11-09-2021
|
|
|
هذي بنود الحب ماهي مزايح
هذي بنود الحب ماهي مزايح
ياهل الهوى والحب دوكم نصايح
ان كان فيكم من يود النصيحه
الاوله هذي بنود اللوايح
وما الوم من شده غرام المليحه
والثانيه درب المحبه فضايح
من يسلكه لازم يشوف الفضيحه
والثالثه لاصرت بالحب طايح
مجنون ليلى كيف تعرف مطيحه
والرابعه افحص جميع الشرايح
من قبل ماتبدا تثبيت الشريحه
والخامسه لاصرت للزين رايح
لاتمدحه من قبل تسمع مديحه
والسادسه لاجتك منه المدايح
هذا دليل ان النوايا صريحه
والسابعه ياهل الطعون الجرايح
من قبلكم نايف اطعونه جريحه
على وليفٍ عقبه السد بايح
ان مات قبلي جعل ماالله يبيحه
هذي بنود الحب ماهي مزايح
الصدق عنواني وعلومي صحيحه
منقول
|