منتديات قصايد ليل - عرض مشاركة واحدة - رواية جرحني وصار معشوقي للكاتبه رسمتك حلم

09-18-2010

قرب زواج رهف والكل مختبص في المشاغل
أما ريم جت عندها المصففه الخاصه فيها وصلحتها هي ولميس
لميس لبست فستان تركواز
مخصر ع جسمهاالرشيق بنعومه وضيق من عند الصدر وطويل وله ذيل وسيور وشعرها سوته تكسير كله وثبتت فيه كريستاله تركوازيه وحطت مكياج هادي زادها نعومه ع نعومتها
أما ريم لبست فستان ليلكي بفوشي وحطت مكياج سموكي وشعرها رفعته بتسريحه حلوه
دخلت ريم في غرفة لميس معاها عبايتها :يالله لميس بسرعه
لميس تلبس حلقها:أيوه خلاص خلصت
نزلت ريم ولميس أخذت عبايتها
ونزلت مالقت أحد في الصاله أكيد طلعوا
سمعت باب المدخل ينفتح ودخل منه رعد
طالعها بذهول من فوق لتحت
لميس مرتبكه من نظراته المركزه عليها مشت للباب وكان ساده بجسمه وقفت خايفه:أ بطلع لو سمحت
ماسمعت رده ولا تحرك رفعت راسها وتعلقت عيونهابعيونه
رعد دق قلبه بقوه وانحبست أنفاسه لماشاف عيونها الزرقا الساحره تطالعه بخوف وارتفعت حرارة جسمه وهمس:أيوه وش قلتي
لميس رمشت بعيونها بخوف وارتباك:ب بطلع
ابتسم رعد لماشاف وجههاالملائكي محمر وابعد عن طريقها:تفضلي
طلعت بسرعه وماسكه قلبها"يمــــه ليش يطالعني كذا
يخو و وف ولابعد يبتسم ياحلو إبتسامته "
***************
وصلوا للفندق واستقبلتهم أمل كان شكلها حلو مرره بالفستان الأحمر والمكياج الأحمر الهادي
لميس باعجاب:أموووله طالعه قمر
أمل ابتسمت:شكرآ
جت عندهم سميه:ها ا ا اي
ريم:سوسو جايه قبلنا
سميه:أيوه
دخلوا جوا القاعه وكانت الأنظار كلها ع لميس
وهم يمشون بالممر
وحده من الحريم:من هذي الملاك ماشاءالله
الثانيه:هذي بنت عمهم
الأولى بدهشه:اللي جايه من بريطانيا
الثانيه:أيوه هذي
الأولى باعجاب:بصراحه البنت تجنن ماشاء الله كأنها أميره
الثانيه:أمها بريطانيه
الأولى:أيوه ماشاء الله شوفي كيف تمشي بنعومه واستقامه ولا جسمها ولا عارضه

ريم ضحكت ع وجه لميس الأحمر من الخجل :هههههههه
أمل:ياحركا ا ات يالموس أخذتي الجو
سحبت سميه لميس:تعالي أقرى عليك
لميس ابتسمت محرجه:تعالوا نجلس
جلسوا وقالت أمل:بنات شوفوا دلال كيف تطالع لميس
لفوا وشافوا دلال تطالع لميس بغيره واحتقار
ابتسمت لميس ولفت وجهها
أمل:ههههههههه
سديم جت عندهم وسلمت:ليه تأخرتوا
ريم:لميس أخرتنا
لميس تذكرت رعد وسرحت بعيونه العسليه الناعسه"آ آ آه تجنن وتسحر "
داليا تأشر بايدها :ياهــــاو و و و وه وين رحتي
انتبة لميس:ها لا معاك
ريم بصدمه:لميس شوفي اللي وراك
لفت لميس وراها وتفاجأة لماشافت هدى تمشي لابسه فستان أسود تمشي ناحية رنا ودلال
ريم:غريبه وش جايبها
لميس باستغراب:ماأدري
ريم:وش رايك نروح نسلم عليهم
لميس ضحكت ع مكر ريم
وسحبتها ريم معاها

ريم:ها ا اي
هدى طالعت لميس من فوق لتحت:هاي
لميس طالعت هدى بدلع:كيفك هدى
طالعتها ولاردت عليها
أم خالد:السلام عليكم
الكل:وعليكم السلام
أم خالد:كيفكم بنات
ريم:الحمد لله ومبروك لرهف
أم خالد:الله يبارك فيك
لميس بابتسامه:مبروك
أم خالد:الله يبارك فيك
عقبالكم
راحت عنهم وريم ولميس رجعوا للبنات

