08-25-2010
|
#659
|
|
|
اخف واطيب واسرع حلا تشيز كيك من مطبخي بالصور
اليوم جايبتلكم حلا تشيز كيك ولا اطيب من هيك
وكمان سهل كتير وما بغلب بالتحضير
نيجي للمقادير
بكيت بسكوت داجستيف انا استخدمت داجستيف التركي
من شركة ايتي عملت دعاية  هههههه
بس عنجد صبايا ما بفرق عن الاصلي باي اشي
حجم البكيت 160 غرام
تلات ارباع اصبع زبدة يعني 75 غرام
بنطحن البسكوت وبنحط الزبدة عليه وعالفريزر على طول
بعدين بنيجي لمقادير الخليط
علية جبنة نابليون 225 غرام فيكي تستخدمي كيري او لافشكري
كاسة حليب بارد +بكيت كريما او بكيتين للي بستخدمو دريم ويب بكيتين لانه بكيت الكريما اللي عنا كبير
سكر فيكي تحطي الكمية اللي بتحبيها انا ما عيرت
صفار بيضة مع فانيلا
علبة شمينت 100 ملم او فيكم تستخدمو لبنة طرية حامضة
معلقة عصير حامض
معلقة ونص جيلاتين بندوبه بفنجان وشوي قهوة
الطريقة
اول اشي بنخفق الكريما مع الحليب منيح بخلاط الكيك
لحد ما تحسيها جمدت
بعدين بنحط الشمينت والسكر وبنخلط
بنكون خافقين صفار البيضة مع الفانيلا وبنحطه عالخليط
بعدين الجبنة وبتقدري هون تخلطي بالخفاقة اليدوية
طبعا بنكون مدوبين الجيلاتين مع المي انا دوبته عالنار
وبنخليه يبرد انا شلت مقدار معلقتين من الجيلاتين المدوب على جنب
وحطيت الباقي عالخليط وبعدين حطيت الخليط عالبسكوت
بنحطه بالفريزر ساعة زمان لحد ما يجمد
وبعدين بنحط عليه الصوص
انا على فكرة صرت مجربة تقريبا تلات ارباع وصفات التشيز كيك
بس كنت اواجه مشكله لما اخلص واعمله ما كنت الاقي صوص التشيز كيك عنا واصلا لو لقيته غالي كتيييييييييير سعره
والجلي ما بحب طعمه فيه وكمان الفراولة حسيت مو كتير
خطرت ببالي فكرة وانا بطلع على ابني وهو بشرب كوكتيل
شفت هاد اللي بحطوه بالكاسة اللي لونه احمر بيجي من الشراب المركز بس مو حلو لهديك الدرجة
حكيت بدي اجيب واجرب احط عالتشيز كيك منه
حطيت مقدار فنجان قهوة او اقل شوي نصيحة ما تكترو
وبعدين حطيت الجيلاتين عليه صار جامد متل الجيلي وحطيته فوق الخليط الجامد
هون لما حطيت الجيلاتين عليه
معلش التصوير كان بالليل لهيك مو واضح كتير
شوفو كيف لون حماره بجنن وطعمه كتير طيب وخفيف
هون لما فكيت القالب
|
|
|
|