البارت واحد والثلاثون

بعد مرور اريع اشهر واسبوعين علي فاق من الغيبوية بس مايعرف حد ومايذكر شي وفاقد بصره نتيجة الضربة القوية اللي يته... خالد بعد ما تنازلوا اخوان علي واهله بما انه عاش طلع من السجن وتغيرت حياته 360 درجة استوى هاديء وبيتوتي وكله يتامل صور عليا ويحضن الصور ويبوسها يحس انه فقد اعز مخلوق عنده ... نايف وعليا قوت علاقتهم مع بعض اكثر ... راشد ودانه حبهم يزيد اكثر واكثر وصار عندهم طفل بين اياديهم حاضنينه ... سعيد وششما مكتقييين ببعض رغم انشغال سعيد في الدوام عنها ...


خالد كان راجع البيت سلم وقعد في الصالة يطالع التلفزيون تفاجا بمسج : واخيررا طلعت حمدالله على السلامه فديتك تولهت عليك حبيبي
توسعت عيونه على الاخير وهو يشوف المسج واصلنه من عليا معقوله رقمها ولا انا مضيييع من دوون شعور اتصل بها وماردت عليه تفاجا شو المغزى رد عليها بالمسج فديت قلبج يا روحي ما توقعت انج لين الحين تتريييني ويالسه على ذكراي عبالي نايف قدر يسعدج
ابتسم بينه و بين نفسه على المسج وقال اكيد يوم تفضى بتتصل
في مكان ثاني
راشد وعلايه ودانه ونايف يالسين يسولفون ويضحكون
راشد: انزين انتى ماتبين تحملين
عليا تلاشت ابتسامتها وقالت : الله ما كتب
راشد: بس مب غلط تفحصين وتتعالجين
عليا تضايقت من رده لفت لنايف وقال: صح كلامه انتي ما تبين تتعالجين انتي ما تبين عيال مني
عليا بعصبية: انته شو تقول ؟؟؟ لا تستتتهبل ناييييييييييييييف كيف مابا عيال منك
نايف بعصبية نش واقف قدامها وقال: انا اعرف انج ما نسيييتي خالد وانه لين الحين متربع في قلبج عشان جي انتى تاخذين مانع
انصدمت عليا وقالت بقهر: لا تظلمنننننننننننني انا مما قلت مابا عيال منك انا صح مب متاكدة من مشاعري صوبك بس مب معناته اني ما احبك
نايف فر الحبوب على ويهها وقال: وهذيل شو يسون في الدرج
عليا تمسك العلبه وبقهر: مابا اييب عيال في الوقت الحالي ونحن حياتنا مب مستقرة مع بعضض الحين يوم بدت حياتنا تستقر مع بعض فكرت انى اوقف الحبوب ابا اتاكد اني يوم بييب ياهل تكون الحياه مستقره يكون بين امه وبوه ما تكون حياته متزعزعه بينا فهمت الحين ...
نايف يمسك شعرها بقووو: لا ما فهمت لان لين الحين خالد في قلبج ما نسيتيه لين الحين تجامليني باسلوبج وكلامج العذب ولكن قلبج ما نبض الا لخالد وبسسسس ....
راشد يفجج بينهم ومسك نايف على طرف يهديه وعليا راحت بيت ابوها تبكي خلاص هي ماتبا هالنايف هي متاكده انه يشك فيها ولازال يعرف انه خالد في فلبها مب بيدها ان هالانسان عايش في قلبها حبها لخالد مب من يوم ولا يومين حبها لخالد السنيييين والسننننين وتتمناه يرجع لها ما قد غلط عليها رغم انه كان السبب في وايييييد اشياء ومنها انها سلب منها اعز واغلى ما تملك بس هي شافت الصدق بعيونه وشافت الحب بقلبه وبفعله ويوم خذت الحبوب عشان تتاكد انه الحياه ويا نايف بتكون مستقرة ولالا خوفها من الحياه الزوجية والتجارب الللي مرتهن في حياتها اجبرها انها تاحذ مانع عشان تحافظ على حياتها وحياتهم ماتباهم يعيشون حياة متكهربه وضياع بين ام واب ,,,

يعد اربع ساعات في الحوش ..
