهو مستناس بس رد لـهم..
أم خالد: علامك رديــت..
عبيد يبتسم: جم رقم الغرفه.. و عطوه رقم الغرفه و سرح صوب مهره.. و هي كانت قاعده تتخيل عبيد حرام لحد احينه ما شافته تبا تشوفه تتخبر عن حواله هو بخير يقولون فيه كسر في الأيد " حبيبي مسكين " و هي تفكـر فيه وهو يفكـر فيها و كان التخاطر من بينهم إلين وصل عبيد وهو متلهف وحدر عليها الغـرف وهي قاعدة مبتسمه..
عبيد و أيده على بطنه و بصوت مبحوح خفيف يادوب ينسمع: أحــــــــبج..
مهره هنيه نزلت عينها من المستحى سمعته وهو يقول لها أحبــج استانست وهي تتخيله سمعت حسه يوم يقول لها أحبــج وهو صوته مبحوح و رقيق و عذب.. بس هو حقيقه كان هو يقول لها أحبــج..
عبيد يعلي شوي صوته: أمووووووووووووووت عليـــج..
مهره بهدوء ألتفتت له و شافته جدامها و بأيده " فدييييييييييييت هـ السمحه يا ربي "
عبيد يجرب منها و يحبها على خدها برقه و همس لها بأذنها: الحمد الله على السلامه..
مهره نزلت راسها من المستحى و ردت و اطالعته: الله يسلمك غاليك..
عبيد ما كلنه فواده: لإناي غاليه ما في حد غيرج.. مهره تحبيني؟؟
مهره: أكيـــد انت حياتي كلها انت نصخي..
عبيد يدلع عليها: عيل البارح تقولين ليه أكرررهك؟؟..
مهره تذكرت إلي صار بس هي احينه ما تبا تخرب عليها هذا الجو: أششششششششششششش لا تذكرني يا عبيد كلمه طلعت مني غصب و أنا معصبه.. بس والله كنت هب قاصده هذا الشي " و اطالعته " عبيد الله يخليك انسى..
عبيد: خلاص خلاص لا تصيحين عليه هب شال على خاطريه..
مهره: يا الخايس سوق خفيف المره اليايه.. زين ما رحنا فيها..
عبيد نزل راسه و بان عليه لندم: آســـــــــف على كــل يالي صار مهره ما تعرفين شو من الأفكار إلي ياتني.. كل ما تذكرت الحادث اسمع صرختج و أيدج على جتفي تحز في خاطريه.. لا عيشه زينه و لا ريل مثل الناس..
مهره: عبيييييييييييييد " عبيد اطالعها بعيون ندمانه " لا تعيد هذه الرمسه وديه ثانيه الله يخليك خلنا نبدا صفحه يديده فيها الخير و الراحه و أهم شي الحب..
عبيد قرب ويهه لويهها و غمض عيونه و تم ساكت فتره و مهره نفس الحاله مغمضت عينها تسمع نصخ عبيد تسمعه و شوي فتحت عينها اطالعته..
عبيد بعده على نفس الحركه و مغمض عينه: حبيبتي " و فتح عنيه " قولي حقي مبرووووك..
مهره ابتعدت عنه: ليـــش؟؟؟؟؟!..
عبيد ياخذ أيدها الصغيره و يحطها في حظن أيده: بصيـــر أبـــو..
مهره هب مستوعبه: جيــف يعني؟؟!!!!!!!!!!!!!..
عبيد ابتسم: توها الدكتوره خبرتني بسالفه و قالت إنج حامل في الشهر الثاني تصدقين هب مصدق بصير أبو أنا عبيد بصيـر أبو لا ما صدق يوم اتخيل عمريه و أنا صغيــر أقول أنا الصغير بصير أبو..
مهره تسمع و تدريجيا تبتسم و تخيلت هي وياه " انا البنت الدلوعه الصغيره بصيــر أم "
مهره: عبيد انت متأكــد..
عبيد: مليوووووووووون.. توها الدكتوره مخبرتني و الله أنا هب مصدق..
