منتديات قصايد ليل - عرض مشاركة واحدة

08-18-2010

السالفه ماهي بفـــــزعــة مشـــاعيـــب
عشان نعرف من تــردّى ومـــن طــــاب

ولاهـــي بحب خشـــوم ومرزاقه طيـب
ولاهـــي بطلبه عند عكفــــان الأشنــــاب

شئ قضاه اللّه فـي ليل والغيــــــــــــب
لونعلمه ماكان نســـــــــــــعى للأسبــــاب

لاضقت من حاجه نصيت المراقيــــــب
وحشـّمت نفســـي عـــن ملاغاة الأقــراب

مابي علي الناس تمســـــك مقاضـــيب
ولاابي علــي من البـــــشر ينفتح بـــــاب

والهــــقوة اللي عقبها يقنــب الذيـــب
ماهــي بجوع ولابها نبــــرة عــتـــــــاب

ماغير هـــزة شوقــه يجيــب ويجيــب
وانت الله اللـــي معتقك كل مــــــاجــــاب

طابت علومــك مايقرب لك العيــــــب
وأنـــا عن اذنك بأحرف الهــرج لـذيـــاب

ياذياب مــرّ الريـــــل سكــّه الشيـــب
لا دق نجــــر ولاحــظــينــا بـــتــــرحــاب

ضيوف جينا وانكـــرونا المعازيـــب
اقراب في السهله وفي الصعبه اغـراب

ياذياب يمكن مخطي ويمكن مصيب
مدري ولكن كن ماحولـــــي اصـــحــاب

الذيب لا منــّه عـــوى جاوبـه ذيــب
وإلا الغراب إليا نعق جــــاوب غـــراب

لكن ترا يا ذياب ما من مــواجيـــب
من يوم شفت الحمـــّـرة تفرس بــــنات

نويت والنيه على وجهي اغـيـــــب
وإليا نشدوا عني فقل خاطره طـــــاب