في البدايه بالنسبه للكيك نفسه انا استخدم حبيب قلبي خليط بيتي كروكر :004: الجاهز للكيك بانواعه ،
اضيف عليه 3 م ك دقيق واصلحه مثل مو مكتوب عالكرتون ..
بصراحه هي الذ شي للكب كيك .. طري مره وسهل وممكن تصلحين نصف مقدار الخليط اللي
بالكرتون
والباقي احفظيه لوقت ثاني اذا ماكنتي باغيه كميه كبيره :004:


1/ كـريمـة الخـفـق ..
طريقتهـا :
اخفقي الكريمه بالعجانه او بالمضرب الكهربائي حتى تثقل وتتماسك
ويفضل انه تحطين الوعاء اللي بتخلطين فيه والمضرب بالفريزر 10 دقايق يجمدون علشان تتماسك فيهم الكريمه ..
وحطي في بالك انها بتاخذ وقت طويل حتى تثقل - تقريبا 4 دقايق -
بعد كذا اضيفي عليها شوي سكر بودره وفانيليا وقلبي بشويش بالملعقه ،،
ممكن تضيفين عليها ملونات طعام او النكهه اللي تحبين - جيلي او مربى او كريمة بيتي كروكر او جبن فيلادلفيا او اي صوص حالي عندك -
بس مثل ماقلت واكرر بعد ماتثقل الكريمه لما تضيفين لها اي شي استغني عن الخلاط وبالملعقه استخدمي طريقة الثني ،،
والا تتسيح الكريمه ومافيه امل ترجع تجمد مره ثانيه .. :(




مميزاتهـا :
~ اسهل الطرق لتزيين الكريمه واخفها لانه مافيها دسم ابد :004:
~ وبالنسبه لي طعمها هو الاول بلا منازع

عيوبهـا :
~ مو كل الناس تجمد معاهم الكريمه مع الخلط << واتمنى اعرف السبب :confused:
~ فيه بعض انواعها طعمه كأنه حليب بيخرب عليك الكيك :(
~ لازم تتقدم اول ماتطلع من الثلاجه حتى ماتسيح شوي الكريمه :(
يعني ما افضل انه تستخدمينها اذا كنتي بتاخذين الكيك معاك برا البيت الا ان كان المشوار قصير ،،
~ مدة خفقها مره دقيقه ، لو خفقتيها اقل من المطلوب صارت سايله شوي وماتشكلت معك ،،
ولو زدتي مدة خفقها زياده عن المطلوب تحولت لزبده وتكتلت وخربت عليك ..



2/ الـدريـم ويـب ..
طريقتـه :
اخلطي ظرف دريم ويب مع بيالة شاي حليب بااااارد حتى يثقل ..

مميزاتـه :
~ ماله مميزات عندي بصراحه
لاني ما احب نكهة الدريم ويب لحالها احسها مره قويه :(
وانا من الناس اللي مهما خلطت الدريم ويب مايجمد معي كفايه للتزين والتشكيل

عيوبـه :
نفس عيوب كريمة الخفق ...




3/ Buttercream Frosting ..
مقاديرهـا - تصلح تقريبا 30 حبة كب كيك - :
3 ك سكر بودره
1 اصبع زبده لين
1-3 م ك كريمة خفق
فانيليا

طريقتهـا :
في العجانه او المضرب الكهربائي اخلطي الزبده والسكر لمدة 5 دقايق او اكثر ،،
في البدايه بتحسين كمية السكر مره كبيره وماراح ينخلط بس اصبري انتِ عليه شوي وبينخلط تمام :004:
بعدين اضيفي الفانيليا ، واذا حسيتيها ناشفه شوي اضيفي شوي كريمة خفق او حليب سايل واخلطيهم سوا ..
- لاتقولين كمية السكر كبيره بقللها او تذوقين الخلطه قبل لاتبرد وتحوم كبدك من كثر ماهي حاليه ، ترى بمجرد ماتبرد ماتتصورين كيف بيتغير طعمها :004: -
بعدين اضيفي الملونات اللي تبين وشكليها مثل ماتبين :004: ..