مهره و القشعريره تسري في جسمها: عبيد والله لا تجذب..
عبيد: ريال بعرضتيه واقف جداج و تجذبيني..
مهره استحت و ابتسمت: إنزيـــن صدق؟..
عبيد: إنزين أزقر الدكتورة..
مهره: لا لا خــــلا صدقت " سكتو حول ثانيتين " مبروك يا بو حمد..
عبيد و يحبها على يبهتها: الله يبارك في حياتج.. صدقيني سعادتي ما تنوصف يوم سمعت هذا الخبر ياربي كم بعيــش أنا..
مهره: عبيد لا تفرح وايــــــد..
عبيد يطالعها: مع هذا الخبــر و ما تبيني أفـــرح صدقيني أنا احينه مرتاااااااح وااااااااايـــد صدقيني ما تنوصف فرحتي و يا سعادتي..
مهره تبتسم و تطالع عبيد و باين عليه إنه رمتاااااااح و مستانس: الله لا يغــير عليــك حبيبي..
عبيد: آآآآآآآآآآآآآآآآآآآآآآآه " و غمض عينه " لا تقولين ليه حبيبي أذوووووووووووب..
مهره حست بأشياء تصيبها حست بدم يمشي بالعروق و نزلت راسها من المستحى.. و في وسط هذه الأجواء حدرن عليهن أم ذياب و أم خالد..
أم خالد: ها عيالي ما شبعتو من بعض.. " عبيد اطالع مهره و هي مستحيه "
عبيد: لا ما شبعنا الغاليه بعدنا..
أم خالد: قوم انت سير حدر حجرتك احسن لك سير احينه بيون حريـم..
عبيد: احينه بسير عنبوه كله يطردووون.. زين الوالده بخبــرج بشي..
أم خالد تعابل تلفونها: تخبر اشبغيت فديتك..
عبيد يمسك بأيده تلفونها: خلي عنج هذا احينه سمعيني..
أم خالد وهي حاسه إنه السالفه تستاهل: خير أمايه شو بغيت..
عبيد يطالع مهره و يطالع أمه و أم ذياب: أنا ...... بصيـــــــــر بو حمد..
أم خالد تبتسم: مبرووووووووك حبيبي متى صار هذا الكلام..
عبيد: توها الدكتوره خبرتني..
أم ذياب خايفه عبنتها: و مسوين حادث ما صابه شي شو قالت لك ادختر..
عبيد يهز راسه بلاء: ما صابه شي و الحمد الله خبرتني الدكتوره إنه بخير و عافيه.. باركولي الشيوخ باركوووولي .. " و يسرح صوب أمايته " أمايه تصدقين إني بصير أبوووو و الله هب مصدق..
أم خالد دمعت عينها: فديييييتك حبيبي مبرووووووووووك مبروووك مليوووون الغالي " و تلوي و عليه "
أم ذياب تمسح على راس مهره: مبروووك حبيبتي يتربا بعزكم..
مهره: الله يبارك في حياتكم..
عبيد وهو في حضن أمه: أمايه عمووووه و الله بستخف هب مصدق..
أم خالد تضرب بخفيف ع ظهره: بسم الله عليــك الغالي..
أم ذياب: تستاهل يا عبيد تستاهــل مبرووووك حبيبي.. عبيد اطالع عمته وهو في حضن أمه و شكله الدموع متيمعه في عينه بس نزل عينه قبل لا حد يلاحظ بس مهره لحظت هذا الشي.. " مهره كانت تطالعهم تأثرت عبيد وايـد مستانس هذا إلي أثر فيها ما كانت تتخيل عبيد الجاسي و الطيب في نفس الوقت يكون جيه حساس بطريقه فضيعه "
::
::
العـــصر في بيت موزه موزه تبا تسير عند خوها عبيد بس هب محصله سيارة توديها و سيارته في الوكاله احينه من أسبوعين ودقت حق ذياب..
موزه: ألوووه..
ذياب: مرحبــا الساع الغاليه..