راحوا البنات لغرفة العروس وشافوا رهف بالفستان الأبيض جالسه ومعاها المسكه أول ماشافتهم ابتسمت
سلموا عليها وباركوا لها
لميس:ماشاءالله رهف الله يحفظك من العين
رهف ابتسمت متوتره
ريم:وش فيك
رهف تضغط على المسكه:خايفه
سديم:لا تخافين استرخي ريلاا ا ا ا ا اكس
داليا:والله شكلك وأنتي خايفه مو حلو ابتسمي تطلع الصوره أحلى
ابتسمت رهف وجلسوا معاها البنات يسولفوا عليها ويضحكوا لين حسوها إسترخت وهدأت شوي بعدها دخلت عليهم أم خالد:يالله بنات وقت الزفه
رهف رفعت راسها:يمه والله خايفه
أم خالد ضمتها:لا تحافي ياقلبي أنا بكون معاك...مبروك حبيبتي
رهف دموعها شوي تنزل
صرخوا البنات مره وحده.لاا ا ا لا تبكين
ابعدت أمها عنها:لا يمه لا تخربي شكلك
ضحكوا البنات
انزفت بزفه هاديه ولما وصلت للكوشه صورت وجلست
وفتحوا الأنوار سلموا عليها الحريم ورقصوا عندها البنات
بعدها زفوا زوجها مع ابوها وأخوانها واعمامها ولبسها زوجها الشبكه ورقصوا عندها خالد ورائد وياسر
بعدها انزفوا العروسين والبنات يأشرون لرهف فرحانين لها
*************

صحت ريم من النوم وجلست وشافت لميس توها طالعه من الحمام لابسه بنطلون جينز وبلوزه ورديه نص كم وشعرها مبلول
ريم تتمغط:كم الساعه
لميس:الساعه أربعه العصر
ريم قامت ودخلت للحمام أخذت شور سريع وطلعت عليها الروب وتنشف شعرها بالمنشفه سحبت المجفف من
لميس:خلاص يكفي احترق شعرك
لميس لفت عليها:وجع ماخلص شعري لسى مبلول
ريم تجفف شعرها:مو لازم خلي هواء ربي يجففه أحسن
لميس:ياسلام وانتي ليش ماتخلينه
ريم:لا أناشعري إذاماجففته يذبحني عدول
لميس تحرك شعرها:Whay
ريم تذكرت:ههههههه مره تركته مبلل وتعبت وأخذني عادل للمستشفى وهو يهزئ فيني لأني أخرته عن الجامعه وحلف إذا شاف شعري مبلول بيحلقه لي
لميس:ههههههههههه
ريم بضحكه:لا تضحكين ترى جد يسويها هذا مجرم ماعنده يمه إرحميني
لميس:لا حرام عليكي
ريم تدف كتفها:قومي خليني اجلس
قامت لميس من الكرسي وجلست فيه ريم تجفف شعرها
نزلت لميس تحت ودخلت للصاله وقفت مصدومه لماشافت هدى جالسه مع رنا
ولماطالعتها هدى كشرت
لميس:السلام عليكم
جلست وكانت عارفه إنهم مارح يردوا بس سمعت هدى تقول بسخريه وتطالعها من فوق لتحت:بعد صرتي تلبسي ماركات
رنا بسخريه:ليه قبل وش كانت تلبس زباله
هدى بضحكه:هههههه هي زين إذا لقت شئ تلبسه بصراحه أحسنتوا عليها
رنا:هههههههههههه
لميس بثقه رافعه حواجبها:ع الأقل أنا لو البس زباله أطلع ملكه أحسن من اللي تلبس ماركه وإلا غيره ولو ماتلبس أحسن لها
هدى ورنا انقهروا من ثقتها ودلعها
أمالميس حطت رجل ع رجل بغرور
رنا بقرف:هيـــــــــه إنتي قومي ضفي وجهك من هنا
سفهتم لميس ولاردت عليهم
دخلت ريم:السلا ا ا .....(سكتت لماشافت هدى والشياطين لعبت في راسها بس مسكت نفسها لاتقوم وتطب في بطنها )
جلست جنب ريم
رنا زفرت:اجتمعوا
ريم:إيش قصدك
هدى:لهدرجه غبيه ماتفهمين
ريم وكأن شراره ولعتها:الغبـــــــــي اللي مايفهم إن ماحد طايقه ويجي يرز فيسه
سمعواصوت رعد
وهدى أخذت الطرحه ولفتها ع راسها بلهفه
دخل رعد:السلام عليكم
الكل:وعليكم السلام
هدى تتصنع النعومه وشوي تاكله بعيونها:الحمد لله ع السلامه رعد
رعد:الله يسلمك
ريم تهمس للميس بغيض:اللحين من زينها كاشفه ليه ماتتغطى هذي
ضحكت لميس وشافت رعد يطالعها
رعد ذاب بضحكتها الناعمه "آ آ آه فديـــــــــت هالضحكه "
رعد:ريم تعالي
قامت ريم وطلعت معه
هدى بغيره:لا يكون فاكره نفسك في بريطانيا كاشفه....أو و و وه صح نسيت إنك ماتعرفي تتغطي من بركات أمك
طالعتها لميس باستخفاف:أشوفك عاد متغطيه
هدى:ع الأقل أنا متحجبه
لميس:الله من زين الحجاب عاد الشعر طالع وتقولين حجاب
هدى:غيرانه من شعري
لميس طالعتها باستخفاف:أيوه غيرانه
دخلت ريم:لموس
لميس بدلع:أيوه
ريم مدت إيدها:تعالي أبغاك
طلعوا من الصاله
لميس:أيوه
ريم ضحكت:ههههههههه ماعندي شئ بس كذا علشان أطلعك من عندهم
لميس ضحكت:هههههههه زين سويتي لوعت كبدي
طلعوا للجهة المسبح وجلسوا ع طرفه ودخلوا رجليهم في المويه
لميس ارتعشت من برودتها: it Co o o o o old
ريم ابتسمت:حلو صح
فجأه صرخت لميس لماحست بإيد تدفها ع المسبح وشافت نفسها تغرق جوا المسبح لأنها ماتعرف تسبح حاولت تحرك رجولها علشان ترتفع بس ماقدرت إذا ارتفعت رجعت غاصت تحس بالمويه تكتم أنفاسها وإنهاخلاص بتموت
سمعت أصوات صريخ وحست بجسم كبير يغوص جنبها ويدين قويه ترفعها بعدها ماحست بشئ
>
>
>
>
>
>
>
>
>
>
>
>
>
>
>
>
>
?>
>
>
>
>
>
>
>
>
>
>

