منتديات قصايد ليل - عرض مشاركة واحدة - رواية لمني بشوق واحضني بعادك عني بعثرني..مميزة روعه جنان حقيقيه

09-02-2010

><في بيت ابو خالد><
كانت حالة ام خالد حاله بس تبكي وتمسح دموعها ، توهم راجعين من الملكه وعلمها بكل شي
قال ابو خالد :- يابنت الحلال اذكري الله
ناظرته مرته بنص عين وكملت بكاها
..وشوي الا وهي منفجره في وجهه :-كيف سمحت لاخوك يزوج سعود هو فكر في مصلحة ولده وانت ورى مافكرت بمصلحة بنتك ليه مافكرت في شعورها وانت توافق ان رجلها يتزوج بنت عمها
عصب ابو خالد:-انا واخواني واحد ومصلحتنا وحده وش يبي سعود في حرمه ماتجيب له عيال
انصدممممممممممممممممممت ام خالد
قال ابو خالد :-الماس بنتي ونور عيوني وسعود بعد ولدي وما ارضى مايجي له ضنا يشيل اسمه واسم عيلتنا
قالت ام خالد :- لا تدورون لكم الاعذار انتم تتدخلون في شي مايخصكم
ابو خالد :-شلون مايخصنا
ام خالد :-لا مايخصكم هم حرين اذا جاز لهم الوضع كذا فهذي حياتهم
ابو خالد (طلع شبهه باخوه ابو سعود ) :-لا مو على كيفهم هم جهال لاكبروا بيشكرونا
ام خالد (ودها تذبحه ) :-اذا هم جهال الحين اجل متى بيكبرون
لكن ابو خالد طنشها (هذي حاله اذا ما اعجبه الكلام)
عرفت ام خالد ان الكلام معه بدون فايده
"وكلت امري لك ياربي ..كون في عون هالمسكينه المرض يضغط عليها من جهه وزواج رجلها من جهه "
وكملت مناحتها وقلبها متقطع على بنيتها
"اشوف فيك يوم يا وضحى انتي وبنتك نويف "
كانت دعوتها طالعه من قلب
×
÷
×
>اليوم الثاني -بيت راكان<
دقت هنادي على دانه
دانه :-اهلين بالحلا كله
هنادي :-احم احم من قدي
دانه :-لاتاخذين بنفسك مقلب
هنادي :-ههههههههههههههه خيرك مايكمل دايم
دانه :-ههههههههههههههه وينك
هنادي :-على وصول حظي زين ان ابوي يبي السايق يوديه مشوار يمر بيتك والا كان انطقيت وماجيتك الا متاخره
دانه :-اوكيك انا بالانتظار
وسكرت الجوال ..في هالوقت نزل راكان من غرفتهم
ضمته دانه وقالت :-نمت زين
ابتسم راكان :-احلى نومه والله ساعه بس كانت شي
ابتسمت :-نوم العوافي
قال بحب :-يعافيك
وراحو يتقهوون بلحالهم لان الخاله مريم بغرفتها وام راكان تطلع لدورات تحفيظ القرآن
قال راكان :-هاه وش اخبار التجهيزات
ابتسمت دانه وهي تصب له فنجال قهوه ثاني :-الاخبار تسرك كل شي تمام التمام الحلا وصل العصيرات وصلت العشاء بيجي في الوقت الي نبيه والشغالات مسويات استنفار من اليوم
ابتسم راكان وقال :- تصدقين مالك مثيل
استانست دانه :-ايه اصدق
راكان :-هههههههههههههههههههههههه ماعندك وقت
وتذكر راكان شي :-اووووووووووف
ناظرته دانه :-خير شفيك
قال راكان وهو يناظر في ساعته :-نسيت اشتري عود للرجال مو انا قايل لك البارح ذكريني
ضحكت دانه ضحكه لها معنى عرف راكان ان وراها شي
..وقالت له :-لاتشيل هم انا ارسلت السواق للمحل الي ابوي يجيب العود منه وجاب لنا مجموعه تكفي
انهبل راكان :-انا وش اقول ولا وش اوصفك والله مالك مثيل ماتوقعتك تفهمين في هالامور
كشرت وقالت وهي ماسكه الدله بيدها :-اقول اها تراني بنت رجال
ضحك راكان :-والله والنعم بعد وسبعة انعام
قال وهو يناظر صحن الحلا الي قدامه :-هذا الحلا من المحل الي طالبين فيه لعزيمة الليله
مسكت دانه نفسها لاتضحك :-ايه ليه مو حلو
ناظرها وقال :-الا يجنن كانه حلا بيتي تعاملي معهم دايم
دانه :-ههههههههههههههههههههههههه طيب
عرف راكان ان ضحكتها ذي بعد فيها انّا
الا وبجية الخاله مريم ..
قالت بحب :-نمت زين
راكان :-يسلم لي عمرك اي والله نمت بهدوء وسلام لا بكوس من هنا ولا العاب قتاليه وانا نايم
الخاله مريم :-ههههههههههههههههههههههههههههههههه
انقهرت دانه منه وحمرت خدودها :-راكان !