موزه: مرحبتين.. انت ويــن؟..
ذياب: هنيه.. ليش تبين شي..
موزه: هيه والله بغيتك توديني بيت أهلي ما سرحت صوبهم احينه من خمس أيام..
ذياب: أنا مشغول احينه في الصناعيه بتتريني عقب نص ساعة و لا أقولج دقي حق سلطان خوج خله أييـــج..
موزه: زيــن.. بس هو ما يرد بدق حق راشــد..
ذياب و الغيرة تاكل فواده: لا راشـد لاء.. شوفي خالد و لا سلطان..
موزه: إنزيييييييييييييييييييييين.. و سكرت عنه و اتصلت بسلطان و دق حقها و كانت عنده حشره و خبرته و قاله لها 10 دقايق و بكون عندها و فعلن 10 دقايق و صل سلطان و روحو بيت هلها بس هي ما نزلت و قالت لسلطان يوديها المستشفى تبا ترود عبيد و مهره ..حدر حمد و تم حمدان و موزه و سرحو المستشفى..
موزه: تعال حمدان.. " تطالع سلطان " أقولك خذ هذا الورد و عطه حق عبيد و خله يقرا البطاقه..
سلطان ياخذ الورد: شو تتحريني بسرقها يعني..
موزه تضحك: لا هب قصدي جيه بس اكيد عنده شباب و ما بقدر احدر عليه احينه..
سلطان: هييييييييييييييه قولي جيه من الأول.. باخذ حمدان تعال بشوووف..
حمدان: لا لا بسير حق عموه مهره..
سلطان: يا الهرم تعال عند الشباب انت ريال هب حرمه..
حمدان يطالع أمه: أمايه .. عمووووه..
موزه: خله انت و عقبها بدق حقك تي تاخذه.. و سرحت عنه هي و حمدان ولدها حجره مهره.. و أول ما حدرت ما قدرت تتمالك أعصابها بس غصبن عنها يودت عمرها و شافتها ترمس و تضحك حذال ذياب وهم قاعدين يا كلون الفواله و الغيره سارت لها إلين راسها بتموت صحيح هي شوي تقبلت الفكره بس ما تقدر تشوفهم ويا بعـض ما تقدر و إلي مغيض فيها أكثــر إنها يوم دقت حقه قال لها مشغول..
موزه وهي تنزل غشوتها: السـلام عليكم..
الكل: و عليــكم السلام.. ذياب اطالعها و اطالع هند و شيخه قامت لموزه و رحبت ابها.. سلمت موزه على أم ذياب و أمها و وياهتهن و عقبها سارت صوب مهره و تحمدت لها بسلامه و من غيضها ما سلمت ع ذياب و هند..
موزه و شيخه واقفه حذالها: شحالج مهره..
مهره و أيدها ع بطنها: الحمد الله بخير إنتي شحالج " و تطالع بطنها " شحال النونو..
موزه تمسح ع بطنها: الحمد الله بخيــر.. بس وايــد يتحرك..
شيخه: هيه غايته عاده احينه يتحرك يبا يظهر.. " و تحرك حوايبها "
موزه تطالع بطنها بحنان وهب مركزه بشي من إلي ما خذ عقلها: فديته يارب.. ذياب في ذيج الحظه اطالع موزه و شاف رقتها بس هي ما تعطيه ويه شكلها محرج.. و هند تطالع موزه إلي من يات والكل مستهم ابها غير عنها محد مسويلها سالفه و بغضت موزه على هذه المحبه من هلها.. و شوي حدرن شمه و خوله و عوشه بنت عمهم و سلمو على مهره و على إلي في الغرفه.. موزه من بعد ما كلمت سلطان قال لها إنه واقف برع ما قدرت تقعد في الغرفه و هم فيها ما تقدر تحط عينها عليهم خلاص..
موزه : حمدان حبيبي تعال يا الله..
أم خالد إلي كانت لاويه ع حمدان: ويديه وين بسير..
موزه: بوديه سلطان برع يباه.. شمه اطالعت عوشه إلي ما سوت سالفه..
