ذوق: ياليتني ماوافقت
ام ذوق: ههههههههه كل العرايس يقولوا كذا ...
دق جوال ذوق ..((عادل )) كانت كاتبته عادل وبس لانها مو متاكده من مشاعرها له ...
ام ذوق: وراك ماتردين ...
ذوق: مالي خلقه
ام ذوق مستغربه من بنتها : لا يابنتي انتي باول حياتك ومايصير كذا .. ردي عليه حرام يمكن بيشرحلك ظروفه ...
رمت الجوال على الكنبه : انا من يوم يومي عزيزة نفس ومحد ذلني ولما فكر احد يذلني ندم هاللحين قد شعر راسه .. وماعاش هذا عادل علشان يذلني
ام ذوق: لا يابنتي الدلع ماينفع بالزواج انتي هاللحين مراءه كبيره اترك دلعك وانسي يعاملك عادل مثل مايدللك ابوك ...
رجع الجوال يدق ..
ذوق: لاحول ..الو خير
عادل: هلا والله بحبيبتي
ذوق: نعم عادل في شي ضروري
عادل : لا القمر زعلان مره والله سوري حياتي انشغلت بهالكم يوم
ذوق: وش اللي ممكن يشغلك عني
عادل: انتي ياقلبي اسمعي مجهزلك مفاجاءه تاخذ العقل بيوم زواجنا
ذوق نست زعلها : وشو ..؟
عادل: نو .. نو .. مفاجاءه
ذوق بدلع وهي تلعب بخصل شعرها : عدولي
عادل: لا ماقدر على دلعك والله ماقدر احكي بعد يومين ان شاء الله ...
ذوق: امم ابصبر بس ودي اعرف
عادل: لا لاتضغطين علي شي جنان بيبسطك
ذوق الفضول قاتلها : مثل شنو لمح مثلا ..
عادل : لا ماقدر قبل لانسه ذوذو حياتي ابغاك بيوم الزواج تفتحي شعرك
ذوق مستغربه : افتح شعري ليه ..؟
عادل: بس علشان المفاجاءه ..
ذوق تناظر شعرها الطويل لاخر ظهرها مطولته علشان الزواج : لا عدول ماينفع
عادل: واذا قلتلك علشان حاطري
ذوق : لحضه عادل دقيقه بس...
عادل: اوكيه خذي راحتك
ذوق: ماما
ام ذوق تناظرها بخبث وعلى وجهها ابتسامه لعوب : هلا
ذوق فهمت على امها : مااااااااااما
ام ذوق: هههههه ها
ذوق: ماما عادل يقول يبغاني افتح شعري واحط الطرحه ينفع
ام ذوق مستغربه : يوه تفتحيه كيف ..والتسريحه اللي متفقين عليها
ذوق مدت وزها : بس عادل يبغى كذا
ام ذوق : لا لاتخافي جو رعد خبير بتصفيف الشعر واكيد بيحصل لك شي مثل طلبك
ذوق رفعت السماعه لاذنها : اوكيه عدول تامر امر
عادل: يابعد قلي والله ... تامرين على شي بروح للفندق علشان الحجز ..
ذوق عصبت بيسكر بسرعه : مايامر عليك ظالم .... باي
لما سكرت امها انفجرت بالضحك : ههههههههههههههههه
ذوق : ماااااااااااااااااااااما
ام ذوق : ايوه هاللحين باي ومايامر عليك ظالم ... وعدولي ..
ذوق : هههههههه قلب المراءه يامامتي ..
ام ذوق : المهم هاللحين ندق على جو نساله اذا يعرف لتسريحه مفتوح فيها الشعر ..
ذوق : وانا بجرب ادق على لوجين يمكن ترد هي وعدتني تحضر زواجي ..
بدر جالس مع امه وخواته ...
بدر : شدعوه يالغاليه وانا يهمني غير رضاك
ام بدر : ايوه صدقتك اجل تراب اخوك مانشف وانت رايح متزوج لي هذي الفاصخه
بدر : يمه الله يهداك وش فاصخته انت عندك بنات لاتتهميها بشي
ام سعود وهي تشرب الكوفي ببرود : هي ماغلطت اجل واقفه على المسرح عند الرجال بعبايتها الفاصخه
رناد : يممممممه هي ماتعرف لسعودين
رنده : كويس انها لابسه عبايه
بدر عصب : كيف يعني هي وقفت مع رجال بدون عبايه
رنده : لا والله الشهاده لله بعبايه
ام بدر : عبايتها الفاصخه والمخصره ..
بدر : على العموم حنا بنسافر بعد يومين يعني مابغى مشاكل
ام سعود : الله معاكم
ام بدر : وين تسافر توك جاي
بدر : يمه علشان نواف
ام بدر غرقة عيونها : الله يشفيه ..
طلعت الجوري من الاصنصيل بعبايتها وعكازها ...