راشد : كان المفروض تهدي يا نايف يعني انته شايف علاقتكم كيف حلوه وكيف بديتوا تميلون لبعض ...
نايف: نرفزتني عيل انا تردني يا راشد تاخذ من ورايه الحبوب من دون ما تخبرني معناته انه حبيب القلب بعده عايش في القلب مامات متملكنه
راشد يتنهد: الله يهديكم مب زين عليكم تسون جيه نايف شفيك ترا اللي صار لعليا كله جدام عينك وشايف وعارف كل شي عنها وحاضا ترى مب سهل اللي صارلها من ريال لين ريال جنها استغفر الله العظيم مابا اشبهه اختى بالخامات بس حس بمشاعرها قدرها يا ريال
نايف وهو يشوف نصرى يايه عندهم: انا ما قلت شي انا اباها تخبرني تقول لي كل شي ماباها تقص عليه ..

نصرى وعلى ويهها ابتسامه محد يعرف معناها: وين عليا
نايف صد عنها الطرف الثاني اما راشد قال وهو يصغير عيونه : ليشش
نصرى مسكت تلفون عليا وقالت: الحب رجع للحياه ونطرت حوايبههها للفوووق وابتسمت بخبث
راشد: شوووو عقد حوايبه وقال: انتتتتتتتي شو تقولييييين فهمينا اي حب واي خرابيط
نصرى تحط التلفون على الكرسي وقالت: شوفوا التلفون وبتعرفون ليش عليا ما تبا عيال من اللي ضحى فيني عشانها وابتسمت بمصخره وراحت ...
نش نايف ومسك التلفون اول واحد وفج المسجات وشاف الرسايل اللي بينها وبين خالد كانت شغاله طول اليوم من العصر لين الحين تبادل حب وغراميات
ركبه ستين يييني يوم عرف انه خالد طلع من السجن وان بينهم تواصل وشوق لين الحين مسك التلفون بالقو ورص عليه بيده على امل انه ينكسر التلقون بيده وسار سيده بيت عمه دخل غرفتها ولقاها منسدحة عالشبرية طاح فيها ضرب بكل قوووته وهو يتهمها بالخيانه وعليا مستسلمه لضربه ما ينسمع منها غير شهقاتها لدرجة ان ضرب راسها فاليدار وعلى الكمدينو وطلع عنها وخلاها والتلفون في ايده، دخل راشد وسار يشوف اخته لقاها جثه هامدة ما تتحرك ابدا والدم مغرق وييهها شلها راشد وسار الدخختر يلحق اخته لا يصير فيها شي وبعصبية قال: بعدين لـــــــــــــــــــــــــــــي تفاهــــــــــــــــــــــــــــم ثاني وياكــــــــــــــــــــــــــــ
دانه بعصبية: انته مينون ؟؟؟؟ ليش سويت جي انته مب واثق في عليا انته تصدق نصرى اللي تبا تهدم حياتكم
نايف وعينه حمرا من العصبية: التلفون تلفونها والمراسلات اليوم من اربع ساعات عندها خبر انه الحلو بيطلع عشان جي تاخذ حبوب ماانع حمل عبالها بترد له.. لكن حامض على بوزها ....