أم ذياب: هيه أميه لا اتعبين عمرج حبيبتي..
موزه تبتسم لعمتها: إن شاء الله عموووه.. يا الله حمدان..
حمدان بصوته الصغير: وين بنسير عند خاليه عبيد..
موزه: هيه حبيبي.. و ظهرت برع الغرفه و خذت نفس عميــق ما تبا تحدر الغرفه وديه ثانيه تخاف من نظرات ذياب وهو قاعد حذال هند إلي بعد هي الثانيه تطالعها.. خذ سلطان حمدان عن موزه و رد غرفه عبيد و موزه ردت تحدر الغرفه لأن سلطان قال لها إنه غرفه عبيد ممزوره شباب و عقب يوم بروحون بيزقرها..
سلطان وهو يحدر: هاه يا كم صاحب السمووو..
أحمد إلي كان يوايه عبيد: هلا والله سلطان علوووومك الشيــخ..
سلطان: مرحبا مرحبا مليوووون الشيخ الرضف رضفين.. " و يوايهه لأنهم توهم يايين و من عاده سلطان يوم يخاشم يحطي أيده على ذقن إلي بخاشمه "
أحمد: و الله استحيت..
سلطان رفع حايب: شعنه..
أحمد: يا خي لا تحط يدك على لحيتيه استحي جنك الريال وأنا الحرمه..
منصور: أسميــك ما تسكت عنبوووك..
أحمد يأشر له بأيده بصبعه السبابه: آخر مره ايييبك ويايه..
عبيد يطالع حمدان: حمدان ما بتي تسلم على خاليــه..
حمدان اطالع عبيد و يمسك طرف كندوره سلطان: خاليه بسير هناك.. " يأشر بأيده الصغيره صوب عبيد "
أحمد شاله: فا عليــك ما طلبــت فديــتك " و يبوســه ع خده و و داه صوب عبيد إلي قعده ع الشبريه و قعد يرمس هو وياه "
أحمد: حمدان ما بتي العيــن..
حمدان حرج: لا خسي انا وحداوي..
مايـد: عاش بو الشباب..
حميد: افــحمه..
أحمد يطالع منصور: هاه منصور أقول شخبارك عساك طيب انت بس..
منصور يضحك: الحمد الله أهوووون..
حميد: شو يعني.. منصور ما تشجع الوحده..
منصور: بن عروه اشجع الوحده و أنا عيناوي و دمي عيناوي و ساكن فـ العيـن..
حميد: خيــر زين بويه زين لا تعدلنا قصيد عن العين..
عبيد يلوي على حمدان من ورا: فديــتك حبيبي وين أمك؟..
حمدان: هناك عند عموووه..
عبيد بصوت خفيف: فديتك و فديت عموتك أنا " منصور سمع رمسة عبيد ابتسم و نزل راسه "
أحمد: تعال حمدان بنوديـك العين حلوووه تراها..
حمدان: لاء..
أحمد: جيــه بويه درينابها إنها كلها صحرا..
مايد: حتى نحن عدنا صحرا..
أحمد: و جيه ولدكم ما يبا يسرح العيــن..
سلطان: بويه بروحيه أنا بسرحه صوبكم و بيبه حقكم و لا خوه الثاني بعد بيبه..
أحمد يسرح صوبه و يلعب بشعره: أقـــرب فا عليــك جان بتون عندنا..
حميد: و أنا أنا بسيرح صوبكم جان تبونيه..
أحمد يسرح صوب حميد و يخاشمه: فا عليــك أقــرب الشيــخ..
مايد: تعال وينيه الموتر..
حميد يشهق و يطالع مايد: هيييييييييئ عطيته موترك..
مايد: بسم الله عليك هيه عطيته موتريه..
حميد يطالعه بنص عين: هيه لو طلبناها منك و الله لو نتجلب جدامك و الله ما عطيتها حقنا علوه يو زمان..
أحمد: جيه بويه تتحرا صبوع أيدك سوا شووووه.. لا بويه..
