ياكويت يابختك سكن فيك غالي !!

ياكويت يابختك سكن فيك غالي
الصاحب اللي منوة العين شوفه !

رفيق دربي بالحياة ومنالي
الحان عشقه بالضلوع امعزوفه

يفز قلبي لاذكرت وطرالي
واسج من هم الزمان وظروفه

دايم معي في غربتي وارتحالي
مافارقت عيني دقيقه طيوفه

لا دق رقمه كل شئ صفالي
واطرب على صوته وروعة حروفه

عديل روحي بالغرام وحلالي
حبه ملكني واذهلتني وصوفه

فريد في طبعه ولا له مثالي
ونفسي على غيره تراها عيوفه

ماغيره اللي بالمحبه وفالي
كل الثواني في غيابه حسوفه

يعتب على بعدي ويطلب وصالي
ونفسي على لاماه تبقا شغوفه

يالله عساني في قريب الليالي
اجيه ويديني تلامس كفوفه