وبعد مرور اربع اشهر كان الكل يتريا عليا تفيق من الغيبوبه اللي سببها نايف لها من ضربه وراشد شل تقارير عليا وراح المحكمة وطلب طلاق عليا من نايف لضرر وطلقها القاضي منه ودانه كانت متضايقه من هالوضع اللي صار بينهم حتى راشد قطع علاقته بنايف نهائيا واستقر هو ودانه في بيت اهله وسعيد كان متضايق من اللي صار وسال خالد عن موضوع المسجات خالد قالهم انا من طلعت من سجن ماقد كلمتنى عليا قاله سعيد والمسجات اللي بينكم قال خالد ماعرف لها جواب سالوا اكثر من اللي كان له مصلحة يخرب زواج عليا من نايف اما علييا انسانه وفيه ماتخون العشير بس الحسافه انه هو ماعرف لها ولا يستاهلها ، نصرا كانت مصدومه من اللي صار لعليا وحملت من مايد ويابت بنيه معاقه وكانت تبكي لانها ظلمت عليا في حياتها وايد وهي اللي تسببت بترقيد عليا اربع شهور وفي غيبوبة الله اعلم متى تطلع منها فراحت الى سعيد اخوها وكلها ندم واعترفت بلي سوته لعليا وانصدم سعيد منها ماتوقع هاشي وشما اتصلت بنايف اللي عرس وعاش حياته ويا بنت خاله وقالت له كل شي وهي تصيح وتقوله: الله ما راح ينسى ظلمك لعليا يا نايف خافوا من الله بلي سويتوه فيها..
نايف مصدوم من كلام شما وطاحت السماعه من ايده وسمع حرمته تقول: شوفيك حبيبي
نايف بصدمه طالعها بعيون حيرانه وضاق خاطره دخل غرفته وسكر الباب بالمفتاح وقفله بالباب وتم يبككككي على حبه اللي ضاع ويبكي الانسانه اللي حرم نفسه منها ولعب بمشاعرها على حساب رغبته وبس عشق تفاصيل جسمها وحبها لشهواته وملذاته نسى ان قلبها طفولي ترضيه كلمة اسف وبسمه من شفاته حاول يجدد حب خالد في قلبها ويتهمها بانه لين الحين تتواصل وياه يا كبر ذنبك يا نايف ويا ويلك من ربك تجاهل صوت الباب ودقاته وصرخ باعلى صوته خلونييييييي بروححي مابا اشووووف حد

اما فالمستشفى كانوا دانه والعنود وحمد وشما وراشد وخالد اللي مافارق المستشفى وكل يوم يدخل عندها يكلمها بعد ما يروحون أهلها كان يبكيها ويكلمها وكأن يكلم امه كأن طفل يترجى امه تقوم من نومها كملتي اربع شهور وعشرين يوم يا محبوبتي ومافي تقدم في حالتج وانا اخافدمن الليلدووحشته بدونج حس بيد على كتفه لف وشاف راشد: والله انك اصيل يا خالد ما خليتنا يا ولد الايواد
خالد تنهد بضيق: انته ما تعرف عليا شو تعني لي
راشد يبتسم بتعب: اعرف والله انها تعني لك الكثيرر واعرف انها روح روحك وقلبك لكن هذا حالها من اربع شهور واليوم كملت 20 يوم من شهر اليديد وهي ما انتبهت ولا ابصرت النور يا خوي تقدر تقولي شو بتستفيد من وقفتك
خالد يبتسم وفي عينه تلمع الدمعه: يكفي اني قربها
يكفي اني اشم ريحتها يكفي اني احسس بالأمان بوجودها يا راشد
راشد بحب اخوي: اصيل يا ولد الناس مافي مثلك اثنين
خالد ابتسم بهدوء: صدقني ما ترجع لي الحياه الا اذا رجعت عليا لحضني
راشد ابتسم: وهذا اللي بيصير الا تعال ما قلت لك بلغت على نايف اليوم بعد اخر تقرير طبي طلع
خالد بضيق: وشو التقرير اللي طلع اليوم طمني
راشد تنهد بضيق: والله النتايج ما تبشر الدكتور يقول ان فاقت من الغيبوبه في هالايام راح تكون معرضه للاصابه بالعمى دايم لان الضربه في النحاع وضربة الراس مب هينه وانا اخوك
خالد بغيض وقهر: حسبي الله عليه ونعم الوكيل عسى ايده الشلل اللي ما يلقى له علاج