سوى نفسه ولهان وهيمان :-عيونه وقلبه
الخاله مريم :-هههههههههههههههههههههههه خف على عمرك لاتطيح على قهوتنا
دانه :-هههههههههههههههههههههههه ماعليك منه يمه شكله ماصحى من النوم لسى
الخاله مريم :-ههههههههههههههههههههههههههههههه والله الظاهر
سوى راكان نفسه معصب :-لا ويحشن فيني وانا جالس
قالت دانه بدلع :-حلالي
تخبل راكان
قالت الخاله مريم :-لاحول شكلي صرت عذول بينكم
راكان ودانه :-ههههههههههههههههههههههههههههههه
الخاله مريم :-والله تشهون الواحد في العرس دانه ان لقيتي احد يدلعني مثل تدليع راكان لك اخطبيه لي قصدي خليه يخطبني
راكان ودانه :-ههههههههههههههههههههههههههههههههههههههه
قالت دانه وهي مبسوطه :-ماله مثيل ولاشبيه يمه فديته
طلعت عيون راكان قدام :-ياويل حالي رحت فيها
الخاله مريم :-هههههههههههههههههههههههه ول شكلكم ماتبون لي شله اقلب وجهي احسن
(ماعندها نيه تتركهم لانها مبسوطه حيل لسعادتهم وحبهم الكبير لبعض )
قال راكان :-لا شدعوه ابقي معنا
دانه :-هههههههههههههههههههه اموت على العربي الفصيح واهله
قرب منها راكان :-واموت في الدانات واهلهم
الخاله مريم :-احممممممممممممم
راكان ودانه :-هههههههههههههههههههههههههه
قال راكان يمزح :-يمه صرفي عمرك
الخاله مريم :-عساك الهنا ذبحت البنت من كثر الدلع والحب ماصارت
راكان (يستهبل مروق من بعد هالنومه هههههههه) :-تف تف بسم الله عليك من العين
الخاله مريم :-ارحمنا ياشبيه وائل كفوري
هنا فزعت دانه (رجلها الشكوى لله هههه) :-وش جاب الثرى للثريا يمه
الخاله مريم (مسويه فيها معصبه) :-يالله بس
دانه :-هههههههههههههههههههههههههههههه
وقف راكان وقالت الخاله مريم :-ايه شعللها بيننا ورح
راكان :-هههههههههههههههههه انا وش لقبي بالبيت
قالت دانه والخاله مريم بخبال (عايله الله بالخير هههههه) :-راس الفتنه
راكان :-هههههههههههههههههه خلاص انا راس الفتنه وش ترجن من وراي
كانت دانه جالسه على الصوفا الي على الجنب والخاله مريم جالسه بالصوفا المقابله ، التفتت دانه لراكان وارسلته بوسه طايره بالهوى انهبل راكان من قلب وجلست دانه تبتسم على شكله
قالت الخاله مريم :-شفيك متحجر يا اجلس يارح
التفتت يم دانه الي سوت فيها عاقله :-رجلك علامه
هزت كتوفها ببراءه :-علمي علمك ياخاله
انقهر راكان منها تقتل القتيل وتمشي في جنازته
ابتسم وهو يتوعدها ..وراح لغرفته فوق وبعد ثواني نزل ومعه لاب توبه فتحه وجلس يشتغل عليه من كثر ماهو يعجز يفارق دانه صار يجيب اغلب شغله للبيت ويسويه حتى دانه تاخذ خبره لان مجال دراستها ادارة الاعمال ، قربت منه دانه واندمجت بتفاصيل شغله
الا وام راكان توها واصله من برى عشان ماتجلس الخاله مريم بلحالها وهم مندمجين بالشغل
ام راكان :-السلام عليكم
الكل :-وعليكم السلام
دانه :-راجعه بدري يمه اليوم حاسه بشي
ابتسمت ام راكان :-لا والله ياعيون امك بس ودي اريح وما اطول بالجلوس لانك عارفه انه يتعبني واليوم باليل ماراح يكون عندي فرصه اريح عظيماتي فقلت ارجع بدري اليوم وارتاح
ابتسمت دانه بحب :-انا بروح اسوي لك كاس كمون من الي يحبه قلبك
ام راكان كل يوم تكتشف اصالة معدن هالبنت وتحمد ربها عليها حنيتها هذي مو مظاهر قدام راكان لا حنيه نابعه من القلب حنيه متاصله في نفسها من تربيتها ونشأتها
راحت دانه للمطبخ اما راكان الي قلبه يتعلق كل يوم فيها زود رجع يكمل شغله على جهازه
رجعت دانه وقالت :-سمي يمه
ام راكان :-سم الله عدوك
قالت الخاله مريم وهي تتلذذ باكل الحلا الي حاطته دانه مع القهوه :-تسلم هاليدين الي تنلف في حرير من زمان عن حلا البيت الصح
ابتسمت دانه وقالت بنعومه :-صحه وعافيه
شدت انتباهه كلمه وناظر في دانه وقال وهو مو مصدق :-تعرفين تطبخين
دانه :-ههههههههههههههههههه علامك مصدوم ايه اعرف اطبخ
سكر لاب توبه :- والله انك كنز ولا شرايكم يا امهاتي
امه (مريم ) :-الا الكنز رخيص قدامها
حمرت خدود دانه
ام راكان :-وانا اشهد
دق التلفون المعلق بالجدار والمخصص للبوابه الي برى حقت الشارع رد راكان :-نعم
وكمل..........:-وش تنتظر افتح البوابه
قال راكان يكلم دانه :-تنتظرين احد
ابتسمت دانه :-ياويلي بتذبحني هنوده ايه بنت عمي بتجيني،عمي عنده شغل وبينزلها ويروح
راكان :-مو جاي للعزيمه
دانه :-الا بس هنادي لقتها فرصه تجيني بدري
ابتسم راكان :-طيب انا بطلع اسلم عليه
دانه :-اوكي
استغرب راكان :-منتي طالعه معي تسلمين على عمك
دانه :-السواق الي جايبهم كيف اطلع
راكان :-ههههههههههه شكلي من جد ماصحيت من النوم للحين
ابتسمت له دانه وطلع برى يستقبلهم ...
