. <{ متابع السراب }>
لما قالت إنتهينا قلت لا إبتدينا
سهم العيون صابني ما خطاني

قالت أنت اللي مريت حوالينا
قلت استغفري ما نيب الجاني

قالت مهلا أنت تتفلسف علينا
قلت عذرا يمكن تقصدين ثاني

قالت ما فيه غيرك وبك ابتلينا
تضرب الكف الأول على الثاني

قلت استحي واقفي لا تكذبينا
أنا مدري ويش اللي بك بلاني

قالت لا تكذبني لس ما تخطينا
تراك اخطيت تكذبنا في علاني

قلت إلى متى جاهلة ماتفهمينا
قالت افهمك واعلم هذا ديداني

وش هو ديدانك ماودك تلاقينا
قلت غلطانة تحسبيني غلطاني

قالت هل أنت رجل دنيا و دينا
اوإنك حداهم واقصد الأولاني

قلت بالله كفي عنا ولاتزعجينا
شوفي اللي وراك تراه يشبهاني

قالت سامحني تراكم متشابهينا
وأمانة بالله ادمح ما زله لساني

سامحتك مع إنك كدتي تؤذينا
ومتابع السراب يموت ضمياني
الشاعر/ حمد بن فهد المخالده السبيعي