عسى الله يعين اللي فقد راحته فالنوم
“” له شهور وهمومه تناوشه و تخمه

و ي شين طعن الصدر بالخنجر المسموم
“” تمثنى الضلوع العوج لين انتشر سمه

وجودي وجود اللي ربا ضايع ومظيوم
و حلمه على ارض الواقع أنه يشوف أمه

يتيمً حياته كلها غربله وهموم
وباهمال إبيه اصبح تحت رحمة العمه

تراضي ولدها بالهدايا وهو محروم
ولا له عوين اليا بكا الا طرف كمه

على من رحيله هدم هامه وكسر عزوم
ولا بي بعد فرقاه حيل ٍ ولاهمه

وجودي على شوفه ولو ساعة ٍ من يوم
واخلي عيوني ترتوي منه وآضمه

ومادام فقده صار وان القدر مقسوم
انا ليه قلبي يلعن الحظ ويذمه

يا قلبي كبيره منك لا يغتشيك اللوم
لو الناس من حولك ولا هيب مهتمه

وانا لو تعبت ولو جفاني لذيذ النوم
بوقف لميلات الزمن عاصب العمه.