خالد تنهد وقال بضيق: دام الموضوع مطول الغالي انا أبا املج على عليا وانته الحين وليها وهي في الحالة هاي مب مقبوله موافقتها أصلا لانها ما تعرف شي وبعدين انته ولييها أبا املج عليها
راشد يبتسم: والله انك اصيل يا خالد الشاهد الله اني ما بلقى حد شراتك يحبها وافعالك تثبت قبل قولك ليتنا ما تسرعنا وطلقناها منك وعطيناها لنايف خليناها سبيل لكل من هب ودب ياخذها ويتسلى بها جنها رخيصه عقب ما يشبعون فروها علينا .
تنهد بضيقه خالد وقال: عليا اشرف من شرف نفسه يا بو محمد لا تحط في بالگ كلامهم يمثلهم هم اللي مطلعين الرمسه على عليا ولا عليا انظف واصفى من الماء اللي ينشرب
ابتسم راشد بحب وهو يقول: والله يا خالد انى حبيتك وعزيتك سامحنا على اللي سويناه فيك
خالد يبتسم ويحط ايدة على كتف راشد: اخوعزيز وغالي يا بومحمد محد يزعل من اخوه وانته اخوي يا راشد..
ابتسم بصدق وبحب لـ هالإنسان اللي جدامه وقال: تم بملج بكم متى تبى
خالد بوناسه: الحين
راشد ابتسم وقال: فالك طيب بس ندور شهود وبنسير المحكمة
خالد بفرحه: تمام
سار راشد وخبر سعيد وحمد بالموضوع محمد بيروح وياه كالشاهد وسعيد بيروح وياهم كوصي عليهم كلهم وبيوز عليا لخالد وراشد الشاهد الثاني وحمد بيتم عند عليا في الدختر عشان محد يدخل عليها .... ساروا الشباب المحكمة ودخلوا على القاضي وقاله سعيد بصفتي انا وليهم والوصي عليهم بعد وفاة الوالد الله يرحمه نويت ان ازوج اختى عليا الثيبه الى خالد بصداق المقرر .
القاضي يسال عن عليا: والعروس وينها
سعيد يقدم أوراق وتقارير عليا انها مريضه وفي غيبوبه وهو كان طليقها ويبا يرجعها بعد ماقدم خالد للقاضي عقد القران القبلي ووثيقه الطلاق بعد ما طالع القاضي الأوراق وتاكد من
صحة الخبر اعلن خالد وعليا زوجين بشرع الله ورسوله وعطاهم خالد المقدم عشرين الف
وارتاح قلبه بانها ردت له وتملكته وطلعوا من المحكمة وسيده راحوا المستشفى ..
مرت الأيام تلوا الأيام وبدت الحمدلله عليا تستعيد وعيها والحمدلله على كل حال صحت من العمليه واغلب جروحها طابت ولله الحمد والشكر بس من بدت تفتح عيونها ما شافت شي تمت تصيح وتصارخ وتقولهم انا ما شوف شي انا انعميييت وكانت اصيح بانهيار وحضنوها اخوانها اللي ماعرفتهم منو هذيلا أصلا بس عرفت انهم أهلها وخالد كان عندهم وماسك يفجج بينهم وقال ببحه: من يقول انج انعميتي انتي لا انعميتي ولا شي هذي شوييية دم متجمده على القرنيه والشبكية نتيجة الحادث وسببت لج العمى لانها حجبت القرنيه والشبكيه كامله كانوا يتريونج تقومين عشان يسوون العمليه فديتج.
عليا تبا تتلمسه وتقوله: انتتته منووو !!! ابوي !!
انصدموا من عليا ولفوا يطالعون بعض واشر لهم يسكتون وقال: ايوا انا ابوج حبيبتي اللي يخاف عليج واللي كان يرقد عندج طول ليل في المستشفى وما يخليج
ابتسمت وهى تتحسس وييهه وحضنته وهى تبكي: بس انا ما اذكر ملامحك والحين انا انعميتتت كيف بشوف ملامحك ودي اشوف ملامحك واتذكرك
حضنها بحب وخوف وغصه واقفه في حلجة وهو يقول: ان شاء الله حبيبتي بتشوفيني وبشوفج هم يتريونج أصلا تقومين من النوم الطويل عشان يمشونج ويسون لج العملية يخوزون منج الدم اللي في عينج وبعدين باذن الله راح تبصرين النور وتشوفيني واشوفج وماتفارقيني وما افارقج
ابتسمت بطفوله وقالت بالم: اييييي راسي راسي يعورررني نادوا لها دكتور اللي يشرف ع حالتها ويأ وشاف الحاله وشاف عينها وهو يقول: شو تحسين يا عليا
عليا بالم: راسي يعورني ومسكت راسها وقالت ماشوف شي متى بتسوون لي عملية أبا اشوف باباتي
لف دكتور يطالعهم وغمز له خالد فهم عليه الدكتور وقال ببتسامه: قريب ان شاء الله
ابتسمت عليا وقالت : يوعانننه
لف عليهم وهو ياشر لهم يطلعون وياه برى تمت أمها عندها تغرف لها اكل ...