دخلت هنادي وهي متخبله من بيت دانه هذا مو بيت قصر ، ضمت دانه من قلب :-ازيك يا بت ايه القمال د كولو
ناظرت دانه في تنورتها الجنز القصيره وبلوزتها السوداء :-الحين هاللبس العادي مذهلك كذا
هنادي (وهي تناظرها وكانها غبيه) :-لا يالخبله اقصد البيت روعه
دانه :-هههههههههههههههههههه عجلي علقي عبايتك هنا وناظري بشكلك امهاتي جالسات بالصاله الثانيه
قالت هنادي (تستهبل) :-وينها هذي الصاله بعد عشره كيلو
قالت دانه تستهبل مثلها:-هههههههههههههههههه لا اظن يا اثنين يا ثلاثه كيلومتر
صدقت هنادي :-ياليل لو داريه لبست شحاطه
دانه :-ههههههههههههههه شحاطه مع هاللبس الكشخه
هنادي :-انا ادري عنك انتي وبيتك
دانه :-الا شرايك فيه عجبك
لمعت براسها فكره عشان تقهر دانه :-اخ ياقلبي طول وهيبه وشخصيه وصوووت يازين صوته بغيت اتكرفس على الدرج يوم سلم على ابوي وعلي
طلعت عيون دانه قدام :-منهو
هنادي (مسويه على نياتها ) :- من يعني، راكان بالله لا عاد يلبس ثوب اسود وغتره بيضاء والله عذاااااااااااااااااااب
انقهرت دانه لان هنادي تحرق دمها كالعاده :-اقول يالدوبه انطمي لا والله لا اشوتك برى
هنادي :-هههههههههههههههههههههههههه لمازا
دانه :-لمازا لانك تتغزلين في زوجي
هنادي :-الحمد لله والشكر هذا مو غزل هذا تقرير واقع
مسكت دانه نفسها لاتضحك :-الحين كل هذا الكلام وتقرير واقع
هنادي :-وش اسوي اذا رجلك مزيون
مسكتها دانه مع اذنها :-يالله بس لايكثر هرجك
هنادي (مسويه نفسها بتموت من هالمسكه) :-توبه والله توبه كومار احلى منه
(كومار سواق اهل دانه هندي شكله يحوم الكبد)
دانه :-ههههههههههههههههههههههه بسم الله على ركوني من خشته
هنادي :-هههههههههههههههههههههه والله ماينعرف لك
دانه :-اخلصي خلينا نروح يالله فشلتينا
قالت هنادي (وهي تغمز لها) :-والله وصرنا حريم وعرفنا نتكلم
سحبتها دانه بقوه وراحن وهي تضحك من سوالف بنت عمها الخبله
×
×
×
×
×
×
><في بيت احمد><
مانامت سعاد البارح نوم هني وقضتها بكا حتى قربت عيونها تنعمي ..ياشين الكبت وياشين القهر
غره غروره ورغبته في الانتقام وتزوجها غصب عنها والحين بدا يدمرها ويقضي على البقيه الباقيه منها ..
ناظرت في ساعتها الا وهي الساعه ست ونص المغرب نطت من سريرها واخذت شاور سريع ..
عاد كلش ولا دانه لازم تحضر عزيمتها الي تاجلت كذا مره بسبب ظروف العايله ..
حتى وهي مشغوله في لبسها ومكياجها مانسته ..
ياترى نام البارح وغمض له جفن والا ذبحه السهر والسهد !!
بعدها بساعه طلعت من غرفتها وقفت قدام غرفته ..ناظرت في الباب البني الخشب الي محفور عليه بفن وذوق ..مسكت اصابعها قوه ونزلت بعد كل الي سواه ولسى تحبينه متى بتكرهينه متى ..!!
لاذبحك!
لادمرك!
والا لاقضى على حياتك !!
او بالتحديد لاقضى على الي بقى من حياتك !!
وقفت تحت وفكرت اكيد انه طلع الدوام من بدري وعلى وشك يرجع ..مرتها الشغاله وسالتها :-وين بابا
الشغاله :-بابا تعبان واجد اليوم
ماتت من الخوف سعاد :-ايش
الشغاله :-بابا روح مستشفى وبعدين يطلع غرفه وسكر باب
عصبت سعاد :-ليه ماناديتيني
الشغاله :- هو قول dont say any thing to you beacuse you sleep
خنقتها العبره حتى بعد كل الي صار مايبيهم يزعجونها وهي نايمه
رمت عبايتها وشنطتها وراحت تركض لغرفته ..
