كتبت في حصتك حبي شرحت أجمـل معانيهـا
كتبت اهدافهـا بصمـة مشاعرنـا لهـا افكـار


بدى التمهيد يسرد لك مشاعـر عنـك يخفيهـا
ويذكر قصة احساس نبض لـك والفلـك مـادار


وعند العرض بوصف لك مدينة عشق نحييهـا
نساقي روحها الجدبا وتنبـت ورد مـع أزهـار


وتسألني واجاوب لك وصمتـي شـرح يوفيهـا
تقرا بعيني التلخيص يترجـم معجـم الأسـرار


ابكتب لك في كراسـك ملخـص روح يرويهـا
أحبك سطرهـا الأول وباخرهـا مـع التكـرار


أحبك حلـم وأحيابـك وروحـي لـك ابهديهـا
أحب بردك واحب جمرك أعيشك جنتي والنـار


أحبك في زمن خانت حقول العشـق اراضيهـا
وحصة حبنا ترسم مبادي فـي أمانـي قصـار


حبيبي بسألك وارْسِم بحـور ك مـع موانيهـا
أبي اغرق في أعماقك كمـا الغطـاس للمحِّـار


ابي تطبيق ترعد لـه سمـا العشـاق يضويهـا
أبي حب ٍ يحسدونـه ومجـرة هالفلـك تحتـار


وابيك تحـل هالواجـب إجابـة عمـر يحكيهـا
عبارة تختصـر فيهـا مسافـة أزمنـة وديـار


وصاحت دقـة الخافـق علـى رنـات تنهيهـا
بحصة اجراسها تعلـن نهايـة درس للشطـار


جرس ماهو جرس حصة جرس في الروح يفنيها
مثل موج ٍ قعـد يحكـي نهايـة رحلـة البحـار


لأن استاذهـا قلبـي ونفـسٍ ٍ انـت راعيهـا
وقلبك عاشق ٍمغـرم تتلمـذ فـي هـواي ودار