جيتك من الفرحه على مهره الشـوق
تسبقني الخطوة علـى الـدرب قـدام
جيتك ولا ابالي ولـو يطلـع العـوق
جيتك وانا شوقـي موزعنـي اقسـام
لا..لا تهمك ناس ماتعـرف الـذوق
يسرون تال الليـل والصبـح صيـام
ياعـم لا منطـق ولا فيـه منطـوق
بعها ، ترانـي .. بايعتهـا للاعـدام
اخذ الرطب قول النخل يتمر غـذوق
خيب رجا اللي يرتجونه مـن العـام
واضرب على الكايد ان ماجاب برفوق
مليت انا ويـاك مـن عـدم الايـام

الشاعره
عابرة سبيل