لا تكبر صغير ولا تصغر كبير
وانتبه والمعادن ميز فروقها

وانزل الناس منزلها وخلك بصير
واعط كل الخلايق صافي حقوقها

الكبير ان حشمته ترا ماهو كثير
شمس الاخلاق محد يحجب اشروقها


والصغير ليا شفته بعينك كبير
صغرك والحسايف تشرب امروقها

زهرة الروض لو منها يفوح العبير
بعض الاحيان تلقى السم بعروقها

والليالي تحرق اللي خفوقه حرير
والقلوب الرقيقه كثر حروقها

مايعذب نظيف القلب غير الضمير
والهقاوي ليامن شحت ابروقها

والبشر ما سلم منها طويل وقصير
ناس موتى ولا سلمت من حلوقها

شح بالمدح لان المدح ماهو يسير
لو كنوز المدايح سرق صندوقها

من غدا النعم لاكايد ولا هو عسير
قام حظ الردايا وارتفع سوقها