مريت دار اللي من العام هاويه
ابكي واصوت اه ياكثر حزني
اقفى وخلا ني وانا اللي ابكيه
حتى نهار العيد دمعي بوجني
الله يعلم كم من الروح اغليه
مدري علام الزين صد وهجرني
ماظن احد فالكون حتى اهاليه
احدن يحبه مثل حبي فظني
وان كان هو مرتاح ربي يخليه
ياجعلني بالموت دامه امتهني
بظل طول العمر ابكي واناديه
واكتب من الابيات لجله واغني
صحيح ماني اول انسان يبغيه
لاكنني اول من عشقت وعشقني
حبه علي دينن ولازم اوفيه
مهما ظروف الوقت عنه ابعدتني
وان كان خلي شاف غيري يسليه
ياجعل غيري يسعده زود عني
ياجعل ما اتمناه دايم يلاقيه
ياجعل يفرح كثر ماشاف حزني
ياجعل كل الورد ينبت براضيه
ياجعل ربي يستجيب التمني
رفيق الأحزان