12-07-2021
|
|
|
لــصـــه ..
مدخل اللصه
كنت أفتكر للقلوب أبواب
من وين جيتني يا لصه ؟!
العذر لي ما حسبت حساب
ياللي في الذوق مختصه
سويتي في قلبي الإعجاب
ومنه خذيتي كذا حصه
يا قمر و الليل ستار العيوب !
لا تأخذ من عشق ليله سهر
والهجوس اللي يجيني في الدروب
انحره فدوة لمن طل و حضر
بنت عز عيونها جمرة غضوب
وانا اللي عاشق انواع الجمر
أضحكت لي حب هالريم اللعوب
و اه منها لابسة لبس(ن) حمر
والله ان عيونها ثورة شعوب
ووالله ان هدوها أرقى خطر
وقفت وقفه بها تبدأ حروب
ووسط قلبي صار اللي ما خطر
ناظرت من دون ترمش لجل أذوب
نص دقيقه تختبر قلبي الخضر
من عيون الوانها لون الغروب
ومن رموش الموت ما منها مفر
وللقصة بقية
والله وصرتي من الأحباب
ورحنا سوا نفتح القصه
متباهيه والحلى جذاب
وأخذت zoom وكذا بصه ^ _ ^
لـ الـولـه .
|