بني ياس
ياصاحبي سالم بن غديـر iiالنـاس
لو تكشف اللي فالضمايـر iiمخبـا
كان انطحن حبن مايطحن بذا iiالراس
لكـن ذنـوب الصالحيـن iiأتغـبـا
ابغيـك تعطينـي كيلويـن ألمـاس
وكيلو ذهب صافـي وكيلـو iiيالبـا
لعيون بنت ٍ فاتنه من بنـي يـاس
متربيـه بـس الـغـلا iiماتـربـا
ان وقفت مثل الزهر بين iiالاطعـاس
ويلا مشت فـرس أصيلـه iiوقبـا
ريحت نفسها غير عن كل iiالانفاس
وان سولفت حتـى البليـغ iiأيتهبـا
في مدحها جاني من الشعر هوجاس
وصبحـت متنبـي شعـر iiوتنـبـا
لو عرضت على الفقيه ابن iiمرداس
يمكـن يحلـق لحيتـه iiويتصـبـا
كنك مشربني مـن الفوتقـا كـاس
ولياسبتنـي الخـفـوق iiالمسـبـا
والقلب لامنه فضا شوق iiوحسـاس
لـو جيـت بتعبـيـه iiماينتعـبـا
الين تعشق فاتنه من بنـي iiيـاس
متربيـه بـس النـحـر ماتـربـا
القصيد الحر
الخلل في معظم الأحيان ما هو فـي iiالعقيـده
الخلل في الناس والدنيا وسـودان iiالكبـودي
فلسفة ان العرب ترطن عرب فكـره iiأكيـده
لو نزور الهند ما نرطن مثل رطن iiالهنـودي
واعتبار ان البحر ويش ينقصـه ولا iiيزيـده
مثل يوم من العمر لا راح لا يمكـن iiيعـودي
واختلاف الراي الآخـر لا نسميهـا iiمكيـده
علموا حزب اليمين الا طغى حزب iiاللكـودي
شاعرٍ مثل الجبل تبكـي عيونـه كـم حيـده
الشـرف لا مـات للأمـوات ولا لللحـودي
السؤال أخبال والعالـم وش اللـي تستفيـده
ودي أسولف عن الحجه ولا عندي iiشهـودي
أسمحولي يـا محـررة المجلـه iiوالجريـده
عن حرارة معظم الأجسام يقنعنـي iiبـرودي
شاعرٍ مجنون واسوّي لي من العالـم iiبديـده
والحقيقه ما هو فنقص العـرب ولا iiفـزودي
لكـن الأول مـن الثانـي مسافـات بعيـده
أنتعش يا اقتصاد اهل الأدب وانا ف iiركـودي
عربجي واتعب على البيت القوي واقدر واجيده
والقصيده كل ما غنيت ترقـى بـي iiسنـودي
انتصرت وما لقيت من انتصاراتي مـا اريـده
وانهزمت ولا تنازل كبريائي عـن iiصمـودي
والغلا ينصب فـي الخفـاق ويفجـر iiوريـده
يا سلام الله على اللي حبهـا بيّـح iiسـدودي
قالت ابن الذيب قلت ايه قالت عطني قصيـده
قلت يا لبيه ذعـذع يانسيـم ويـا iiوجـودي
يا وجودي وجد من محزنته اشيـاء iiعديـده
الأوله منها خضوع البيت الأقصى iiلليهـودي
تثني اعقال الغرام وكـن مـا يكفيـه iiقيـده
لعنبوها في القصيد الحر والشعـر iiالعمـودي
تسحب الولهان من قلبه وتحذف به مع يـده
غطرسة نزار مـع عفويتـك يـا iiالأبنـودي
عرضت كأنها ديانا قلـت أنـا دودي الفقيـده
أثر مابه واحدٍ مـا شافهـا ماهـو ب iiدودي
تشبه أحلى بيت قلته في قصيده لـي جديـده
يوم موّتتني هبايب مفـرق الحـد iiالسعـودي
امش سيده ثم تيامن يا تيامن وامـش سيـده
ردفها لا هزها النسناس والحبـل امعقـودي
لا تنهكت حدود منحرها سعـى للثـار جيـده
لين قررت أخمد الفتنه على كـل iiالحـدودي
