حتى عرق وجهك اليا زاد الملام
ورد يبللها الندى في مطلعه

تدري شكثر فيني شعور من الهيام
كثر الكلام الي علينا نسمعه

خذني من يدينك تعبت من الزحام
سافر بي عن ضيق الليالي الموجعه



انا وصلت لمرحله في هالغرام
اني اشوفك بالجهات الاربعه

كل ابتسامه منك لغيري … حرام
حتى لو ان فيها اجر او منفعه

يا شعرك اللي علم الليل الظلام
يا مبسم مهما ابوسه ما اشبعه

ما اتبع المقفي … ولو عالي مقام
الا انت من بد المخاليق اتبعه

عيونك الكسلى قبل وقت المنام
تعطي قصيد الشاعر المبدع سعه

دامك معي … لا يشغلك كثر الكلام!
احد ما يكون بخير والجنه معه؟؟