انه اول شمس ضلمه
انه المنتهي فوك الـ الرفوف وضاع صبره

انه حسبات السجين الضاع عمره
انه دمعه طفله تحلم بالورد وبديره صحره

انه لون عيون كل خاسر ضحك باخر قطار ويدري مامش بعد رجعه

انه حسبت مغرب بجف الغريب
الكلها تنضره بحقد لو ضحك مره

انه كلش مستحي من جلمه انه
الـ جسد لو ما بيه روحك
وين تنحط چلمه انه

يلا انه بلايه انه حلوه كلش
من تضيع وترجع وماهو مجانك

هذا انه .!

ياحطب .. يانار تحجي .
الحراره بكلبي لو بيك وعلي
لليوم تبجي

والله ندمان عله باجر
خاف ماصبح بالمجان البتت يمه
و محد يدورني زين وهيه هاي الهاضمتني

وين احصلي مثل كلبج فدوه يمه !


سجاد فلاح

مشكوره قلبي ضوى الليل على تصميم مميز ربي يسعدك يارب