غرف الصالة والصالون بيدوا أول انطباع عنك وعن باقي البيت كله بالنسبة لأي ضيف، وده لأنهم الوجهة الأولى اللي بتوضح ذوقك. علشان تدي الانطباع الصح عنك، بروبرتي فايندر بتقدملك احدث افكار الديكورات لغرف الريسبشن حسب كل نوع ديكور وشكل العفش وتوزيعه يكون إزاي.
ممكن تتعرف على باقي أفكار الديكورات المنزلية 2019 لباقي الغرف من هنا: المطابخ والحمامات 2019 – غرف النوم والمعيشة 2019
ديكورات الصالونات 2019:

الوان غرف الصالون

• الديكور الكلاسيك: بتميل الوان غرف الصالون الكلاسيك للبيج أو الرمادي الباستيل.

• الديكور المودرن: الألوان الجديدة السنة دي هي خليط من الألوان الروز والرمادي أو الرمادي مع اللبني الباستيل.

إضاءة غرف الصالون

• الديكور الكلاسيك: الاضاءة السنة دي فيها اكتر من اختيار، فمثلا ممكن تكون أباجورة فوق طرابيزة، أو نجفة متعلقة، أو ابليك في الحيطة، أو أباجورة طويلة جنب كنبة الصالون.

• الديكور المودرن: احلى حاجة السنة دي هي الأباجورات الطويلة، واللمبات الطويلة الممتدة من السقف.

• 
• 

عفش غرف الصالون

• الديكور الكلاسيك: العفش بيكون شكله فخم، ولونه أبيض أو روز باستيل وبيكون عليه زخرفة باللون الذهبى أو الفضي من الأطراف، وبيكون فيه ترابيزة في النص بنفس لون العفش.

• الديكور المودرن: حجمه بيكون صغير، وألوانه بيج بالكامل، أو مزيج من الأبيض والتركواز، مع وجود ترابيزة في النص، و ترابيزة تانية طويلة في الجنب علشان يتحط عليها كتب أو فازة ورد.

ديكورات سقف وأرضيات الصالون

• الديكور الكلاسيك: السقف بيكون أبيض أو بيج سادة مزخرف من الجنب بجبس، والأرضيات بتكون سيراميك أبيض أو سيراميك بنقشة الباركيه.

• الديكور المودرن: السقف بيكون أبيض سادة بدون زخرفة والأرضيات بتكون سيراميك، أو باركيه باللون الغامق.

• 
• 
• 
• 

ديكورت غرفة السفرة 2019


الوان غرف السفرة

• الديكور الكلاسيك: اللون البترولي الباستيل هو الغالب على الديكورات الكلاسيك لغرف السفرة، كمان فيه خلط أكثر من لون مع بعض زي النبيتي الباستيل مع الرمادي، والبيج مع الأسود.

• الديكور المودرن: فيه بعض الألوان الجديدة موضة مع بعضها هما الرمادي والبيج، والأسود مع البيج، والأزرق مع الرمادي.

إضاءة غرف السفرة

• الديكور الكلاسيك: الموضة السنة دي في الاضاءة هى النجف الطويل الممتد لحد السفرة، أو ممتدة بطول السفرة.

• الديكور المودرن: من الأفكار الجديدة، إضافة وحدة اضاءة او أكثر فوق السفرة مباشرةً وغالبًا بتكون على شكل اباجورة لونها أسود.

• 
• 
• 

عفش غرف السفرة

• الديكور الكلاسيك: التوجه الجديد هو استخدام وحدات سفرة على أشكال هندسية مضلعة مع اضافة تصميمات جديدة وأشكال مختلفة من أرجل السفرة تضيف لمسات أنيقة للغرفة، وغالبًا بتكون السفرة جنبها نافذة كبيرة عليها ستائر كلاسيك مكونة من طبقات.

• الديكور المودرن: موضة 2019 هي اختيار أشكال مختلفة عن الأشكال المألوفة، علشان كده ظهر الشكل المثلث بكراسي موزعة على أضلاع المثلث ده، وحجم السفرة بيكون صغير.

ديكورات اسقف وأرضيات السفرة

• الديكور الكلاسيك: السقف باللون الأبيض، والأرضيات سيراميك بنقشة الرخام، أو بنقشات أخرى تشبه نقشات وألوان الحائط.

• الديكور المودرن:السقف بيكون بسيط بنفس ألوان الحائط، أو باللون الأبيض، والأرضيات من الباركيه بالألوان الغامقة والفاتحة.

• 
• 
• 
• 

احُب كل شي كان رحمه لي من الله