بو أحمد: الساع ما عيبنيه رايـــك عنلات عدوك.. العرب يبونا و فـمحنه و تباني أروح عند العيوز..
منصور: عمي نحن يمكن نتحير فإنت روح و أحينه بنتصل فـ نهيان إي ياخذك..
أحمد يطالع بوه: أبويه الله يخليــك..
بو أحمد: مثــجل عليك انت وياه عنلات هرووووس دق دق حق خوك شوفه ويــن.. و دق أحمد حق خوه انهيان وهو مرتبش هب عارف جيف يضرب و عقبها بخمس دقايق يا نهيان و خذ بو أحمد و بو أحمد و صاهم إنه يدقون حقه يبا يطمن على الريال و هم قبضو السيارة و على طول سارو المستشفى و سالو عن الحادث إلي صار و قالولهم يسيرون الطوارئ و هم على طول سارو شافو الريال إلي خذ عبيد و سالو عنه و قال لهم إنه داخل و شكرو و قالوله إنه يروحه لأنه أونه من هلهم و روح الريال و تمو هم يرقبون حد يظهر عسب يسالون عن عبيد و مهره و ظهرت النيرس و ربع وراها منصور..
منصور: لو سمحتي شحالهم..
النيرس: الحمد الله الحمد الله " تكلمهم بدون نفــس"
منصور يطالعها: عنلات صداها.. زين بتخبرج الحرمه إلي وياه وينها..
النيرس صج موصله حدها: داااااخـــــــــــــــل يعالجونها بلاك انت.. و روحت عنهم..
منصور يأشر بأديه: بلاها هاي لا أصكها كف على ويهها " النيرس سمعته بس لبسته "
أحمد: جان فيك خيـر توكـــل أمره محد بقولك شي..
منصور: جب انت جب.. أنا في حال و ظاربنيه حفوز و انت قاعد تسولف..
أحمد: ما تشوووف عمرك مرتبش زياده عن اللزوم..
منصور نزل عينه بهدوء: انت ما شفت عبيد يا أحمد و يهه كله دم يعور الفواد عليه و هو يوصيني على حرمته أخاف صار به شي و لا شي و خر من أيدي بغيت أتخبل..
أحمد: لا إن شاء الله ما عليـهم شر انت احينا خلنا نسير نشوف لهم غــرف.. و سارو أحمد و يا منصور و شافو لهم غرف و عقب يو و كانت نيرس ظاهره من الغرفه..
منصور: لو سمحتي ختيه..
النيرس بهدوء: نعم خويه تفضـل..
منصور: أبا أعرف عن الريال و الحرمه..
النيرس: ليش إنتو تعرفونهم..
منصور: هيه .. خبرينا عن حالتهم..
النيرس: لا هم الحمد الله بخيـر و عافيه الريال شويه راسه و كسر في الإيد أما الحرمه ما فيها شي شويه رضوض و عندها شوي الظــهر..
منصور: الحمد الله.. يعني ما عليهم خطـر..
النيرس: لا ما عليهم إن شاء الله بس هم أحينه في البنج.. إنتو تعرفونهم..
منصور: هيه من الأهـل..
النيرس: زين ممكن تعبي ليه بياناتهم لو سمحت..
أحمد يطالعه: بنعبي بس ختيه الحرمه ما نعرف عنها شي غير إنها حرمته..
النيرس: يكفي تعالو معاي.. و سارو و يا النيرس و عطوها البيانات عن عبيد و عقبها سارو صوب الغرفه و هم يايين شافوهم يظهرونهم من الغرفه أول شي ظهرو مهره إلي كانت شكلها عادي بس يمكن ملزجين يبهتها بس هذا و عبيــد خلوه في الغرفه مده طويــله..
أحمد يروع منصور: أبيـــــه عبيد ما ظهر لا يكون صار به شي..
منصور يطالع الباب وهو متوتر: أسكتي عني " و ظرب أيده بثاني " ليييييش ما ظهروووه إلين احينه..
أحمد يطالع تلفونه لأنه رن: مادري و الله.. ألووووه هلا والله علووووم الخيـــر...... هلا لا هم بخير و عافيه ما يشكون باس بس شويه رضوض.. هاه.. لا نحن بنقعد شوي هنيه إلين أيون هلهم.. هيه السيارة و يانا أفا عليـــج.. و الشيبه وصـــل.. هاه خبرج إلا بالتلفون.. هههههههههههه فتان ريلج فتان عنبوه ما يتريا إلين إني و نخبره السالفه.. هيـه.. " يطالع منصور " لا بخيـر هذوه وين.. يحاتيهم يقول حد من هله " و منصور أطالعه بنظره " إن شاء الله .... الله يسلمج.. حياج الله..
منصور يطالع: فــــــــــــــايج..
