محمد: لو سمحت اخوي انا جائي اسئل عن المريض عادل سليمان ..
الموظف : اها قصدك الدكتور عادل
محمد: ايوه الدكتور عادل ...
الموظف : هو امس بس طلع ..
محمد: طلع يعني مامات ..
الموظف: لا وش مات هو معه رضوض بسيطه وكسر بالايد .. ..
محمد تنهد : آف الحمدلله يعني طلع وماعرفتوا من سبب له الحادث
الموظف: والله مادري ..؟ هو بيداوم بكره اذا حاب تشوفه
محمد مبتسم رائد طلع منها حلو : لا انا ازوره بالبيت اليوم مشكور ياخوي
الموظف : العفو ..
مشى محمد لبره المستشفى مبسوط رائد طلع منها بس باقي يتفاهم مع عادل بعد كذا يحكي مع الشرطه ...
%%%%%%%%%%%%%%%%%%%%%
نواره : هاي وصل الاكل
البندري: احلفي كان نمتي بعد
نواره: لا حرام عليك بس شفت نوف اذا تذكريها نوف العمري هذيك اللي كانت معجبه بذوق
البندري: ههههه ايوه الهبله عرفتها كيفها
نواره: تمام وتمام التمام بعد تصوري متزوجه وعنده اربع عيال
البندري: اربعه
نواره وهي تحط الاكل على الطاوله : مشاء الله اكيد اربعه دامها متزوجه من تخرجنا من الثانويه
البندري تناظر ببطنها : الله يهنيها ..
نواره : خذي كروسان جبن مثل الطلب وعصير فريز ..
البندري: لي يومين وهذا الثالث بالمستشفى وماجئوا ذوق او الجوري او لوجين
نواره: انا ماقلتلهم ..
البندري: ليه ..؟
نواره : الجوري مع بدر ولي فيها مكفيها ..ولوجين اكيد بتسافر تقضي مع مسفر..اما ذوق ف .. فتعرفيها بالفتره الاخيره ماتطلع ..
البندري ماقتنعت : اسمعي احكي معهم اليوم ابغاهم كلهم يسهرون عندي سمعتي يا تيته نواره
نواره : اوكيه اعصابك بحكي معهم هاللحين اذا حبيتي ...
دقت على لوجين : هاي لجون
لوجين بهدوء : هلا ..
نواره : اسمعي بنو تعبها البيبي شوي وهي بالمستشفى
لوجين بخوف : بالمستشفى ..؟
نواره : لاتخافي شوية دلع تعالي وجيبي من باتشي شوكلاته
لوجين: جد انك فاضيه ..... عطيني احكي معها ..
نواره : خذي مافيها شي ..بعير
البندري: هههههه بعير بعينك ..
لوجين : هلا حبيبتي وش فيك وم
البندري تقاطعها : ههههه لاتخافي مافيني شي يله تعالي عندي هاللحين لاعة كبدي من نونو ..
نواره : ههههههه ..من ورى قلبك
لوجين : يعني مافيك شي والنونو فيه شي
البندري: تعالي وشوفيه
لوجين تطمنت : هاللحين طيران عندك ...
البندري: يله اتظرك ولا تنسي باتشي نونو...
لوجين : نونو والا انتي هههههه
البندري: لا والله مالي خلق اصلا ..
لوجين: هههه داريه يله باي ..
البندري : باي
سكرت البندري ودقت على الجوري ....وهي مشتاقه لها ...
الجوري: نوييييييييييير ليه ماتردي وجع
البندري: ايوه بس تسالي عن نوير وانا لا
الجوري: هلا والله هلا بهالصوت فديت الذوق انا كيفك حياتي وحشتيني
بدر : آف اكيد البندري
الجوري طنشته ...
البندري: لا بلا كذب ...
الجوري: والله وحشتيني ليه ماتردي ومقفله جوالك وبيتكم محد يرد ...والله مشتاقه لك حتى اسالي بدوري
البندري: دامك مشتاقه تعالي للمستشفى هاللحين
الجوري بخوف: مستشفى اي مستشفى
البندري: لا تخافي البيبي تعبني شويه وتنومت ثلاث ايام
الجوري غرقة عيونها : ثلاث ايام وانا اخر من يعلم ..وش فيك وش صار لك حياتي ..
البندري : والله هذا اللي صار ويله تعالي لي هاللحين ومعك نونو وش نفسك فيه
نواره تاكل ومندمجه مع الفلم : اممم نفسي ب ..ب ..بموكا ..
البندري: سمعتي جيبي معك موكا ...
الجوري: ابشروا ماطلبتوا ...
البندري: باي
الجوري: باي
نواره : صرنا طرارات هههههه
البندري: احسن علشان يسالون عني هههه
نواره : عاد بنو وحقدت وش يريحنا هاللحين ..