فتحت الباب بهدوء ولقته نايم على بطنه ونص الغطاء طايح على الارض والباقي ملتف عليه قربت منه وشافت جنب وجهه معرق لمست وجهه بهدوء ولقته مولع نار
رقع قلب سعاد احمد محموم مره...وش العمل لازم يروح مستشفى "وتذكرت انه على كلام الشغاله رايح للمستشفى ناظرت في الغرفه ولقت كيسة علاج على الدرج الي بجنب السرير "
فتح احمد عيونه وراسه كن بوسطه ضرب طبول من الالم الا ويشوف سعاد واقفه قدام غمض مره ثانيه بالم شكله بدا يهلوس من الحمى يارب اول مره تطيحني سخنه (مرض) ورجع غمض مره ثانيه
قالت سعاد وهي خايفه موت :-احمد احمد انت معي
فتح عيونه وكشر هي حقيقه ولاخيال
رجعت تتكلم ودموعها فعيونها :-احمد ليش ماقلت لي انك مريض
سحب نفسه واعتدل شوي قال وهو منهد حيله :-انتي حقيقه ولاخيال
انهبلت سعاد ونزلت دمعتها :-لا حقيقه والله حقيقه
قال والمرض هاده :-تدرين اني مستحيل اخونك
تخبلت سعاد :-احمد انت مريض
وراحت بتجيب له شي بارد ، مسكها مع يدها بقوه اذهلتها رغم ان المرض مستبد بجسمه
قال وهو يمسكها بقوه :-لا لا انا مو مريض انا .......... تدرين
(كانت حرارته مرتفعه مره حست بها من مسكته ليدها )
قال بضعف صدمها :-تدرين .......من وانا وعمري 15 سنه وانا احلم باليوم الي يجمعنا صديتيني مره واثنين وثلاث لكن ما ان يروح زعلي وقهري الا وارجع لحبك ذليل
كانت سعاد تبكي في صمت من كلامه ..من عمره 15 سنه يحبها والا يهلوس من الحمى الي عليه
كمل كلامه وهو ماسك يدها بقوه :-حلفت ميت يمين ماتزوج غيرك لو ماصرتي من نصيبي ....(كلامه مو مترابط من الحمى)...ياليتك كنت تحبيني ياليت
ماقدرت سعاد تتحمل وهو فلت يدها من يده وغمض عيونه ..
كانت سعاد واقفه متصنمه ..
هزئت نفسها انتي شقاعده تسوين تلحلحي شوي..مسحت دموعها بقفا يدها
نزلت المطبخ تركض وحضرت كمادات بارده عشان تنزل حرارته ..وبسرعه قالت للشغاله تركب شوربه خفيفه وتصلح عصير ليمون وعليه ملعقة عسل وترسله فوق قبل كل شي
طلعت سعاد لغرفته ومعها الكمادات ..ماقدرت تشتغل وتتحرك بحريه بسبب الجلابيه السماويه الضيقه الي لابستها ، طارت غرفتها ونزلت جلابيتها واخذت قميص نوم لها تحبه حيل قبل ماتتزوج قطني لونه زهر عليه دبدوب من قدام ويوصل للنص الساق وحفر من فوق..لبسته بسرعه ولمت شعرها بربطه وركضت لغرفته
اضطرت تجلس بوسط السرير عشان تعرف تسويله الكمادات لانه هو على الطرف ...
>
<
ماتدري كم من الوقت مر...
ساعه ساعتين...الي تذكره انها بالغصيبه خلته يشرب العصير ..اما الشوربه اخذ منها ملعقتين ورفض الباقي ..على الاقل زين انه اكل بس عشان تقدر تعطيه الدواء ..
دق جوالها الي كانت حاطته صامت بس على الهزاز ..
قالت بصوت واطي حتى ماتصحيه :-هلا
دانه :-سعاد وينك الساعه 9
سعاد :-قلبي ماعليش مقدر اجي
انهبلت دانه :-ليش بعدين صوتك ليه واطي
سعاد :- احمد تعبان شوي ومقدر اتركه وهو نايم عندي الحين
خافت دانه وقامت وطلعت من عند البنات :-ليه سلامات
سعاد :- محموم شوي بس راح مستشفى وعطوه مضادات وكل شي تمام حرارته انخفضت
دانه :-مايشوف شر ..ولاتوصين ماني بمعلمه احد
ابتسمت سعاد :-هههههههه تمام تعجبيني يالله ضفي خشتك
دانه :-مقبوله منك هههههههههه
سعاد :-ههههههههههههه
دانه :-يالله قلبوووووو سلام
سعاد :-بحفظ الله
طلعت رنا من غرفتها :-هاي سعوده وينكم مختفين اليوم
ابتسمت سعاد ماتبي تبين لرنا خوفها :-ههههههههه ابد ولاشي هنا بس تعرفين احمد يحب يطنش دوامه احيانا
استغربت رنا :- من متى يداوم احمد الويك اند
طاااااااااااااااااااحت سعاد بمطب وحاولت تصرفها :-احيانا يروح بس مو دوم
قالت رنا وهي تربط شعرها الاحمر بربطه وترجعه ورى:-يعني ماحنا برايحين حفلة دندونه
سعاد :-لا انا مو برايحه
عقدت رنا حواجبها: -ليييييييييه
سعاد تورطت لازم تقول لها :- احمد تعبان شوي عشان كذا موب رايحه اذا تبين تروحين اخلي السواق حق اهلي يوصلك
هزت رنا راسها :-مابقي الا هي سلامته احمد علامه
ابتسمت سعاد :-راسه يعوره شكله فيه انفلونزا
ناظرت رنا بلبس سعاد ، ابتسمت سعاد لانها تشوف رنا فيها ضحكه ..
