يا كرهي للي كل حياته لقافه !
يسألك عن هذا وهذا عشان ايش

ويزيد لا شافك ترد بلطافه
يفرح ب سرّك كنّه ايجيب له عيش

يسألك بالله ليش هذا تعافه ؟
وليش هذا ياخي ما تعشقه ليش

يسألك كنّه يشتغل بالصحافه
وإن ما تجاوب ينقلب قائد الجيش

إن شفته خل بينك وبينه مسافه
وإن جاك طنّش زهّقه بالتطانيش

أو جاوبه إن يسألك في طرافه
بالريش تبغى ولّا تبغى بلا ريش

أمّا عرف قصدك وحرّم لقافه
أو خلّه يزعل وخلها قفله بالشيش


( فيصل الجابري )