أحمد: أميه تتخبر عنك و أمك حذالها ظاربنهم حفوووز الشيبه مخبرنهم عن السالفه..
منصور: ما بتيبه من مكان بوك جدامك.. و أحمد ياي يرمس و إلا مظهرين عبيد و سار له منصور و مشوه إلين ما وصل الغرفه إلي بيترقد فيها و قعدو يطالعونه رابطين راسه بشاش و الخصلات من شعره على الشاش و أيده مجبسه و محطين عليها لبسه زرقــا و راقــد وهو عاقد حوايبه..
أحمد واقف فوق راس عبيد: منصور تعرف؟؟..
منصور بعيد عنه قاعد على واحد من الكراسي: لا ما عرف..
أحمد: عبيــد حليــو تونيه بس أدقق فيــه..
منصور يبتسم: انت والله العظيم فايــج..
أحمد يطالعه منصور و عقبها رد يطالع عبيد: و الله تعال شوف " و مرر أيده على شعره " الله يقومك بالسلامه و نشوفك تربع.. " و اطالع منصور " تعال حرمته وين حطوها لا يكون سرقوها..
منصور وهو يقوم: سرينا نسال عنها..
أحمد: و نخلي عبيد بروحه لا روح بروحك..
منصور: هب.. قووووم يا الله و عبيد ما عليه شــر إن شاء الله.. يا الله طوف جداميــه.. و ظهرو من الغرفه و سارو و سالو عن مهره و قالت لهم النيرس بإنها في غرف (15) في قسم الثاني و سارو صوبها بس يبون يتأكدون إذا هي و لا لاء و دخـل منصور عليها و هي ما على راسها شي بس تأكد من ملامح ويهها في هذه الغرفه البارده و ظهر..
أحمد: هاه هيه حرمته و لا..
منصور منزل راسه مستحي: هيه هي..
أحمد: و أحينه جيف بندق حق هلهم نحن ما نعرف حد..
منصور يفكر: و الله مادري بس تعال ليش ما ادق على عمر يعطيك رقم خوه..
أحمد: تعال تفكر و الله.. صبر شوي " و ظهر تلفونه و اتصل حق عمر إلي كان و يا ربيعه و يرمس "..
أحمد: هاه ويــن ؟؟؟ ... لا ما روحنا بعد عايبتنا بلادكم.. هههههه لا حقين عليها فديــتها.. تعال انت بتخبر بروحك منها لا تنكـر لا تتبرا من أصل.. هيه جذيــــــه أباك.. " منصور يطالع بعصبيه و يهز راسه ".. هيه تعال بقولك شي ما تعرف رقم سلطان.. هاه بعد منو سلطان سلطان توأم عبيد و لد عمتهم سهيل.. لا انت ما تعرفهم إلي إذا يبت لك هلهم.. ما لــــــــــك شغـــل و عطني الرقــم بسرعاااااااااااااااه.. هيه " وهو يسيف الرقهم على المبايل " .. زين عيل نخليك عيل.. اوكيه فداعه الله..
منصور استلمه: انت بتخبرك يوم الواحد يقولك شي....
أحمد يقطع رمسته: زين هاك الرقم أرمسه و إلا انت ترمسه و بلا محاظرات و خربطانه..
منصور: كلـــمه انت بسرعة و بدون رمسه زايــده..
أحمد: إنزيــن.. " و اتصل بسلطان إلا كان هو و عبيد فالمطعم يتعشون " ألوووه السلام عليكم..
سلطان وهو مستغرب الرقم و الصوت: مرحبـــا محيى و عليكم السلام..
أحمد: شحالك سلطان ربك بخير..
سلطان مستغرب يعرفني هذا؟: الحمد الله بخير و عافيه.. منو انت؟؟..
أحمد: افا نسيتني.. أفا ما هقيـــتها منـــــــــــــك..
سلطان يطالع مايد و يبتسم: و الله ما عرفتك.. منو الريـــــــــــــال؟!.
أحمد: هيه الريال أحمد بارك الله فيــك..
سلطان بعده ما عرفه: ما عرفتـــك..
أحمد: يا الله سلطان مسرع ما نسيتني.. أحمد ولد عم عمر..
سلطان يخمن: أحمد الهيـــر..
أحمد: تووووووك وصلـــت .. " و منصور مشتب نار و يأشر له " إنزيييييييييييين بلاك.. أقول سلطان بتخبرك و سمحليه لأنها يات منيه..
سلطان: قول فا عليــك..
أحمد: عبيد خو و حرمته مسوين حادث..
سلطان جنه انجلط راسه أنفجع: شوووووووووووووووووووو؟؟!!..
أحمد: لا تخاف هم بخير و عافيه بس شويه رضوض و كسور..
سلطان وهو يقوم من مكان و يشيل البوك ماله يطالع مايد: وين إنتو؟؟..
