09-19-2010
|
|
|
فلسفة أنا
[table1="width:95%;background-image:url('http://alamervip.com/up//uploads/images/alamervip.comc00a5b2bf8.gif');"]
[table1="width:70%;background-color:black;"]
أنا ذاك السحاب اللي ملـــــى هذا الثــــرى بالخيـــــر
عقب ماجفّت إغصــــــون الثــرى وإحتــــار ساقيـــــها
أنا ليل السهر شمس الضحى صوت المطر والطيــــر
أنا صـــــدق الضميـــــر اللــــي تفـاكــــيــره يبـدّيــــها
أنا الحلـــــم القديــــم اللي ورى شمّــــاعة التطويـــر
كبـــــر حلمـــــي ولا عيّــــن حقيقـــه كــــان يبغيــــها
أنا الصدق الصدوق اللي ورى صدقه غفـى التفسيــر
أنا الكـــذب البريــــئ اللي عجــــز صــدقه يمشّيــــها
أنا أحســـن صـديق يقدّر أصحــــابه بلى تشفيــــــر
أنا مـــالـــي صديـــق يقـــدّر أصحـــابـــه ويفـديـــــها
تجـــــارة صحبـــة الطيّب خســـــاره مــابها تفكيــــر
وخســـــارة بيـــــعة الطيّـــب تجـــــاره يامصفّيـــــها
أنا الحــــظ القليـــــل اللي فقيــــر الحـظ والتدبيــــر
أنا العـــــز الكثيـــــر وقــــوّس الكــــلمـــه وعـدّيــــها
كتبت الشعــر من عمري صغير ومن يقـول إصغيـــر
كبيــــر الفكــــر مايصغــــر ولـــو تــوّه بـــدى فيــــها
أنا الشـاعر وأنا الفـارس وأنا اللي يبدي التحذيـــر
في دنيـــا ماهي هالدنيـــا مــواقف راح ماضيــــها
أنا اللي لو يخون الوقت وأهل الوقت وأهل الخيـــر
ماخنت اللي وفاء لي لو بعد ماأوفى خنى فيــــها
أنا شخصن غــــريب وغــــربته دايم مع التقديـــــر
تضـــاريس البلد ماهي حــدودن عشت أنا فيــــها
أنا مثلي مثل غيـري مـواطن مسلم وبي خيــــر
سعـــودي والسعـــودي يبني أمجــاده ويظويــــها
أنا الدمعه وأنا الشمعه وأنا الأرض وسناء التحريـر
طموحي يسبق أوقات الزمــان اللي يأس فيــها
في قلبي ساكنه غزّه في بالي همهمات الزيــر
ألا ليتي مثــــل ســــالم وأداحــــر مــن يعاديــــها
بــــلاد العــــرب مافيـــها حميّــــه يابـــلاد الغيــــر
بـــــلاد العــــرب يكفيـــها ملاهــــي يــاملهّيــــها
أنا بيت القصيد وفلسفة شـــاعر هوى التأثيـــر
طــرح فكــــره على ناســن غثـــاها مايكفّيـــها
يحارب غيمتي قيظن هلاك وتنعت بتقصيـــر
سمومن مـــالها لــــزمه وأنا أصلن مــوانيـــها
شربت الحب لكنـي ظميت الهجــر والتبريـــر
شبعت الهجر لكني بجـــوع اللـي أنا جيـــها
حكايــــه مالها أول نهايــــه مــــابها تقصيــــر
سوى إن الجرح ينزف بي وليل الحب يرويـها
تعبت أحتـــاج للرّاحه تعبت أحتـاج للتغييـــر
طعنت أحزان لكنـــي لقيت الوقت يحييـــها
بقلمـــــــــــــــــــــي
| [/table1]
| [/table1]
|