شهقت لميس وفتحت عيونها وهي تكح وحلقها يالمهاموقادره تشوف قدامها من الغشاوه اللي تحسها مغطيه عيونها
لما اختفت الغشاوه تعلقت عيونها بعيون عسليه ناعسه تناظرها بخوف بعدها استوعبت وشافت وجه رعد قريب من وجهها لفت وجهها تكح بقوه وعيونها مغرررقه
حست بإيد رعد خلف كتفها وصوته العميق بنبرة خوف:لميس إنتي بخير
جلست ورعد أبعد عنها وقالت وإيدها ع حلقها بصوت مخنوق:i‎'‎m ‎..fain ‎
ريم تبكي:لميس متأكده آخذك ع المستشفى
رعد قام وانفجعت لميس وهي تبعد خصلات شعرها المبلل عن وجهها لماشافت ملابسه مغرقه مويه
"يعني رعد هو اللي طلعني من المسبح "
رعد:خلاص ريم لميس بخير طالعيها
ريم تبكي:الله ياخذها جعلها للموت الحيوا ا ا ا انه بتذبحها
طالعت لميس رعد مستفهمه
وكان يطالعها بنظرات إرتعش جسمها منها
رعد:ريم دخلي لميس علشان تبدل ملابسها قبل تتعب
مشى لداخل وهوينادي وحده من الخدم تساعد لميس
*************
بعد مابدلت لميس ملابسها وجففت شعرها
ريم جلست جنبها:الحححيواااانه
دفتكي وهربت جعلها للموت
لميس:whow
ريم بقهر:هدى الحقود
انصدمت لميس لهدرجه يوصل كرهها لها
ريم خانقتها العبره:ماعرفت إيش اسوي وصرخت لين سمعني رعد ولماشافك في المسبح طب وطلعك بسرعه بس لماشفتك ماصحيتي فكرتك.....(ماقدرت تكمل وبكت)
ضمتها لميس:خلاص ريم هذا أنا قدامك
ريم:لو رعد مو موجود ولا طلعكي وسوى لك تنفس صنا........(سكتت)
ابعدتها لميس عنها مفجوعه:إيـــــــــــــــــــــــــــش
ريم ضحكت:هههههههههههههه
ضربتها لميس مومصدقه:ريــــيـــــيم قولي إنك تمزحين
ريم طالعتها وتضحك بخبث:هههههههههه وشكله بعد عجبه الوضع وتمني إنك ماتصحي علشان يــ..............
قاطعتهالميس وهي تصرخ ووجهها أحمرررر :يععععععع ياحمـــــــــــــــــــــــا ا ا ا ا ا ا ا
ا ا اره و و و و و و وع
حطت إيدها ع فمهابقرف:وع وع يا حماا ا ا ا اررره
ريم ميته ضحك:هههههههههههه أحمدي ربك البنات يتمنووها من رعد وإنتي تقولي وع
ضربتها لميس وهي تحس بحرارة جسمهاترتفع وتتخيل رعد يـــ........
غمضت عيونها وتتمنى الأرض تنشق وتبلعها من الإحراج والفشله
*****************