أحمد: في مستشفى راشـــد..
سلطان: ياك احين بيــكم .. و سكر عنه ..
مايد يطالعه: بلاك اشفيــك..
سلطان: قوم قوم عبيد مسوي حادث وهو في المستشفى أحينه..
مايد وهو يقوم: قول غير هذا القووول..
سلطان: و الله شافوهم أحمد ولد عم عمور.. و سارو دفعو الحساب و على طوووول طرررر المستشفى..
في المستشفى أحمد و منصور بعدهم و اقفين صوب غرفه مهره و ياهم الشرطي و كان يبا يدخل..
منصور وهو محرج: وين تبا انت..
الشرطي و وراه النيرس: بدخل..
منصور و وراه أحمد: وين تدخــل..
الشرطي: لو سمحت يا أخ لا تعطل عملنا..
منصور: عملكم لا والله البنت داخل و مبنجه شو بتسال فيها..
أحمد بنقمه: يمكن بترد عليه و نحن ما ندري..
الشرطي اطالعهم بنظره: لو سمحتو أنا ما ياي أكلمكم فلو سمحتو لا تأخرون شغلنا هو ما في غيركم..
منصور صج عصب: أيــــه احترم نفسك و البنت لها سترها.. " و النيرس تسويله أوكيه من ورا الشرطي "..
الشرطي و قف مكان و فكر فيها: خلاص لا تعصب حبيبي خلاف بني نسالها .. و روح عنهم الشرطي و سارو صوب غرفه عبيد و في هذا الوقت دخل مايد و سلطان المستشفى و سالو عن الحادث و قالولهم أي غرف على طول سارو قسمهم وهو يمشون صوب الممر و شافو أحمد و منصور خاطفين.. و تبعوهم إلين دخلو الغرفه..
سلطان و مايد: السلام عليــكم..
أحمد و منصور: و عليــكم السلام ..
سلطان يطالع منصور و مستهم: شحالــه؟؟..
منصور: ما عليـه شر بس أيده منكسره و راسه بس جيه..
سلطان يتقرب من شبريه خوه الهيبه و توأمه وهو منسدح على الشبريه: ما تشوف شر يا بو حمد..
مايد: جيف صار..
أحمد: ما ندري والله نحن خاطفين العين و على نفس الشارع إلي نحن مروحين فيه شفناهم..
مايد: و الشرطا مايات..
أحمد: لا شفناه عند حرمته..
سلطان يطالعهم: و ينـــها حرمته..
منصور وقلبه يدق: في غرفع (15) في القسم الثاني..
سلطان تنهد: آآآآآآآآآآآآآآآآآآه شو حل عليـــكم..
مايد محرج: سلطان خلك قوي شو بتضعف..
سلطان يطالع منصور: منصور دلنيه على الغرفه..
منصور: إن شاء الله.. و سار هو وياه غرفه مهره و قعد يطالعها و تنهد أول مره يصير بعيلتهم حادث اللهم لا حسد و لا سارت على عبيد و مهره إلي كانت حياتهم صعبه من البدايه " يا الله لييييييييييييش؟؟ جيه حياتهم كلها هم و نكــد لييييش يا رب يارب ترحهم و تخفف عليــــــــهم " سلطان حزت في خاطره لأنهم بدو يحبون بعض و هو عايش و ياهم كل لحظه من لحظاتهم الصعبه لأنه كان يعرف كل شي يصير و بالي كان يخطط له عبيد.. تنهد و ظهر و ردو غرفه عبيد بس سلطان مادخـل الغرفه و على طول دق حق شمه خته..

شمه وهي تطالع التفوزين في غرفتها و منسدحه على الشبريه و تلعب بشعرها و هي رافعتنه..
شمه شافت تلفونها يرن: ألووووه هلا..
سلطان يتنهد: آآآآآآآآآآه السلام عليكم..
شمه وهي تعتدل: و عليــكم السلام بلاك تتنهد..
سلطان: شموه بويه ويــن..
شمه: بويه مادري اعتقد راقد لأنه قدها الساعة 12.. ليــش تبا منه شي..
سلطان: شموه بقولــج شي بس خلـج قويه..
شمه ما استوعبت و حست بشي: شو قووول..
سلطان: شمه عبيد و مهره سو حادث..
شمه فاجه عينها: قوووول والله.. شحالهم.. " و تحس إنه عقلها هب مستوعب أي شي جيه ترمس "
سلطان: هم بخيــرو عافيه و سيري شوفي أبويه إذا واعي و لا لاء..
شمه و قلبها يدق: إن شاء الله أخبره أنا و إلا انت..
سلطان: لا أنا بخبره..
شمه: سلطان قول ليه هم بخيــر..
سلطان: لا هم بخير و عافيه ما فيهم شي شويه رضوض..