راشد بضيق: وحياتك لطلع لعليا منه تعويض الكلب دمر حياة اختي وافقدها بصرها
خالد بضيق: بتسلم التقرير لشرطة المستشفى
راشد: نعم
خالد تنهد بضيق: فيها تحقيق ترى الموضوع مب هين يا خوي
راشد: دريت فديتك بس قول يارب انها تقوم هالاسبوع الدكاتره يقولون ان 40٪ ممكن انها ترد للحياه في هالايام و60٪ يقولون ان تجاوزها لحالة الخطر قليل بمعنى ان نسبة تخطيها الخطر قليل جدا لان عليا من فقدت الوعي ودخلت بغيبوبه ماعطتهم أي اشاره عن رجوعها للحياه
خالد يبكي: يعني هي الحين تعتبر ميته سريرياً يعني عايشه على هالاجهزه تكفى راشد خلنا نشوف الفريق الطبي الاسباني اللي ياي زياره تكفى خلنا نيبهم هنيه ويشوفون حالتها وهم يقرررون ويشوفون نسبة عودة نظرها وعودتها للحياة
راشد يتنهد بالم: اكيد اني بطلبهم بس اول اشوف الوقت المناسب عشان اييون
خالد بقهر وعيونه تذرف: مافي انسب من هالوقت عليا قاعده تروح من أيدينا ونحن حاطين أيدينا على خدنا ما ينفع يا الغالي انا بتصرف وبطلبهم انته شكلك وايد تعبان ومرهق وانا مالومك
راشد بضيق: والله وايد يا خالد مب عارف شو اسوي ...






البارت الثالث والثلاثون

خالد يتنهد وبضيق قال: يهونها الرحمن الرحيم يا الغالي انته لا تهتم روح البيت وارتاح وان شاء الله انا بتواصل رياك اذا في شي وبستدعى الفريق الطبي الاسباني ...
هز راشد راسه بايجاب وراح عند دانه شلها ولف لخالد اشر له من بعيد بمعنى سلام وراح .. وبعدين سعيد وشما والكل بدى يروح الببت ...
العنود ممن ردت البيت وهي تبكي صديقتها وخبرت شيخه بلي صار وتمت شيخه تبكي وياها وتصيح ويدعون لعليا ربيعتهم واختهم وحبيبتهم وعزبزة وغاليه على قلوبهم جميعاً ...
في المستشفى
خالد يكلم الطبيب المناوب: متى يعني بيون أي وقت
الطبيب: والله احتمال اليومين هذيلا على وصول الفريق الاسباني
خالد: دكتور الله يرضى عليك نباهم يشوفون حالة المريضه عليا
دكتور 👨‍⚕ يفصخ نظاره ويبتسم: اكيد نحن حاطين في اولوياتنا ان عليا تكون من ضمن الفريق الطبي اللي بي من اسبانيا
خالد : اقدر اعرف من المستشارين المتواجدين في الوفد الطبي اللي بيحضر
دكتور: في الحقيقه مستشارين كثار منهم للعظام ومنهم للقلب ومنهم للجهاز الهضمي ومنهم مسالك بوليه ومنهم مستشارين مخ واورام ومنهم بصر ووانف واذن وحنجره وايدين بس اللي يهمنا الحين انهم كلهم يطالعون عليا يشيكون عليها وبيطلبون لها صوره سريرية واشعة عشان يعرفون حالة عليا بالضبط وفي دكتور اسباني متخصص بمعرفة النزيف الداخلي عن طريق الاشعه اللي بنسويها ورغم هذا راح نشوف شو متطلباتهم ويارب خير
خالد بشوية امل: يارب وما خاب من ناداگ يارب ... انزين دكتور قولي صحيح الكلام المتداول ان عليا ما تجاوزت مرحلة الخطر بنسبة 60
الدكتور يتنهد: في الحقيقه يا خويه خالد والله انا اشوف انها تحاول ترجع للحياه بس انا أبا اتاكد من ضربه هل فعلا افقدتها البصر ولالا لانى كم مره عن طريق الاشعه والفحوصات الطبيه او الفحوصات السريرية اللي نخضعها فيها اشوف عندها قدره لرجوع للحياه بس خوفى انها ما تسمعكم فعشان جي ردتها للحياه صعبه فعشان جي نحن نقول ما عطتنا اشاره لرجوع فالحياه بس انا أبا اتاكد من شي هذا هو فعلاً عندها سمع ضعيف ولا انه في شي ثاني ماثر عليها ..