حميد: خل عنك انت " يطالع مايد " ما ترمس عنلات ضروسك..
مايد: يا ريال الحبيب كان محتاي يعني أرده هب من شيمنا يا بوك هب..
حميد: بعدين بنتفاهــم ما عليه احينه بطوف لك السالفة..
مايد يطالع أحمد: وينيه السيارة عيـل..
أحمد: وين بتكون يعني في الباركن يا الله عطوني سويج موتريه.. " يطالع مايد " آه على فكره ترا الموتر فيه شرخ صغيــر..
ماي فتح عينه: شوووووووووووووو؟؟؟؟!.. " حميــد ضحك عليــه "
منصور: زين بدايتها..
سلطان يطالع أحمد: يا ريال شو سويت بموتره تراك بتموت..
أحميد يرضف غترته ع ورا: و لا شي البشكاره عنلات عدوها قاعده تنظف الموتر و موترك حذا موتر خويه نهيان و هو قايل حقها تنظف داخل الموتر و بطلت الباب و يا الباب على باب موترك و انشرخت شويه بس.. بويه السموووحه أمره فالك طيب أصلحها لــك..
عبيد مبتسم و حمدان في حظنه: أقول بــو شهاب يقولون الشرده نص المريله..
أحمد يغمز حق عبيد: هاه مايد قوم ودنيه والله أصلحها لــك..
مايد بدون نفس: لا عادي خلها بصلحها أنا..
حميد بنبره تحذير: تراه ما بدانيـــك طوول حياته..
أحمد سار صوبه و خاشمه: بويه نسولف وياك لا تاخذها جــد حبيبي عنبوك محد يتمصخ عليك..
مايد: أحـــلف..
أحمد: والله.. و ضحكو عليــهم الشباب..
::
::

أما في غرفه مهره ذياب يبا يكلم موزه بس هي هب عاطتنه فيــس و هند ترمس وياه و شوي يرمس ويا عمته و شوي ويا أمه و شوي ويا البنات.. أما شمه و خوله و عوشه هب مستلطفين هند عسب موزه..
شمه قاعده حذال موزه وكل شوي تطالع موزه.. و موزه تطالع شمه بس هذه المره شمه اطالعتها..
شمه: شووو شو تبين؟..
موزه استغربت: هاه ما زقرتج..
شمه: بلا كل شوي و ادزيــن جتفي..
موزه: سيري لاه ما دزيتج..
شمه قعدت ترمس ويا مهره و عوشه و شوي: هاه قولي بعد ما نغزتيني..
موزه تضحك: و الله هب أنا بــلاج.. " ذياب ذاب في بسمه موزه.. فديــت روووحج و الله "
شمه: عيل شوه..
موزه تلوي ع بطنها و تهمس: بس حبيبي فضحتنا بس خالوه تهازب ما تسمعها اسكت عن تواقعنا..
شمه تطالع موزه و تبتسم: علام قولي شسالفه..
موزه: ما شي بس قاعد يتحرك..
شمه وقف شعر ينبها: حبيبي يعني هو إلي قاعد يدزني..
موزه: هيه..
شمه تحطي أيدها ع بطن موزه: فديــته " شوي تتحسس بشي " هذا شوووه..
موزه تتحسس هي الثانيه ع بطنها: هذا كوعه ما دري أيده.. من غبشه الصبح وهو يلعــب..
شمه حست بالقشعريره: حبيبي فديــته.. " وشوي يتحرك "
أم خالد تطالع شمه: إنتي علامج..
شمه: ماشي " تطالع موزه و تهمس" علامها أمـج هذه بعد..
أم خالد: موزه أميه اتصلي حق خوج شوفي العرب إلي عنده روحو خلي خواتج يسرحون يسلمون عليه..
موزه: إن شاء الله.. اتصلت موزه بسلطان و قال لهم إنهم برحون و إنهم يسرحون صوب الغرف.. في هذه اللحظه ظهر عنهم ذياب..
خوله: يا الله عاده نحن بنسير صوب عبيد..