شمه: فدييييييييتهم والله.. أنا احينه بسير اشوف أبويه.. و سكرت عنه و سارت تشوف بوها و ريلها هب رايمه تشيلها أول مره و ناس غالين عليها .. نزلت تحت شافت بوها يشوف التلفزيون و اتصلت بسلطان و خبرته إنه في الصالة و سلطان بند عن شمه و دق حق بوه و خبره و بو خالد اطمن عليهم و قال لخالد يسرح صوب خوه و يتصل بذياب يخبره و يخبر بوه و شمه خبرت خوله و خوله قعدت متوتره تبا تعرف شسالفه و قعدن في الحجره يفترضن..
في المستشفى يا بو ذياب و راشد و شيخه و اطمنو على مهره و عقبها سرحو الرياييل يطمنون على عبيد و عقبها روحو و ذياب لحد احينه ما يعرف بالسالفة و اتصل له خالد بس ما شاله و عقبها اتصل حقه راشد..
سلطان: مشكوريــن و الله ما تقصرون لولاكم ما ندري شبصير..
منصور: الحمد الله على سلامة هلك و احينه لا تفكر بالي صار فكر بالي بصير..
مايد: ما تقصرون والله جان تبون شي نحن جاهزين..
أحمد يرز بويهه: هيه و الله بغينا منك شي..
مايد: أطلب فا عليــك..
أحمد: موتريه مصفر من البترول جان بتوديني أقرب شيشه عسب أييب حقه بترول..
سلطان: لا انت احينه اسرح بسياره مايد صوب الهير و يوم بتي تزور عبيد خلها و بتشوف سيارتك مفوله..
أحمد يطالع مايد و يحرك حوايبه: هاه بو الشباب بتعطينا و لا لاء نباها من خاطرك خوفاتي يصير بنا شي..
مايد: لا خذها ما يغلى عليك..
أحمد يطالع تلفونه: أووووهوووو العيوز داقه عن أذنكم..
منصور يطالع و يضحك: مأذيــنه مساكيــن..
سلطان: منصور و الله مشكووور..
منصور حرج: سلطان نحن أهل قبل لا نكون ربع و الشكر هب لنا تسمع..
سلطان ابتسم إنه عند عبيد ربع جيه و قبل لا يكونون ربع خوانه .. استرخص منصور و أحمد و روحو صوب دارهم بموتر مايد..
::
::
في هذا الوقــت..
ذياب: هلا راشــد..
راشد: انت ويــنك..
ذياب يطالع موزه و يلاعب حمد إلي مب راقد: في البيت لــيش..
راشد: بقولك شي بس لا تروع موزه..
ذياب بهدوء: قول الله لا يهينك..
راشد: نحن في المستشفى عبيد و مهره مسوين حادث..
ذياب و قلبه يدق على أغلى ناس عنده عبيد و مهره: شالحـــال عليــهم احينه..
راشد: هم احينه بخيـر و عافيه بس بعدهم تحت تأثيـر البنج..
ذياب: خلاص أنا احينه ياي.. و سكر عن راشد..
موزه: بلاه راشد خوك..
ذياب: آآآآآآآآآآآآآآآآه.. ما فيه شي بـــس..
موزه تطالعه و رجعت خصله من شعرها و را أذنها: بلاه .. بس شو يا ذياب..
ذياب: موزه لا تنفعليـن هب زيــن لــج..
موزه أنفعلت: انت بكلامك فعلتني قولي شالي صار يا ذياب..
ذياب: عبيد و مهره سو حادث.. بس ما فيهم شي بخيــر و عافيه..
موزه حطت أيدها على صدرها: شوووه حادث و تقولي بخير و عافيه.. أنا أبا أسير لــهم..
ذياب: موزه ما بتسيرين و احينه ليل عليج و إنتي حرمه رحمي نفسج و رحمي الروح إلي فيــج..
موزه: ذياب انت شو تقول هذا عبيد و مهره حراااام عليــك " و دمعت عينها "
ذياب: يا بنت الناس ما صابهم شي..
موزه: ذياب أبا اسير لهم..
ذياب: لا حبيبي أنا بسير و إنتي قعدي و بدق حقــج و بطمنج أول ما أوصل " و حبها على راسها " .. و قام من مكانه و سار و لبس كندوره و تعصم على السريع و شال تلفونه و ظهر السياره و موزه وياه كل شوي توصيه إنه يتصل بها و عقب ما روح و قعدت تدعي لـهم بأن الله يرحمهم و يصبرهم على بلواهم.. ذياب من حدر المستشفى و على طول دق حق موزه وهو يكلمها شاف راشد و خبره بكل السالفة و عقبها خبر موزه و بند عنها لأنه هند كانت متصله فيه و قعد يرمسها..