لو باقين غربه ولا تطورنه
جا هسه ولا شي بينه يوجعنه

صمينه الخبر عالناس مبتعدين
بس كالت ملامحنه

كلهم بالبدايه طوخ ويبهتون
مثل سوالف الحنه


وشبيدي عالقلب لو حن
واضح من ملامح وجهي

متغيرين اللي يكلي فلان وين
اصفن!!!

لو ادري النهايه هيج راح تصير
جا باقي على كد الكلام احسن

ورغم كلشي بعدني اشتاق
واتامل تصاوريه

وارد فشلان جن فشله الاجه ملهوف
لكن خانه تعبيره

يعرف بيه لا انساه واشبع نوم
ولا مثل البشر لو راح احب غيره

ويكتلني اليلوم وما عرف تعبي
انطي الروحي كلمه عايفه وناسي
بس المشكله بقلبي

صارت بيك من تغار من كلشي
وتطم بأثر رجليه اذا يمشي

يسألونك عليه وتكلهم عشي
صايم لو بي لو ما افطر

مرت بيك كلشي بيتك يذكرك
وتبجي والدمع ما يكدر يصبرك

تترك واقعك وتنام من قهرك
وبس تغفى يمرك باحلامك

شسولفلك من طيوفه علي هدو
وعلى صوت البواجي كل هلي كعدوا

رادو اسكت وحاولو وما كدرو
وكامو بصوره يسكتوني

هم كبران بيك القلق والافكار
وتضل واكف بشارعهم ليالي نهار

ومن الجاي والرايح تجدي اخبار
ولو كالو زين ترد روحك

هم كاعد كبالك وانت متجي
وسكته ثنينكم وعيونكم تحجي

تتمناها تمطر حتى من تبجي
محد يعرف نقطة ضعفك

متخبل عليه وعاشك خبالك
وياهو اليشوفك يكلك شمالك

وانت بالصلاة ويخطر ابالك
وثمن ركعات تصير المغرب

على كثرة اهماله تكبر الحسره
اقرر بالنهار انساه بس بالليل اتذكره

ياعمي العشك مو ثوب
حتى بكيفنه نغيره

مثل اسمك للموت يتبعك
تشرد وين والخنكه تجي تلوحك

تركب ليراه تقلل جروخك
تضل تدعي اله وماتندعي الروحك
ساعتها تحس قلبك ضدك

وشكو عندك جروح الليل فززها
تطلع صورها وتشتكي المن
من الحركه ليقلبك بيدك تشكهن
ومن صباح الله تلزك بيهم