مهره: سلمو عليــه..
شمه: إن شااااااااااااااااااااااء الله ما طلبتي الغاليــه..
أم خالد تطالع شمه بنظرات: يا الله سرحن صوب خوكن و دقن حق الدريول أييكن و عقبها حولوه عليه..
شمه: إنزيـــن بلاج إنتي تهازبين ما سوينابج شي.. و ظهرن البنات طبعا هب مغشايات الربع و موزه وراهـن و هن يمشن سمعن واحد يزقرهن من ورا و كان صوت ذياب..
ذياب وهو يزقر موزه: موزه موزه.. " بس موزه طاف سمعت حسه حرجت وايــد ليش يا ذياب ليش ؟؟ "
خوله سمعت حسه و اطالعت موزه و لا جنها تسمعه: أيــه سيري يزقرج..
شمه: هيه سيري..
موزه: منوه براايـه خله يولي.. " و أشرت بأيدها "
عوشه: أيـــه حرام شو برايــه من مساع يزقر سيريله..
موزه وقفت وهن و قفن وياها: سرحن إنتن و أنا بيــكن.. و سارن البنات صوب الغرفه و تمت موزه و اقف و عقبها اطالعت ذياب إلي كان لابس كندوره بيضه و سفره حمره و نظارة شفافه " فديـــت هالعــرضه " و تقرب منها ذياب..
عند البنات و هن سايرات صوب غرفه عبيد شافن الشباب يظهرن و كان مايد و حميد .. مايد من شافهن قعد معلق عينه عليهن و هو محرج طبعا هب مغشايات و خصوصا شمه يطالعها بعصبيه " و الله بيتصفعن عنلاتهن " .. و البنات نزلن عينهن إلين خطفو من صوبهم..
خوله تطالهن ادز شمه: أيــــه شفتو إلي أنا شفته..
شمه مبتسمه: هيه مايــد..
عوشه: و ربيع مايــد بعد منوووه..
خوله: هيه هووووو والله إنه عجييييب.. شموه ما تحيدينه..
شمه: منوووو؟؟..
خوله: يوم شفناه في العيد خيييير كنا قراب من بعــض يا ويــل حالي أنا..
عوشه: أيه يا الخديه إنتي مخطوووبه و تطالعيــن غيرة..
خوله: بعده ما صار شي بلاكم مستسبقين الأحداث.. يا الله حدرن حدرن.. و حدرن الغرفه محد كان فيها غير عبيد وهو يرمس ويا حمدان و سلمو عليه و تحمدو له بسلامه..
شمه: هيه فديتك بعد تسلم عليك مهروووه..
عبيد مبتسم بحنان: شفتيــها؟؟ شحالها بخيــر؟؟..
شمه: بخيـــر و عافيه.. " و تهمس حقه " جنها إلا مشتاقه حقك..
عبيد اطالعها و ابتسم بعذوبه أول مره تشوفه شمه بهذه الابتسامه حست إنه مشتاق حق مهره..
عبيد بصوت مبحوح: تعالي بقولج شي بس عاده لا تقولين حق حد إلين يصير أوكيــه..
شمه بهمس: شووووه؟؟..
عبيد بهمس: لا تنفعليــن وايــد خوفاتي يكشفون السالفه..
شمه: لا لا..
عبيد ثمه على أذنها: بصير أبو..
شمه فتحت عينها بحيث إنه محد يلاحظ: قووول والله..
عبيد: و الله " و عظ شفايفه " شرايــج بالخبــر..
شمه تهمس: مبرووووك بو حمد تستاهــل كل الخيــر الغالـي..
عوشه و خوله ملتهيات يكلمون حمدان وشوي يظهر حقهم سلطان من الحمام..
سلطان اطالع عوشه: الــسلام عليــكم..
خوله و عوشه: و عليـكم السلام..
سلطان: شحالج عوشه عساج طيبه..
عوشه: بخييييييييييير " و تطالع صوب شمه "
سلطان: زين بلاج زامه بخشمج " و يعيب عليها " بخيييييييير "..