يوم قامت معركه فيهـا مشاعرنـا شهيـده
ما كفاني في رغى البكره هديرك يا iiقعـودي
حركت قطب الجليد ف قلبي وذاب ف iiجليـده
وزرعت كل الصحاري في خفوقي بالـورودي
علّمت فكري يدافع عـن مباديهـا الحميـده
حثت الهاجس على بذل المزيد من iiالجهـودي
لين قامت ريحـة الحـب الجديـده iiوالعتيـده
تقتبس ريح المطر لا فاح به عشب iiالنفـودي
ثم حلفت انها ما تطري غير اسوّي لي iiقصيده
في ضواحي هل قطر والا على الحد iiالسعودي
سوق شرق
يا سليم ثنين قهوة تركـي وواحـد بكيـت
موشته لا سبيـل ابـن العراقـي لا iiمـلاه
استريت إن جيتك وإن روح الوقت iiاستريت
قالها واحد من العالم وانـا واقـف iiحـذاه
والتفت وقلت يا قلب التعاسـة وش iiبغيـت
لو غرامك شربة الدخـان ياحـي iiالشـلاه
البلا آلما يزعج الخافق ونينـك iiفالمبيـت
لين يرفع لي اذان الفجـر وتقـام iiالصـلاه
اصلب من الكنكـري إن خلطنـاه iiبسميـت
صدمة الشيخان لا ذلوا .. لهم عيال iiالرعاه
والدفاع الصلب يكسره الهجوم iiالمستميـت
والشجاع اللي يقارن مستـواي iiبمستـواه
ياهل الدوحه نصيحة كان رحتـوا iiللكويـت
جنبوا عن سوق شرق حسبنـا الله وعـلاه
فيه بنت الهاص طاغية ٍ على بنت iiالسبيـت
وان لقاها شيبة الديمن تعثر فـي iiعصـاه
من هنوف ٍ حبها قفى علـيَ ومـا iiدريـت
حطني في وجهـة المدفـع ولقانـي iiقفـاه
اتصل بي بارك الله فيـك لا منـك iiفضيـت
والجهاز اللي تنادي لي معه عطنـي نـداه
ذا كلامك يوم اسمِّعك القصايد بيـت iiبيـت
في الصميم وكل بيت ٍ ازين من اللـي iiوراه
الله اكبر يوم وكدت لي الوعد وضويت جيت
من تولـن وبديتتـك علـى وادي iiالميـاه
انصدمت بعنف في مالا توقعـت iiوغدييـت
مع كاهل ما عرف طعم السعاده في iiصبـاه
كل ماقلت اللقـا قلتـي اصـول iiالاتكيـت
ما يجوز موعد العشاق اسبـق لـه iiلقـاه
لو حجزتي لي جناح ٍ ملكـي وألا iiسويـت
اللقـا لابـارك الله فيـك لوفـرض iiخـلاه
موقع في الأرض ما لج فيه ذكرى iiلوفنيت
الظمـا والجـوع لعيونـك ولا زاده iiومـاه
كن في قلبي مثل شجاره اجنـوط iiالونيـت
لا شحطها اللي ظروف الوقت باحثت iiخفـاه
اطعنيني لاجل اقول آه أبوصالـح لا iiحييـت
وان رحلتي ماطعنتيني بعـد مـا اقـول iiآه
سارع ما رحتي وأنا توي من الأعماق جيت
قلت اعشقك من جديد وماياست من iiالحياه
والحقيقة مابغيـت ابكـي ولكنـي iiبكيـت
سالـت ادمـوعـي عـلـى ذيــه iiوذاه
ادري ان ماعاد منها شي لكنـي iiاستحيـت
تحسبين اني بدون احساس وان قلبي iiصفاه
ان رحلتي والغلا له في ركون القلب iiبيـت
يحفظك من سخر الهدهد لبلقيسـة iiسبـاه
لو ملكتي غطرسة هتلر وحنكـة iiلزابيـت
ما تناسيتي ليالي الوصل والحـب iiوجفـاه
اندهـي واقولـك لبيـه ياروحـي iiفديـت
ضحكة كنها مساء الخير من حلو iiالشفـاه
انتي انتي سبة الغـزو العراقـي iiللكويـت
ولو غزى صدام مرة ثانيـة بغـزي iiمعـاه
|