خالد يتنهد بضيق : يا حبيبتي يا عليا ان شاء الله تقومين بخير وسلامه ...
الدكتور يتنهد: باذن الله يا خوي بتسمعون الاخبار الطيبه
ابتسم خالد وصافح الدكتور وطلع عنه سار غرفة عليا وتفاجا بوجود نايف عند الباب يبا يدخل خالد من الغيظ اللي فيه سحبه من كندورته وفره على اليدار اللي ورى وقال بعصبية: لك ويه بعد تي شو يايبنك هنيه تبا تجتلها
نايف بضيق وتعب : خلني ادخل عندها دخيلك يا خالد محتاج اكفر عن اللي سويته
خالد يدفره بقووو ويبعده عن منطقة الغرفه : انته ياي تكفر عن سواتك انته مجرم وسواتك ما يتكفر عنها وذنبها في رقبتك لين يوم الدين اذلف منيه لأخلي الامن يسحبونگ
نايف بقهر: محتاجججها والله محتاجها ودي بقربها لو ساعه
خالد بعصبيه يمسكه من كندورته وينادي الامن وقالهم: هذا طلعوه برى المستشفى ولا عاد اشوفه مره ثانيه هنيه ..
شلوه الامن وطلعوه من المستشفى اما خالد فخذ شهيق طويييييل وزفره وهدى اعصابه شوي وحط تلفونه عالصامت ودخل عند عليا قرب منها وهو يشوف الأجهزة اللي مغطيه جسمها ويشوف دقات قلبها باسها على راسها وهمس في اذنها: يا ملاكي النايم يا ليلي طويل ماشبعتي نوم هنت عليج يا غلايه تخليني في هالدنيا بروحي بسسج نوم ولهت عليج وعلى عيونج وعلى دفى قلبج وحضنج مسك ايدها اللي فيها ابرة المغذي وباسها طلع تلفونه وشغل سورة البقرة وخلى التلفون قربها من اربع شهور وهاي عادته مايخليها وكل يوم يشغل لها سورة البقرة ويتم عندها وتغفى عينه وهو يالس على الأرض وراسه على ايديها ما يبعد عنها ابدا يتسبح في المستشفى وينام في المستشفى صار المستشفى بيته الثاني واخوانه ايبون له ملابس كل يوم ولا يفارق عليا ولا دقيقه ولا ثانيه تنهد بالم وهو يشوف التعب وسواد في وييهها قرب منها وباس خدها: قومي حبيبي والله مخنوق ومحتاج قربج ومحتاج حضنج ولمسة ايديج وضحكة شفاتج لين متى بتخليني بروحي يا دوى جروحي يا معشوقتي النائمة طويلا سلامٌ على عيناگ النائمات وطهر روحگ يا ملاذي عند الشدايد لم أرى حبا اطهر من حــــ❤بــــگ ولم أرى قلباً ارق من قلبگ الى متى هذا سبات العميق الم يحين وقت اللقاء يا ملاگي انهضي فالشوق قد بلغ مداه والصبر تثاقلت عليه العزائم اعهدگ قوية كالجبال وشامخة كالبرج وصبورة وغيورة ومطيعة الم تذكري ماضينا الم يحرگ الشوق الذي بداخلگ حبنا الم ترين في وجوه بعضنا لبعض طيف هوانا وصدق محبتنا اتتعهدين لي ببقاء قلبگ لي لن اسمح لأي شخص ان يقترب منگ فأنا الحارس الشخصي لگ قد وليت امرگ منذ ان اصبحتى تلازمين هذا السرير فعيناي لم تهوى النوم والقلب لن ولم يهوى غيرگ الى الابد احببتگ يا صغيرتي ويا