برى الغرفة
الدكتور ببتسامه: أبا اعرف شو سبب في نفسية عليا العاليه وكانها راضيه بالعمى
راشد يبتسم: بفضل الله وفضل هالريال الطيب وحط ايده على كتف خالد اللي ابتسم
الدكتور يبتسم وقال بفرحه: تعرفون ان معنوياتها اذا استمرت في التقددم واستمرت بها الطريقه عليا راح تتعافى بسرررعه ومادام ان لف على خالد وهو يقول : ما دام ان دكتور خالد موجود يساعدنا بمهمتنا عشان ننجزها في وقت قصير جدا.
ابتسم خالد وهو يقول: افا عليك يا دكتور العين ما تعلى على الحاجب بس انا من قبل عارف عليا وقادر اروضها وعرف شوو تحب وشو اللي ما تحبه .
الدكتور يبتسم: صدقوني بالمعنوية هذي راح نتجاوز هالمحنه بأسرع وقت وتستعيد ذاكرتها وبصرها بعد والفريق الاسباني امس غادروا البلاد لكن ان شاء الله اني بتواصل معاهم عشان يستقبلون حالة عليا ويبدون بالعلاج لها.
تنهدوا براحه الجميع وابتسموا بروح الامل وقال سعيد: دام الله وخالد معاها بامر الله انّ بنتخطى هالأزمة..
الدكتور: باذن الله حافظوا على روحها المعنوية اهم شي عشان العلاج
خالد بهدوء: ان شاء الله بس دكتور شو الخطوه ثانيه بس قطع عليهم صرخة عليا والعنود تزقر حمد اللي ربع هو وراشد داخل ودخل خالد وراهن بعد ما سمع راشد يقول عليا ؛ دخلوا الجميع وقال الدكتور: شو صار ؟؟
ام عليا توترت وقالت بغصه: كانت تبا تاكل ويوم عرفت ان ابوها متوفي صاحت
الدكتور بعصبية قال: ليشششش ؟؟ وبعصبية قال: برىىىىى لو سمحتوا
طلعوا الجميع برى وخالد بعصبيه قال: عمتي المفروض كرهج لعليا ما يخليج توصلين بنتج لهذي الحالة انتي تشوفين ان صار لنا سنتين نعاني اذا ما همتج بنتج لا تين المستشفى ارجوج خليج فالبيت وانا واعدج انها ماطب بيتج ولا تشوفينها بس لا تخليني افقدها وهي حيه سمعتي وراح داخل عند عليا وهو يشوف الدكتور كيف يحاول يسيطر عالوضع تنهد بغيض وقال بحده: عليييا
عليا اللي هدت من سمعت صوته وقالت: صوووت بابا
تنهد دكتور براحه وقال: وين بابا
عليا تحاول تتبع مصدر صوت وقالت: سمعته الحين زقرني وقالت بخوف: بابا
قرب منها خالد وهو يقول: عليا يا عيوني شفيج على الطبيب نحن ما اتفقنى ان نتعالج عشان تشوفيني
عليا تبكي: ماما قالت انته مت!!
حضنها بحب وهو يقول: امج لانها رعلانه مني شوي عشان جي قالت لج اني مت والحين انا قدامج
ابتسمت بحب وهي تمسح دموعها وربت الطبيب على كتف خالد وهو يقول: الله يخليك لها صدق ان وجودگ عظيم
عليا تحط راسها على صدره: تكفى لاًتخليني ماما تقول انا مينونه
عوره قلبه على كرهه عمته لعليا وقال بغصه: هي المينونه يا حبيبتي مب انتي هي تغار من حبي الكبير لج عرفتي ليش امج عصبيه وماتثمن كلامها
ولف على الدكتور وهو يقول بغصه ودمعه بين عيونه: محد باقي لي في هالدنيا الا هالقمر وهي تبا تسلب الفرحه مني وقال بغصه تكفى امنعها من زياره محد يياها تي صوب عليا ابدا
هز الدكتور راسه وقال وهو يربت على كتفه: فالك طيب .
