كلمات حزين انا والدمع
حزين انا والدمع يحرق عيوني
ما أعرف الفرحة وهذي حياتي
تزاد في الأحزان وتكثر شجوني
لا من ذكرت اللي بها الفكر ياتي

اللي عطيته كلشي ويخوني
لا مايرد الدين سيد المهاتي
أقفى اشوف الوقت يرسم جنوني
من يوم ما قفى فقدت الثباتي

يدفن ربيع العمر خيب ضنوني
يدفن ربيع العمر مع أمنياتي
زود همومي وذبحتني وطعوني
حتى عيوني ما تعرف المباتي

الله حسيبه كيف عايش بدوني
وانا الذي في البعد قرب مماتي
القبر ياربعي ترى لي هوني
يمكن وانا ميت بيحظر صلاتي