المغرب جالسه لميس في الغرفه من بعد اللي صار مو راضيه تطلع وتشوف رعد وريم فوق راسها تزن عليهاتطلع وابدآ مو راضيه
سمعوا باب الغرفه يدق وراحت ريم وفتحته
دخلت رغد بخوف:لميـــــــــس
لميس:هلا
راحت لها رغد:كيفك...إيش حصل صدق اللي سمعته
ريم تجلس:حبه حبه
رغد:suuuuuuuuuut up (طالعت لميس)إيش حصل
لميس:أيوه صدق
رغد جلست جنب لميس:الحيـــــــــوانه
ريم:إيش عرفك
رغد:رعد قالي لماسألت عنكم
ريم لماسمعت طاري رعد انفجرت ضحك:ههههههههههههه
انقهرت لميس منها لأنها أكيد بتقول للميس اللي صار وخزتها بعيونها
رغد:وجع ليش الضحك
ريم:هههههههههه(سكتت فجأه)ورعد إيش عرفه إنها هدى
رغد:يقول شافها خايفه وتركض من جهة المسبح وطلعت ولماسمع ريم تصرخ جا عندكم
ريم تذكرت اللي صار:ههههههههههههههههههه
لميس ماسكه نفسها لاتقوم تطب في بطنها الغبيه بتفضحها
رغد عصبت:قسم بالله إذا ماقلتي ليش الضحك لا أذبحك
تراكي مصختيها
ريم بضحكه:بلاكي ماتعرفي وش صار لما جا رعد.......
صرخت لميس مقاطعتها ووجهها ولع:ريـــــــــيـــــــــيم
انطمــــــــــــــــي وووووووووووووووجـــــــــع
رغد قامت وجلست جنب ريم بحماس:إيش صار قولي ماعليكي منها
ريم بصوت متقطع من الضحك:ر....عــــد...سوا...لها
صرخت لميس ترمي عليها المخده:ريـــــــــمو و و وه يا ا ا ا ا زفـــــــــت
رغد متحمسه:قولي قولي والله تقولين
دخل فهد وحمدت ربها لميس إنه انقذها من الفضيحه
فهد:ريييم
ريم:أيوه
فهد مد لها سيارته الصغيره:ركبي كفر سيارتي طاح
ريم بلا مبالاه:روح بس ميكانيكي عندك ماأعرف لهم
فهد بدى يتعبر بيبكي رحمته لميس وأخذت منه السياره:تعال حبيبي أنا أركبه لك
فهد يحاكي ريم:وع أنا ماأحبك إنتي وعه
ريم بتريقه:لا أنا أمو و وت فيك
جلس فهد جنب لميس اللي تحاول تركبه له رفعت راسها لماخلصت وانفجعت لماشافت ريم تهمس بإذن رغد اللي ضحكت مصدومه
حممررر وجه لميس من الإحراج :ووووووجــــــــع كلــــــــووا تبــــــــن
رغد غمزت للميس بوقاحه:حلوه صح
ولع وجه لميس وشوي تبكي من الإحراج
ريم بخبث:أكيد حلوه مو من رعد أكيد حلوه
قامت لميس وضربت ريم بغيض وريم تضحك وتحاول تفك نفسها منها
رغد:ههههههههههههه أخوي رعد محظوظ تلاقيه يتمنى تطيحي في المسبح مره ثانيه
طلعت لميس من الغرفه منحرررجه ومفتشششله