البندري سكتت شوي بعدين قالت : نواره ودي ابكي
نواره: ليه ..؟
البندري: كذا مشتاقه للبنات ولرائد ..
نواره : ابكي ريحي نفسك
البندري: لا شكلي غلط ام وابكي مثل البزارين ...
نواره : هههههههه ابكي الامهات مايبكون يعني
البندري: لا امي ماتبكي كثير
نواره: لان امك اللي شافته مو قليل
البندري: اتوقع ل انها ماقتلت ابوي كان ماصارت قويه كذا
نواره : لاتنسي ..مو سهله انها تشوف ابوك يغتصب اختها الصغيره وبعدين يحاول يغتصبك وتضل واقفه تتفرج
البندري: كنت غبيه لما ظلمتها كذا ...
نواره: انتي فيها صححي غلطك ...
البندري: اكييييد
%%%%%%%%%%%%%%%%%%%%%%
بدر : ياليتك تهتمي فيني مثل ماتهتمي بصحباتك ...
الجوري: حرام عليك بدور انت بالقلب والله
بدر : ايوه كلام
الجوري : بدوري حبيبي لاتخليني اتهور هاللحين وابوسك قدام خلق الله
بدر : لا انتي بريطانيه وتعمليها
الجوري : هههههه والله اتهور عادي
بدر : لا خلاص اقتنعت ورضيت ..
الجوري : بدوري قلبي مو تزعل هذا اول بيبي بالشله لازم نهتم فيه
بدر : ايوه ولعاشر بيبي بتقولي هذا عاشر بيبي ولازم نهتم فيه ...
الجوري: بدور من جدك زعلان
بدر وعجبته السالفه يتدلع عليها : يعني بيهمك ..
الجوري: خلاص بدور علشان تعرف اني مارضى على زعلك ابسوي اي شي تبغاه
بدر : اي شي اي شي ..
الجوري : اي شي ... اهم شي رضاك
بدر : اوكيه الليله ابطلب الطلب اللي اتمناه منك
الجوري : اوكيه
بدر بحقد : والله اني اغار من صديقاتك وحده وحده وبالذات هذي بنو
الجوري: هههه نفس الشعور هي ماتحبك
بدر : الا زوجها ماعرفتي وش صار له
الجوري: لا لحد هاللحين اللي نعرفه انه بيسافر بالعباره الصريه اللي تحركت امس بس وهو من اسبوعين رايح لجده
بدر : اها انتم ماتعرفون وش اسم اصحابه
الجوري: اصحابه لا ..ليه ..؟
بدر : لا بس اذكر اني مره شفت ببيتهم واحد اسمه ياسر ..وهو يشبه ياسر الارهابي اللي مات امس
الجوري: ارهابي هههههههه اعوذ بالله وين رائد وربعه وين الاهاب ههههه
بدر : وانتي صادقه هههههه
%%%%%%%%%%%%%
ذوق : ماما انتم انهبلتوا ماني برايحه معك مكان
ام ذوق : ليه خايفه والا كيف ..؟
ذوق : انتم ناسين اني متزوجه قبل
ام ذوق : بس عادل مالمسك صح
ذوق : لا مالمسني لكن كيف يكون شكلي داخله للمستشفى اكشف بعد الفضيحه ...
ام ذوق بعناد: والله هذا اللي يبغاه ابوك ولولا فضيحتك كان ماصار اللي صار
ذوق: الله يحرق قلبك على كل غالي يافيصل مثل مافضحتني
ام ذوق : يعني تعرفيه ..
ذوق تصرخ : ايوه اعرفه وهذي الصوره ماهي مركبه وانا كنت احبه وهو يحبني
بو ذوق دخل معصب : اه ياقليلة الخاتمه وتقوليها تسذا
ذوق : ايوه بقولها مو انت اللي سرقة فلوس بو فيصل مو انت اللي خنت صاحبك .. مو ام فيصل اللي تحبها وتبغاها ...
بو ذوق تغيرت معالم وجهه وارتبك : وش هالحكي ..؟ انتي تخرفين
ام ذوق: اي فيصل انت تعرف هذا فيصل
ذوق : ايوه ياماما بابا مو مثل ماحنا مفتكرين بابا حرامي ونصاب
بو ذوق ضربها بقسوه ورفسها : انطمي ياقليلة الادب ..
ام ذوق : لحضه تقصدين ام فيصل هي نفسها ام فيصل هذيك ياعبدالعزيز
بو ذوق : وانتي المهبوله الثانيه تاخذي على كلام هالبزر
ام ذوق: ذوق انتي تقصدي فيصل التركي
ذوق تبكي وابوها شاد شعرها : ايوه هذا ..ولد التركي ..
