منتديات قصايد ليل - عرض مشاركة واحدة

09-04-2010

خفقة جناح
ياذيب مامر بعواك الخوف وطعون الرماح "
" وان صوتت لك غربة البيدا على الموت تعدي
كنك تشوف الليل دربن في مجااهيمه براح "
" مداك صوت القاع وحدودك نزح عنها الردي
لي صاحبن ياذيب لو تعطيه قلبك ماستباح "
" قلبي ولا غرّر بضحكات العفيفات اجودي
لي صاحبن ياذيب متن الليل في كفه صباح "
" لو ينقض شعوره يموت سهيل في صدر الجدي
في لحظتن مرت بي الدنيا على خفقة جناح "
"مدري وطيت القاع ولا القاع ماهي موعدي ؟
سميت باسم الله يوم ان الرضا درب الفلاح "
" وابكيت صدري من ذنوبي والحنايا مسجدي
يارب جيتك من عنى فكرن وقلبن مااستراح "
"اذل واخضع يا الاهي وانتهي بك وابتدي
ارفق على عبدك وخذنى من مساليكن شحااح "
" عجزت اصحيها على قبري وتدفن مو لدي
وعجزت من جرح اليتيم اللى غدا يتمه مباح "
" يارب وش عذري اليا زليت واخطيت اجهدي
ناسن تعيش الموت في نبض الحياه بلا كفاح "
" وناسن تموت وللحياه كفوفها صدرن ندي
ياصاحبي لاتنشد النسيان عن نقض الجراح "
" دامي حفظتك حفظ منهاج الحروف الابجدي
والله ليفنيك احتضار الروح وعظامك صحااح"
" واعيش في نبضك مثل حلم الخيال السرمدي
وان هل دمع ابعاد كل الكون لو يغريك طاح "
"لا تامن الدنيا ولك قلبن يتوب ويهتدى
رح يافقيد الروح مالك في وسط عيني سماح "
"والله يساامح عبرتن طاحت وغطتها يدي