"لا ا ا ا ا ا ا ا ا ا ا ا ا ا ا ا ا ا ياربي بأمو و و و وت إيش هاليوم"
شافت رعد طالع من جناحه وانتبه لها ولاحظ وجهها الاحمر وارتباكها وعرف السبب ماحب يحرجها ابتسم ابتسامه دوختهــــــــا وهويلبس كابه ونزل من الدرج
رغد:حـــــــــركا ا ا ت عندنا عشاق في البيت واحنا مانعرف
صرخت لميس معصبه:ر ر ر ر ر ر ر ر ر رغــــــــــــــــــد
ريم طلعت من الغرفه:هههههههههههههههههههه
لميس معصبه:ضحكتي بلاضروس إن شاء الله ياربي أشوف فيكي يوم واضحك عليكي (لفت ع رغد اللي تضحك)وانتي ضفي وجهك لعمورك
دخلت الغرفه وسكرت الباب مقهو و و و وره تسمع ضحكاتهم
*****************
مر يومين والحمد لله البنات مافضحوا لميس عند بنات عمها
أمارعد فكان إذا شاف لميس كأنه ماصارشئ بالرغم من إن ريم تلمح لهم

العصر في الصاله جالسه ريم ولميس ورغد يسولفون
وفهد يلعب بلاي ستيشن
ريم ماسكه بطنها:هههههههههههههههههههههههههههه
لميس تحاكي رغدبضحكه:الله ياخذبليسك
رغد:والله ماانتبهت وعمر مسكها علي
ريم تحمحم وقالت:آآآه ياشين الرجل إذا مسك ع الوحده شئ يذلها عنده
رغد بدفاع:لا ماذلني
ريم:أقول لا تطلع عيونك بس
لميس:ههههههههههههههه
فيصل دخل للصاله:السلا ا ا ام
الكل:وعليكم السلام
مشى عند فهد وجلس جنبه ع الأرض قدام التلفزيون:فهود عطني اليد بلعب
عطاه اليد وقام انسدح ع الكنبه وشكله ماصدق دايخ بينام
فيصل التفت للبنات رافع اليد:مين يلعب معاي
لميس قامت بسرعه:أنا أنا
فيصل:تعالي
جلست لميس جنبه وبينهم المركى دخل شريط مصارعه وقعد يتنافس مع لميس والبنات يشجعون بحماس
فيصل بحماس:ههههههاي ياحوول
لميس مقهوره لأنه مايعطيهافرصه تضربه :وجع فيصل شوي خلني أضربك
فيصل:ههههههه نو وي
ريم صرخت فجأه وتأشر ع الأرض جنب فيصل:صــــــــــــــــــــــــــرصــــــــــــــــ ــــــو و و و و و و و و ر
تحتـــــك يافيصل
فيصل رمى اليد ونقز بسرعه من مكانه ولميس إستغلت الفرصه لأنه ترك اليد كانت عارفه إن ريم تمزح فضربته
فيصل لماشاف لميس ماقامت من مكانها وريم تضحك عرف إنهاتكذب نط وأخذ اليد بسرعه معصب:ريمـــــــــــــوووووووه
نطت لميس بفرحه: i i i i i waaannn ‎
فـــــــــــــزززززززززت
ضربت كف ريم بكفها يضحكون
وفيصل انقهر:مالي دخل عيديها غشششش
رغد:هههههههههه لاا ا ا ا اخلا ا ا ا ا اص
:جد مصخرره
لفوا ع رعد اللي واقف عند الباب رافع حواجبه ومتكتف
يطالعهم باستخفاف
ريم بشهقه:رعـــــــــــــد
نطت من مكانها ركض وضمته ورجع ع ورى من قوة ضمتها
ريم:رعودي متى وصلت وحشتنـــــــــــــي
رعد ابتسم يطالعها:قبل شوي
ريم بعدت عنه وشهقت بحماس:جبـــــــــت لي الشنطه
رعد ضحك :ههههههه شوي شوي ع عيونك دخليها طلعت
ريم بحماس تتلفت حوله:وينها وينها
رعد ضحك ع حماسها:هههههههه في الشنطه فوق في غرفتي
انطلقت ريم فوق الدرج ركض
والكل يضحك عليها
لميس كانت تطالع رعد أول مره تسمع ضحكته الجذااااابه والهاديه مع بحة صوته الفخم عذا ا ا ا ا ا ا ب
سلم رعد ع رغد وفيصل ولف لها يطالعها ببرو و و و ود قاتل عكس مشاعره الملتهبه داخله وعيونه ع عيونها الزرقا ومد إيده وصافحها ببروود
صافحته وماأمداه يمسك إيدها لأنهاسحبت إيدها بسرعه مجرد لامسة إيده وقالت باضطراب :الحمد لله ع السلامه
رعد لف وجهه لرغدبيحاكيها:الله يسلمك......رغد بتنامين عندنا
رغد ابتسمت:أيوه بنام
فيصل صفففرر :ياهو و و و وه آخيرا جا العفو الملكي وتركك تنامي عندنا
رغد ابتسمت بحيا ورعد ضحك ع إحمرار وجهها المفاجئ
لميس طلعت من الصاله وصعدت فوق لريم
*******************