معشوقتي ويا حبيبة قلبي . باسها على خدها وهو يتفداها وهمس في اذنها: أعشقج علايا تذكرين حبنا الكبير لبعض تذكرين صدق المشاعر اللي بينا عليوه انتي ملاكي انا انتي لخالد وبس ومحد راح يأخذج مني وهذا وعد قطعته على نفسي ولج عين تنظر وبتشوفين كيف اعادي الكل عشانج محد اغلى منج يا قلب خالد باس ايدها وخدها ومسح على شعرها وقرى الفاتحة سبع مرات عليها وقعد يقرى عليها الادعية اللي حافظنها وينفث على راسها شاف تلفونه يرن شل التلفون وسار صوب الدريشه ورد وهو يقول: هلا فتون
فتون: وينك خالد
خالد: عند الحب
فتون بضيقه: مافي اخبار عنها
خالد يتنهد بضيق: لعل خير ان شاء الله نتريا الفريق الطبي الاسباني وان شاء الله خير
فتون بأمل: يارب يا خالد انها تقوم من هالغيبوبه
خالد بأمل: عسى ان شاء الله يارب ادعي لها ياختيه
فتون بقلب صادق: يالله يارب يقر عينك فيها يا خوي وتشوفها قدامك
خالد تنهد بضيق على مشاعر متخربطة: امين يارب العالمين
وبعد مرور يومين يووا الفريق الطبي ومنعوا تواجد الاهل بشكل موقت حتى يتم التشخيص بشكل ادق وافضل دون شوشرة وتوتر ...
في غرفة عليا بعد ما تم تشخيص عليا بدقه الدكتور الاسباني يكلم الدكتور المسوول عن حالة عليا وقال: بعد الاطلاع على عينات المأخوذه من المريضه أتضح لنا الاتي فيه نزيف داخلي على الكبد لابد من خضوعها لعمليه بأسرع وقت هذا أولا اما ثانيا تحتاج الى خضوعها لعمل منظار من اسفل حتى يتم معالجة النزيف الداخلى والسيطره عليه قبل ان يتم تليف الكبد بسبب الدم ، ثاني شي نطلب لها من بنك الدم دم للمريضه من نوع فصيلتها اذا لم يتوفر احد من نفس الفصيله وثالث شي وهو سيء جدا للغايه نتمنى ان النزيف ما يكون من الفترة المحدودة اللي هي من تاريخ الغيبوبه لانه هذا راح يكون موشر سلبي وعلى عدم قدرتها للرجوع للحياه نامل ان يكون النزيف الداخلي من الفترة الحالية فلذلك نطلب صورة مغناطيسية للراس حتى نتمكن من معرفة وجود النزيف الداخلي في الراس ام في الأعضاء الداخليه ورابع شي لابد من إعطاء المريضه ابرة تجلط الدم حتى لا يتخثر دمها ولكن بعد العمليه وبعد ان تستقر حالتها اما في الحالة هذي يصعب اعطاءها ابر تجلط الدم اما بخصوص النظر فانا راح اقيمه اخر شي مب الحين ولو سمحتوا جهزوا غرفة تصوير المغناطيسي وطلعوا نتيجتها بأسرع وقت ... بعد ساعه بالضبط تبين ان النزيف كان عندها فالمخ بعد ان تضرر النخاع المستطيل اللي متصل بعصب البصر وهو أدى الى نزوله على الكبد من خلال التجلطات اللي صارت لها في الأعصاب والأوردة المؤديه الي انتقال الدم فبدوا بالعمليه الأولى وهي منظار من الأسفل