قالت تهدد :- خير وش هالنضره
ماقدرت تتحمل رنا :-ههههههههههههههههههههههه كانك بزره انت وهالدباديب
سعاد :-ههههههههههههههههه بس بالله مو كيوت
رنا :-هههههههههههههههههههه يجنننننن طالعه صغنونه بيتخبل احمد لاشافك كذا
حمرت خدود سعاد ، قالت رنا تستهبل :-يووووووووه نسيت انك عروووووووس وتستحين
"يالي ماتستحين"
كانت سعاد بتمسكها من شعرها بس رنا انحاشت..وهي تضحك
رجعت سعاد غرفة احمد ..دخلت بشويش الغرفه كانت مظلمه وبارده من المكيف وماكان ينورها الا ابجوره بجنب السرير ..قربت منه بشويش ولمست جبهته انخفضت حرارته بشكل كبير حمدت سعاد ربها ..شالت عنه الكماده وحطت وحده بدالها ...
وجلست جنبه تقرا لها كتاب..
×
*
×
*
×
>>>>>>>>>في بيت راكان<<<<<<<<
قالت الماس وهي تناظر غرفة دانه الي اثاثها فخم يدمج الذهبي واالبيج والموف :-صراحه ديكورات ولا اروع
كانت دانه مكشره
جلست الماس على الصاله الصغنونه الي مقابله لسرير النوم :-دانه علامك متنكده
دانه من جد منهبله من برود اختها :- ----------------
ابتسمت الماس بالم :-لاتحسبيني متبلده دندون انا اموت في اليوم الف مره بس مابيدي حيله عمي حكم علينا كلنا بالشقى ، دانه انا استنزفت كل مشاعري خلاص ماعاد لي طاقه و لا احتمال
من قلب كانت دانه متنكده اخ من عمها ومن فعايله الشينه
دانه :-الله ياخذها قليلة التربيه
هزت الماس راسها :-الي صار صار وهذا مايغير واقع انه بيدخل عليها بعد اسبوعين
انجنت دانه :- هاااااااااااااااااااااااااااااااااااااه
نزلت دموعها غصب وقالت :-لا وعمي الحبيب حكم علينا بعد نسكن سوى عنده بالبيت
دانه (مازالت مصدومه ) :-هااااااااااااااااااااااه
مسحت الماس دموعها ودانه تركض يمها وتضمها من قلب
قالت الماس وهي تمسح دموع اختها :-خلاص خلينا نعيش كل يوم بيومه مايندرى الله وش كاتب لنا
قالت دانه وهي تناظر في وجه اختها بكل حب واحترام :-تواسيني وانا الي مفروض اواسيك
وقفت الماس وقالت :-ماصار الا الي ربي كاتبه يالله شكلك مو حلو لابكيتي
دانه (تذكرت شي) :-هههههههههههههههههههههههههههه
ناظرتها الماس :-ههههههههههه احمدك يارب استخفيتي
دانه :-هههههههههههه لا بس راكان قال لي نفس الكلام
كشرت الماس :-مفشلتنا في الرجال تصيحين عنده
قالت بحب :-ان ما صحت عنده اجل عند مين اصيح
الماس :- ههههههههههههههههه والله انك خبله
الا وهنادي تدخل الغرفه صاروووووووووووخ
دانه :-هههههههههههههههههههه زين انك ماخلعتي الباب شفيك ملحوقه انتي
كان وجه هنادي مروع
قالت وعيونها ناقزه :- سوير تحت
دانه (نست منهي) :-سوير مين
الماس استوعبت قبلها :-متاكده
هنادي :- مو هي الي هدت راكان الاغنيه بالعرس
الماس :-الا هي
(بدت تستوعب دانه )
هنادي :-ماغيرها شوفيها تحت توها واصله
قالت دانه بانفعال :- سوير ماغيرها بنت عم راكان
عصبت هنادي :- وانا وش قاعده اقول من اليوم
دانه :-بموووووووووووووتها
الماس :-خبله انتي لاتفرحين الناس عليك فيه ناس من اهل راكان جايين ومن معارفه لايجي منك الخطأ انتبهي هذي ماجت الا تدور المشاكل اغسلي شراعها مثل اخر مره
هنادي :-ههههههههههههههههههههههه اخ يا ذيك المره ماراح تنساها
روقت دانه والفضل من بعد الله لخفة دم هنادي وعقل اختها
دانه :-هههههههههههههههههههههههههه احيانا والله اعجب نفسي
هنادي :- عن الغرور ويالله ننزل لاتقول الاخت المصون انك خايفه منها
دانه :-تخسي يالله
؛
<
>
؛
نزلت دانه الا وساره جالسه ..قوية عين
ناظرتها ساره وعيونها مليانه حسد "اخ يالقهر اخ اخ "
ابتسمت دانه ابتسامه ولا اروع وردت السلام طبعا ام ساره ردت اما ساره سفهتها ولا كنها موجوده ..