حضنها خالد بحب ومسح على راسها وهو يقول: انتي نور عيوني وانتي قلبي وانتي شمعة حياتي تكفين لاًتتاثرين بكلام الناس
حضنته وهي تبكي وتقوله: ليش ماما ما تحبني
خالد بحب: تحبج بس هي تغار من حبي الكبير لج وتبا تشاركني في محبتج وغلاج بس انا ما عطيتها مجال مخلي القلب كله لج يا قلبي
باسته على خده وهي تقول: بابا وجودك قربي يحسسني بالأمان يحسسني ان الدنيا بخير
خالد بحب: انتي اللي لا تضيعين فرصه انج تردين للحياه بروح حلوه ومعنويه كبيره ولا تخليني بروحي ترا انا مابا االا قربج فهمتي
عليا بحب وهي تتنهد: حاضر بابا وتنهدت براحه قعد يلعب في راسها ويمسح عليها بخفيف وهو يتنهد براحه .
اما برى فراشد كان معصب من امه وقال:حررررام عليييج يعنى هي من بين الحياه والممات وما أثرة فيييج لا تجتلينها لنا انا وريلها نباها اوك وبعصبيه قال: حمد شلهن البيت ولا عاد تيبهن المستشفى فهمت ...
هز حمد راسه بالإيجاب وبقل حيله قال: لحقني على السياره وشل الحريم وياه ...
راشد دخل داخل وعوره قلبه عليها قرب منها وقال : عليا
عليا تسمع صوت وتبكي ودور عليه قرب منها راشد وقال وهو يمسح دموعها: لا تبكين فديتج
عليا تصيح : صوتك مب غريب عليه بس مب قادره اذكرك
حضنها راشد وهو يقول: فديتج حبيبي انتي شوي تعبانه تبين راحه وبتتذكريني
مسحت دموعها ولفوا على صوت الباب اللي اندق : السلام عليكم
راشد وخالد: وعليج السلام
الممرضه: انا الممرضه عايشه وهاي دكتوره نبيله كانت مشرفه على حالة عليا وقاطعها خالد وهو يقول: مب قدامها تفضلي برى نكمل الحديث مب ناقصين انتكاسات في الحاله
احترمت رغبتهم وطلعت وياه وطلع راشد وياه بعد ما قال لعليا ترتاح وهم بيوون بعد شوي
خالد وراشد بهتمام قال خالد وهو مكتف ايديه وراشد اللي سكر الباب وراه: خير دكتوره فيه شي
دكتوره نبيله: بصراحه مب عارفه شو اقولكم بس عليا قبل يوم يبتوها اول ما صار عليها الحادث كانت تنزف لفت على راشد وهي تقول: تذكر اخوي راشد يوم يبتها وانته شالنها بين ايديك شفت النزيف اللي كان يطلع من عليا مصدره من وين
راشد بتنهيده وخوف وهو يطالع خالد: لا والله ياختيه ماركزت ما كنت متفيق ذيج اللحظه كنت احاتي عليا
دكتوره مبيله تعدل نظارتها وتحنحن وقالت بصدمه: عليا كانت تنزف من الرحم ولما سوينا لها فحوصات تبين لنا انها كانت حامل ولكن طاح .
انصدموا خالد وراشد وقال راشد: كيف حامل كانت تأخذ حبوب منع الحمل ؟
الدكتوره تتنهد: اخ راشد حبوب منع الحمل متى تقطعها يصير حمل ع طول لان الاهرمونات تكون نشطه ومستعده وفي بعض الحبوب تكون جودتها في تحسين التبويض عشان يحدث اخصاب ولكن ماقدرنا نبلغكم قلنا مانقدر نزيد مواجعكم ولكن ياخوي راشد عليا المفروض ما تعرف بشي هذا وان شاء الله العمر قدامهم وبييبون عيال والحين انا طمنت عليها وعلى صحتها وامس سويت لها سيناريو عسان اتاكد من التبويض والرحم كل شي عندها بصحه جيده ولله للحمد ..بس راعوها لان الامل موجود وخلو عافيتها ترد وانا يوم شخصتها امس شخصتها على أساس اشعه مب تروحون اتقولون لها طبيبة نساء وتوليد والحمدلله على سلامتها والف لا باس عليها وراحت عنهم الدكتوره..
راشد بقهر قال: حسبي الله ونعم الوكيل فيك يا نايف الكلب راح تشوف شو بسوي فيك
خالد يحط ايده على كتف راشد: ما عليك منه خله يولي الحمدلله انه طاح ولا هذا كفو يربي عيال من عليا غير خيبته ..
