يالزعيمة يامنيرة
يايمين الطيب يايمنا الجزايل
يايمين الخير يايمنى الأميره
يايمين فعلها طيب الفعايل
مدها وافي وخيراته كثيره
مدها بالساع ينقذ له عوايل
همها طايل وحاجتها كبيره
عمرها كله غرابيل و هوايل
واشربت من كاس لوعات مريره
وترتوي من بعدها كبود غلايل
وتنتعش من خيرها نفوس كسيره
يايمين فعلها صايل وجايل
يسبق الخيرات ويواصل مسيره
مدها يمشي كما في القوايل
ماشي ظله على حشود غفيره
وارثه للطيب من وافي الخصايل
وحاكم للخير سلطانه وأميره
الزعيم الفذ كساب الجمايل
سيرته تفخر بها كل الجزيره
سيدي سلطان وقفاته صمايل
يرتكي للصعب ويحل العسيره
سيدي هو فخرنا بكل الوسايل
والشعر يزهاه له فعل وسيره
وأنتي افضالك لها صدق ودلايل
تفعلين الخير والمولى خبيره
تشبهين الغيث وأمطاره همايل
من قنوفه كلما روح غثيره
عمني خيرك بضيقات الوسايل
يوم قل الجهد ودموعي نثيره
وفقك ربي على فعل الجمايل
وزودك ربي بنعماتة وخيره
ومتعك ياذخرنا يا أم الفضايل
بالسعاده ياعسى عينك قريره
والتحيه عد همال المخايل
يالزعيمه يالأميره يامنيره
|