* بالنسبه للزبده افضل انه تستخدمين زبدة نادك لانها مو صفراء مره مثل المراعي ،،
و في الهايبر ماركت شي اسمه shortening يجي بعلبة حديد جنب السمن والزيت ..
مثل الزبده بس لونه ابيض واخف من الزبده بكثير ممكن تستبدلين فيه الزبده بهالطريقه ..



مميزاتهـا :
~ متماااااسكه لاقصى درجه وسهل مره تشكيلها :004:
~ طعمها لذييييذ وماتسيح مهما طولت برا الثلاجه :004: << الا لو صارت بحر شديد
يعني مناسبه جدا اذا بتاخذين الكب كيك معاك لاستراحه او بتبيعين فبازار او ملتقى
~ ممكن تضيفين لها النكهه اللي تحبين ،،
هنا بعد ماصلحتها ذوبت 100 جم شكولاته خام فحمام مائي بعدين تركتها تبرد شوي
وبالتدريج مع الخلط اضفتها على البتركريم وطلع فروستينغ ألييييييييم :004:




عيوبهـا :
~ دسمه جدااااااا وثقيله :(
~ احيانا تكون نكهة الزبده واضحه فيها ..
~ اذا استخدمتي الزبده مو الـshortening فماراح تحصلين على لون ابيض للفروستينغ ، بيطلع لك على صفار شوي ..



4/ Meringue Buttercream
مقاديرهـا -تصلح تقريبا 20 حبة كب كيك - :
3 بياض بيض
نصف كوب سكر
اصبع ونصف زبده لينه
فانيليا

طريقتهـا :
على حمام مائي اخلطي بياض البيض والسكر بس لاتخلينه يلمس المويه خليه على بخار الماء بس
- لازم يكون الوعاء اللي بتخلطين فيها ناشف زين مافيه ولا نقطة مويه -
وانتبهي لايجي عليه من موية الحمام المائي والا بيخربه عليك
واستمري بالخلط حتى مايستوي عليك بياض البيض لمدة 5 دقايق تقريبا او حتى يسخن الخليط ويثقل شوي مثل ماتشوفون :



ارفعيه من النار و بالخفاق الكهربائي او العجانه اخلطيه وهو حار لحد مايتضاعف حجمه ويصير كأنه كريمه بيضاء :



اضيفي عليه الزبده المقطعه لمربعات وارجعي اخلطي وهالمره بتاخذ وقت من 7 - 10 دقايق
وبالاخير اضيفي الفانيليا واخلطيه وبعد كذا الوان الطعام وشكلي مثل ماتحبين .. :004:











مميزاتهـا :
~ ألذ بكثييييييير من البتر كريم اللي فوق
~ اقل حلاوه منها ومايبين فيها طعم الزبده :004:
~ طعمها نفس طعم الفروستينغ اللي عالجاتوهات اللي بالمحلات
~ ومثل البتر كريم ، متماسكه جدا وماتذوب بسهوله :004:
وتشرف وتواجه وين ما اخذتيها معك ...

عيوبهـا :
~ العيب الوحيد فيها ان خطواتها تاخذ وقت مو مثل الطرق اللي قبل :(
بس تستاهل هالتعب :004: ،،
~ ممكن بعض الناس اللي ماتحب البيض ماتفكر تسويها بس حطي فبالك انه البياض بيستوي على الحمام المائي ،،
غير انه اتحدى اي احد يذوقها يعرف انه فيها بياض بيض ...



5/ Cream Cheese Buttercream
مقاديرهـا :
200 جم جبنة فيلادلفيا
اصبع زبده لين
2 كوبين سكر بودره
فانيليا

طريقتهـا :
بالخفاق الكهربائي اخلطي الجبنه والزبده والفانيليا حتى يصير الخليط ناعم ..
اضيفي عليه السكر واخلطي حتى يتجانس ويتماسك شوي وشكليه عالكب كيك ،
- غالبا يستخدم لتزيين الرد فيلفيت كيك :004: -





مميزاتهـا :
~ حموضة الجبن معطيتها طعم خطيييير وغريب
~ اقل دسامه من اللي قبلها ،، وبالمره سهل تصليحها :004:

عيوبهـا :
~ صعب تشكيلها لانه مو متماسكه مره :(
يعني ماتقدرين تتفنين بالاشكال فيها ، ولو جلست برا الثلاجه شوي بتذوب بسرعه ويخرب طعمها





~ BrB ....