|
طفل (ن) يجي للمدرسة دون مصروف <<< قصيده معبره بكل ما تعنيه الكلمه
[align=center][table1="width:95%;background-image:url('http://www.gsaidlil.com/vb/mwaextraedit4/backgrounds/33.gif');background-color:white;border:4px double deeppink;"][cell="filter:;"][align=center]
طفل (ن) يجي للمدرسة دون مصروف
وإذا طلع فسحة توارى عن الناس
لامن نظر به واحد (ن) يرتجف خوف
يخاف من ضحكة عديمين الإحساس
يجي لمدرسته مع الصبح مدفوف
كتلة مشاعر تحترق داخل أقواس
له عائلة يعصف بها فقر وظروف
لولا الأمل بالله ماتوا من اليأس
ما استجدوا العالم ولا مدوا كفوف
متعففين ولا دروا عنهم الناس
يا معلمه ما تلاحظه كيف مكسوف
بالفصل والطابور ما يرفع الرأس
وإذا نطق جملة تجي كنها حروف
يدافع العبرة ورى حبس الأنفاس
ما تلاحظه كنه قمر صابه كسوف
ما تلاحظ شفاهه من القهر يبـّــاس
ما تلاحظ ثيابه بها فتوق ونتوف
وللعب ما عنده رياضة ولا لباس
يا معلمه يا كاسب (ن) كل معروف
دامك عرفت المشكلة دق الأجراس
يجونك أهل الخير والفزعة صفوف
كل (ن) يقول أبشر عسى ما حصل باس
أهل التقى وأهل الكرم دائم وقوف
جنب الفقير اللي جرع كأس الإفلاس
ويا لله يا سامع دعا كل ملهوف
من جودك اجعل لي عن الفقر متراس
::من القصائد اللي اثرت فيني :: [/align][/cell][/table1][/align]
|