طبعا دانه ماعبرتها ..
جلست دانه الا وجوالها يرن
توأم روحي----------->>يتصل
ابتسمت ونور وجهها :-هلا
راكان (متخبل للان) :-هلا بالطيب الغالي عزيز وشوفتك منوه
حمرت خدود دانه :-هههههههههههههه وش عندك
(سوى فيها معصب) :-قهوة الرجال مويه ماهي بقهوه لا تخلي الشغالات يسونها سويها انتي
خافت دانه :-بالله
راكان (يمسك نفسه لايضحك) :-لا امزح فشله الصراحه
(دانه وقفت وطلعت وساره تموت وتعرف راكان وش يبغى)
قالت دانه وهي تحس يومها كله تنكد :-راكان احلف
راكان :-تعالي المطبخ وذوقيها
دانه (عقدت حواجبها) :- انت بالمطبخ
راكان (والابتسامه شاقه الحلق) :-ايه مالي وجه اقابل الرجال
(حالتها ماتنوصف دانه مسكينه هههههههه)
راحت تمشي للمطبخ ..نادتها هنادي :-دندون
التفتت دانه وقلبها مو معها :-نعم
هنادي :-ام راكان تسال عن دواها
(تذكرت دانه موعد حبوب الضغط) :-راكان ينتظرني بالمطبخ دقايق بروح له وبرجع
ابتسمت هنادي ابتسامه شي ...
دانه :-ههههههههههههههههه ياشين التفكير
هنادي (مسويه بريئه) :-ماقلت شي
دانه :-هههههههههههههههههه عيونك كتاب يالله بروح اشوفه وبجيب الدوا بدربي لانه بالمطبخ
هنادي وهي تغمز لها :-لاتتاخرين مره هاه
دانه (مسويه معصبه) :-هنووووووووووووود
هنادي (وهي تمد يينها قدامها في استسلام) :-ههههههههههههههههههههههه طيب طيب
وراحت وهي تضحك اما دانه فراحت للمطبخ..تتهبد من الخوف
دخلت الا راكان واقف معصب وعاقد يدينه على صدره ..ناظرته دانه وقلبها من جد يرقع
مسك راكان نفسه لايضحك شكلها وهي خايفه شي
"ياويلللللللللللللل حالي تجنن بالاورنج الي لابسته "
قالت له وهي على اعصابها :-راكان شفيها القهوه
(مسوي فيها للحين معصب)
قال وهو يخزها :-وش هالقهوه ذوقيها
تخبلت دانه ، اخذت الدله ورفعتها لقتها فاضيه مافيها شي انصدمت ناظرته مستفسره
الا ويضحك بقووووووووووووووووووووووووووووه
عرفت دانه انها من مقالبه الي دايم ..
وجلست تضحك معه قالت وهي تبي تسوي معصبه بس الضحكه تفلت منها :-يا الله متى بتخلي حركاتك
راكان :-لين اموووووووت
عصبت دانه من هالسيره :-سخييييييييييييييييييييييييييف تفاول على عمرك
انهبل راكان (زعلت جد) قال يسترضيها :-يالي قمر والناس من حولك نجوم
ناظرته دانه بنص عين وسفهته وراحت تصلح القهوه
فجاه رفعها عن الارض وجلس يدور بها في المطبخ
انهبلت دانه :-راكان نزلني فشلتنا ترى عندنا ضيوف بالبيت
راكان :-طيب قولي انك مو زعلانه
دانه :-ههههههههههههههه والله مو زعلانه اتغلى عليك
راكان :-ههههههههههههههه ايه هذا الكلام حريم ماتجون الا بالعين الحمراء
تذكرت دانه :-راكان نزلني يا فشلتي ...بيغضب ربي علي
(انهبل راكان) :-دندونتي شفيك
دانه :-نسيت اودي دواء امي
واخذته من مكانه وركضت برى المطبخ
(قالت وهي عند باب المطبخ) :-لاتروح برجع دقايق
غمز لها :-ههههههههههههه ماعندي نيه
دانه :-ههههههههههههههههه طيب
وطلعت من المطبخ
؛
؛
دخلت دانه المجلس ..
قالت تهمس في قريب من ام راكان :-اسفه يمه على التاخير راكان كان يبي قهوه للرجال
لقطت الخاله مريم الكلام :-ههههههههههههه قولي راكان بالسالفه نعذرك
دانه :-ههههههههههههههههههههههههههههههه فديته
الخاله مريم :-وينه اخذ قهوته (وغمزت لدانه الي حمر وجهها)
غمزتها دانه :-ههههههههههههههههههه لسى
الخاله مريم :-ههههههههههههههههه روحيله اجل لايجينا يشفلنا
دانه :-ههههههههههههه طيب (والتفتت لام راكان) يمه باقي شي تبغينه
ام راكان (طبعا مبتسمه من كلام مريم لدانه ) :-ماعليك امر يمه ابيك تجين معي الغرفه درج ادويتي علق ابيك تفتحينه
قالت دانه وهي تأشر على عيونها :-من عيوني
قالت ام راكان :-تسلم عيونك
(وطبعا الاخت ساره منزله سمعها ودمعتها برمش عينها من هالكلام .. القبول الي لقته دانه مالقته هي كانت مكروهه من اول يوم ماتدري من السبب هي ولا هم..بس الاهم انها خسرته بعد ماحبته وعرفت قيمته لما تزوجت وعاشرت غيره ..عرفت معدنه واصله وتربيته رغم كل الي سوته ورغم انه عرف حقيقتها من الاول ما جرحها ولا حست انه يهينها ، كان احيانا تلقطه وهو يناظرها نظرات شفقه وكانه يقول لها ليش تبيعين نفسك ليش الفلوس مهمه بالنسبه لك .. حتى انه طلقها بهدوء ودفع مؤخرها كله وخلاها تاخذ كل شي ولا طالبها بحاجه ..