بدر استغرب : على وين ..؟
الجوري : هااااي
اللكل ماعدا ام بدر وبدر :هااي
بدر وقف ومشى لعندها : على وين ..؟
الجوري: بروح لبيت عمي نوره عازمتني
بدر : وليه ماحكيتي لي ..
الجوري: ماتوقع انه ضروري بودعهم قبل السفر ..
بدر : بنسافر بعد يومين ..ارجعي مايحتاج تروحي لهم
الجوري : لا ماراح ارجع
ام سعود تزيد النار حطب : ارجعي لاتعصين امر زوجك ... هو رجلك مو طرطور ..
الجوري: لو سمحتي خليك بحالك اوكيه ..
بدر : الجوري ارجعي
الجوري : ماني براجعه وبروح لبيت عمي ..
بدر : ارجعي ..
الجوري مقهوره ناظرت باهله وفيه : انا حكيت معهم وبروح
بدر مسك ايدها : اقول مافي طلعه من هنا
ام بدر عارفه ولدها اذا عصب مجنون مايشوف قدامه ..مسكينه مادرت انه عند الجوري ولا شي : بدر خلاص خلها تروح لاهلها ..
رنده ورناد متخيلين الباقي بيضربها قدام الكل ولا راح يهتم مثل ماضربهم من قبل طلعوا لفوق بسرعه ...علشان مايحرجونها ..
الجوري سحبت ايدها : ماني راجعه سمعت
بدر بعصبيه : الجوري اطلعي غرفتك احسن لي واحسن لك ..
الجوري خافت من نظراته عيونه تخوف بجد وهي ماهي متعوده تدافع عن نفسها البندري هي اللي كانت تدافع عنها هي ماقد مره فكرت ترد على صراخ احد ((وينك يابنو كان هاللحين وقفتيه عند حده ..))
قلبها يدق بسرعه وخايفه ..طلعت لفوق وهي ساكته ...
بدر عوره قلبه عليها شاف الخوف بعيونها بس لازم يسوي كذا والا بتتمادى اكثر .. رجع جلس عند امه ..
ام سعود : زين ماسويت علشان تعرف حدودها
ام بدر ساكته تفكر ..
وبدر بعد جلس ساكت ندم على اللي سواه ..
اما الجوري طلعت لفوق معصبه ومقهوره ودمعتها على خدها سكرت الباب بقوه وقفلت باب الجناح كله ماتبغى تشوف وجهه ..(( مسافر يومين وبالاخير راجع بشره الله يهده ))
دقت على البندري ..
البندري وهي بالسياره مع رائد : هلا ولله الجور
الجوري وهي تبكي : بنو قهرني تصوري قالي مافيه روحه لبيت عمك
البندري: بسم الله ليه تبكين وش فيه النذل وش مسوي قولي حبه حبه علشان افهم
الجوري: انا قلت بروح عند نوره ولما نزلت بطلع قالي ارجعي وصارخ علي قهرررررررررني ..
البندري : ماعليك منه حياتي ولاتنقهري هو هذا اللي يبغاه يبكيك صيري قويه ووقفي بوجهه ...
الجوري: لااااااااا اخاف اخاف منه اذا صرخ يخوف
البندري: يالهبله وش يخوفك منه
الجوري ترتجف : مادري اخاف من صوته العالي ..
البندري : ولا عليك ولا تهتمي طنشيه وبينقهر
الجوري: المهم ماعلينا .. تعالي عندي
البندري: هههههه والله بودي بس انا مع رودي حياتي
الجوري بغيره : من هاللحين ماتقدري تجي علشانه كيف اذا تزوجتي ..اجل
البندري: ههههههه انتي ببريطانيا ياعمري
رائد بصوت مرتفع : هلا الجوري كيفك ...
الجوري: رجلك والله انه زاحف
البندري: رودي سوق بس سوق بلا هلا بلا بطيخ
الجوري: هههههه تغارين مني
رائد: ههههههه تغارين
البندري : انت معه يله باي الجوري
الجوري: ههههه باي ياحبيبة رودي
البندري سكرت من الجوري ولفت على رائد : احلف اسمع حبيبي اللي اوله شرط اخره نور انا ابغاك تتغطى عن الناس كلهم بالعربي لاتحاكي ولا مراءه
رائد: هههههههه ياقلبي انا اللي يغاروا ..
البندري بدلع : اذا ماغرت عليك اغار على مين
رائد: لا لاتحاكيني كذا والله اغير رايي من محل الاثاث لاقرب شقه ..
البندري: لااااااا خلاص
رائد: والله دخلت بمزاجي وشرايك نروح لشقه مفروشه شوي
البندري : لااااااا لااااااا خلاص بحكي كويس
رائد غير طريقه لاقرب شقه من جد ومع احتجاجات البندري بس اقنعها بطريقه الخاصه ...ورضت تنزل مع هذا المهبول لاقرب شقه ...
****************
|