ام ذوق : ايوه كنت عارفه انت لحد هاللحين تحبها ومانسيتها
بو ذوق : كبرنا على هالسواليف يامرى وانتي – ضغط على شعرها اكثر - انا اللي بوديك بنفسي
ام ذوق وقفت بوجهه : لحضه مانت بمتحرك من هنا الا لما تطلقني
بو ذوق : وش هالحكي
ذوق : لا ماما تكفين لاتتركيني لوحدي ..
ام ذوق سحبت ذوق منه : لما تعرف تربي نفسك اركض وراء عيالك
بو ذوق سحب ذوق منها بقوه : خلاص الشي او السر اللي خايف انه يطلع ومخليتك بذمتي لهالحين بين ووضح تقدري تتفضلي لبيت ابوك وانتي ط
ذوق حطت ايدها على فم ابوها ودموعها على خدها : لا يبه تكفى لا .. انا مستعده اروح للمستشفى واكشف بس ماتقول هالكلمه
ام ذوق : اذا هو ماقالها انا بطالب فيها ... قولها ياعبدالعزيز قولها
بو ذوق ناظر بعيون بنته ذوق ناظر باحب الخلق لقلبه وبمن فضحته وشوهت سمعته : ذوق انتي السبب بكل هذا ..تذكري انتي السبب ... حصه انتي طالق
ام ذوق : ابركها من ساعه ..ذوق لمي اغراضك وتعالي معي
بو ذوق: تخسين بنتي مالها طلعه من بيتي انا وانتي معي ماربيتيها كيف وهي بره بدوني ..
ام ذوق: لا بصراحه كنت الاب الحنون والمربي الفاضل انت كل همك ان عيالك يكتبون اسمك في دفتر ذكرياتهم من احب الاشخاص وانا الغوله ... انت ربيتهم يكرهوني وابعدتني عنهم
ذوق كانت واقفه وتحس الزمن تمشي ثوانيه مثل خطوات السلحفاء ... تحس المكان يدور فيها .. ابوها يصرخ على امها باذنها وامها ماسكه بايدها مثل اللعبه تجرها معها كانت بدوامة الضياع ..
ابو ذوق : لا انا كرهتهم والا انتي اللي تاركتهم على مربيات ومدارس خاصه علشان جمالتس وبشرتس ..ويضلوا يقولوا حرم الباقي جميله ..حرم الباقي مدلعه بزوجها ...حر
ام ذوق تقاطعه وهي تشد على ايد بذوق : لا تحاول بنتي لي وماتبغاك انت بتذبحها
ذوق صرخت وهي تسحب نفسها منهم الاثنين ..: خلااااااااااااااص خلاااااااااااص اسكتوا تكفون اسكتوا ..
ام ذوق : اسمعي يا انا يا ابوك
بو ذوق: احلفي مالها حق تختار ..واطلعي لاذبحتس هالحين
ذوق خايفه : ماما ..روحي مابغاك خلاص روحي
بو ذوق : سمعتي ضفي وجهتس
ام ذوق مشت معصبه وهي تتحلطم : انا اوريك ياعزيز انا لك ...
نادبه تركض لفوق : ياستي ياسيدي الحقوا البيه رائد
ذوق : رائد وينه
ام ذوق ركضت لنادبه : وينه وين ولدي تحت
نادبه : لا رائد على التلفزيون
ركضوا كلهم لتحت عند الشاشه
بو ذوق يصرخ : وينه ياحماره
نادبه: اقروا كويس ...
كانت قناة الاخباريه ومكتوب عاجل (( غرق احدى عبارة البحر الاحمر ...عبارة السلام 99 ))
ذوق ركضت لتلفزيون: بابا رائد رائد هنا
بو ذوق : انتم بقر وش دخل رائد فيذا – سكت يستوعب – رائد مسافر بالعباره رائد غرق
ام ذوق اغمى عليها
ذوق : ماما ماما
بو ذوق مسكها: حصه حصه ..
ذوق رجلها ماشالتها طاحت على الارض بجنب امها:رائد لا رائد
بوذوق : انا فيتس والا فمتس .. اسكتي
ذوق ترفع صوت التلفزيون وهي منهاره : ناظر مافيه احد نجى ناظر كيف الناس مرميه بالبحر
بو ذوق رفع ام ذوق على الكنبه : لاحول ولاقوه الا بالله لاحول ولاقوه الا بالله
نادبه ومعها منديل فيه عطر : تفزل ياسيدي
بو ذوق قربه لعند انف امها وهو يضربها على خدها : حصه حصه
ام ذوق فتحت عيونها : رائد ..رائد
%%%%%%%%%%%%%%%</b>
|