ومحاولة السيطرة على النزيف من خلال ادخال انبوب رفيع قد شعره وسحب الدم المتجمع على الكبد ... وبعد اربع ساعات تم اجراء عمليه في الراس وكانت من اصعب العمليات واللي نجاحها صعب جدا لكنهم مضطرين الى وقف النزيف الداخلي وتم عمل فتحة في موخرة الراس وإدخال منظار يصطحبه كيمرا حرارية وتم من خلاله اكتشاف الاوردة المتخثره بالدم وتم محاولة سحبها من عدة اجهزه تم إدخالها عبر الفتحة اللي في راس وتم مشاركة اكثر من دكتور في العمليه وكلنت الدقه مطلوبه حتى لايحدث أي خطأ في العمليه انتبه الدكتور على تدفق الدم اليديد من الوريد اللي تم فتحه وتوصيله بالعصب الخاص به واتقن ان العمليه بمشيئة تمشي في نجاح وراح نتجاوزخطر العمليه بعد ساعات طويله واللي ثم قضائها في فتح أورده واتصال أعصاب بالاورده الخاصه بها وشفط تخثر الدم وتجلطه من بعض الاورده تم خيط الجرح ووضعها في غرفة الافاقه والعنايه تحت المراقبه وامر الدكتور بمنع الزياره عنها 48 ساعه وتكثيف الرقابه على حالتها ومراقبه الحالة عن طريق شاشة كمبيوتر تم وضعها في غرفة العناية توضح سير العمليه وكيفية اجراءها وان يتم تدقيق اكثر ان كانت هناك مشكله وحتى يتم تجنب الخطا الطبي الغير مقصود ... بعد ذلك طلع الدكتور وطمنهم وقالهم دعواتكم بس لها وابتعدوا عنها هالفترة ....


بعد مرور أسبوعين تم الحمدلله تحسن حالة عليا ومقاومتها للغيبوبة بدت ترجع للحياه وتم تشيك واخضاعها مره أخرى لصور وتحاليل فاتبين ان كل شي عندها سليم وأيضا العملية اللي في المخ بدت تعطي نتايج إيجابية على تقبل عليا للعلاج ورجوعها للحياه ولكن مرحلة صحوه من الغيبوبه قالهم الدكتور ممكن من شهر الى شهرين او ثلاثه وقالهم افضل انها ما تقوم الحين افضل انها تكون في الأشهر القادمه عشان الجرح العملية يكون بدأ التأم وحتى لا تضرر بالمه وبدووا الأطباء يعطونها فيتامينات وادويه تساعدها في مقاومة المرض والتعب عن طريق ابرة الوريد وتم ادخال بعد ابرة المغذي ليمد الجسم بالطاقه شويه.... وبعد ما تصحى من الغيبوبة بيشوفون النظر ...

بعد مرور 6 شهور فاقت عليا الحمدلله من الغيبوبة وبدت تسترجع بعض الأشياء تتالم وايد من راسها عطوها مهدئات والحمدلله شافوا انها بدت تتحسن وبدت تتحرك لكن بعدها ما فتحت عيونها بس بدت تحرك ايدها الحمدلله الفرحة عمت الجميع واكثر شي خالد واخوانها رجوعها للحياه بامر الله قد حان حمدوا الله وشكروه وكم مره يإ نايف المستشفى عشان يقعد مع عليا ويشوفها لكن الكل رافض وجوده وخالد ابدا ما خلاها وراح عند راشد وقاله: طلبتك يا بو محمد
راشد يربت على كتفه ويبتسم: عطيتك يا الغالي