في اليوم هذا كانت أم رعد مسوي عزيمه والكل موجود
عند البنات
ريم:أمول كيف رهف متى راح ترجع
أمل:تمام وبترجع الأسبوع الجاي
دلال بغرور:ماطولت سفرتها المفروض تجلس شهر مو أسبوعين
أمل انقهرت منها وقالت بتقهرها:زوجها عنده شركه وتعرفين لازم يكون موجود
دلال سكتت مقهوره لأنهاتغار من أي وحده متزوجه وزوجها غني لأنهاتنتظر رعد يتزوجها بس ماصار
سميه بمكر:بنات تعرفوا ريناد ال.....
البنات:أيوه
سميه:تصدقون إنها تزوجت وأخذت ولد وزير
دلال تغير وجهها:ريناد
سميه:أيوه ريناد
سديم :ماشاءالله ولد وزير
دلال مقهوره:وع كيف أخذها هذي
سميه إرفعت حواجبها:وش فيها قمر ماشاءالله أخلاق وذوق
وسافرت كمان لباريس وماليزياء
أمل:ماشاءالله الله يوفقها
ريم بحماس:تعرفون إنه كان خاطب لميس قبل
دلال انصدمت والبنات كانوا أقل من صدمتها وهي تطالع لميس بغيره وقهر
أمل مدهوشه:والله
ريم :أيوه بس لميس رفضت لأنها ماتبغى تتزوج اللحين
دلال بقهر:فيه وحده ترفض ولد وزير
لميس بغرور تحط رجل ع رجل:أيوه.لميس بنت عبد العزيز ال.....
دلال بغيره وإستفزاز:زين إنك رفضتي لأنك ماتشرفينهم بتفشلينهم..بصراحه ماأدري كيف فكروا فيك
لميس طالعتها من فوق لتحت باحتقار:بصراحه أول مره أشوف غيره مثل غيرتك (وبدلع)لهم الشرف إنهم فكروا فيني(طالعتها باستهزاء)أحسن من اللي ماحد فكرفيها ومهمشها
دلال فتحت عيونهابصدمه وغيض وقامت بقهروطلعت برى ووراها رنا اللي رمت لميس بنظرات حقد
أمل بدهوشه:بصراااااحه قــــــــو و و و و و و و يــــــــه
سميه بضحكه:رديتي عليها بقوه
سديم:طاح وجهها من الفشيله
لميس بتشفي ممزوج بقرف:أححسن تستاهل لوعت كبدي حاطه عينهاعلي وتحاول تضايقني كأني ماكله حلالها
البنات:هههههههههههههههههههههه
في المطبخ
دلال ضربت الطاوله بإيدهابعصبيه:شفتـــــــــــــي إيش قالت الحيوا ا انه
رنا:وانتي كمان ماقصرتي
دلال بقهر:قهرتني يارنا فشلتني قدام البنات تقول إنتي ماحد فكرفيكي تقصد أخوكي رعد اللي ماعبرني
رنا:هي مقهوره لأنك خطيبته
دلال بقرف:ماأدري ع إيش شايفه نفسها
رنا:وانتي الصادقه ع إيش ع سمعتها اللي مثل الطين
دلال:إيش قصدك
رنا:إستغفرالله لميس سمعتها ع كل لسان
صاحبة علاقات مع شباب وتطلع معاهم بعد ماتكون في بيت أم هدى وأمها مثلها فاجره
إنتي ع بالك هي اللي رفضت ولد الوزير لا أكيد هو اللي رفض بعد ماسمع سيرتها الخايسه وإلا كمان هي رفضت علشان مايكشفها ويفضحها خايفه من الفضيحه لو عرف إنها مستعمله
انصدمت دلال:كيف
وكانت صدمتها أقل بكثير من صعقت رعد من هول اللي يسمعه من ورى باب المطبخ الخارجي

*********************