تنهد راشد بقهر وقال: صدقك والله
خالد بضيق لف على راشد وقال: كله خير بامر الله انا بسير عند الدكتور وانته سر عند عليا خلنا نشوف شو نقدر نسوي ...
راشد: تم ما يهمك ... سار خالد صوب الدكتور اما راشد يلس في الغرفة عند عليا ...
عليا تتكلم وياه: وين باباً
راشد يتنهد : بي فديتج الحين
عليا: شو كانن يبن الممرضات
راشد: يطمنونا على حالتج وبشرونا انج بخير والحمدلله
عليا تبتسم : الحمدلله ...
راشد يقرب من عليا وقالها بحب: عليا فديتج شي يعورج ؟!
عليا تبتسم: لا فديتك بس صدق صوتك مب غريب عليه أحاول أتذكر صوتك
راشد يضحك: هههه بتذكريني ان شاء الله
ضحكت عليا معاه وتموا يسولفون مع بعض اما عند الددكتور ..
خالد يبتسم : حمدلله يعنى يستقبلون حالة عليا
الدكتور: هي الحمدلله ونحن خلصنا تقاريرها تقدرون تبشارون إجراءات السفر من هاللحظه
خالد : الخطوه الثانيه يا دكتور في العلاج شو
الدكتور: من هاللحظه بنيدا نسوي لها علاجات طبيعيه عشان المشي وتمرين الريول وشوي شوي لين ما تتعود لين مايتم وقت سفرها من يحين وقت السفر بنوقف العلاج وبنطلب منهم هناك إستمرارية العلاج بس اهم شي النظر يا خالد لازم عليا تستعيد نظرها.
خالد باستغراب: ليش ؟ يعني لازم ظنك استعاده نظرها مستحيله ودايمه مب موقته.
الدكتور يبتسم: هههه لا مافهمت عليه هو كل شي الحمدلله اطور بس قصدي اباها تستعيد النظر بسرعه عشان تشوفك وتشوف هالوجه الحسن.
ضحك خالد براحه وهو يقول: هههه خوفتني يا دكتور الله يسامحك عبالي فيه شي والله .
الدكتور يبتسم وبحب قال: في ذمتك في هالزمن في واحد يحب بصدق في واحد يسوي المستحيل عشان اللي يحبه .
خالد يبتسم:ماعليك زود يا دكتور الله يحفظك ماتقصر وتسلم على الكلام الطيب.
الدكتور يبتسم ويمد ايده يصافح خالد: الله يدومكم لبعض يارب واسمع احبار تفرح عن عليا وراح أكون متواصل معاكم باذن الله ومع الدكتور اللي بيكون مسوول عن حالة عليا .
خالد يصافح الدكتور ويبتسم :ان شاء الله يا دكتور تسلم وما تقصر ربي يحفظك ومشكوور على المبادره الطيبه.
الدكتور :افا عليك حق واجب
خالد ينش واقف: تسلم يا دكتور يزاك الله خير .
الدكتور يوقف احتراما لخالد: وياكم ان شاء الله وبالسلامه يارب
خالد: امين يارب العالمين
وطلع عنهم وسار صوب الغرفة وصل عندهم ودخل وهو ممبتسم: ان شاء الله دوم هالضحكة ويلس على الكرسي بتعب وهو يتنهد وقال: راشد ترا لازم نبدا بجراءات السفر سمحولها خلاص .
راشد وهو يشوف التعب على ويه خالد وسواد اللي تحت عيونه قال بضيقه: يا ريال ارحم عمرك يبالك راحه شوي .
خالد يبتسم: راحتي قربها وانا مافيني الا العافيه لا تحاتي لف على عليا وشافها ساكته تنهد وهو يقول: والحلوه ليش ساكته
عليا تبتسم : اسمع سوالفكم
خالد يبتسم: فديت روحج
عليا ضحكت باحراج وسكتت وقال راشد : انزين انا بخليكم الحين بروح اباشر في أوراق السفر وانته ارتاح ها بس من سهر وتعذيب النفس سمعت .
ابتسم خالد وهو يقول: ما عليك لا تحاتي ذيب اخوك.
راشد ابتسم وقال: ولنفسگ عليك حق
هز راسه بالإيجاب وقال: تامر طويل العمر ... طلع راشد عنهم وسار خالد يطلع له ثياب وقرب منها وهو يقول: حبيبي انا بسير اتسبح اذا تبين شي قولي لي الحين.
ابتسمت عليا بحب وقالت: سلامت قلبك
|