نزلت عيونها وهي تقاوم هالدموع ..
الاهم الحين انه لي !!
لي انا !!
وبسترجعه ))
مسكت دانه ام راكان من يدها وساعدتها على الوقوف وهي تبتسم وتكلم ام راكان
سمعت ساره حرمتين جنبها من الجماعه يسولفن بهمس :-
الاولى:-شفتي مرة راكان
الثانيه :-ماشاء الله تبارك الله جمال وذوق شفتيها كيف استقبلتنا وكانها تعرفنا
الاولى -عز الله صبر راكان واثمر صبره
الثانيه :-الله يخليهم لبعض ولايغير عليهم
الاولى :-يارب
انقهرت ساره من هالكلام صحيح انها حلوه وصغنونه بس مو لها الدرجه الي يمدحنها فيها كانهن ماقد شافن في حياتهن بنات
تذكرت ساره شي..وفزت من مكانها
وطلعت من المجلس الكبير الفخم ووقفت قدام المرايه عدلت تنورتها الجينز الرماديه وزينت بلوزتها الحمراء الي اكمامها طويله (لاول مره) بس طبعا كانت ضيقه مره وخفيفه نوعا ما ..رجعت شعرها البني (ماتقلد دانه ترى) لوراء وضبطت مكياجها الي يفتن ومشت
كان راكان واقف يطقطق في جواله سمع صوت مشيه وراه ابتسم وقال :-يادانه بعين راكانك ..ترى الاحساس ربانك
جمدت ساره وراها من متى هالرومنسيه وهالحب المتاجج عمرها ماسمعته يقول لها كلمة حب عمره ماعبرها وعمره اصلا ماجلس معها ربع ساعه على بعضها كانت ببساطه تجهله
ماردت عليه التفت راكان ، وجمد
مالقى كلام ينقال ...
قالت ودموعها تملى العيون :-وين كانت عني هالرومنسيه ياولد العم
راكان :---------------------
في وقت كانت دانه جايه للمطبخ طياري ..وقبل لاتدخل شافت ساره واقفه مع راكان
>وانصدمت<
وظلت جامده مكانها
ساره (وهي تقرب شوي منه ) :-راكان تدري اني تبت وعرفت قيمتك والله مالك مثيل
شعلعل طبع راكان الي ما يطلع بسهوله
وقال يهمس وهو يحاول يقصر صوته لانه لو تكلم بنبرته بيسمعونه كل المعازيم من الجهتين (رجال وحريم):-قسم بالله انه لولا خوفي من الفضايح لا اكون ذابحك ودافنك بمكانك الي انتي واقفه فيه الحين
انقهرت من كلامه ومسحت دموعها الي بعيونها قبل لا تنزل ، قالت تتوسله :-الحب عمى يا راكان
عصب من قلب :-عساك العمى الي يعميك انتي اجنبيه عني اجنبيه مايجوز تطلعين لي كذا انتي ماتخافين ربك
قالت بصوت مرتجف :-لاتدعي علي
راكان :-لا تحطين نفسك بمواقف مالها داعي يابنت العم انسيني
قالت بقوه وصوت متاثر :-عساني الموت ان نسيتك
الا ودانه تهاوش نفسها تلحلحي تاركه هالحرمه مع رجلك وتتفرجين
قال راكان وهو ما انتبه لدخول دانه :-انا متزوج واحب زوجتي موت ومالغيرها مكان ابد وبالذات انتي حطيها في راسك للابد وياليت لو ماعاد تطبين هالبيت ابد ومادامني حي
انصدمت ساره وقالت بصوت عالي:-تطردني وانا الي احبك وش لاقي في هالخايسه
راكان (ونظره مازال بالارض) :-لقيت فيها الي ماراح القاه لافيك ولاغيرك
قالت ساره وهي تمسك كم ثوبه تترجاه(ياشينه من موقف لا باع الواحد كرامته وعزة نفسه ):-راكان انا مستعده اكون خدامه لك تحت رجلينك بس تزوجني لو مسيار
جت دانه والغيره والتقزز من الي تشوفه مالياتها ...مسكت يد ساره الي ماسكه راكان وبعدتها بقوه لدرجة ضربت جنب ساره
قالت تهدد شامخة الراس :-بنت الحمايل ماتذل نفسها وبنت الحمايل ما تتذل لرجل مايبيها---------------
قاطعتها تصارخ فاقده اعصابها لان دانه واقفه مسنده ظهرها على راكان وفي عيونها استحقار :-مالك دخل هذا ولد عمي
دانه :-وهذا زوجي حبيبي ودنيتي
انقهرت ساره وسالت دموعها :-احبه احبه احبه
الا ودانه تصفقها هاك الكف ،
قالت بهمس وفي وجهها وعيد :-هذا جوابي على كلامك وكلمه زياده ويجيك ضرب ماشفتيه بحياتك وساعتها من جد بتطيحين تحت رجولي ذليله وساعتها ماراح ارحمك
هجد الجو الشغالات مصدومات ومن نظره من راكان هجن وشافن اشغالهن من الخوف...ساره ما استوعبت الي جاها والكلام الي قالته لها دانه يرن براسها مثل ضرب الطبول
اما راكان تفاجـأ وشاف وجه ثاني من وجيه شخصية دانه الي تبهره ...القوه والشراسه حبه الكبير بقلبها والي برهنت عنه اليوم والاهم محافظتها على شي هو من حقها وبعد هالكلام وهالكف ماظنته بترجع ساره لهالبيت مره ثانيه
ناظرتها ساره وقالت وهي ترتجف ويها على خدها المحمر :-بتندمين وهذا وعد
قالت دانه بترفع وغرور وهي لافه يدها على يد راكان :-برا ولا اشوفك طابتن بيتي مره ثانيه يقولون حشمة الكلب من حشمة هله عشان كذا بسمح لك تطلعين من بيتي مثل مادخلتي ولا راح انادي السكيورتي واخليهم يسحبونك قبالة خلق الله .. انا (وشددت عليها ورافعه بها راسها فخر وعز ) كرامت زوجي من كرامتي والي يخصه يخصني انا لحالي، ولا له ولا راح يكون له شريك غيري حطي هالكلام حلقه باذنك
طلعت ساره من المطبخ بسررررررررررررررعه البرق اما دانه فقدت توازنها ومسكها راكان
قال بخوف :-حبيبتي بسم الله عليك
وبدون مايقول ركضت الشغاله ومعها كاس مويه
جلس دانه على الكرسي وشربها الماء بشويش ..
قال وهو مختبص من الخوف :-حبيبتي انتي بخير
انخفض ضغط دانه من سوير وفعايلها ، قالت بقهر :-هذي متى راح نفتك منها
ابتسم راكان :-بعد الي صار لها تو والي جاها منك اظنها بتعتبر بيتنا وباء
ناظرته دانه وهي نفسها تخنقه احر ماعندها ابرد ماعنده
هي بتموت من الغيره (الله يكون بعون الماس هذا ودانه ماكملت ثلاث شهور من يوم ماتزوجوا وتموت فيه وتغار اجل الماس وش حالها لا والادهى ان زوجها بيتزوج عليها ) سالت دموعها غصب
انهبل راكان وجلس جنبها ووجهها بين يدينه :- هذي دندون القويه لا يالغلا ماتسوى هالدموع الغاليه تنزل انتي بكفه وكل حريم العالم بكفه وسوير ماتسوى ظفر من اظافرك
قالت ببراءه :-صدق
عصب راكان :-ايه صدق لو اموت واندفن تحت التراب لو انجن لو انهبل لو يصير فيني الي يصير انتي هنا (وضرب على قلبه) متربعه مالك شريك ماحبيت ولا راح احب غيرك والقلب اروح اسافر و يجي بيننا بحورر ومحيطات يبقى معك
قالت دانه وهي تمسح دموعها الي تنزل :-عسى يومي قبل يومك ..وش ابي بالدنيا اذا انت مو فيها (قالت وقلبها ثقيل) راكان شفيك تطري الموت لك ايام
هز كتوفه وقال وهو يوقفها :-مدري بس الموت حق صاير اهوجس به
دانه (زادت دموعها ) :---------------------
راكان :-وبعدين لاتقلبينها نكد يالله اغسلي وجهك انا اسمع احد يناديك
فعلا كانت هنادي تدور عليها ..قامت وغسلت وجهها ولقت القهوه حاطتها الشغاله بالدله زينتها دانه وعطتها راكان الي حب جبهتها وطلع
دخلت هنادي المطبخ كانت تستهبل :-ماصارت من اليوم كل هـ--------------------
(شافت عيون دانه المتنفخه من الصياح )
مسكتها مع يدها :-دانه شفيك
كانت دانه مقهوره واعصابها متوتره :-لعنت سوير تو تخيلي لقيتها في المطبخ مع راكان
حمر وجه هنادي :-هااااااااااااااااااااااااااه
دانه وصوتها يرتجف :-تخيلي تقول تزوجني لو مسيار
بغى يغمى على هنادي مو معقوووووووووووله :-والله الي ماتربت
وكملت :-شقال رجلك
دانه كانت تزين شعرها السايح بيدين ترتجف :-لعنها وماخلى عنها شي بس
كملت هنادي :-وجهها مغسول بمرق
دانه :-جبتيها صح
قالت هنادي وهي تشوف الخاله مريم جايه :-الخاله مريم جايه ابتسمي بعدين لنا جلسه على الجوال وتعلميني بالتفاصيل
ابتسمت دانه مثل ماقالت هنادي
قالت الخاله مريم :-هاه يمه متى العشاء بيجي
ناظرت دانه في ساعة يدها :-بعد ربع ساعه (وابتسمت) وكل شي زاهب
(مافات الخاله مريم ان دانه باكيه بس طنشت )
قالت وهي تبتسم :- طيب يمه لا تتاخرين الحريم يسالن عنك
دانه :-ان شاء الله
*
*
*
****************